مراجعات أعضاء TG

[Revolver Ocelot]

ثاني مرة العبها، وأول مرة أخلصها:

Metal Gear Solid 2: Sons of Liberty


همممم. رأيي متقلب كثير على هالجزء، أشياء كثيرة ماعجبتني فيه، وأخرى حبيتها كثير! نبدأ بالأشياء الجيدة.
القصة الأساسية وأحداثها المتعلقة بالميتل جير والـPatriots والشخصيات "خاصة أوسلوت" كانت جدًا رهيبه ومثيرة ..
إخراج ممتاز للكت-سينز وماتوقعت أقل من أبو الكجم. المهمات والجيم بلاي بأول 5 ساعات من اللعبة.
بالنسبة للسلبيات. بعد إنتصافك للعبة المهمات تبدأ تصير مملة ومزعجة! حتى الجيم بلاي ماحسيت فيه أفكار تسوى.
حتى قتال بعض الزعماء ماكان فيه أفكار مميزة زي الأول. الحوارات المتعلقة بالقصة كانت ممتازة ( أغلبها).
عكس الأول الحوارات الجانبية كانت مملة لدرجة كبيرة جدًا! خاصة الي تكون بين روز ورايدن، عارف اني مو مضطر أسمعها
بس كان المفروض تكون أفضل من كذا .. بشكل عام، مجس2 لعبة عادية وتجربة قصصية ميتل جيرية رائعة.






7.5




الحين عرفت ليش كنت أحب هالجزء كثير من تجربتي الاولى .. اللعبة فعلًا كانت ثورة على وقتها. بس الآن .. غير القصة الأساسية مافيها شيء فعلًا مميز.

هذا إنصاف !

هذا جل ما أقوله هنا !

تحياتي لك !

 

[Mute City]

^
ماراح أضيف شي على كلام سعود لكن اللعبه على وقتها كانت ثوره وتستاهل 8.5 , 7,5 قرار ظالم

 

[Al Pacino]

على وقتها نواف >.> حاليًا هذا الي تستحقه بنظري. فيه بعض الاشياء يزول بريقها بسرعة بعد كم سنة من صدور اللعبة بالأسواق .. وفيه اشياء تستمر لـ فوق العشر سنوات بنفس المستوى زي ميتل جير الأولى.

 

[Raulioo]

على وقتها نواف >.> حاليًا هذا الي تستحقه بنظري. فيه بعض الاشياء يزول بريقها بسرعة بعد كم سنة من صدور اللعبة بالأسواق .. وفيه اشياء تستمر لـ فوق العشر سنوات بنفس المستوى زي ميتل جير الأولى.

مقطع تصوير ميتل جير راي و العدد المهول اللي بقاعة وحدة ما حرك فيك شعرة وحدة :/ تقييماتك لفالكريا و نيير وسويكودن تخليني اتغاضى عن وضع أقذر الشتائم بردي @@

 

[Veeto]

على وقتها نواف >.> حاليًا هذا الي تستحقه بنظري. فيه بعض الاشياء يزول بريقها بسرعة بعد كم سنة من صدور اللعبة بالأسواق .. وفيه اشياء تستمر لـ فوق العشر سنوات بنفس المستوى زي ميتل جير الأولى.

برافو .. تعجبني وانت واقف بوجه المدفع :laugh::.. موضوع عرض زيرو للحين موجود .. كل اللي تكلم عن العرض وعن تاثيره فيه من نواحي الاخراج والموسيقى والتحليلات وهالامور
هذي هي روعة ميتال .. اذا القصة مو محكمة .. بتفقد جزء كبير من روعتها .. وهذا اللي عانته 2 بشكل كبير .. الباك تراكنج مو مشكلة
ما فيه باك تراكنج مثل سالفة البطايق .. او سالفة السنايبر في ميتال 1 .. الموضوع كله ان القصة في بيج شيل ما تشدك

مرحلة التانكر .. كانت مثالية جدا .. ولو يصير تقيم كل مرحلة بروحها .. اعتقد التانكر بتكون قريبة من الـ 10

 

[Naserano]

مقطع تصوير ميتل جير راي و العدد المهول اللي بقاعة وحدة ما حرك فيك شعرة وحدة :/ تقييماتك لفالكريا و نيير وسويكودن تخليني اتغاضى عن وضع أقذر الشتائم بردي @@

مع كرهي الشديد للجزء الثاني، الجزئية هذي من أفضل ما حصل في تاريخ السلسلة.

الباك تراكنج مو مشكلة
ما فيه باك تراكنج مثل سالفة البطايق .. او سالفة السنايبر في ميتال 1 .. الموضوع كله ان القصة في بيج شيل ما تشدك

بيكون مشكلة لو كان تصميم المراحل متشابه وخالي من أي روح (رايدن تعال من strut A وروح لstrut B).

في مجس1... مجرد -التمشي- في مهبط الهيلوكبتر متعة!

 

[hussien-11]

الموضوع كله ان القصة في بيج شيل ما تشدك

أتوقع المسألة تختلف بشكل كبير من شخص لآخر هنا .. القصة في البيج شيل حتما ما تناسب أي شخص لكن عن نفسي جذبتني جدا "جدا"

لكن لا .. متل جير2 عانت من ناحية الجيمبلاي، البيئة في اللعبة ( البيج شيل تحديدا ) مجرد مكعبات حديدية بلون واحد و ممسوحة من أي تفاصيل .. مملة جدا .. و ما فيها ليفل-ديزاين ممتاز و استثنائي للتسلل مثل الجزء الثالث، و غير انه حماس الجيمبلاي ينطفي تماما مع كثرة الكت-سينز المبالغ فيها بشكل خرافي ( كل باب في البيج شيل، نعم كلللللللل باب تدخله، يطلع لك كت-سين! )

 

[Veeto]

أتوقع المسألة تختلف بشكل كبير من شخص لآخر هنا

و غير انه حماس الجيمبلاي ينطفي تماما مع كثرة الكت-سينز المبالغ فيها بشكل خرافي

طبعا من واحد لثاني تختلف .. عمري ما حسيت ان حماسي يقل لاي كت سينز لميتال
الا في 2 .. لان الشي اللي يخليني متعلق باللعبة مو موجود .. وجود شخصية غير سنيك

كل هالامور عندي انا مترابطة ومتكاملة .. لهالسبب مثلا في التانكر ما حسيت بهالامور

 

[hussien-11]

لا التانكر ابدا ما كان فيه كت-سينز "بكثرة" البيج شيل *_*

 

[Al Pacino]

برافو .. تعجبني وانت واقف بوجه المدفع :laugh::.. موضوع عرض زيرو للحين موجود .. كل اللي تكلم عن العرض وعن تاثيره فيه من نواحي الاخراج والموسيقى والتحليلات وهالامور
هذي هي روعة ميتال .. اذا القصة مو محكمة .. بتفقد جزء كبير من روعتها .. وهذا اللي عانته 2 بشكل كبير .. الباك تراكنج مو مشكلة
ما فيه باك تراكنج مثل سالفة البطايق .. او سالفة السنايبر في ميتال 1 .. الموضوع كله ان القصة في بيج شيل ما تشدك

مرحلة التانكر .. كانت مثالية جدا .. ولو يصير تقيم كل مرحلة بروحها .. اعتقد التانكر بتكون قريبة من الـ 10

بس الإخراج والقصة بـ2 كانت مُحكمة اذا استثنينا الشغلات الجانبية! كانت جدًا مُثيرة وفيها تسويستات رهيبه .. المشكلة زي ماقالوا الشباب، الجيم بلاي المُمل اذا تقدمت (وهنا يدخل قتال الزعماء أيضًا) والليفل ديزاين زاد الطين بلّه!
وكثرة الكت-سينز والمكالمات جعلت تأثيرها أضعف، صعب جدًا أنك تتقن إنتاج كل هذي العروض وكتابه كل هذي المكالمات وتخليها كلها مُثيرة ..


طبعًا التانكر شيء ثاني وأعتقد الداونجريد الي صار بعدها هو الي أجبر بعض الفانز يكرهون هالجزء وشخصيته.

 

[Mute City]

على وقتها نواف >.> حاليًا هذا الي تستحقه بنظري. فيه بعض الاشياء يزول بريقها بسرعة بعد كم سنة من صدور اللعبة بالأسواق .. وفيه اشياء تستمر لـ فوق العشر سنوات بنفس المستوى زي ميتل جير الأولى.

خلاص لاتلعب لعبه بعد 10 سنين وتقولي خياس الظاهر خويك ابو 4.5 أثر فيك

 

[Al Pacino]

خلاص لاتلعب لعبه بعد 10 سنين وتقولي خياس الظاهر خويك ابو 4.5 أثر فيك

لا >.> مجس1 نازلة من 12 سنة ولازالت اللعبة توب! المشاكل بمجس2 ماكانت جرافيكس ولا ذكاء اصطناعي، وقتها فعلًا مايحق لي أعترض، بس المشكلة باللعب نفسه!

 

[Naserano]

سعود شكراً لاختصار وقتي.

 

[Mute City]

^
ما أتناقش مع يوتيوب :tongue:

 

[JIN KAZAMA]

لول ، ماتوقعت انك تعطيها كذا ياسعود !! مسكينه مجس 2 قاعده تتلمطش هنا :laugh::
اي نعم انها اسوء جزء ، اكثر جزء فيه فلسفه ، ولكن النهايه كانت رهيبه (او بالاحرى مابعد النهايه )

نواف ميوت سيتي :
xD

 

[T u R k I]

سعود مش انت قلت ان 2 هو المفضل عندك! بس ماني مستغرب من الانطباع عموماً. الثاني ولو انه اعجبني لكن فيه عيوب واضحه .. أعدت 3 وبيس واكر من الكولكشن لكن 2 ماعندي رغبه اني لعبه ولعبت بدايته فقط

حاس ان انطباعك عن 3 وبيس واكر بيكون ايجابي اكثر "مو مثل خوينا خالف تعرف" خصوصاً انك تحب عروض ميتل جير و 3 > 2 بالقصة والكت سينز

اذا تقدر تدبّر بورتبل اوبس انصحك تلعبها قبل بيس واكر.. واذا ماتقدر شوف الكت سينز في يوتوب لأنها ممتازة وافضل شي في الجزء بكبره

صحيح نسيت أذكر موضوع الساوندتراك! غير المين ثيم الرهيب هالجزء مافيه أي تراك مميز .. عكس الأول تمامًا ..

التانكر أليرت حلو ..

 

[Old Snake]

أنا حاولت أكمل بيس والكر ما قدرت, الجيمبلاي فيها عقيم جداً وناقص.
شكلي بشوف القصة على يوتيوب والسلام.

 

[Punished Noctis]

أنا حاولت أكمل بيس والكر ما قدرت, الجيمبلاي فيها عقيم جداً وناقص.
شكلي بشوف القصة على يوتيوب والسلام.

إيش ضايقك بالجيمبلاي ؟

 

[R E M i X E R]

أنا حاولت أكمل بيس والكر ما قدرت, الجيمبلاي فيها عقيم جداً وناقص.
شكلي بشوف القصة على يوتيوب والسلام.

اش العقيم بالجيم بلاي ..؟؟ أكثر لعبة استمتعت بالتجسس فيها هي بيس واكر !!
يمكن عشان محدودية الأسلحة و الأدوات في المهمة الواحدة ؟؟ ما أشوفها هذيك المشكلة .. بالعكس واقعية رائعة من بيس واكر

 

[Old Snake]

لول كل شيء خالد, كوجيما يستهبل ولا هو أهبل ما أدري.
قاصلك كل شيء في الجيمبلاي الطبيعي لميتل جير قص.
تقدر تنبطح بس ما تقدر تزحف, تقدر تسوي كفر بس ما تقدر تسوي كفر&شوت, تقدر تمسك الجندي بس ما تقدر تتحرك وأنت ماسكة...إلخ
وش التقييد العقيم والأهبل هذا, حاولت وحاولت وحاولت لكني كرهت اللعبة لا إرادياً, اليوتيوب هو الحل الأخير للأسف.

 

[Punished Noctis]

لول كل شيء خالد, كوجيما يستهبل ولا هو أهبل ما أدري.
قاصلك كل شيء في الجيمبلاي الطبيعي لميتل جير قص.
تقدر تنبطح بس ما تقدر تزحف, تقدر تسوي كفر بس ما تقدر تسوي كفر&شوت, تقدر تمسك الجندي بس ما تقدر تتحرك وأنت ماسكة...إلخ
وش التقييد العقيم والأهبل هذا, حاولت وحاولت وحاولت لكني كرهت اللعبة لا إرادياً, اليوتوب هو الحل الأخير للأسف.

لو نقارنها بمجس3 . ماتقدر تتحرك و انت زاحف لكن تقدر تتحرك و انت جالس . ماتقدر تتحرك و انت ماسك الجندي لكن عوض هذا بنظام الـ CQC الممتاز (و في الواقع .. ماتحتاج تتحرك و انت ماسكه اصلا بسبب طبيعة المهمات القصيرة و نظام التجنيد) . و مادري من كان يستعمل الـ Cover & Shoot بمجس اصلا XD و على اي حال جابت لك تصويب محترم بدل مسخرة مجس3

عن نفسي بيس والكر كانت "أدسم" تجربة MGS من ناحية الجيمبلاي .. الليفل ديزاين ممتاز رغم قصر المهمات و ممكن تلعب المرحلة الواحدة بأكثر من طريقة حسب أسلوبك .. عناصر الـ RPG من تجنيد و انقاذ رهائن و مهمات جانبية و تطوير أسلحة و أجهزة كانت ممتعة جدا و إدمانية بالنسبة لي .. لا شك أن اللعبة مختلفة عن التيبيكال MGS كثير لكن أشوفها ممتازة جدا من ناحية الجيمبلاي (على طريقتها) .. صحيح ان كان في سلبيات زي عدم القدرة على الحركة أثناء الـ Cover و أشياء ثانية لكن هذا بسبب أن اللعبة أصلها لعبة محمول و التحكم كان عائق كبير امامهم ... و اللي مضايقنا هذا مش سلبيات بقدر أنها أشياء متعودين عليها من الأجزاء الماضية و مالقيناها هنا .. طريقة الليفل ديزاين ببيس والكر ماراح تخليك تحتاج تتحرك و انت تحزف و لا تتحرك اثناء الكافر و لا تحرك جثة الجندي ..

 

[Al Pacino]

سعود مش انت قلت ان 2 هو المفضل عندك!

الحين عرفت ليش كنت أحب هالجزء كثير من تجربتي الاولى .. اللعبة فعلًا كانت ثورة على وقتها. بس الآن .. غير القصة الأساسية مافيها شيء فعلًا مميز.

تراك التانكر اليرت حليو بس مايوصل مرحلة التميّز ولا الممتاز ..


مجس3 الريدي لاعب ساعات كثير منها بالسابق ومن قبل لا أبدأ الووكثرو الحالي وأنا متأكد انها بتكون تجربة فخمة .. حاليًا مشيت ساعتين فيها ولازالت اللعبة رهيبه كأول تجربة.

وبالنسبة لبورتبل أوبس ماعتقد عندي فرصة ألعبها .. بأشطف على عروضها باليوتوب ..

 

[T u R k I]

^ ادري قاري كلامك يافالح، لكن من باب التأكد اذا انك قلت هالكلام من قبل .. صراحه هالشي يثبت لي اكثر ان بعض اللي يقولون ان الثاني افضل جزء كان سببه هو ثوريته على وقته

تعديل: نسيت ارد على حمدي! يعني انت ماتقدر تلعب بدون ماتزحف او كوفر اند شوت؟ انا ايضاً انزعجت من هالحركات

لكن في المقابل ايجابيات اللعبة تطغى على سلبياتها .. انظر الى الجانب الممتلئ من الكأس (&)

صحيح ان كان في سلبيات زي عدم القدرة على الحركة أثناء الـ Cover و أشياء ثانية لكن هذا بسبب أن اللعبة أصلها لعبة محمول و التحكم كان عائق كبير امامهم

في الواقع .. كوجيما ماهو معذور انه مايحط هالإضافات على الكولكشن

 

[Solay]

بيس والكر حاولت العبها مرة ثانيه ورميتها,المشكلة موب بأشياء زي الزحف وما الزحف,المشكلة بنظام الجنود وتقسيمهم ونظام المهمات السامج وموب لعبه متواصلة,كم يضيع من الوقت بس بين كل مهمه ومهمه..

غير كذا لعبت ضد الزعيم الأول ومن اللي سمعته أن الزعماء كلهم تقريبا من هالنوعية ومعليييش زعيم أبو كلب وقرار غبي جدا..

حسافة هالعيوب لأن القصه شكلها رهيبه والمقاطع سواء كت سينز او نظام الكوميكس كلها رهيبه 🙁

 

[Punished Noctis]

في الواقع .. كوجيما ماهو معذور انه مايحط هالإضافات على الكولكشن​

إسمه كوليكشن مو سابسيستينس ... من متى نشوف كوليكشنز يعدلوا بميكانيكيات لعب النسخة الاصلية ؟ اصلا حسبما اعرف كوجيما بروديكشن ماله دخل بالكوليكشن .

 

[Lord of Cinder]

اول تجربة لي معها كانت على البس3، لعبت مهمة او مهمتين وذهلت من رهابتها، وقفت وقلت لازم اخذ نسخة الاكس، عشان الاتشيفمنت وبرضو عشان الاونلاين، اعدت تجربتها قبل شهر تقريباً، خلصت اللعبة في 24 ساعة تقريباً مع نسبة اكمال 94%.

-عالم اللعبة ممل ومكرر ويغلب عليه الطابع الصحراوي
-ما فيه فرق بين السايد كويست والماين كويست
-السايد كويست ممللللللللللللللللة جداً جداً جداً
-الاسلحة محدودة جدا ً =\
-القصة باردة جداً وما تتحمس معها الا مع الربع الاخير للعبة.
-مهمات القصة اقدر اصفها بالفشل الذريع، لو لعبتها ثم لعبت المهمات الجانبية ما بتحس بفرق، مكررة، باردة.

محتوى مخفي

من بداية اللعبة وازعجنا جون ببيل ويليام، في الاخير مطاردة بسيطة وتقتله وانتهينا =\

- النهاية =\ متوقعة جداً.

+شخصية جون، صحيح ما اندمجت معها لكن كلامه بليغ والسكربت حقه متقن جداً.
+الحوارات بشكل عام في اللعبة اكثر من ممتازة.
+نظام الهيت ري اكشن الافضل في تاريخ الالعاب.

10/6.5

كنت متشائم من ردود الفعل السلبية تجاه الجزء هذا، اخذته وجلس عندي اسبوعين وما كان لي نفس العبها، لكن تعوذت من ابليس وقلت خلني العب مهمة ولا ثنتين، والقى نفسي خلصت 20% من اللعبة !

+خير ختام لقصة اتزيو
+تصميم القسطنطينية خياااااااااااااااااااااااااااااااااااااااااااااااااااااااااااااالي
+نظام مهمات الاساسينز بشكل اعمق وخيارات اكبر!
+مهمات الماستر اساسين ممتعة جداً ومتنوعة.
+تنوع كبير في مهمات القصة وبعض المهمات الجانبية.
+اللعبة اضافت بعد استراتيجي رهيب في بعض المهمات، كسرت الروتين واضافت جو جديد للعبة.
+كان عندي انطباع سلبي عن ميكانيكية التسلق، لكن تغيرت نظرتي بعد ما استخدمت الـhookblade والـZipline وكانت مفيدة جدا.
+الساونتراك بكلمة وحدة....اسطوووووووووري


*نظام اللعب ممكن يشوفه البعض مكرر، وهالشيء راجع للاعب نفسه، شخصياً استمتعت جداً وما حسيت بالتكرار، لذلك اعتبره شيء ايجابي للعبة.

10/10


​

 

[SCREAMING_RAGE]

خصلت :

mass effect 2


بعد 27 ساعه من اللعب............ هذا هو انطباعي النهائي من اللعبه.
أوكيه, استطيع ان اتفهم ليش اللعبه حصلت على تقيمات عاليه جداً من مواقع كثيره.... لأن المهمه الاخيره ((وعلى قصرها)) كانت EPIC بمعنى الكلمة.... بمعنى اخر, قضيت فوق الـ 25 ساعه ماضيه فقط من أجل بناء فريق لا يقهر و كسب ثقة الشخصيات الرئيسيه في اللعبه .... الزبده, اللعبه كلها كانت مجرد build up لما بعد الـ Omega 4 relay.
بصراحة, أنا كنت من الاشخاص المغرمين بالجزء الاول من السلسلة (( بالرغم من أخطائه التقنيه الكثيره و المعيبه )) بسبب الاحداث العميقة و التقلبات الكثيره بين اطراف الجنوس في عالم اللعبه ..... علشان كذا حاسس داونجريد نوعاً ما من ناحية القصة و الـ plot في الجزء الثاني.

أعتقد اني حصلت على نهايه مرضية نوعاً ما (( Grunt مات في المهمه الاخيره بسبب الطوائر الغبيه, Miranda كانت المسؤوله عن الفريق الثاني في الجزء الاخير من المهمه الاخيره, فريقها كان مكون من Jack و Jacob..... ميرندا و جاك ماتوا, لكن جاكوب ما مات معاهم مدري ليش ؟!؟ )) لأنه تبقى عندي في الفريق كل من Garrus و Jacob و Legion و Mordin و Samara و ايضاً Thane.......... يعني في النهايه, ثلاثة فقط من اعضاء فريقي ماتوا........... حزنت جداً على موت Miranda .... و شكلي بأعيد اللعبه بس علشان ما تموت و تكمل معي في الجزء الثالث 🙁 🙁

الجيم بلاي بنوعاً ما كان اكشني زياده عن اللزوم, فكرة البحث عن الذخيره كان مقلق جداً, لكن الشوتنج و التصويب كان افضل بكثيييير من الجزء الاول....... و اللعبه احتوت على كواكب و مناطق مليئه بالحيوية و الشخصيات المثيره للفضول, وهذا الشئ ايجابي جداً اذا ما قارناه بالجزء الاول... لكن فكرة الـ scans للكواكب كان ممل و يجيب النوم (( اصلاً كنت دائماً اعمل scans قبل لا اعمل save و اطفي الكونسل... علشان يجيلي النوم ))............... الجرافيكس و الانيميشين كان على استاندرد بايويير المعتاد, و اصوات الشخصيات كانوا على طراز عالي جداً.

لا تحسبوا ان انبطاعي النهائي سلبي... لا ابداً....بالعكس, ماس ايفيكت ينفع يطلق عليها لقب " أفضل لعبة sci-fi في التاريخ " لأنها تحتوي على قصة و احداث و خيارات عميقة جداً, تخلي اللاعب يحتار و يفكر كثير جداً في الحوارات و القرارات اللي يتخذها... و لا يوجد الكثير من المطوريين اللي قدروا يطبقوا هذه الفكرة بالشكل المطلوب.... لكن BioWare كفت و وفت !

8/10

ان شاء الله بأعيد الجزء هذا, و السلسلة كلها من البداية بعد ما اختم الجزء الثالث بالـsave اللي عندي حالياً في المستقبل القريب.

 

[Ray Gun]

لووول ... انس تعطي افضل لعبة ف الجيل الحالي ٦.٥ و اساسن كريد رفلويشن افشل جزء ف السلسله ١٠
مآادري كيف تفكر بصراحه ..

 

[T u R k I]

انس الستة مقلوبه بالغلط صح؟

 

[Mute City]

لول 6 ؟ مهمات مكرره ؟قصه متوقعه وبارده ؟ الظاهر عكست الي فوق تحت والي تحت فوق