أتصور أن بوكيمون مثل البعبع بهكذا نقاشات، لما ينفتح موضوع الترند بيسد ما يبيع فجأة بوكيمون غير ما تنحسب والحين ما تنحسب عشانها تجمع وحوش، ما بنقاش هذيلا السوالف بأمانة لأنها وإن اختلفت تبقى Turn based JRPG.
ما اختلفت أن بوكيمون مبنية على جمع الوحوش ولا قلت أنها تجدد أكثر من بوكيمون، جانب الاعتراض بيّن أنها تظل لعبة ربج وأنها شعبية أكثر من بوكيمون، التفصيل الماصخ أنها اصلا مبنية على أساس مختلف تقدر تشطب بيه أي لعبة، برسونا فيها جانب تجميع وحوش+جانب اجتماع اووه خلاص ما ينفع نحطها بمقارنة مع فاينل لأنها مختلفة.
أحلى شي دعواك إني قلت السلسلة أسطورة مزعومة وكفى، قلت المعارك مملة وسكتت، مافي أسباب ولا شي، أنت على كيفك حددت أنها أسباب غير "موضوعية" لأنك تشطب الأسباب طالما تساعد سرديتك، بمزاجك حددت أنها بدون معايير -على فاينل تمشي بمعايير مل كل مرة تسوي شي مختلف- هذا الي صدق مضحك غير مبكي، مطنش نقاطي ولا ناوي يناقشها ولا فوقها مصنفها على مزاجه، والمضحك أكثر أنه يطنش أهم نقطة بردي أنك شفت كلامي مهم لدرجة لازم ترد عليه بدون التعرض له مباشرة😂
للأمانة الفكرة واضحة، هو بوكيمون لها جانبين ممكن تاخذها بها
جانب الTurn Based وجانب الJRPG
لما أي احد يشكك في شعبية الترن بيسد، نظام الادوار، نظام طقني واطقك، انه نظام ما يتقبله العامة والمينستريم، هذا ببساطة غلط وتقدر ترميله بوكيمون وخلاص، لو ذكي تقدر تقول انه الشطرنج من اشهر النشاطات بالعالم وهي صلبها الاساسي Turn Based، طبعا شعبية بالدرز جيت 3 مؤخرا برضو تدعم فكرة انه الترن بيسد ابدا مش حاجز للعامة، او مبيعات ياكوزا 7 و8 الممتازة واطلاقهم اللي احسن من اجزاء الاكشن.
بس هذا فقط جانب الTurn Based.
يتبقى جانب الJRPG، التسمية نفسها لا تلزم كون اللعبة نفسها انها تكون ترن بيسد، بالنهاية سلسلة تيلز هي JRPG لكن اكشنية، او فف7 ريميك وريبيرث على سبيل المثال هي العاب JRPG بالنهاية.
في سبب ليش بوكيمون تصير "البعبع" هنا، لأنه ببساطة وبشكل عام ما تتبع العناصر اللي ترتبط بالذهن بألعاب الJRPG، لا كسيتنج ولا تقدم قصة او جيمبلاي لووب اساسي وغيره، بيرسونا اقرب لفاينال فانتازي من اي لعبة بوكيمون، على الرغم من احتواءه على "تجميع وحوش" على سبيل المثال
أكثر رد اتفق معاه ولكن اختلف بشيء فكرة سيكولز الأجزاء الرئيسية من اسوء الافكار اللي حصلت لسكوير انيكس كذلك هوس نومورا بإخراج Epic أو ثلاثية لسا حتى مع نزول الجزء الثالث من الريميك أشوفه قرار غير مجدي وضياع عقد كان من الاجدى أنه يروح على قصة original (طبعا كلامي هذا وانا لاعب X-2 و LR وثلاثية FFVIIR day 1)
الشيء الوحيد الايجابي من الريميك صراحة القيمبلاي واتمنى أن FF مستقبلا تأخذه كنواة ويوقفون فكرة reinventing the wheel كل جزء جديد.
للتوضيح لما اقترح فكرة ثلاثية او ثنائية لا أعني انه تقسم القصة عليها، هذا ببساطة راح يزيد من مشكلة الانتاج وتاخير الاصدارات بين الاجزاء الرئيسية وكأنك يبو زيد ما غزيت
اعمل جزء كامل بقصة متكاملة من البداية للنهاية زي كل اجزاء فف، ولكن لا يمنع تسوي سيكول لها ، فف10-2 كان سيكول لفف10 ولكن بفريق تطوير اصغر بكثير من الاصل، استفاد من اللعبة الاصلية وطور عليها كنظام قتال فمحبين هذا النظام انبسطوا عليه، القصة not really بس وجوده بحد ذاته ما بيقلل من قصة فف10 الاصلية نفسها او كونها تجربة كاملة مكتملة من بدايتها لنهايتها، سهل جدا تتجاهل السيكول هنا، بنفس الوقت تعطي محبين فف10 وعالمه المزيد من المحتوى، و "تصبيرة" لحد الجزء القادم
13-2 نفس الشيء، فريق اصغر من الاصل واعطوه لTriAce كمان ليطوروه، بينما الفرق الرئيسية عند سكوير كانوا منشغلين بتطوير فف15، وجود 13-2 ولايتننج ريترنز ما اعاق تطويرها بشكل حقيقي
