الجسم متل البناء ، لما عندك بناء من خمس طوابق و بدك تهده ، بتبدأ الهد من الطابق الخامس ثم الرابع ثم الثالث إلخ ، ما بتبدأ الهد من الأساسات (هذا اللي بصير بالواقع) ، و الجسم نفس الكلام ، لما بصير فيه زيادة في الدهون بالجسم فهوي بخزنها بحسب الجينات بمناطق مختلفة من الجسم ، في ناس بتلاقيه تخزن عندها بالصدر و شوي بالبطن (مثلي) و في ناس كللللله بالبطن و في ناس بيتوزع عندهم بالجسم فالموضوع متغير من شخص لآخر.
القصد من القول يمكن واحد مثل الأخ M00 دخل يتمرن و مزبط جدول و أكله محسوب و قاعد يخس عالميزان بس صدره ما عم يذوب و السبب الأساسي أنو جسمه قاعد يسحب من شحوم البطن الآن و لسا ما وصل لمرحلة أنو يبدأ يسحب من شحوم الصدر (لساته بيهدم بالطابق الخامس مثل مثال المبنى) و الجسم دائما بيبدأ بالدهون المكتسبة حديثا و بعدها بيتحرك للأقدم فالأقدم::

::
اللي
جدي في التخسيس فأفضل طريقة من تجربتي الشخصية :
-جدول حديد متوازن يدرب جميع أعضاء الجسم (بما فيها القدمين)
-بعد الحديد 20 -30 دقيقة كارديو
-جدول غذائي محسوب السعرات الحرارية ، أعلى من نقطة التوازن للي بده يبني و أقل من نقطة التوازن للي بده يخسس
طيب واحد بده يحرق شحوم الصدر ، خليه ينزل كل يوم bench press ؟
لأ طبعا لأنه الجسم مثل ما أسلفت لما بيحرق الشحوم بيمشي بمبدأ الأحدث فالأقدم و طالما في رياضة (تمرين رجلين مثلا) فهو مضطر يستخدم مخازن الشحوم اللي عنده و لو كان الدور عشحوم الصدر فرح يسحبها من الصدر.
طيب واحد عنده كرش ، لازم كل يوم يطق 100 تمرين معدة crunches و leg raisers ؟
لأ بكفي يوم واحد بالاسبوع لهذي العضلات و مثل ما أسلفت الجسم بيبدأ بالشحوم الحديثة فالقديمة و
ما في شي اسمه الحرق الموضعي و الغريب أني شفت كتير مدربين هون (من ضمنهم اللي بديت معه ) ما بيعرفوا هالكلام !
طيب أنا بدي أحرق ليش لازم سوي حديد ؟ بدي روح أسبح و خلاص، بينفع ؟
بينفع بينفع كله بينفع بس السباحة أنا بعتبرها كارديو و الكارديو بساعدك تحرق أثناء فترة التمرين بالنادي ، أما الحديد فبيضغط الجسم و بيرفع عندك معدلات الحرق و بتصير تلاقي حالك تعرق و أنت بالبيت من دون سبب! (لأنو جسمك شغال يحرق حتى و أنت قاعد برا التمرين) ، فاستعمال تمارين الاوزان مع الكارديو هو أفضل حل ، طبعا بتقدر تستخدم الكارديو بس من سباحة و آلات مشي و غيره بس أسرع النتايج بتجي مع الحديد و الكارديو مع بعض.
طيب كام معدل الحرق اللس ممكن أتوقعه ؟
إذا أنت تحت 16% دهون فبتقدر تحرق كيلو شحم صافي بالاسبوع (كيلو واحد)
إذا أنت فوق 16% (دهون كثيرة و عندك كرش عملاق) بتقدر ممكن توصل أكثر من هيك و السبب أنو مع الشحوم بتتخزن مي و عضلات ثانوية الجسم مو محتاجها بس هية موجودة لتمسك الشحوم و لما بتخسس رح تلاقي اللي بتخسه ماي و دهن و عضل ، ممكن توصل 2 كيلو بالأسبوع من تجربتي.
إن شاء الله يكون هالرد كافي وافي للمستفسرين