hits counter

The Office -- official thread

قبل امس ارامكس جاب لي ال3 سيزنات الأولى. انا شايف الأول ونصف الثاني فقط، امس شفت الحلقة الأولى من السيزن الثاني وما قدرت اكمل اكثر بسبب الإختبارات. اليوم آخر إختبار اليم عندي وبعدها بقدر اكمله.

دايما الأشياء الحلوة بترو جيمنج تكون اندر هايبد والعكس صحيح ـ_ـ
 
ههههههههههه الحلقة الخامسه رهييييييييييييييبه ..

خلاص الحلقات الي مدتها ساعة انتهت .. الحلقه هذي 35 دقيقه تقريباَ او 40 تقريباََ

هههههههههههههه على دوايت لمن قالها اندي ان انجيلا قالت D .... تحس الامل كله رجع له.
مسكين دوايت .. تحسه في حالة محبطة بقوه .. ودي العب سيكند لايف واشوفه.

دعاية مايكل الحقيقية احسن من الي سووها الشركة مليون مره .. هههههههههههههه رهيب مايكل ..
 
ههههههههههه

دعاية مايكل جبااااااااااااااااااااااااااااااااااااااره .. الرجال ذا عبقري بس حقه مهضوم بقوه ..

دوايت كالعاده رهيب ..
 
loool I just finished The Valentine's Day episode, raheeeeeeeeeba, Michael is so dogdamn stupid, he's the wierdest person in the world. and Dwight > ALL, especially when he's naughty lool

vlcsnap-5116291.png


this is the best show ever directed :cryy:
 
I finished Season 2 yesterday (or the day before?), and I just finished watching the first episode of Season 3

you don't call retarded people retards omglol this is the best quote evar. I so miss Jim in this episode, and Dwight is the star of the show!! when he hopped up to kiss Oscar + when Jim sent him that tool and he discovered that he's 'infected' too, lol those two moments were awesome
 
ما اقول الا يا حظك اول مره تشوف الحلقات هذي ...
 
متى يخلص السيزن الرابع 🙁 ؟

حلاوة ذا اوفيس يخلص السيزن وتنزله وتشوفه مره وحده :yuck: انواع الادمان
​
 
اوه لسه .. انصحك تنزل الموجود.

لان اول اربع حلقات = اربع ساعات ... والحين احنا بالحلقه الخامسه .. يعني بتشوف كميه كبيره.

قسم مشاهدتك .. مثلا تفرجع على كل خمس حلقات مع بعض.
 
ما امزح .. حلقة امس كانت في
التوب 5 عندي ... شي غييييييييييير طبيعي ابدا بدا.
 
Yesterday I finished episode 11 (
The Christmas party, the competition between Angela and Pam
).i

I don't know why I feel it's like I'm watching another show 🙁 maybe because
Jim was gone for a long time, and when he got back the connection between him and Pam was kinda on the line, or shallow. it saddens me

I'll continue now
 
ايه عشان كذا اكيد .. كان مختلف كثير.
 
خلصت السيزن الثالث من مدة واليوم وصلت للحلقة الرابعة من السيزن الرابع، توني خلصتها. واو عالأحداث،
نهاية السيزن الثالث رهيبة حيل، حبيتها مثل نهاية السيزن الثاني بالضبببببببط.... فعلا واو @ بام وجيم. روعة
.

كم حلقة وصل السيزن الرابع؟ مقهور إني بخلصه قريب ._.
 
لوووول اصلا الي "يعجبه المسلسل" مستحيل ما يعجل ويخلصهم كلهم. ادمان. انا يومياَ اتفرج حلقتين او ثلاث بشكل Randomـي ... حاطهم كلهم في جهاز ميديا بلاير مشبوك بالتلفزيون واتفرج قبل ما انام/اتغدى/اتعشى الخ.

قبل امس كانت الحلقة السابعه. سيزن 4 الى الآن مسكت. مره قوي. اقوى من بداية الثالث بكثير.
في حلقة الاسبوع القادم. وبعدها بيتوقف لمده لا يعلم بها الى الله. بسبب حملة الكتاب (موضوع نايف في القسم العام)

يمكن بيتوقف لاسبوعين-ثلاث ... قهر ياخي.

لول انا اتفرج الحلقات كلها HD 1080i اول ما تعرض. لكن مستحيل اخليها على هارد ديسك الرسيفر لانه ياخذ وقت. لذلك انزلهم HD 720p .. الوضوح مره عالي. ما يوصل للي يبث طبعا لكنه احسن مليون مره من الavi الموجود. بما انك بتبدا بالسيزن 4 انصحك تلحق عليهم قبل ما السيدز يموتون.
 
وين ألقى الحلقات الHD؟ (أو: القاهم بإسم "HD" يعني؟)

المسلسل رهيب حيل وبالراحة من افضل المسلسلات اللي تابعتها. احلى شي إنك تضحك طول الوقت بس وقت الدراما يضيق خلقك حيل (
احيانا Jim نظراته تكسر الخاطر. مثل الحلقة الرابعة يوم راح يكلم دوايت عنه هو وPam، لما وخر عن دوايت ورجع لمكتبه نظرته تكسر الخاطر حيل
)

بعد شوي بختار حلقات واسوي لها convert وأحطها بالآيبود حق الجامعة. وأخيرا بلقى شي اشوفه غير توي ستوري. عندي إمتحان بكرة وأعتقد بلقى شي يسليني لما أطلع وانا متضايق من تقديم الإختبار لول..
 
بامانه. الي يشوف The Office مره وحده (يعني من الحلقة الاولى للاخيره بس) وما يحلل الحلقات ويشوفها اكثر من مرتين ما اعتبره fan او معجب بالمسلسل. لان الي يميز المسلسل هو طريقة كتابة الحلقات والنكت. مو من اول مره تلقطها (بالاخص نكت مايكل) مرات تشوفه يهرج قدام الكاميره وانت مو فاهم شي. شي طبيعي اول مره .. لكن لمن تشوفه المره الثانيه ... تفقع ضحك.

مايكل لازم تفهم شخصيته 100% .. مو 99% كمان. عشان تفهم نكته وتفهم الي يسويه. لذلك انصك ترجع تشوف المسلسل من جديد اذا كنت حاب.

ادخل الماسنجر.
 
قاعد اعيد حلقات المسلسل كل يوم، كل وقت أحس نفسي فيه فاضي أشوف حلقة (اعيد السيزن الثالث حاليا). كثير شغلات اول مرة ألمحها، مبسوط من هذا الشي.


شفت الحلقة الجديدة،
من أحزن حلقات المسلسل صراحة. مايكل كسر خاطري بقوة، مع إني دايم أحس إنه روبوت ما عنده مشاعر لكن هالمرة كسر خاطري حيل، يوم سمع كلام Jane وسمع كلام الشركة حسيت الدنيا وقفت عنده. لكن حقدت عليه يوم رمى أكل Toby من الطاولة وبنفس الوقت الحركة كانت رهيبة ههههههههه، لاحظ كيف رماها ببرود وقام من الكرسي. والله فنان مايكل، أحترمه زيادة فكل حلقة وحبيته أكثر من هالحلقة. بطل)
.
 
للاسف هذي اخر حلقة بسبب اضراب الكتاب.

الحلقة حقت امس مرررره جيدة ... مختلفة كثير عن الحلقات العادية. فيها دراما بزياده + كوميديه بشكل .. والله فقعت ضحك على That what she said ... حجزو لمايكل تحجير فيها.

مايكل عبيط بقوه .. صحيح جان كتبت عنه تقرير سئ بس الشركة ودها تكرشه .. ديفد واليس شخصيته تعجبني.

توبي كالعاده ... مسكين وكل ما تحزن عليه زياده تلاقي مايكل عطاه على راسه زياده لووول.

احلى شي النهاية .. صحيح انها fake لكن موز فنااااااااااااااااااااان ههههههههه كل واحد فيهم لابس الخوذه .. محترفين.
 
خالد سبويلر تاج p:


توني شفت حلقة الحريق اللي بالأوفيس. هههههههههه دوايت، والله شخصية اسطورية، التعليقات اللي يرميها رهييييييييبة. هذي شوية منها..

Dwight: I dont have much experience with vampires. I have hunted werewolves. I shot one once, but by the time I got to it, it had turned back into my neighbors dog.

----

Dwight: And how big do you want this robot?
Michael: Lifesize.
Dwight: Mmm, no. Better make it two-thirds. Easier to stop if it turns on us.

----

Dwight: Diwali is a celebration of the coronation of the God-king Rama, after his epic battle with Ravina, the demon-king of Lanka. It symbolizes the battle between good and evil.
Michael: All right, all right. This isn't Lord of the Rings.



والله رهيب دوايت، يحتاج مسلسل لحاله.
 
خالد و محمد بس اللي يردون قالب الموضوع مسنجر لول
.......

خلصت الموسم الثاني.. اشوف كل يوم قبل لا أنام 2-3 حلقات.. خلصته تقريبا في أسبوع

مسلسل رهيب.. من النوع الرايق مرة.. كل ما أشوفه أحس إني مستمتع بدون ما أضحك بصوت عالي مثل مسلسلات ثانية

أمس من جد كنت مقهور باقي لي حلقتين بس و حسيت إني متحسف بقوة.. مفروض أشوف نص حلقة كل يوم :embarrassed:

وحدة من أحسن الأفكار اللي شفتها في مسلسل غربي.. أكيد بروح أنزل الموسم الثالث و الرابع
 
والله كنت مفكر ارفع الموضوع اليوم عشان استفسر عن الحلقة الجديدة، متى ناويين يعرضونها؟ اعتقد إضراب النقابة إنتهى والمفروض يرجعون 🙁 والله ملييييييت من كثر ما اشوف حلقات قديمة، كل يوم اشوف 4 حلقات تقريبا وخلصت السيزن الثالث مرتين، حفظت كل شي فالمسلسل ـ_ـ


خخخخخخ شخصيتي المفضلة الحالية هي:


office_kevin1.jpg



عنييييييييييييييف، أحلى شي لما يضحك ضحكته الأسطورية (بصوت خافت). بحاول أسويها GIF لوول، والله رهيب. بالمرتبة الثانية Creed طبعا! أهبل مخلوق من بعد دوايت 😀
 
انتهى؟؟ لووول آخر الاخبار تقول انه صار "ازفت" للاسف .. شكله مافي حلقه جديده الا بعد شهرين ..

كيفن جيد ... ما اقدر اقول زياده عن كذا ...

انت وصلك ديفيدي سيزن 3 ؟؟ في البونس فيتشرز في عشر دقائق كيفن يعلم الطبخ ... رهيبه (وشوف حقت توبي ... يقول انه وده يعطي مايكل كف .. يسئل كيلي عن كيف يكون شعوره اذا عطى مايكل كف) لووول مسكين ..

محمد ... لول اخيرا شفته .. لا تزعل باقي لك وقت طويييل .. سيزن 3 كامل واول اربع حلقات من سيزن 4 (الي هي كل وحدة ساعة كامله .. يعني اربع ساعات) وزيد عليهم اربع حلقات عادية. لسه انت بالسليم خخخ.

صدقني .. المتعة في The Office مو من المشاهده الاولى .. بل الثانية او الثالثة (كولو وعمر اكيد يوافقوني بالكلام .. قلته لهم زمان) وهذا الي صارلي بامانه .. في البداية ما كنت اضحك بصوت عالي ... بس المره ثانيه صرت اطلع نكت "مخبيه" تحت السكريبت ...

لووول ودي اكتب لكم FACTS عن The office بتخليكم تحبونه اكثر ... بكتبه بكره عموما اذا كنت رايق.

دارك لينك ... صراحه ... ما شفت حلقات كفاية من البريطاني .. مع انه الاصلي ... لكن عمق شخصياته وتمثيلهم من الي شفته ما يوصل مستوى الامريكي .. حتى اشكالهم ما تهئ ... الي عجبه السيزن الاول من الامريكي انصحه يشوف البريطاني لانه تقريباَ نفس الشي وهو المايل (للواقع) والي هي قصة حقيقية اصلا (الشخصيات .. دوايت .. مايكل .. جيم . بام) ... لكن لوول الكاست حق المسلسل الامريكي ودعوا بعض بعد ما خلصوا تصور الحلقات الست حقت الموسم الاول .. لان تقريباَ كان بيفشل .. النكت مو للامريكان ابدا (ما عدى حلقة او حلقتين) بس مشي شوي .. لكن في السيزن الثاني غيروا اشياء كثيرة جداَ خلوا المشاهد الامريكي يتقبله اكثر .. والتغيرات هذي هي الي خلته ينجح النجاح هذا.

البريطاني للبريطانين .... الامريكي للامريكين ....
نكت البريطانين تختلف عن نكت الامريكين

خالد يفضل نكت الامريكين ...
 
التعديل الأخير:
أي اخبار عن مصير الأسطورة ؟؟
 
لول RYAN

مع اني ما فهمت كثير من الأسئلة
 
JIM AND JAN

لول طلعت خليط بين الاثنين ولو اني مثل محمد مافهمت بعض الاسئله
 
يجب تسجيل الدخول أو التسجيل كي تتمكن من الرد هنا.
عودة
أعلى