Khalid-S
Executive Member
شفت الشي الي تشوفه وما تمل؟ تعيده تعيده تعيده وما تمل منه؟ بالنسبة لي، الـ 20 سنة الي عشت فيها على هذا الكوكب ما قد مريت في هذي المرحلة. الا مع ذا اوفيس. مسلسل NBC سيتكوم (كوميدي) مدة الحلقة ما تتجاوز عن 40 دقيقة بالكثير. بدات اشوفه من شهر 10 تقريباَ السنة الي فاتت. والى الآن ما وفقت اعادته، ما امزح .. الى الآن !!! كل يوم اتفرج .. انت من النوع الي ما ياكل فرينش فرايز الا مع الكتشب ؟ انا مريت بنفس الحالة .. لكن الاكل مع ذا اوفيس.مسلسل ما يعجب اي احد .. كثير كثير نصحتهم يشوفونه لكن رجعو بدون ما تطرئ الابتسامة على وجههم .. والسبب هو نوع الكوميديا الي فيه. غيرهم كثير ايضاَ. يقولون انهم صارو مدمنين عليه اكثر مني
!! ههههههههههه يا ساتر .. عدوة ذا اوفيس بدأت تنتقل !!السر مو بس في الكوميديا الي فيه .. السر في الشخصيات .. شخصيات تحبها من قلب .. كل شخصية لها روح مختلفة في هذا المكتب، كل واحد يختلف عن الثاني ويتميز عن الثاني.القصة بشكل عام عن فرع شركة Dunder Mifflin الي هي شركة توزيع ورق في مدينة سكرانتن بالولايات المتحدة الامريكية طبعا Michael Scottَ .. الي هو الممثل Steve Carell (The 40-Year-Old Virgin, Little Miss Sunshine) مدير هذا الفرع، مدير اتمنى يكون عندي مدير مثله. مخرب الدعوى كله .. اكبر همه انه يكون كوميدي. يخلي الناس يحبونه ويضحكون على نكته الي محد يضحك عليها، ما يهمه الشغل ابدا. يموت في شي اسمه المظاهر. يدعي ان عنده “Girl Friends” وهو ما عنده سالفه.بالتالي
.. ايش تتوقع طبيعة الموظفين عنده؟؟ هههههههه ما عندهم وقت يشتغلون، المكتب كله خرابه في خرابه. طفشانين من نكت مايكل الغبيه.هذي القصة بشكل عام .. طبعا المسلسل Sitcom .. كل حلقة مالها دخل بالي قبلها. اخذ عدة جوائز اهمها اربع جوائز من Emmy Awards و Golden Globes.
انصحكم تشوفونه .. المسلسل الى الآن انتهى على ثلاث مواسم. الاول ديفيدي واحد فقط 6 حلقات، الثاني والثالث تقريباَ 24 حلقة. الرابع بيبدا بعد كم شهر.اذا عجبك .. عيده مليون مره واضحك على غباء مايكل في كلامه الغبي الي ما اعتقد انك تلقطه من المره الاولى، اذا ما عجبك انصحك تعطيه فرصه .. وابدا لا تحكم على المسلسل من الموسم الاول لان حلقاته كلها Copy-Paste من سيناريو المسلسل البريطاني الاصلي
____________________________________________________________
هذا الكلام كله كوبي-بيست من مدونتي ... الموسم الرابع بدا اليوم .. الحلقة الاولى انعرضت واول اربع حلقات بتكون ساااااااعة كاملة!!
اسم حلقة اليوم Fun Run.
نزلت الموضوع الرسمي لان على الاقل في 5 تقريباَ يشاهدونه ...
