ممكن أخالفك بهالجملة لأني على سبيل المثال إستمتعت بقصة دراغون كويست5 أكثر من كل ألعاب الآر بي جي اللي لعبتها، مع كم إستثناء.
الفرق الجوهري بين دراجون كويست وبقية ألعاب الآر بي جي بالقصة إنها ما تحتوي على ما أسميه بالدراما الخليجية. كل شي subtle وانت اللي تعيش الأحداث، انت بنفسك، ما أقصد الشخصية، لكن انت اللي تحط gauge لكل حدث وتفكر فيه بصمت. الجملة السابقة ممكن تكون واضحة في دراجون كويست5 أكثر، لأن شخصيتك تمر عليها أحداث مهولة لكن مافي الـexpression اللي ممكن انت تتوقعه؛ كل شي مرمي على اللاعب نفسه انه يتعامل مع مواقف وتويستات اللعبة. بالنسبة لي أفضل بصراحة، لأنه طالما كنت أنزعج من المبالغة في وصف كل شي فالألعاب الثانية. يحسسونك إنه كل شي يصير مصيبة. أحب الرتم الهادي والمخفي في دي كيو.
مافي شك إنه فيه ناس تفضّل العكس تماماً، لكن أنصح اللي يلعب دراجون كويست يخلي في باله هالجملة: It's the journey, not the destination.
لا تنتظر تويست أو حدث خيالي بيغير لك كيانك باللعبة. إستمتع بكل شي تمر فيه، لأنك ما بتشوف مثله فمكان ثاني، ولا بنفس متعته وبساطته ورهابته.
باخذها باجر.
وبليز لحد يقول دراجون كويست صعبة! ما أعرف من وين وشلون إنتشرت هالفكرة. لعبة يهال قدام Etrian Odyssey و The Dark Spire. دراجون كويست تحتاج واحد يلعبها، مو واحد تلعب فيه اللعبة، لا أكثر.
