مراجعات أعضاء TG

[I-NERO-I]

^
سيجما مجرد نكته قدام 2 و 2 نكته مقابل 1

وانا اتفق معاك وبشدة وشكلها 3 راح تكون نكتة قدام 1-2 🙁 (من الي شفته الى الان ) .

 

[JIN KAZAMA]

10
​

بكلمتين فقط : لعبه عظيمه !!


بعض الاشياء الصغيره اللي اريد مشاركتها معاكم 🙂 :

مميزات :
+الجيم بلاي تطور للغايه , التصويب اصبح متقن اكثر من السابق واسهل , اساليب التجسس صارت احسن بكثير , اللعبه صار فيها تنوع اكثر ككل
+تقنيا لعبه ممتازه - كلعبه صدرت في منتصف 2008- ومليئه بالتفاصيل
+قصه خارقه وفي اشياء كثيره وضحت لك كل شي كنت تجهله في اللعبه , قصه مؤثره تجعل الدموع تنهمر بغزاره من عيونك , قصه ظريفه تجعلك تبتسم في اغلب الاحيان
+اخراج عروض يعد الافضل في تاريخ السلسله ! العروض هنا طويله -كت سينز - جدا بس ممتعه للغايه
+طريقه رائعه باظهار بعض لحظات اللعب كعروض (ماتعرف انت قاعد تشوف عرض ولا تلعب !! )
+الحان تعد الافضل في السلسله -Harry Gregson-Williams عمل شغل جبار في هذا الجزء !- غير التمثيل الصوتي الافضل في تاريخ الالعاب !!
+بعض اللمسات الطريفه هنا وهناك تجعل استمتاعتك باللعبه يتضاعف اكثر واكثر !! ( اكتشفوها بانفسكم )
+لا تخاف اذا انت مش متذكر الاجزاء السابقه بشكل ممتاز لانه في خاصيه فلاش باك ولكن بشكل مبسط
+ الشخصيات هنا كلها رهيبه وخالده في الذاكره !! ( رايدن حبيته !!)
+فيها مفاجاءت راح تخلي الذبحه الصدريه تجيكم !!
+دريبن 893 اضاف كثير للعبه !! الان اللعبه صارت امتع بكثير !
+خاصيه تغير الزي حق سنيك رهيبه



السلبيات ( اللي ماتاثر على تجربة اللعبه الاسطوريه بس تضر فيها و ضروري اقولها ) :
-اللعبه العروض فيها اطول من الجيمبلاي نفسه

محتوى مخفي: بخ

عشر ساعات عروض وخمسه ساعات تلعب فيها بس !!

-مستوى النورمال تافه للغايه ( انصحكم ثم انصحكم ثم انصحكم ابدؤا على الهارد )
-اسلوب اللعب لم يتم استغلاله بالشكل الكافي ( بسبب السلبيه الاولى )
-التفاوت في مستوى الاكتات ( سلبية عامر )
-زعماء لمزبلة التاريخ !!! ( ماتصدق انك تلعب مجس !!! مع هؤلاء الزعماء )



بس النتيجه النهائيه والاجماليه والاخيره انك راح تخرج بتجربه لن تنساها مدى الحياه , تجربه سينمائيه متكامله للغايه - والكمال لله طبعا - وممتعه , لعبه راح تؤثر فيك وراح تستمتع
في كل جزء من الثانيه اثناء لعبها !! فشكرا كوجيما سان وشكرا كوجيما برودكشن كما اشكر كونامي على تذكريهم لي بان المطور الياباني لسه بخير وقادر يصنع لعبه متكامله ( والكمال لله
طبعا )

 

[Rookie]

^

السلبيات اللي قلتها تتناقض بشكل كبير وواضح مع التقييم

بخصوص عدد ساعات اللعب، اسمع هذي مني:

مجس 4 أول لعبة مجس ألعبها، حطيتها على السوليد نورمل، خلصت الأكت الأول في 6 ساعات و37 دقيقة بالضبط، تقريبًا أنا نوب أو ألعاب التجسس مو لي ..

 

[JIN KAZAMA]

^
اولا انا قيمت اللعبه على حسب استمتاعي فيها ( واستمتاعي فيها كان بيرفكت ) عشان كذا عطيتها تقييم كامل 🙂

ثانيا من ناحية السهوله , روح العب اي جزء ميتل جيل بمستوى متوسط وشوف التحدي على اصوله , يارجل تصدق اني مش ذاكر كيف شكل
شاشة النهايه (جيم اوفر ) !! , ومن ناحية الوقت اللي خلصت فيه الاكت انا خلصته يمكن في ساعتين او ثلاث ساعات ( طبعا 60% منها كت سينز !! )
سنيك صاير رامبو في المستوى النورمال ( على قولة نواف ميوت سيتي ) , في الاجزاء السابقه صعب جدا جدا جدا انك تعدي اللعبه مستخدم القوه لحالها
بل كان عنصر التجسس هو الاساس في اللعبه عشان تعدي اللعبه بدون مشاكل !! اما هنا اقدر اقتل الاعداء بكل سهوله غير البدله الرهيبه اللي سهلت اللعبه
كثير ( كانها ناقصه )

الخلاصه انا قيمت اللعبه على حسب استمتاعي فيها , ولو ركزت على السلبيات لما استمتعت في اللعبه نهائيا , ولكن انا كاكاتب مراجعه بسيطه حبيت اوضح
بعض النقاط اللي تضايقت منها بشكل بسيط , بس العناصر الايجابيه في اللعبه جعلتني اتناسى سلبياتها تماما 🙂 ( صدقني لو قيمتها كناقد لموقع ماعطيتها 10 من 10)

 

[Five]

بما اني Comic-Nerd وعاشق لباتمان ففكرت "عيب علي اني ماألعب اركام اسايلم" , اللعبة بكل بساطة احسن لعبة سوبرهيرو لعبتها في حياتي اللعبة تجمع مابين التحقيق والقتال والتجسس وحل الألغاز بشكل ممتع جداً , للأمانة توقعت عمل Cheap بالنسبة للعبة باتمان بس اللعبة طلعت مو زي الي توقعته تستحق الـGOTY حقها من ناحية القصة توقعت شيء متوسط وعادي بس اللعبة فيها تويستات اليمة والأحداث فيها جداً ممتازة , بالنسبة لي الديتيكتف مود كان المفروض يستخدم فقط للتسلل ومعرفة حالة الأعداء ومو في مسرح الجريمة .

+ نظام قتال ممتاز جداً .
+ ادوات متنوعة لباتمان و Upgrades .
+ اتموسفير ورسوم ممتازة .

- الديتيكتف مود مفتوح للأستخدام في اي وقت .
- AI ضعيف بعض الشيء .


حتى لو انهيت اللعبة .. فيه اشياء تجبرك انك تعيدها مثل تجربة اللعبة على الـHard او حل الغاز ريدلر او انهاء التحديات .
9.5

لازم تنلعب لااااااااااااازم !
​

 

[Good Hunter]

Resident Evil Zero . WII

خلصتها تقريباً في 12 ساعة , من أسهل اجزاء السلسلة والالغاز فيه كانت واضحة وسهلة جداً , أهم نقطة في اللعبة بالنسبة لي هي البيئات , في الحقيقة شعرت بالتكرار نوعاً ما من هذه الناحية , اللعبة تاخذ الكثير من ريزدنت ايفل الاولى فالقصر شبيه نوعا ما بذلك القصر الموجود في الجزء الاول لكنه لا يصل ابداً لدرجة التشعب الموجودة فيه , سعدت جداً بعودة بعض المناطق من ريزدنت ايفل 2 .

نقطة لاحظتها في اللعبة , الخلفيات الثابتة في بداية اللعبة تبدو متفاعلة مثل المطر في البداية وتحرك الستائر وجريان الماء شي مذهل ومازالت تبدو جميلة جداً مقارنة بمعايير اليوم , لكن في مناطق متقدمة في اللعبة جودة تفاعل الخلفيات تبدأ تقل تدريجياً فتصبح لوحة شبه صماء

الصوتيات ! موسيقى غرفة الحفظ , لا اعلم لكن اضعها في المركز الأول الى جانب موسيقى غرفة الحفظ للجزء الرابع التي لا تزال عالقة في ذهني الى الآن , الالحان في اللعبة لا تقل روعة عن ذلك , خصوصاً تلك الالحان التي ترافقك وانت تتجول في ردفات وممرات القصر , التمثيل الصوتي بصراحةً ,, " سيء " .. التثميل الصوتي في السلسلة ككل لك عليه .

اعجبتني كمية الاعداء والوحوش الموجودين في اللعبة , الهنترز والليكرز والتايرنت والايفل مانكيز والليتش زومبيز والخفافيش .. الخ , شي رهيب حقيقة ويخليك تسوي backtracking اليم حتى تجمع ادوات لأنك ما تدري يمكن وش ممكن يقابلك قدام .

أعجبتني نقطة التيم ورك في اللعبة وطريقة نقل الادوات عن طريق مصعد وحل الالغاز بالتعاون ما بين ريبيكا وبيلي , ولو ان بيلي اغلب الاوقات يكون معك لكن روح الفريق في حل الالغاز شي جيد . نظام التعاون في اللعبة تم تقديمه بصورة جيدة جداً صراحة . يلا يا كابكوم اصدورها على اجهزة ال HD مع طور كو -اب


القصة في اللعبة همممم ! كنت متوقع شي اقوى بحكم انها بريكول واحداثه قبل الاول , قصة خالية تماماً من الاحداث والحوارات واللمحات الدرامية . قصة ضعيفة جداً صراحة وتحاكي قصة الجزء الاول بشكل كبير وما حدث لجيل وكريس هناك فضلا عن كونها بريوكول المفترض منه يعرفك على جذور القصة ويفك الغموض ويجيب الاسئلة التي تتعلق بقصة السلسلة وبدايتها بشكل أكبر .



في النهاية لا اعلم اين اضع هذا الجزء في الترتيب حسب الافضلية بالنسبة لي , لكنه بكل تأكيد قدم لي تجربة لا تقل روعة عن كل اجزاء السلسلة .

وما ادري بصراحة احس هذا الجزء اكثر جزء منسي من السلسلة , المفروض ينزل مع حزمة ال hd تبع فرونيكا اكس و 4

التقييم 8,5 / 10

 

[zlatanovic]

مجموعة من الالعاب اللي خلصتها من فترة :

999
ثاني افضل لعبه لعبتها على المحمول بعد فينيكس رايت . عشت معها ايام جميله .. وطلعت فيها جميع النهايات الممكنه . لدرجة عشقي لها كنت افكر في النهاية و احاول استنتجها وانا ما العبها .
الغاز + قصه من عالم آخر تماما .. شخصيات رهيبه ومميزة . الحان مجنونه تخليك من جد مرتبك .
10\10 بالنسبة لـ لعبة محمول.

ghost trick
لعبه رائعه صراحه .. افكارها جديدة والجيمبلاي مختلف عن اي شي لعبته قبل . الحانها رهيبه وفيها حس كوميدي ممتاز . يعيبها الملل وبعض التكرار المقبول, لكن مستحيل تنهيها في جلسه وحدهـ . والحماس في القصه ما يبدأ الا في نص اللعبه . تجربة رائعه انصح اي شخص يجربها .
8.5\10

Batman: AA
مدري وين كانت هاللعبه مختفيه عني طول هالسنين . لعبه رائعه جدا وافضل لعبه سوبر هيرو على الاطلاق . خلاني العبها حماس الاعضاء للجزء الثاني , والحمدلله اني جربتها .
قتال رهيب , الغاز مذهله وهي احسن جزئية باللعبه , زعماء خرافيين بأفكار حلوهـ و مبتكرهـ , اجواء والحان باتمانية خالصه , تحديات رهيبه وتخليك تلعبها بعد ما تخلص اللعبه .
يعيبها شي واحد بالنسبة لي [ عادة لما باتمان يتكلم مع شخص , يتلفت الشخص هذا عشان يسوي شي , ولما يلتفت مرهـ ثانية عشان يكلم باتمان يلقاهـ مختفي .. للاسف هذا ماصار باللعبه =( ] . لول
اللعبه فيها عيب بس ماعرفت وشو .. هـممم .. اللي هو .
9\10

 

[Wild Fox]

Uncharted 2

الإيجابيات
+ الرسوم .. ما يحتاج احد يتكلم عنها .. اقوى جرافيكس في الجيل الحالي
+الحوارات ممتازه و فيها طابع كوميدي في اوقات مناسبه
+الذكاء الاصطناعي .. تم الاهتمام به و فرق عن الجزء الاول كثير و تحسن بشكل ملحوظ
+تواتر الاحداث و طريقه عرض القصه ممتازه و ما تحسسك بالملل ابدا على عكس الجزء الاول
+الأسلحه متعدده و متنوعه و كل سلاح تعرف وين تستخدمه
سلبيات
-قصه سطحيه و بالنسبه لي كانت عبيطه
-قصر اللعبه 🙁
- الالغاز سهله للغايه اذا كنا بنسميها الغاز اصلا و الجزء الاول كان متفوق من هذي الناحيه

بشكل عام اللعبه ممتازه و خلتني اصفق مع نهايه اللعبه اختراما لنوتي دوغ
في انتظار الجزء الثالث
تقييمي 8.5

 

[Revolver]

مجموعة من الالعاب اللي خلصتها من فترة :

999
ثاني افضل لعبه لعبتها على المحمول بعد فينيكس رايت . عشت معها ايام جميله .. وطلعت فيها جميع النهايات الممكنه . لدرجة عشقي لها كنت افكر في النهاية و احاول استنتجها وانا ما العبها .
الغاز + قصه من عالم آخر تماما .. شخصيات رهيبه ومميزة . الحان مجنونه تخليك من جد مرتبك .
10\10 بالنسبة لـ لعبة محمول.

كبير والله، اللعبة تستاهل وبقوة. استانست فيها كثير والتويستات و تعمق الشخصيات مع كل بلاي ثرو امتعني كثير. اللعبة عميقة بشكل ممتاز، وفيه حاجه لاحظتها واستنتجها براسي بس ما لقيت احد يوافقني:

محتوى مخفي: سبويلر قوي لنهاية اللعبة

هل تشوف فيه علاقة بين اعادة اللعبة كل مره واكتشاف الطرق، في قصة اللعبة نفسها؟ يعني ما تحس انه المطور جعل اللعبة لها نهايات عديده حتى يخدم فكرة القصة؟ تتذكر لما شرحوا كيف انه المعلومات نهرين، وكل نهر ما يدري عن الثاني؟ لكن جينبي هو الشخص اللي يدري عن النهرين.
انت هنا من كثر ما عدت اللعبة صرت مطلع على النهرين برضوا، صرت زي جينبي. ما عرفت اشرح الفكرة زين، لكن قصدي انه المطور ما جعل النهايات الكثيرة مره "6 نهايات" عبط، يعني كان من الممكن يخليها نهايتين وخلاص، بحيث بس النورمال ايندنج و الترو ايندنج. ما يحتاج للباد ايندنجز. عرفت قصدي؟

تحرير: ايوه وحتى ما يكون ردي فاضي، قد كتبت مراجعة للعبة هنا.

 

[zlatanovic]

^

محتوى مخفي: ٩٩٩

انا عندي نفس الفكرهـ تقريبا بس باختلاف المصطلحات .. يعني انا بديت افكر بهالموضوع لما وصلت للنهاية الاخيرهـ وعرف ( جنبي ) كلمة السر حقت التابوت . وقتها بديت افكر ان النهايات الستة هي ابعاد او عوالم وانا الرابط بينهم . انا شفت العوالم كلها وعرفت قصة كل عالم وصرت انا العامل المشترك . لدرجة اني قبل نهاية اللعبه بشوي بديت افكر فعليّا اني انا [ زيرو ] واني انا اللي جالس اتحكم باللعبه وبالشخصيات. ادري شي عبيط لكن وشلون ( جنبي ) بيعرف كلمة السر حقت التابوت وهو اصلا مافتح الخزنة ؟ الحل اني انا شفت نهاية هذاك العالم واعطيتها لـ جنبي . لكن طلعت القصه مختلفة شوي وصار اللي صار . لكني اتفق معك بمسألة المسارات وكيف ان ( جنبي ) هو الرابط المشترك بينهم .

 

[JIN KAZAMA]

Uncharted 2

الإيجابيات
+ الرسوم .. ما يحتاج احد يتكلم عنها .. اقوى جرافيكس في الجيل الحالي
+الحوارات ممتازه و فيها طابع كوميدي في اوقات مناسبه
+الذكاء الاصطناعي .. تم الاهتمام به و فرق عن الجزء الاول كثير و تحسن بشكل ملحوظ
+تواتر الاحداث و طريقه عرض القصه ممتازه و ما تحسسك بالملل ابدا على عكس الجزء الاول
+الأسلحه متعدده و متنوعه و كل سلاح تعرف وين تستخدمه
سلبيات
-قصه سطحيه و بالنسبه لي كانت عبيطه
-قصر اللعبه 🙁
- الالغاز سهله للغايه اذا كنا بنسميها الغاز اصلا و الجزء الاول كان متفوق من هذي الناحيه

بشكل عام اللعبه ممتازه و خلتني اصفق مع نهايه اللعبه اختراما لنوتي دوغ
في انتظار الجزء الثالث
تقييمي 8.5

النقطتين هذول خوفوني ( ناوي عليها قريبا )

 

[Al Pacino]

The Elder Scrolls IV: Oblivion

جـــــــبارة! اول شي للأسف لعبت النسخة الاسوء والأقدم، ولو ان نسخة البلاي 3 مافيه مشكلة كبيرة بذكرها لاحقًا أو نسخة البي سي تدعم كنترولر الـ360 كان لعبتها عليهم أكيد، اللعبة خلتني أعيش الجو الرهيب والممتع الي عشته مع Fallout 3 على وقتها وأفضل منه بعد! ماتوقعت صراحة أني بفضّل اوبليفيون على فول اوت 3 بس فعلا اللعبة تستاهل، بدايةً لازم أتكلم عن الساوندتراك الممتاز الي باللعبة، أمانةً ماتوقعت لعبة اربيجي غربية يطلع منها ساوندتراك بالجودة الي سمعتها بأوبليفيون وتحس أنها "فخمة"، ننتقل للجزء الأهم باللعبة، ضخامتها ودسامتها بنفس الوقت اللعبة صخمة جدًا من ناحية المساحة وأفضل شي انه بالمقابل تـــــــوجهك بشكل خطي بالنسبة لمهمتك، بالإضافة الى ان اللعبة "مليــــانة" يعني مستحيل تحس بالفراغ داخل هالعالم الواسع، بكل زاوية تلقالك كهف داخل الكهف بكل زاوية تلقى صندوق إحتمال يحتوي على سلاح قوي وأحتمال يحتوي على فلوس وأحتمال مايحتوي على شيء، مظهر اللعبة مش مناسب لعامنا الحالي بس لازالت جملية من ناحية المناظر الطبيعية، بالإضافة الى انها تعيشك بأتموسفير رهييييب! خاصة جو الرعب داخل الكهوف شي مو معقول، بالإضافة وانت تمشي بالمدينة طبيعي تلاقي اثنين يتكلمون مع بعض عن شي صار بالحاضر وأنذهلت انهم أتقنوا الشي الجانبي ذا، شغلة ممتعة أيضا أنك تكون تمشي بالمدينة طبيعي أو تغط في نومك بكل أريحية يطلع لك شخص من العدم يكلمك! ممكن يكون عضو في جماعة يبغون إنضمامك وممكن يكون شخص يبغى منك خدمة، أكثر من طريقة لإنهاء المهمة وكل طريق له مميزات وبالحديث عن المهمات الجانبية نوصل لسلبية كبيرة باللعبة، كويــست القصة الأساسي، للأسف أقل متعة بكثيير من المهمات الجانبية ومهمات الجيلدز، وأضطريت أني أخلصه بسرعة عشان أرتاح والعب الجانبية براحتي، عيب آخر بسيط هو اوقات التحميل رغم اني مثبت اللعبة الا انه ماتغير أبدا، مقدّر عالم اللعبة الضخم والفترة الي نزلت فيها اللعبة بس لاتزال طويلة، نوصل لأكبر عيب! مهمة الفــــــمباير للأسف الكويست هذا نكته وقد يكون من أسوء الكويستات بتاريخ الجيمنج أجمع، لاعبين كثار تركوا اللعبة عند هالنقطة وأنا منهم (تذكرت الحين سبب تركي لنسخة الـPS3 يوم لعبتها للمرة الاولى) لدرجة اني اول ما اُصبت بالفمبايرزم رحت اشوف فديو يعلمني وين اروح بالضبط لان طلبات المهمة صعبة خاصة مع تحولك لفمباير وعدم تقبل الناس لك وعدم مقدرتك عالخروج بالنهار، ومع ذلك وقعت بـ "بق" كبير فيه، وبالحظ فقط قدرت اتجاوزه واخلص الكويست اللعين الي كاد يخرب علي اللعبة، حبيت اضيف أن اللغة عامل مهم جدا جدا لفهم وحسيت بفرق مهول بين تجربتي الاولى والثانية، الجيم بلاي اشتكى منه الكثير من اللاعبين، بالنسبة لي ماعنيت كثير مع المشاكل أو النقص الي فيه ... ممكن لاني كنت مسحور بالجوانب الثانية للعبة، باقيلي الكثير والكثير من المهمات الجانبية بالإضافة للـDLCs الجاية مع نسخة الـGOTY.




بعد ماكتبت المراجعة وعاينتها حسيت اني طولت زيادة عن اللزوم عشان كذا بـألخصها بإيجابيات وسلبيات:


+ ساوندتراك فخم

+ ضخمة، مليانة

+ مفتوحة، موجهة

+ أتموسفير رهيب

+ سوالف الناس من حولك

+ طرق متنوعة لإنهاء المهمات

+ ببــــــــــساطة، ممـــــــــــــــــــــتعة جدًا.


- كويست القصة "غثيث"

- أوقات تحميل طويلة

- كويست الفمباير



كنت خايف ما أتقبل اللعبة بالوقت الحالي خاصة بعد عروض سكايرم المذهلة، بس الي أقوله الان بعد التجربة .. خايف أن ســـكايرم ماتوصل للي وصلته أوبليفيون حتى!



10


تصف مع BioShock و Fallout 3 وبكذا تكتمل ثلاثية أفضل العاب الجيل.

 

[Naserano]

^
خخخخ أجل صرت فامباير .. بس لا تنسى إنه يزيد القوة عندك ويتيح لك خاصية لا محدودة نسيت اسمها تخليك تختفي وتشوف في الظلام في نفس الوقت ,

بالنسبة لي مرتاح إني فامباير وسالفة الخروج في النهار الله يخلي الـ Waiting بضغطة زر 😀

 

[Al Pacino]

^

بس الناس ماتقدر تتفاهم معهم الا اذا سويت عليهم تعويذة الـCharm، ولازم كل شوي تشوف الساعة عشان مايجي النهار وأنت بمكان غلط ومايمديك تزبن لانك بثواني راح تموت .. اشوف راحتي باللعب أهم من المميزات الي تجيني من هالمرض، كنت بترك اللعبة صراحة لو ماقدرت اتعالج.

 

[يمكازي]

بشينو صاري كم يوم اشوفك تلعب اللعبة في الفرند لست , خلصتها ما شاء الله , ذوقك بالمناسبة حرفياً مثلي في اختيارك لألعاب الجيل , لكن في لعبة اسمها ماس افكت مش موجودة :sarcastic: .

عندي نفس نسختك , اخلص من أل آي نوار و فير 3 و راح ابدا فيها ان شاء الله في رمضان , لكن ممكن اخليها على الهولد لو عجبتني دوس أكس الجاية .

 

[Nyx]

مدري كيف ما أخذتها على البي سي , مع المودز كان أعطيتها 12 من 10 لول.

النقطتين هذول خوفوني ( ناوي عليها قريبا )

إذا كنت تعتبر قصة مجس4 خارقة فما أعتقد عليك خوف .

 

[Al Pacino]

^

المودز، الباتشات الي تصلح قلتشات اللعبة، تقنيًا أفضل، وغيرها .. كلها ضحيت فيها عشان الكنترولر، ( لاعب كونسولجي بحت لا تلومه! )

بشينو صاري كم يوم اشوفك تلعب اللعبة في الفرند لست , خلصتها ما شاء الله , ذوقك بالمناسبة حرفياً مثلي في اختيارك لألعاب الجيل , لكن في لعبة اسمها ماس افكت مش موجودة .

عندي نفس نسختك , اخلص من أل آي نوار و فير 3 و راح ابدا فيها ان شاء الله في رمضان , لكن ممكن اخليها على الهولد لو عجبتني دوس أكس الجاية

ماس ايفكت ( 2 طبعا ) لعبة رهيبه وممتازة .. بس من العاب الجيل ؟ هممم صعبة .. لو بقيمها بعطيها 9 ..

 

[T u R k I]

إذا كنت تعتبر قصة مجس4 خارقة فما أعتقد عليك خوف .

ليه قال شي غلط ؟ فيه ملايين غيره قالوا كذا مو هو بس

مجس قصصها رهيبه بس يبيلها واحد يفهمها

 

[SCREAMING_RAGE]

^
جميع قصص ميتل جير كانت حلوه جداً, لكن الرابع كان cheesy زياده عن اللزوم .

 

[Dr.Manhattan]

^
من جد، ما قدرت أكملها:yuck:: حسيتهم يحاولون يرصون أكبر عدد ممكن من cliches في القصة.

 

[Five]

ولما يلتفت مرهـ ثانية عشان يكلم باتمان يلقاهـ مختفي .. للاسف هذا ماصار باللعبه =(

لوووووول هذا اهم شي ... ماجات في بالي وانا العب :laugh::

 

[Spartan-A34]

اذا عجبتني فالوت 3 تنصحوني اخذ سكايرم؟

تعديل // مسامحة عبالي ها موضوع "أبي لعبة" اشوفكم طاقين سوالف هني :/

 

[T u R k I]

^
جميع قصص ميتل جير كانت حلوه جداً, لكن الرابع كان cheesy زياده عن اللزوم .

^
من جد، ما قدرت أكملها:yuck:: حسيتهم يحاولون يرصون أكبر عدد ممكن من cliches في القصة.

كذا طبيعية اللعبة معقده ومشاهدها طويلة وفلسفية مااعتبرها سلبية صراحه

واخراج المشاهد في هالجزء هو الأفضل بالسلسلة

 

[Raulioo]

لكن الرابع كان cheesy زياده عن اللزوم .

وين ما يكون اكيبا المصاخة تكون معاه غير كذا كل شي توب الا بجزئيات بسيطة جدا..@@

 

["a7mad"]

BioShock 1 حلوة ؟ شفت لها جيم بلاي لكن ما ادري وش نضامها .. يعني هي اكشن ولا ادفاشر .. الخ ؟

 

[DEMON]

^^
FPS مع شوية عناصر RPG باتموسفير خيالي ، احد افضل العاب الجيل .

 

[Naserano]

وبالراحة تستاهل بس لازم يكون عندك تقبل للأجواء الكئيبة وتكون لغتك الانجليزية حلوة عشان تعيش التجربة على أصولها

تحرير: خخخ شباب فيه موضوع "أبي لعبة"

 

[JIN KAZAMA]

إذا كنت تعتبر قصة مجس4 خارقة فما أعتقد عليك خوف .

شكرا طمنتني 🙂

^
جميع قصص ميتل جير كانت حلوه جداً, لكن الرابع كان cheesy زياده عن اللزوم .

^
من جد، ما قدرت أكملها:yuck:: حسيتهم يحاولون يرصون أكبر عدد ممكن من cliches في القصة.

اللعبه رصوا فيها حاجات كثيره منها المبتذل والمكرر ومنها اشياء ماكنت تتوقعها وجعلت قصة اللعبه رهيبه , غير انه وضع النقاط على الحروف في قصة هذا الجزء 🙂

 

[MAX9009]

النقطتين هذول خوفوني ( ناوي عليها قريبا )

في احد يتخوف من انشارتد 2 اقول بس العبها واستمتع :inlove:

 

["a7mad"]

توي الاحظ ان ردي بالمراجعات لوول .. معليش اسف على عدم الانتباه .. لغتي مب مرة حلوة لكن فيه خيار احط سبتايتل ؟