مراجعات أعضاء TG

[Hwoarang]

وطبعا ما اتفق معاك بخصوص الدوبلاج . اللعبة كل شي فيها ياباني وما يركب معاها صح غير اللغة اليابانية ...

كلامك صحيح بالفعل
الفويس أكتينج الوحيد اللي ما عجبني هو الشخصيه الانجليزيه, بس شئ ممتاز أنهم استخدموا ممثل انجليزي للشخصيه.

ويآليت تعطوني لستة آلعآب آر بي جي ممتآزه على آلبلآي 2 .. بس بدون سلسلة بيرسونآ وسلسلة شآين ميجآمي تينسي .. لآن هذي آلسلسلتين وجبت من آلآن ..!*

Final Fantasy 10
واذا تقدر خذ نسخه Final Fantasy 10: International صدرت باليابان فقط لكن فيها خيار للغه الانجليزيه

 

[Good Hunter]

وطبعا ما اتفق معاك بخصوص الدوبلاج . اللعبة كل شي فيها ياباني وما يركب معاها صح غير اللغة اليابانية ...

ممكن , لكن انا بطبيعتي ما احب الدوبلاج باللغة اليابانية , صحيح ان اللعبة تدور احداثها في اليابان لكن احس لو التمثيل الصوتي كان انجليزي كالسابق كان بتكون افضل , على الاقل يحطوا فيها خيارين مثل لعبة ريزوننس اوف فيت على حسب ما اذكر ان فيها خيار للغة الانجليزية واليابانية . لأن فيه ناس تحب تسمتع بالحوارات صوتياً بدل ما يقرأون التكست .

او امكن تقصد اثناء الكت-سينز ؟
ما ادري بس ما حسيت بمشكلة معاها!

يب , اقصد التكست بالكت سينز , احياناً اواجه صعوبة بقرائتها لأن لون التكست ابيض .

الا ما ذكرت رأيك بموسيقى اللعبة ؟؟

رهيبة جداً , خصوصا الانترو , كل ما العاب اللعبة لابد اشوفه + موسيقى الكاريوكي , فيه عدة تراكات لازالت عالقة في ذهني الى الآن :inlove:

 

[Raziel]

Darksiders - PS3

بالنسبة لي أي لعبة هاك-إن-سلاش مرحب بها , وتقريباً في هذا الجيل لعبت جميع ألعاب الهاك-إن-سلاش باستثناء مسخ EA :laugh:: (حالياً قاعد ألعب بايونيتا) . دارك سايدرز في البداية كنت مستقبلها ببرود شديد فكرة نهاية العالم حسب الثقافة المسيحية ماكنت مهتم فيها وأشك في اللمسة الإبداعية عند المطور المجهول Vigil .

مع تزايد الأخبار والتقارير وظهور الأرت كونسبت بديت أهتم فيها لأن الآرت مجنون فعلاً فيه تفاصيل مرعبة قليل من الألعاب نشوف توصل لهالمستوى الخلّاق .. لكن حتى الحين كنت أحمل شكوك إن اللعبة بيض وشكشوكة :laugh:: الترايلر كان ظالم اللعبة بشكل أو بآخر مخليها تبيكال لعبة أمريكية مجنركه.

انتظرت حتى صدور الديمو وجربت اللعبة , شيء فضيع :w00t: !
صحيح الجيم بلاي مقتبس من God Of War ولكن فيه لمسات إبداعيه هنا وهناك فيه تكتيكات وتحديات على مستويات ماتوصل لها God of War فيه من تأثير الألعاب القتالية كثييير , بخلاف مستوى التجول والتنقل وعناصر البلاتفورمنج اللي فيها وبالأخص عبقرية الألغاز اللي تذكرني كثير بلعبة بورتال خصوصاً في عالم من عوالم اللي تتجول بينها مليان وأفكار تختبر ذكاءك وصبرك . والجميل في اللعبة أن فيه إمكانية للعودة لعالم سبق وإن زرتها من باب استخدام مهارات جديدة اكتسبتها والوصول لأماكن كان يستحيل الوصول إليها فيما مضى والتزود بقدرات وأدوات جديدة أو حتى من باب الـFarming :laugh:: , وهذا يخليها non-liner مقارنة بأغلب ألعاب الجنرا ..

من نقاط القوة مستوى المعارك مع الـBosses صلب وفيه تحدي مثالي لأي Gamer (إلا البوس الأخير) بقدر المميزات اللي يملكونها هناك استراتيجيات مختلفة لمواجهتهم , نقدر نقول التنوع سمة أساسية في جميع المعارك . أيضاً القصة وتسلسلها والشخصيات قوية ومتماسكه وواضحة لأي شخص ، وهذا شيء للأمانة فاجئني مع مطور مجهول خصوصاً مع استعانتهم بممثلين مشهورين على مستوى الفويس آكتينج مثل مارك هاميل وفيل لامار (فامب في mgs) وغيرهم :wow:

أكبر سلبية في اللعبة .. الجرافيكس متوسط إلى عادي جداً ألعاب صدرت في 2008 و 2009 قدمت رسوم وتفاصيل أفضل بكثير من دارك سايدرز ، ولكن عوضت ذلك بالليفل ديزاين والآرت ولا ننسى الكومبات الممتع .. شخصياً ناوي ألعبها في وقت لاحق على مستوى الصعوبة القصوى apocalyptic , المتعة اللي فيها تشجعني أرجع وألعبها على مستوى يتحدى مهارة اللاعب .



10 / 8.5 *


* تستاهل 9 لولا الجرافيكس اللي أوقات يحسسني قاعد ألعب من ألعاب الجيل الماضي :razz::

 

[Mesharey]

Prince of Persia: The Forgotten Sands Review

اللعبة طلعت أفضل من ماتوقعت بكثير، توقعت مشروع سريع للفلم لكنها طلعت جيدة جدا، البلاتفورمر باللعبة رائع والألغاز أيضا رائعة وبالضبط اللي تتوقعه من لعبة برنس اوف برشيا.
الجرافكس أيضا جيد جدا لكن تصميم البطل سيء (تقدر تلعب ببطل أساسن كريد كشكل) وأيضا باقي الشخصيات، حركة إيقاف الماء طالعة ممتازة باللعبة وتم إستعمالها بألغاز رائعة.
القتال باللعبة عادي جدا مع بعض "الحركات" اللي تقتل فيها الأعداء من ضربة وحدة إذا ضبطت، في شغلة حلوة بعد تقدر تستعمل اكسبيرينس وتطور الشخصية وتختار قدرات جديدة.
آخر شي اللعبة قصيرة وتقدر تنهيها وتجيب الـ1000 فيها أو البلاتنيوم (مهماتهم حلوة بالمناسبة) بحدود الـ8 ساعات.

8.5/10

 

[Dmck]

ويآليت تعطوني لستة آلعآب آر بي جي ممتآزه على آلبلآي 2 .. بس بدون سلسلة بيرسونآ وسلسلة شآين ميجآمي تينسي .. لآن هذي آلسلسلتين وجبت من آلآن ..!*

فف10
+
سلسلة شادو هارتس
من افضل سلاسل اربجي بعد سلسلة فف
وانصحك تبدا فيها قبل سلسلة بيرسونا بسبب الوقت
اجزاء شادو هارتس تقدر تخلصها في 40 -45 ساعة
بيرسونا تحتاج اقل شي 60 ساعة ( حاليا العب جزء الرابع وموصل دنجن الاخير ب90 ساعة بدون البحث والكوستات )

 

[Al Pacino]

كويس الموضوع انرفع من غيري 😀

Crysis


بعد شرائي للاب توب الجديد كانت كرايسس بقائمة الالعاب الي بجربها بحكم حصريتها للـpc ومكانتها بين الالعاب من الناحية التقنية .. اللعبة ممتعة من ناحية القصة مهي معقده بس فيها بعض الغموض وتحتاج بعض الاجابات الي ممكن القاها بجزء وارهيد .. اللعبة صعبة على النورمال وشغل الدرعمة بأغلب العاب الفيرست بيرسون مايمشي هنا لازم تفكر شلون تستخدم قدرات البدله الي معاك .. انا لعبت اللعبة على يد الاكس والمشكله التحكم هم حاطين لك ولاتقدر تغير فيه وكان فيه اشياء غبيه بشكل كبير .. مثل زر التصويب كان Rb يعني تطلع بـ Rt وتصوب بـ rb !! والسواقه بالمركبات عن طريق الانلوق ! زر المنيو هو باك وزر الخريطه هو ستارت !! يعني فيه اشياء واضحه بس مدري ليه هالتحكم .. ماقدر اقول اني تعودت عليه لان اصلا عمر اللعبة قصير ومايمديك تبدا تتأقلم مع التحكم الا اللعبة منتهية .. اللعبة جيده جدا اجمالا وقريب بجرب جزء وارهيد وبعدها اكون مستعد للجزء الثاني .


8.5

Metal Gear Solid 4


يس توني اجربها 😀 .. هذا اول سؤال يواجهني اذا قلت لواحد اني العب اللعبة او اني خلصتها .. سلسلة ميتل قير اجمالا ماكانت تعجبني .. الجزء الثاني كان افضلهم وهو الوحيد الي قدرت اوصل فيه بعيد .. عموما بعد ضغط من الاصدقاء لتجربة هذا الجزء قررت اني اجربه .. بالبدايه ابدا ماقدرت اتاقلم مع الجيم بلاي .. بعد الاكت الاول اوكي تأقلمت .. الاكت الثاني والثالث العبها متغصب !! كلما يجيني مجال اخزن واطلع طلعت ! بعدها طفح الكيل بعد الاكت الثاني وتركت اللعبة فتره واصرو علي اصدقائي ارجع لها وان الاكتات < (جمع اكت) بتكون ممتعة .. مشيت على نصيحتهم وكملت باللعبة يوم وصلت لـ عرض

محتوى مخفي: سبويلر

ليكويد بالنهر يوم يفجر الدنيا

عندها بدا الحماس معي وقمت اكمل لعب عشان القصة .. طبعا كواحد مو عاشق للسلسلة نصف الاشياء مافهمتها حتى بعد نهاية اللعبة .. المهم النهاية !


بخلي لها مقطع لحالها لانها شي وباقي اللعبة شي ثاني .. و آ و على النهاية !! فعلا اذا قامو يمدحون كوجيمها وعبقريته فـ معهم كل الحق .. اخراج النهاية كان شي بيرفكت يعني مقطع

محتوى مخفي: سبويلر

يوم يزحف بغرفة الفرن وتشوف اصدقائك يقاتلون واملهم فيك

ومقطع

محتوى مخفي: سبويلر

قتالك مع ليكويد والموسيقى فيه

شي خرافي .. فعلا جتني متعة بالنهاية .. محسودين عشاق السلسلة بهالجزء والقصة العميقة .. يعني كل الالعاب الي اخذت 10 " بأغلب المواقع " يكون فيه ناس تقول ماتستاهل 10 واولهم قراند 4 .. بس ميتل قير ماذكر سمعت واحد قال انها ماتستاهل هالرقم وكنت استغرب من هالشي .. اللعبة تستاهل 10 أكيد مافيها خلاف بس الي قدمته لي هو


9

هالـ 1 تعويض للملل الفضيع الي كان يجيني بالبدايه طبعا مايكفي بس النهاية تعوض عن الباقي ..

 

[Zero]

^
وورهيد سهلوها بشكل كبير مقارنة بكرايسس، يعني مستوى دلتا في وورهيد كأنه نورمال في كرايسس >_<.

 

[Al Pacino]

يعني رايك اذا انا متعود على النورمال بكرايسس اخش عليها بالهارد ؟ لاني متعود بكل العابي العب على النورمال بس من كلامك اخاف اشوف سهولة ممله !

 

[Punished Noctis]

Super Mario Bros.

- لا .. لا محاولة للاستخفاف او الاستهبال هنا .. -

هذه اللعبة لعبتها و انا طفل نعم .. كان عمري 3 سنين . كنت دوما اموت بالمرحلة الثانية .. ثم بوم انفجر النيس .. لكن تبقى عالقة بالذاكرة .. منذ فترة اقتنيتها على اال VC .. جيم بلاي قمة البساطة و المتعة بنفس الوقت .. ليفل ديزاين رهيب بالنسبة لعصره . الجرافيك يب سيئ لكن لن تشعر انه Outdated ابدا ... لعبة خورافية و الافضل بالسلسلة بعد جالاكسي 1-2 ... - لم اجرب سان شاين و لاند و لم اسمع شيئ جيد عنهما -

9.5

 

[Zero]

يعني رايك اذا انا متعود على النورمال بكرايسس اخش عليها بالهارد ؟ لاني متعود بكل العابي العب على النورمال بس من كلامك اخاف اشوف سهولة ممله !

لول على أي أساس افترضت أنها سهلة؟ لا تقلق، كونها أسهل من كرايسس لا يعني أنه سهلة أبدا وأنا ما قلت أنها سهلة، لأن كرايسس كانت صعبة بالفعل أصلا، أما وورهيد صعوبتها معقولة، لو تلعب على مستوى دلتا أكيد بتحس بالصعوبة خصوصا مع التصويب من دون مؤشر، إنما اللي حبيت أوضح أنها أسهل من كرايسس بفرق راح تلحظه، الصعوبة من الأشياء اللي صعب تلاحظها (أو تقيسها) لأنها شيء غير ملموس إلا لو كانت ميكانيكية اللعب مختلفة (ومو هذا اللي حاصل هنا).

 

[FAROOS]

السلام عليكم ورحمة الله وبركاته

هذا مراجعه لـ دراجون ايج

اسم اللعبه : Dragon Age :Origins

الناشر : EA

المطور : BioWARE

موعد الصدور : متوفر الان

نوع اللعبه : RPG

الاجهزه : PC & PS3 & X360

مدة اللعبه : حوالي 50 ساعه

الموقع الرسمي : هنا


القصه
قصة اللعبه رائعه جدا وراح تدخلك جو غير طبيعي والقصه باختصار ان هناك فئتين بينهم صراع احدها خير والاخر شر. وانت مع فرقه تحاولون ايقاف الشر باللعبه .
ويمكنك اختيار كلاس معين باللعبه , واحذر من القرارت فيمكن ان تغير مجرى اللعبه بالكامل .



الجيم بلاي

الجيم بلاي رائع جدا ويذكرنا بالعاب BioWare القديمه والذي يمزيه الخيارات المتعدده وانواع الاسلحه من سيوف والاسحار والاقواس وغيرها من الاسلحه . ويفضل لعب اللعبه على الـ PC لانها افضل نسخه وتليها نسخة PS3 ثم X360 .
فالجيم بلاي يعتبر من افضل الميزات التي في اللعبه .


الجرافيكس

الجرافيكس باللعبه جميل جدا ولكن لا استطيع ان اقول انه اسطوري وبالنسبه لتصوير المناظر الطبيعه والمناظر المرعبه باللعبه والدماء رائع جدا

-----------------

وهذي مراجعه للعبه من موقعي IGN و gamespot

IGN وقيم اللعبه
للـ PC : 9
للـ PS3,X360 : 8.7

gamespot وقيم اللعبه
للـ PC : 9.5
للـ PS3 : 9
للـ X360 : 8.5
-----------------

تقيمي للعبه : اذا كنت واحد تبي لعبه rpg من الطراز القديم والطويل فلعبه دراجون ايج مخصصه لك . واقدر اقيمها بـ 9/10 .

---

وترا قد شاركت باكثر من منتدى بهذا التقرير .

 

[Mesharey]

تسلم .. انا لعبتها ساعتين لكن ماكانت لي .. بعطيها فرصة اكثر هاليومين ونشوف @_@


بالمناسبة ماحصلت اصغر من هالصورة ؟ XD

 

[Vorg Zangief]

- لا .. لا محاولة للاستخفاف او الاستهبال هنا .. -

شكلك اليوم سمعت TG FM و لعبتها و ما خلصتها و حطيت تقييمها هكذا 😀 امزح

-- --
المهم اللعبة تستاهل و الي ما لعبها يجربها . و يستمتع فيها 😀

 

[FAROOS]

Mesharey

لا ذا كنت تحب الـ rpg الغربي فلازم تعطيها فرصه .

وتم تغير الصوره .

 

[Mesharey]

Mesharey

لا ذا كنت تحب الـ rpg الغربي فلازم تعطيها فرصه .

وتم تغير الصوره .

المشكلة أغلب تجاربي مع الآربيجي الغربي فاشلة P:
جيد امباير - كوتور - اوبليفين .. ناسي شنو بعد لكن بالمقابل فيبل وماس إيفكت من أفضل مالعبت .. فلازم اعطي دراجون ايج فرصة اكبر ..

 

[Def-yusuf]

Mesharey

لا ذا كنت تحب الـ rpg الغربي فلازم تعطيها فرصه .

وتم تغير الصوره .

انا من الناس اللي يحب الآربيجي الغربي
لكن ألعاب بايو وير ما دخلت مزاجي .. ( لعبت ماس إيفيكت 2 لمدة 12 ساعة ... أستغرب من التقييمات العالية جداً اللي حصلتها )

 

[Mesharey]

Mass Effect 2
لعبة رائعة جدا، أبدا ماتوقعت اني راح احبها لهذي الدرجة، لعبة السنة بالنسبة لي 3‏>‏

 

[Zero]

مشاري ما دام حبيت ماس إيفكت 2 بتحب دراجون أيج أكثر.

 

[Mesharey]

المشكلة أول ساعتين ونص كانت فشل ذريع معاي P:
عموما باجر إن شاءلله اعطيها حقها ..

 

[Al Pacino]

مشاري ما دام حبيت ماس إيفكت 2 بتحب دراجون أيج أكثر.

ابدا مافيه ربط مابين اللعبتين .. انا عشقت 2 بينما 1 كرهتها + دراقون ايج ماصلحت لي .

 

[Zero]

ما قلت في أي ربط، أقصد أن دراجون أيج لعبة جميلة جدا وأشوفها تنحب أكثر من ماس إيفكت 2، المسألة مسألة إحساس ومو بالضرورة قستها على أحد.

 

[Jonas]

Mass Effect 2
لعبة رائعة جدا، أبدا ماتوقعت اني راح احبها لهذي الدرجة، لعبة السنة بالنسبة لي 3‏>‏

+1

الار بي جي الغربي هذا الجيل طلع لنا عدة اساطير , لقيت دراجون ايج مستعمله و رخيصه ان شاء الله بشتريها في نهاية السنه بعد ما انتهي من الزجمه

 

[Al Pacino]

ما قلت في أي ربط، أقصد أن دراجون أيج لعبة جميلة جدا وأشوفها تنحب أكثر من ماس إيفكت 2، المسألة مسألة إحساس ومو بالضرورة قستها على أحد.

خخخ لاتأخذ كلامي بدقه بالغة انا قصدي مافيه رابط بينهم أي حبه لـ ماس 2 و إعجابه بـ دراقون ايج .

 

[Naserano]

انا من الناس اللي يحب الآربيجي الغربي

جرب اوبليفيون ..

اللعبة كمحتوى لعبة التاريخ ..

 

[FAROOS]

هذي مراجعتي لـ demon's souls

المطور : فروم سوفتوير
الناشر: اطلس لنسخه الامريكيه . ونامكو بنداي لنسخه الاوربيه .
الاجهزه: بلايستشن 3
تاريخ الاصدار:صدرت

لعبة demon's souls لعبه لا مثيل لها في المتعه لعبه اكشن ار بي جي من الطراز الاول القيم بلاي خورافي بمعني الكلمه والقصه جيده والاونلاين من اجمل ما في اللعبه واكيد اي واحد سمع انها صعبه جدا جدا لاكن هذا افضل ما فيها فاذا انهيت مرحله وقتلت البووس حقها بتحس بشعوووور خورافي كانك اقوى واحد . والاونلاين طريقة روووعه فيمداك تختم مع ناس يساعدونك ويمداك تساعد ناس ويمداك تهاجم ناس ثانين وتاخذ منهم نقاطهم . فباختصار لعبه demon's souls يجب اقتنائها من اي واحد يحب العاب الار بي جي .

وتقيمي لها 10/10 وبكل جداره ولعبه السنه لـ 2009 . ويمداك تعرف اشياء اكثر عنها بالموضوع الرسمي لها .

 

[AHMAD PLUS]

^

انت احسن واحد

 

[zlatanovic]

انا ما لعبت الاجزاء اللي قبل من هذي السلسله اللي على الـ psp , ولكن حسب ما فهمت من كلام اللي لعبوها انها تقريبا نفس هذا الجزء ولكن بأوراق اقل وبدون تكلف ..!
اللعبه هذي هي ثالث اكثر لعبه لعبتها في عام 2010 .. الوقت يضيع معها بسرعه ومافيه امل تخلص ومستحيل نوعا ما تتشابه خطتكـ و استراتيجيتك مع خطة مخلوق على هذا الكوكب , والسبب هو كثرة الاوراق والتفرعات الجديدهـ اللي طلعت !

- نظام القصه عادي جدا , حلو للي يحب يدخل مع اللعب .
- المبارزات الثنائية فيها خرافية لأبعد شكل .. يعيبها غباء الكمبيوتر احيانا وعدم فهمه للي انت تبي تسويه ( احيانا يشطح شطحات تخليك ودكـ تكسر الـ بي اس بي ) !
- لما تلعب مبارزة ثنائية وعدد الاوراق يزيد عن حد معيّن , خذلك تعليق وانتظار عجيب !

اللعبه بشكل عام [ Yu-Gi-Oh ] عادية .. يعني مافيها شي مميز , اللي يحب الانمي او يحب فكرة اللعبه لازم يجرب هذا الاصدار .. ممتاز جدا

8\10

 

[Sora Diersly]

^

شاري الجزء السادس شاريه T_T

 

[AHMAD PLUS]

^

انت كل حاجة شاريها شاريها ؟ 😛eeved:

 

[persona]

فاينل فانتسي 14 - PC

+ تغيير جذري بألعاب الMMORPG ، تستخدم أسلوب جذب للغير مهتمين بهالنوع من الالعاب.
+ الباتل سستم شبيه بفف 12 مع action bars ، صحيح بالاول تشوف الانترفيس لواجهه القتال بتقول هذي wow clone لكن مع التجربة بتكتشف العكس
+الGrinding أغلب الوقت سولو ، وعندك يومياً 8 مهمات فرعيه تسويها سواء كنت بروحك او مع بارتي وهالمهمات تعطيك اكسبي وجل عالي ، هذا غير الBhest كل ساعه وغير الناس اللي تبي مساعده في مهماتها الفرعية .
+ الحرف تعتبر كJob ، يعني تقدر تاخذ exp وانت تسوي حرف يعني جهدك مايضيع على الفاضي.
+ مافيه شي اسمه Subjob ، على كثر ماتلفل الجوبات تقدر تاخذ الحركة من اي جوب ، يعني تقدر تنوع في أستخدام الحركات في الجوبات اللي ملفلها مهما كان لفل الجوبات الفرعية.
التلفيل يكون بشغلتين Rank level و class level تلفيل الrank level يظل مستمر معاك ويعطيك نقاط تقدر توزعهم على الstats
تلفيل الclass levels يعطيك مهارات كل رقم زوجي ويتغير بتغير سلاحك من سيف لرمح مثلا يتغير الجوب من جلاديتر للانسر.
+ عجبني التنقل باستخدام الAnimas = تقدر ترجع لاي Home point وبسهولة انت مسجل فيها.
+ دعم للثري دي على البلي ستيشن3
+ مشاكل الاستجابه البطيئة في البيتا للUI أنحلت
+ المترجم الفوري من انجليزي للياباني اللي في فف11 موجود.
+ السيرفرات موحدة ، يعني الياباني مع الامريكي مع الاوربي يلعبون بسيرفر واحد
+ الساوندتراك خرافي

العيوب
-مافيه .Autosort للانتفتوري
- بالخريطة ماقدر اشوف ربعي اللي ضايفهم بالبارتي.
-،مافيه AH أو التنقل باستخدام الشوبكو(موجودين بملفات اللعبه).
- مافيه كلندر داخل اللعبه.

اتمنى هالسلبيات تنحل في الباتشات الجاية


أحب ألعاب الMMORPGs ولقيت فف14 توفرلي اللي ابيه.

9/10