كم خاطرة لتحديث 1.6 *فيها حرق*
- بدأت فيه جدا متأخر (قبل كم يوم) في البداية تخوفت أنه يكون كبير بسبب كثرة المحتويات المتنوعة الي طلعت في وجهي لكنها في الحقيقة كانت موجودة بشكل متوازن وبالراحة أحسن من التركيز الي كان مرمي على حدث الترعيب في 1.5 ويا ريت يكملوا بذي الطريقة مع التحديثات المستقبلية !_!
- شخصية روان ماي نفخها المجتمع بشكل قبيح. يعني مش منطقي قبل ما أدخل على الحدث أشوف الفان أرتات والكلام عنها الي يمر علي بشكل سريع وكيف حسسوني أنها رح تكون شيء مرعب ويشبه ذيك الشخصية من "صنع في الهاوية" عشان في النهاية أحصل على ولا شيء يستاهل الذكر خلال كل مهماتها؟ بوتنشل ثاني ضائع لكني كنت متوقعه يعني من ذول الكتاب حتى مع تهييب الفانس @_@
الشيء يحزن كونهم نجحوا يخلوني أحب المخلوقات الي صنعتهم وصرت أشوفهم لطيفين حتى مع قد ايش تصاميمهم وكتابتهم مبتذلة. لكن نجاحهم ذا كيف استخدموه؟ في ولا شيء. كل السالفة أن روان ساحبة عليهم... طيب؟ وبعدين؟ هذا أقسى أنواع الكتابة الي عندكم؟ يعني ما قدرتوا تورونا كيف هي تعاملهم مثلا كتجارب فاشلة بشكل أكثر واقعية؟ كيف ممكن بعضهم ترجع لهم وتفتح أحشائهم عشان تعدل عليهم أو حتى كيف ممكن تدمج بعضهم في بعض؟ شيء يعني شويتين يخليك تقول أن روان فعلا شخصية ما عندها حدود في العبث في ذي الكائنات ومش بس أنها صنعتهم وسحبت عليهم. والي هو يعني لو مثلا ما كانوا يحبوها بذا الشكل كنت بقول أن علاقتها معاهم شيء يرمي ضلال على واقع البشرية من منضور الكتاب لكنهم حتى بذا ما حاولوا يخلوه توجههم. ايش الغرض من كل الجزئية ذي؟ مو فاهم. بسسس هو يعني ضياع وقت كالعادة من ذي اللعبة. وصح النهاية مع الربط بالسوارم طالع يفشل. هذا بس الي عندكم تجاه ذي المخلوقات الي هي أشنع بكثير من الليجون تجاه المجرة وبعد هم أقرب مخلوقات لل Aeons؟ أوووكككييي.
هو ما بقسوا تجاههم بزيادة كوني عارف أنهم لعبوها بشكل امن وأفكاري فوق تجاه كيف كانت المفروض تكون كان ممكن تنفر ناس من اللعبة بكبرها وما رح تجيب لهم غير وجع الرأس. كان المفروض من البداية ما يخلوا كذا شخصية في اللعبة لو رح يكتبوها بكل ذا الجبن Though.
- مهمات اللعب ب Peppa كانت بيض مقلي.
- دكتور Ratio هو الجانب الإيجابي الوحيد من كل الأحداث ذي. شخصيته حلوة. حتى ممكن يكون أحسن ولد طلع علينا (لو بس أختاروا صوت جيلجاميش له والي كان رح يكون عظيييمم عليه ,_,)
أحب نظرته وطريقة تفكيره. المحزن طبعا أن المهمة الي هو كان فيها كانت تعيسة كالعادة. مطمطة لا نهائية في جزئية فقدان الذاكرة. حوارات مع NPC's مش مهمين (ليه نهتم لهم لو Dan Shu الي كانت جوهرة اللعبة الوحيدة صار فيها زي كذا؟).
طريقة تقديم الشرير الجديد ما أعجبتني. هو لو كان مو مهم فطريقتهم بتمشي الحال لكن لو كان دوره كبير مستقبلا فجدا جابوا العيد فيه @_@ ما خلى انطباع أول قوي نهائيا.
المهمة بكاملها كانت مملة بشكل عام وحتى مع وجود الدكتور لسه ننغصب نمر بجزئيات كرينج عشان بس نحصل على كم دقيقة يركزوا فيها عليه... ليه ذول الكتاب كذا؟
- أحب الإضافات الي يعملوها لل Simulated Universe. تحاول ترضي جميع الناس بشكل كويس.
- ال Pure Fiction بعد أضافه كويسة بس المتجر تبعها محبط @_@
- طبعا أهم شيء خلال ذا الحدث كان إعطاءهم الدكتور لنا بشكل مجاني. حركة ولا في الأحلام ممكن أي أحد يتوقعها من عندهم. لسه ما أحبهم Though.
لذا اذا لعبته يوم الاثنين كالمعتاد ونزل هذا الشي يوم الاربعاء فيعني راح ابقى امام خيارين الاول يا راح العب الـSU الا الاثنين القادم وتروح علية 4 مرات فارمينغ ضعف يا اضحي بـ160 ريزن عشان الـ4 مرات الاضافية.
لذا الافضل انه تلعبه من ينزل هذا اليفينت وتحصل الـ8 مكافئات ضعف والاثنين الي بعدة يكون متبقي لك 4 متبقية
