بوسيف39
True Gamer
متأخر واجد لكن هذا الكود الي استعملناه بالبطولة وكان الوسيلة الي طلعت منها النتايج.
وما أريد أرهق القارئ غير التقني بتفاصيل تقنية لذلك بحاول أبسط الموضوع قدر المستطاع.
الموقع في جوهره بسيط ومش مثالي أبدا، وكان جل تركيزي أسويه بسرعة ويكون خفيف، عشان كذا هو ثلاث صفحات، الأولى تكتب فيها اسمك وتتحول لصفحة التصويت، وفيه صفحة ال admin وصفحة النتايج.
أهم شي كان عندي أن عملية التصويت تكون أن المصوّت يكتب اسم اللعبة وتطلع من القايمة ويختارها، ولو ما موجودة يضيفها وتنضاف للداتابيس فيسهّل الاختيار لمن بعده.
الداتبيس أساسها قائمة الألعاب الي لعبها @Invader Zim واستخرتجها من حسابه على backlogged بكود بايثون وعدلت عليها عشان تكون أساس القايمة.
وثاني أهم شي عندي أن حساب النقاط يكون آلي عن طريق الموقع نفسه ويصير المشرف ينزّل البيانات بصيغة ملف إكسل عشان يعدل أي خطأ متصّور، غير أنه يعدّل الأخطاء الي ممكن تصير مثل تكرار اسم لعبة خطأ أو حذف تصويت ترول وقد حصل هذا.
استضافة الموقع جربت https://render.com/ النسخة المجانية وما أنصح بيه إلا لو تريد تجرب موقع بسيط وخفيف، وحاب تشوفه كيف ممكن يشتغل غير تجربته عندك locally.
وطبعا انهيار الموقع معروف بسبب شوية ضغط وهذا ما حصل:
بعدها استعمل https://www.hostinger.com/ واستأجرت سرفر افتراضي vps، وميزة ممتازة عندهم أن نظامهم ممكن تطلب استرجاع للمبلغ خلال ثلاثين يوم ويرجعوا لك على طول بدون سين جيم، وكانت تجربة طيبة.
ما أظن أقدر أنصح شخص مبتدئ يستعمله لأنه يحتاج تتعامل مع linux kernel وتكتب أوامر لنكس أو أقلها هذا الي سويته.
لو فيه شخص يريد يستعمل الموقع عشان يسوي تصويت للأنمي أو الأفلام أنصح ينزل كل الكود وبعد ما يثبت ما يلزم يعدل على ملف game.txt ويحط فيه قايمة الأنميات ويجربه عنده لأنه من خلاله يصنع الداتابيس.
غالبا بيحتاج يعدل بعض النصوص بدل لعبة يحط أنمي وأشياء بسيطة، والصعوبة غالبا بتكون باستضافة الموقع لو اختار vps مثلي.
لكن مع مساعدة من الذكاء الاصطناعي مثل deep seek وغبره من LLMs ما أظن الموضوع بيكون صعب حتى لو ما كنت مبرمج، ولو ببالك سؤال هل استعملت LLM عشان يساعدني بصنع الموقع فنعم قد فعلت.
عسى هذا الموضوع واضح لأي شخص غير تقني، ولو فيه أحد مهتم يسوي مسابقة الأنمي مستقبلا ممكن يكلمني وبساعده بالموضوع لو احتاج، أو بنسويه مستقبلا أنا و @MH MD لما يكون الوقت مناسب.
ودمتم سالمين.
التعديل الأخير:
