R E D
. . . . . .
باللعبة في زر مخصص حق التفادي التلقائي، مجرد ما تكون ضاغط عليه باستمرار/Hold نوكتس بروحه راح يتفادى أي ضربة تلقائيا، يدخل بوضعية اسمها Phase تخليه مركز على محيطه بحذر، وهالشيء أشوفه جدا عبقري وما قدرته إلا مؤخرا بعد كثرة الألعاب اللي معتمدة على التفادي اللحظي والباري بشكل مبالغ ومتعب ومكرر بنفس الفكر قلت لحظة مو كأنه XV كانت عكس كل هذا أو مخلتفة؟
فكرة أنك Hold To Auto Dodge يمكن طالعة أنها منوبة جدام الأكشن فانز، بس الهدف منها هني عجيب ومناسب حق اللعبة لأنها تخليك تركز على الاستراتيجية أكثر وتتنفس وأنت تدرس ساحة المعركة على راحتك بدال التركيز العالي على العنصر الرياكشني السريع، دام أنك ضاغط على الزر باستمرار أمورك طيبة، والقدرة ما تكسر جو الحماس الأكشن اللي حاصل بالشاشة، يعني بدون Pause ولا Slow Motions، بالعكس تعطيك استعراض سينيمائي Epic أكثر نفس ما تشوفون بالجيفز نوكتس يتفادى كأنه Neo من ماتريكس وبأنميشن كول وبجودة خارقة، هالشيء ما نقدر نشوفه بهالجودة والتنوع والاخراج إذا كانت اللعبة معتمدة على الRoll والتفادي اللحظي المعتاد بألعاب الأكشن، يعني القدرة تتيح فرصة حق إبداع سينيمائي كول وهالشيء جدا لايق على سلسلة Final Fantasy برأيي.
طبعا القدرة مو ببلاش اهي تاخذ من الMP اللي عندك، فيها بعد تكتيكي يعني، اهم ربطوا القدرة هذه بعنصر آربيجي عروف بالسلسلة الMP وهذه حرك ذكية بدال عداد الستامينا المعتاد. فف XV ما طبقت باقي عناصر الكومبات صح بنظري بس قدرة التفادي التلقائي حدها عجيبة وملهمة، أيضا حبيت الQTE البسيط اللي يطلع منها واستغلالها لجودة الأنميشنز تحس أنك تشوف فلم أكشن واقعي عكس الجو الكرتوني والأنمي من مشروع الريميك و XVI واللي منتشر بألعاب كثيرة أيضا.
بس حبيت أسلوف عن شي عجبني فيها ما شفت أحد تكلم عنه من قبل (@).
