صحيح وإن كنت أرى أن السبب اللي يخليك تتعلم اللغة من الألعاب هو حب المعرفة
لا. كنت بزر, كنت أكره أتعلّم. اللغة جتني طبيعي بسبب ممراسة الجيمنج.
الكثير من الأشياء (الهجولة والتفحيط والمغازل وكلام المراهقين):tongue: تصنع الأصدقاء بس اش الي استفدته من حب الألعاب الي عند أصدقائك؟
ماني فاهم وش تلمح له بالضبط. أنا قلت الجيمنج كانت طريقي لمعرفتهم. صادقتهم بعد كذا لشخصياتهم.
أكيد بتحس أنهم رهيبين لأن لديهم نفس التفكير
لا. هم رهيبين لأن شخصياتهم رهيبة. دائماً اختلف مع اخوياي في مواضيع كثيرة. لكن هم رهيبين لأنهم راعين فزعة, ومتفوقين بدراستهم وأخلاقهم ممتازة.
ونفس الشي توحد الاهتمامات سبب قربك لأهلك
مرة ثالثة لا. أخواني الي ألعب معاهم من أول أنا اقرب منهم بكثير من اخواني الي كانوا ما يلعبون.
بينما تنعكس سلبا في قلة الخبرة في التعامل مع الناس لكثرة وقت لعبك
مرة رابعة لا. ما أدري ليه تحب تفترض هالأشياء؟ الحمد لله أنا اتعامل مع ناس واجدة خلال دوامي في الجامعة وغيره, والحمد لله ما أواجه مشاكل في التعامل معهم. هذا عني أنا, ما أدري عن غيري. لكن من خلال مقابلة جيمرز كثيرين سواءاً من تجمعات ترو جيمنج أو إيفينتات مختلفة أو عزايم, إلى الآن ما شفت احد عنده مشكلة في التعامل مع الناس فقط لأنه يلعب.
كذلك حب المعرفة ولا يعني كونك هاردكور انك تكون عالم بيها زي البعض من الي في المنتدى
مو أي واحد ما يلعب بيصير عنده حب المعرفة :/. أنا ماني قاعد أقول ان الواحد ما راح يهتم بالألعاب, أو ما راح يحقق الفوائد الي ذكرتها بردي
إلا إذا كان جيمر. كلامك ما ينفي كلامي. ومن جد. كونك هاردكور ما يعني انك تكون عالم بالشيء. زيك انت مفترض نفسك هاردكور جيمنج وقاعد تسوي نفسك عالم في الجيمرز وثقافتهم
😛
والآن هي حاجز بينك وبين الدراسة.
الإفتراض رقم 5 :laugh::. الحمد لله عندنا في تي جي أطبّاء ومهندسين ومن كل بحر قطرة. وكلنا لنا نفس الهواية. المنتدى مليان جامعيين وموظفين بدرجات ممتازة, ومرة ثانية: كلنا لنا نفس الهواية.
(ان لم تشغل نفسك بالطاعة شغلتك بالمعصية)
اكيد سمعتها من قبل. أكيد فيه خيارات أفضل غير ألعاب الفيديو
أكيد. أنا ما أقول لا. لكن برضو في خيارات أسوأ بكثييييير من الجيمنج. ما تضمن اي شخص يترك الجيمنج بيسوي اشياء أفضل.
شكرا
يعجبني وجود عبارات في نهاية الكلام تقلل من الغضب الي ممكن تكون فيه
ما أدري وش قصدك بالضبط. لكن أنا ما يهمني "تغضب" علي أو لا. في النهاية ردك مع كامل احترامي مجرد افتراضات منك على شخصيتي وشخصية الجيمر, ما تودي ولا تجيب. أنا ما ودي أقلب الموضوع نقاشي ضد نقاشك. لأن ما فيه فايدة نتناقش في أمر أنا عشته متأكد منه وانت مجرد داخل علي تفترض ان كلامي خطأ. أنت سألت سؤال, وأنا اجبته. تبي تاخذ باجابتي ممتاز. إذا لا خلاص عادي, خليك في قوقعتك وافترض الي تبغى عني وعن أعضاء تي جي. مهب نهاية الدنيا.
أنا اخترت هواية الجيمنج وأضافت بحياتي ولله الحمد. ما أحتاج شخص من الانترنت أو غيره يحاول يقنعني عكس كذا. تفصيل كلامي هذا حطيته في جوابي على سؤالك. ما يحتاج تقنعني أو أقنعك بشيء. تقدر تاخذ الاجابة, وتقدر ترميها.
*
