hits counter

إذا بلغت الثلاثين هل ستلعب الفيديو جيمز أم ستعتزل ؟

طالما نينتيندو بتكون موجودة .. بكون لازلت متابع الجيمنج الى امد بعيد ..
Not Responding قال:
اكثر من مره ناقشت كم عينه من مجتمعنا المتخلف ، لما سالته وش رايك باللي متزوج وعنده عيال ويلعب ، تتوقعون وش قال ؟ ..

يقول هذا مو رجال ، كيف يترك اهله وعياله ويجلس يلعب وماحد عندهم ومدري ايش .
أنقر للتوسيع...
المسألة مسألة نظرة خاطئة او فكر خاطئ مو تخلف ..
 
اذا خلفت باورثه اولادي

دورة الحياة :laugh::
الانترتيمنت بكبرها هي لتقضية وقت الفراغ
 
امم ، إن كنت تقصد بإنه عمر الثلاثين واحد كبير و كذا ، بالنسبة لعائلتنا عادي :laugh:: أخوي 31 سنة و لازال يلعب جيمينج و الوالد الليه يحفظه بالخمسينات و يلعب الوي متى ما صار عنده إجازة

أما لو كنت تقصد بإن وقتها الشخص يصير منشغل ، فأنا أأيد Maxi4g ، أي شخص عاش حياة الفيديو جيمز مو تاركها عشان مو لاقي وقت يلعبها ، يعني على الأقل يلعبها فقط في الويك إيند ..
 
اكثر من مره ناقشت كم عينه من مجتمعنا المتخلف ، لما سالته وش رايك باللي متزوج وعنده عيال ويلعب ، تتوقعون وش قال ؟ ..

يقول هذا مو رجال ، كيف يترك اهله وعياله ويجلس يلعب وماحد عندهم ومدري ايش .
أنقر للتوسيع...

لول ترا معاهم حق تلاقيه متزوج ومخلف وكل وقته سوني حتى يعني يرجع من الدوام سوني كل تفكيره بس يلعب سوني , يهمل مستقبله واي فرصة في تطوير وظيفتته وزوجته وعيالة

الأمر اشوفه قدامي كثيير
 
طالما في متل جير ... بالعب
طالما في العاب حلوه ..بالعب
طالما في مطورين ممتازين .. بالعب
طالما كوجيما يطور العاب .. بالعب
طالما يدي و اصابعي سليمين.. بالعب
طالما في جيمنج اندستري مهتمه بالهاردكورز .. بالعب
و نظره الناس ما عمرها همتني و اخر شي انتبه عليه !
 
بالنسبه لي مادري ، الاكيد اني لو ما بلعب بكون لإنعدام الوقت للعب مو مسألة عمر
 
صراحه موضوعك حلو وجاي بوقت انا اعاني منه ..

طبعا انا لاعب اربيجي .. ما العب الا اربيجي غالبا .. بالدي اس او بالبلاي او بالاكس بوكس .. فـ غالبا العاب الاربيجي رسومها وبيئتها تكون ملونه او تكون بمعنى اصح كرتونيه .. خصوصا العاب الاربيجي ميكر اللي العبها على الـ PC ..

اهلي كانو يشوفون هالشي عادي من قبل .. لكن الحين بدت تتغير نظرتهم .. لما يشوفوني العب بالبي سي او يشوفوني على البلاي العب .. احيانا تكون فيه محادثات مابين الشخصيات يكون الفويس اكتينق طفولي احيانا .. فـ تلقى اهلي لما يسمعون المحادثه بالصدفه يناظرون فيني نظرة استغراب شديده من هالشي اللي اسويه ..

صراحه .. هالشي اثر فيني كثير .. حتى لما افكر وانا جالس اني العب اربيجي .. لازم اشوف قبل اذا اخواني بيجون للبيت ولا لا .. خوفي انهم يجون ويشوفون اللي العبه .. برضو هالشي اثر فيني من ناحيه ثانيه .. اني خايف ان الهيبه اللي عندك كـ رجل بالبيت تنهز لما يشوفونك تلعب هالالعاب .. خصوصا لما يكون فيه اطفال بالبيت وانت تعتبر اخوهم او عمهم او خالهم الكبير .. هنا راح تحرم تلعب هالالعاب عندهم ..

برضو اخوياي .. ماعمري في حياتي اني لعبت اربيجي قدامهم .. هذا شي مستحيل اسويه .. لاني عارف اني اذا لعبت اربيجي قدامهم راح يكون فيه تهزيء وراح يكون فيه استخفاف غير طبيعي .. احنا يالسعوديين شعب يحكم عـ الشي من نظره وحده فـ توقع كل شي يقولونه لك ..

عموما .. بالنسبه للسؤال الاهم بالموضوع .. فعلا انا احب الاربيجي .. اعشقه لحد الموت .. لـ درجة اني زي ماقلت من قبل العب العاب الاربيجي ميكر بالبي سي عشان العاب الاربيجي قليله تنزل باجهزة الكونسول والمحمول .. فـ احاول اني العب اي لعبة اربيجي اشوفها .. بس عشانها اربيجي .. فـ لذلك .. لما افكر الحين بجواب السؤال طبيعي راح اقول [ لا ماني تارك هالالعاب ] .. لكن لما افكر فيها بعمق اكثر .. راح اقتنع ان هالشي مستحييييل جدا ..
 
alakafi قال:
لول ترا معاهم حق تلاقيه متزوج ومخلف وكل وقته سوني حتى يعني يرجع من الدوام سوني كل تفكيره بس يلعب سوني , يهمل مستقبله واي فرصة في تطوير وظيفتته وزوجته وعيالة

الأمر اشوفه قدامي كثيير
أنقر للتوسيع...

مااتوقع فيه احد كذا ، ماقد سمعت حتى .

بعدين حتى لو كان يسوي كذا ، وقت فراغه ويحق له يسوي اللي يبي ، بعدين هو ياخي ماطلع برا البيت ، بعضهم حتى تلقاه يلعب بالصاله ومعاه عياله .

يعني عادي ، انت لما تجلس مع ابوك مثلا ً ولا اهلك ، اكيد انكم بتكونون مشغلين التلفزيون وجالسين تشوفون شي .. نفس الفكرة بس الله بلايستيشن ولا اي شي ثاني .

بس عشان احنا مو متعودين عليها 🙂 .
 
دام في ألعاب لميجامان و سونيك راح اظل ألعب =)
و بعد يمكن يمديهم يعملون لنا ريميك لفاينل فانتسي 7 :tongue:
 
العمر =/= التوقف عن الهوايات مهما كانت !!

انا عمري 28 واللعب لي اليوم وراح العب حتى لو صار عمري 60 سنه .. شنو المشكله ؟
لا... اوزيدك من الشعر بيت .. متزوج والحمدلله وعندي ولد

المسأله مسأله الانسان وشخصيته ..لازم يعرف ينظم حياته ويلعب بالمعقول ويأدي واجباته اتجاه نفسه وعائلته.
اما اذا مايعرف ينظم حياته .. فالمشكله في الشخص نفسه وليس في الالعاب او العمر :smug:

-__- ذكرتني بواحد اعرفه .. يقول اول ما اتزوج خلاص ماراح اللعب ؟؟ اقوله ليش؟ يقول اخاف زوجتي تنقد علي ..

لول .. غباء .. مثير للشفقه
 
التعديل الأخير:
مرحبا
لا ماتوقع اترك اللعب انا عمري الحين 28 سنه قريباً ولا تركته
اوكي بخفف عنه وبخفف عنه مره يمكن ع الثلاثين
بس اني اتركه بشكل نهائي لا
ع العموم انا الحين مخفف عنه مره بس اذا شدتني لعبه
العب فيها بشكل يومي يعني باليوم نص ساعه او ساعه
لين اخلصها هذا نظامي
 
كن واقعي اش أضافت ألعاب الفيديو لحياتك ؟
 
^
+ الاستمتاع الرهيب ..... و تفتح نفسك احيانا عدل
 
cranshy قال:
كن واقعي اش أضافت ألعاب الفيديو لحياتك ؟
أنقر للتوسيع...

- لغة انجليزية متقدمة عن الجميع وأنا ما عمري طبيت في بلد انجليزي.
- أصدقاء ومجمتع رهيبين.
- قربتني من اخواني وأقاربي بشكل كبير.
- وفرت لي اهتمام بمجالات ما كان ممكن أهتم فيها لولا الله ثم هي. مثل التقنية, وصناعة البرمجيات وغيرها.
- كانت حافز كبير للدراسة في وقت مبكر من حياتي.
- أبعدتني عن اهتمامات -في نظري- سلبية مثل الهجولة والتفحيط والمغازل وكلام المراهقين هذا.

كل شخص استفاد من الجيمنج بطريقة أو بأُخرى. ممكن يعرف كيف على طول, وممكن لا. لكن السؤال هنا لو ان الفيديو جيمز ما كانت جزء من حياتك, وش كانت بتصير؟ عارف ان الجواب البديهي "أفضل" لكن أنا اتحدى. مو أي واحد يترك الفيديو جيمز بيصير عالم أو محب للفلك ويقرأ عن كل شيء في الدنيا ويصير فيلسوف زمانه. فُرص ان حياتك بتكون أفضل هي نفسها فُرص ان حياتك كانت بتكون اسوأ. ممكن بدال الليلة الي قعدت فيها تلعب لعبة بريئة مع اخوياك الجيمرز, تكون طالع تدخن شيشة في مقهى وتلعب بلوت إلى آخر الليل. ممكن بدال ما انت قاعد تلعب معهم, تكون طالع تفحط أو مهما كان.

أكره الشخص الي ينظر لاختياره للفيديو جيمز كأنه شيء سيء وأن حياته بتكون أفضل من دونها. ما يعلم هالشيء إلا الله. انت ما تدري حياتك من دونها وش بتصير. زي ما البعض يقول ضيعت حياتي بالفيديو جيمز, ما تدري سبحان الله ممكن من دونها تقول ضيعت حياتي بــ..... (املأ الفراغ بأي هواية أو عمل في الدنيا). وحتى لو كان فيه شيء مفيد انت ما سويته لأي سبب (مثلاً ما تقرأ كتب أو مهما كان), ومُقنع نفسك ان الفيديو جيمز هي السبب. ترى توّك صغير ولسى فيه وقت تطور من نفسك. كم عمرك الآن؟ 20 سنة؟ 30 سنة؟ طيب؟ تو الناس. اذا عندك شيء تبي تمارسه, لا تختلق اعذار, وابدأ مارسه الآن.

ملاحظة: ردي ماهو موجّه لك فقط. فيه واحد معيّن أنا موجّه له الرد هذا وعارف انه بيقرأه ان شاء الله 😉.
 
التعديل الأخير:
G7Ga7 قال:
- لغة انجليزية متقدمة عن الجميع وأنا ما عمري طبيت في بلد انجليزي.
- أصدقاء ومجمتع رهيبين.
- قربتني من اخواني وأقاربي بشكل كبير.
- وفرت لي اهتمام بمجالات ما كان ممهتم أهتم فيها لولا الله ثم هي. مثل التقنية, وصناعة البرمجيات وغيرها.
- كانت حافز كبير للدراسة في وقت مبكر من حياتي.
- أبعدتني عن اهتمامات -في نظري- سلبية مثل الهجولة والتفحيط والمغازل وكلام المراهقين هذا.

كل شخص استفاد من الجيمنج بطريقة أو بأُخرى. ممكن يعرف كيف على طول, وممكن لا. لكن السؤال هنا لو ان الفيديو جيمز ما كانت جزء من حياتك, وش كانت بتصير؟ عارف ان الجواب البديهي "أفضل" لكن أنا اتحدى. مو أي واحد يترك الفيديو جيمز بيصير عالم أو محب للفلك ويقرأ عن كل شيء في الدنيا ويصير فيلسوف زمانه. فُرص ان حياتك بتكون أفضل هي نفسها فُرص ان حياتك كانت بتكون اسوأ. ممكن بدال الليلة الي قعدت فيها تلعب لعبة بريئة مع اخوياك الجيمرز, تكون طالع تدخن شيشة في مقهى وتلعب بلوت إلى آخر الليل. ممكن بدال ما انت قاعد تلعب معهم, تكون طالع تفحط أو مهما كان.

أكره الشخص الي ينظر لاختياره للفيديو جيمز كأنه شيء سيء وأن حياته بتكون أفضل من دونها. ما يعلم هالشيء إلا الله. انت ما تدري حياتك من دونها وش بتصير. زي ما البعض يقول ضيعت حياتي بالفيديو جيمز, ما تدري سبحان الله ممكن من دونها تقول ضيعت حياتي بــ..... (املأ الفراغ بأي هواية أو عمل في الدنيا). وحتى لو كان فيه شيء مفيد انت ما سويته لأي سبب (مثلاً ما تقرأ كتب أو مهما كان), ومُقنع نفسك ان الفيديو جيمز هي السبب. ترى توّك صغير ولسى فيه وقت تطور من نفسك. كم عمرك الآن؟ 20 سنة؟ 30 سنة؟ طيب؟ تو الناس. اذا عندك شيء تبي تمارسه, لا تختلق اعذار, وابدأ مارسه الآن.

ملاحظة: ردي ماهو موجّه لك فقط. فيه واحد معيّن أنا موجّه له الرد هذا وعارف انه بيقرأه ان شاء الله 😉.
أنقر للتوسيع...

تستاهل اكبر تصفيق في التاريخ على الدرر اللي قلتها 😎:
 
cranshy :

مازيد على كلام جحجاح .. بالاضافة الى ان الجيمنج الحمد لله خلتني بأوقات الفراغ " استمتع " مو اسوي اشياء ماتونسني بس عشان انهي الفراغ .. مو زي الي تجيه الاجازه الصيفيه ويقعد اسبوعين مستانس بعدين يقول " طفششش " والله اذا شفت هالكلمة ولا شفت شخص قدامي بهالحاله احمد ربي اني اهتميت بمجال احبه .
 
cranshy قال:
كن واقعي اش أضافت ألعاب الفيديو لحياتك ؟
أنقر للتوسيع...
لازم اعرف ايش هواياتك عشان افهم وجهة نظرك...

تعديل: تباً لفتح ترليون تاب و الرد من الدون الreload... رد جحجاح يكفي
 
التعديل الأخير:
آحسآس قال:
صراحه موضوعك حلو وجاي بوقت انا اعاني منه ..

طبعا انا لاعب اربيجي .. ما العب الا اربيجي غالبا .. بالدي اس او بالبلاي او بالاكس بوكس .. فـ غالبا العاب الاربيجي رسومها وبيئتها تكون ملونه او تكون بمعنى اصح كرتونيه .. خصوصا العاب الاربيجي ميكر اللي العبها على الـ PC ..

اهلي كانو يشوفون هالشي عادي من قبل .. لكن الحين بدت تتغير نظرتهم .. لما يشوفوني العب بالبي سي او يشوفوني على البلاي العب .. احيانا تكون فيه محادثات مابين الشخصيات يكون الفويس اكتينق طفولي احيانا .. فـ تلقى اهلي لما يسمعون المحادثه بالصدفه يناظرون فيني نظرة استغراب شديده من هالشي اللي اسويه ..

صراحه .. هالشي اثر فيني كثير .. حتى لما افكر وانا جالس اني العب اربيجي .. لازم اشوف قبل اذا اخواني بيجون للبيت ولا لا .. خوفي انهم يجون ويشوفون اللي العبه .. برضو هالشي اثر فيني من ناحيه ثانيه .. اني خايف ان الهيبه اللي عندك كـ رجل بالبيت تنهز لما يشوفونك تلعب هالالعاب .. خصوصا لما يكون فيه اطفال بالبيت وانت تعتبر اخوهم او عمهم او خالهم الكبير .. هنا راح تحرم تلعب هالالعاب عندهم ..

برضو اخوياي .. ماعمري في حياتي اني لعبت اربيجي قدامهم .. هذا شي مستحيل اسويه .. لاني عارف اني اذا لعبت اربيجي قدامهم راح يكون فيه تهزيء وراح يكون فيه استخفاف غير طبيعي .. احنا يالسعوديين شعب يحكم عـ الشي من نظره وحده فـ توقع كل شي يقولونه لك ..

عموما .. بالنسبه للسؤال الاهم بالموضوع .. فعلا انا احب الاربيجي .. اعشقه لحد الموت .. لـ درجة اني زي ماقلت من قبل العب العاب الاربيجي ميكر بالبي سي عشان العاب الاربيجي قليله تنزل باجهزة الكونسول والمحمول .. فـ احاول اني العب اي لعبة اربيجي اشوفها .. بس عشانها اربيجي .. فـ لذلك .. لما افكر الحين بجواب السؤال طبيعي راح اقول [ لا ماني تارك هالالعاب ] .. لكن لما افكر فيها بعمق اكثر .. راح اقتنع ان هالشي مستحييييل جدا ..
أنقر للتوسيع...
أنا أصدقائي لما يشوفوني ألعب لعبة من هالنوع على طول ينقزوا يناظروا الشاشة، أسلفك إياهم؟ نصيحة: شوف لك أصدقاء آخرين... :laugh::
 
cranshy@
روح قشر بصل :tongue:

ابو الجحاجيح صح لسانك .
....................................
الاضافة الى ان الجيمنج الحمد لله خلتني بأوقات الفراغ " استمتع " مو اسوي اشياء ماتونسني بس عشان انهي الفراغ .. مو زي الي تجيه الاجازه الصيفيه ويقعد اسبوعين مستانس بعدين يقول " طفششش " والله اذا شفت هالكلمة ولا شفت شخص قدامي بهالحاله احمد ربي اني اهتميت بمجال احبه .
أنقر للتوسيع...

صادق والله اشوف ناس كثيرررر بنفس ذي الحاله
 
له سلبيات وايجابيات ....
الايجابيات جحجاح ماقصر وكتب اللي ابغاه وزيادة ....
لولا الجيمينج جان ماتعرفت على اصدقاء اصليين بمعنى الصداقة !
ولولا الجيمينج جان ماعرفت ناس محبوبين و طيبين
ولولا الجيمينج جان ماشفنا TG
وفيه سلبيات لكن مااعرف غير الايجابيات >_>
 
cranshy قال:
كن واقعي اش أضافت ألعاب الفيديو لحياتك ؟
أنقر للتوسيع...

الترفيه.... لغة انجليزية.... وتجمع الأصدقاء..... فقط !

بكل واقعيه، وشخصيا ما اشوف ان لها فايده كبيره ابداً هي مجرد شيء يندرج تحت الأنترتيمنت عندي لا اكثر

الي يقولون يقوي التركيز والذكاء ووووو تلعبون على نفسكم مثلاً، الغبي حتى لو لعب لعبة وشد حيله في وقت اللعبه راح يسوي الي يبي تطلع برا اللعبه والامور الحياتيه هو هو مثل ما طاح انبطح 😀
 
الجيمنج حسّن حياتي وسد ابواب كثيرة لي. "ابواب سيئة مثل اللي ذكرها عبدالرحمن فوق" ما اعتقد اقدر اقول اكثر من كذا لأنه عبدالرحمن حط نقاط كثيرة وكلها صحيحة تماماً
اعتقد ابسط مثال ممكن اقوله حول التأثير هو نوعية و طريقة كتابة الردود هنا من مختلف الأعضاء. شف منتديات ثانية وتعرف الفرق
هل اترك الجيمنج بعد 30 سنة؟ ممكن. والسبب راح يكون عدم توفر الوقت. لكن مثل ما قلت الجيمنج اعطى تأثير قوي و ايجابي ودائم على مدى حياتي.

كن واقعي اش أضافت ألعاب الفيديو لحياتك ؟
أنقر للتوسيع...
ممكن سؤال شخصي؟ لك كامل الحرية في انك تجاوبه او لأ
- كم عمرك؟ اي مرحلة دراسية؟
 
التعديل الأخير:
افضل رد مقنع شفته في TG الى الان هو رد جحجاح في هذا الموضوع ما اقدر اعلق لأنه ذكر كل شي واكثر من الي كنت بقوله .. في الصميم ياجحجاح في الصميم !!
 
التعديل الأخير:
الي يقولون يقوي التركيز والذكاء ووووو تلعبون على نفسكم مثلاً،
أنقر للتوسيع...

ألعب فينيكس رايت أو أي لعبة فيها ألغاز وخلصها بدون مساعدة وتعال بعدها , صدقني مستوى الذكاء عندك راح يرتفع بدون شك
 
cranshy قال:
كن واقعي اش أضافت ألعاب الفيديو لحياتك ؟
أنقر للتوسيع...

طيب على الكلام هذا .

ايش اضافت الكورة لحياتك ؟ لما تشوف التلفزيون ايش اضاف لحياتك ؟ لما تقرا قصه من كتاب يش اضافت لحياتك ؟ لما تطلع مع اخوياك وتستانسون ايش اضافت الطلعة هذي لحياتك ؟

مو كل شي مفيد ، "غير مفيد" =\= مضر .

مادام انا مستمتع فيه ومادام هذي هوياتي ، ولا فيها ضرر على نفسي ، واجد فيها الراحه النفسيه ، فليش امنع نفسي منها ؟ .
 
حتى لو في ناس مو مستفيدين منها فوائد فعلية في فوائد أخرى، أقلها راحة البال اللي تجي من الجيمنج... فائدة، واللي ما يعتبر راحة البال فائدة هذا إنسان مريض.
 
معليش بس لحظة غضب ماقدرت امسك اعصابي , شيل الاقتباس 🙂
 
يجب تسجيل الدخول أو التسجيل كي تتمكن من الرد هنا.
عودة
أعلى