العمل ممكن تقسيمه ل 3مراحل بالنسبة لى
المرحلة الأولى تبقى فى أول 8 حلقات و دول اتكلمت عنه فعلا فى إنطباعى السابق ، فى المرحلة دى الأبطال لسه فى حالة من الحيرة و التردد فى معظم الوقت ، بعضهم زى ميميرو بيحاول يحدد موقفه من تسوكاسا ، بعضهم بيحاول يلاقى حل للمشكلة بدون نتيجة حقيقية ، العمل كان بيحاول يبقى واقعى هنا بس بصراحة خد وقت أكثر من اللازم و ال Pacing كان بطئ و مزعج فعلا و زى ما قلت قبل كده تعامل ميمرو مع تسوكاسا و اعتبارها إنه صديق كان غير منطقى بالنسبة لى لأن ماكنش فى بينهم أى تفاعل حقيقى يبرر ده خصوصا إن إهتمامها بيه مش متعلق بحل المشكلة زى Bear أو بدوافع شخصية زى BT
المرحلة الثانية بتمتد لقرب النهاية و فيها معظم الأبطال حددوا مواقفهم فعلا و ابتدى البحث عن ال Key of the twilight ، الأبطال هنا كان عندهم هدف واضح بيحاولوا يحققوه و كان فى تطور واضح سواء من ناحية الأحداث أو الشخصيات خصوصا تسوكاسا و سوبارو و اللى كرهتهم فى البداية
تسوكاسا كان شخصية مزعجة و بيتصرف بأسوء طريقة ممكنة فى كل موقف بس أخيرا ابتدى يتطور و يتعلم من اخطاءه بعد ما كان تائه فقط فى البداية و بصفة عامة ماعنديش مشكلة كبيرة مع شخصيته خصوصا مع أوضاعه الصعبة سواء فى اللعبة او العالم الحقيقى
سوبارو كانت قصة تانية ، كرهى ليها كان لسببين ، الأول طريقة أدائها الصوتى كان مزعجة لى لسبب ما و الثانى إنى ماحبيتش تصرفاتها كقائدة ، فى المرحلة الأولى سوبارو كانت دائما على خلاف مع الفارس بس فى نفس الوقت ما كانتش بتقدم حلول حقيقية و معظم قراراتها كانت بناء على إقتراحات من باقى الشخصيات ، الفارس كان أكثر شخصية مزعجة فى العمل و ظهر كديكتاتور ضيق الأفق بس حتى بعد تحركه ضد قرارتها ماخدتش تصرف حقيقى معاه و فضلت معتمدة عليه و النتيجة إنه حاول التحكم فيها و منع الناس من مقابلتها ، هو لو نظرنا بشكل موضوعى إنت مش هاتتحكم فى الناس بشكل كامل و فى الآخر دى لعبة و اعتماد سوبارو على الفارس ممكن يبقى لأنه مافيش خيار تانى خصوصا بعد ترك Crim للمجموعة بس ده مايمنعش إنى ماحبيتش تصرفاتها و عدم إدراكها لخطورة تصرفات الفارس بس ده اتغير مع المرحلة التانية ، سوبارو ابتدت تاخد طرق مختلفة للتعامل مع المشكلة و بعد ما عرفت إن مجموعة الفرسان مش هاتفيدها فى حل المشكلة قررت التوجه لمجموعة Bear بس المرة دى كطرف فعال و مش مجرد لتنفيذ خطة أو إقتراح منهم ، برضه مع الوقت سوبارو ابتدت تدرك أخيرا المشكلة مع الفرسان و بعد مواجهة مع الفارس الفضى (و اللى اتهمها بإنها بتتصرف كأنها God مع إن ده بالضبط الشئ اللى هو بيعمله

) سوبارو خدت القرار الجرئ بحل مجموعة الفرسان و ده رفع من شخصيتها بالنسبة لى
بالنسبة لباقى الشخصيات ، ماحبيتش BT و حسيت إنها Manipulative بدون داعى حقيقى ، مع الوقت بنتعرف على مشاكلها الشخصية و إحساسها بالوحدة بس ده ماغيرش إنطباعى بشكل كبير عنها و على العكس خلى تصرفاتها غريبة بالنسبة لى أما Sora فكان شخصية مزعجة بشكل غير عادى (و إن وجوده ك Troll منطقى)
Bear كان شخصية جيدة و ماعنديش كلام كثير عنه أما Crim فإحساسى تجاهه متضارب ، Crim يبقى أكثر شخص بيتعامل مع الموضوع كلعبة و عنده فصل حقيقى بين عالم اللعبة و العالم الحقيقى ، من جهة منطقه مفهوم و سليم و بصفة عامة هو شخصية جيدة خصوصا إن بالرغم من إعتباره إن الموضوع لعبة فهو ملتزم بمبادئه على عكس Sora بس فى نفس الوقت قراره بالفصل التام كان مزعج أحيانا خصوصا مع المشاكل الجدية اللى ابتدت تظهر مع تقدم الأحداث و إنه كسر القرار ده فعلا فى حالة سوبارو
العلاقة بين سوبارو و تسوكاسا كانت غريبة بصراحة ، سهل إننا فى المرحلة دى إننا نعتبر ميميرو و تسوكاسا اصدقاء بس بعد تعرف تسوكاسا على سوبارو الأحداث خدت طريق تانى و التركيز بقى عليها (صداقة ميميرو كان من طرف واحد

) ، من سياق العمل و عدم وجود رد فعل لسوبارو لمعرفة إن تسوكاسا بنت فى الحقيقة بالرغم من إنها ماكانتش تعرف ده فالمفترض إن دى صداقة بس طريقة التقديم كانت أقرب لعلاقة حب و كانت غير واضحة
المرحلة الثالثة بتبدأ مع كشف موضوع Aura , حقيقة صاحب رسالة الKey of the twilight و بدأ المواجهة الأخيرة، مش هانكر إنى استمتعت بالحلقات دى بس فى نفس الوقت كان عندى مشاكل كثيرة تجاهها
ماحبيتش دور هيلبا و حسيت إنه حل سهل للتعامل مع أى حاجة مجهولة أو صعبة، كنت أفضل لو الشخصيات ابتدت تعرف الحقائق بنفسها مش إن كل البحث ده مايوصلش لحاجة و فى الآخر تيجى هيلبا و تكشف كل حاجة بسهولة ، كان ممكن أقبل ده لو كانت هيلبا شخصية حقيقية مشاركة فى العمل من البداية أو حتى المنتصف و مش موجودة فقط لحل المشاكل زى ما ظهر هنا
برضه كم المعلومات اللى تم الكشف عنها كثير و بالرغم من كده فى حاجات كثيرة تم تركها بدون إجابة حقيقية أو توضيح ، مافهمتش إيه اللى هارولد كان عاوزة بالضبط من إنتاج Aura و المعنى من كلامه أو إيه ليه ال Being اللى عمله بيحاول منع ولادتها و ليه بيتصرف بالشكل ده ، برضه طريقة رجوع تسوكاسا للعالم الحقيقى كانت مجهولة و غير منطقية ، الشخصيات كانوا فى مواجهة و هيلبا قررت تدمر المكان بس ده مالوش علاقة حقيقية برجوع تسوكاسا و اللى كان مشكلة مش عارفين إزاى يتعاملوا معاها لآخر لحظة بالإضافة للمصير المجهول ل Sora ، عدد من الأسئلة دى اضطريت للبحث فى النت عشان ألاقى إجابة ليها و كان المفترض يتم توضيحهم فى العمل بدل تضييع الوقت فى البداية
برضه رجوع تسوكسا لوضع أسوء من الأول كان Frustrating بصراحة و إن كنت حبيت تطوره الأخير
نهاية العمل بتديك الإحساس إنها نهاية لقصة المجموعة دى من الشخصيات فقط بس مجرد البداية لقصة لتانية خصوصا إن بعد كل التركيز على ولادة Aura بنكتشف إنها مازالت طفلة غير كاملة و ال Being مازال ضدها و ده اللى خلانى أحس إنها مش نهاية حقيقية
عشان أكون واضح مابقولش إن الجزئية دى سيئة و المواجهة كانت ممتعة فعلا فى معظمها مع التطورات الأخيرة للشخصيات بس كان ممكن التعامل معاها بشكل أحسن بكثير خصوصا إن الوقت كان عندك