اوووووووووووووووووووووووكي عند هنا لازم ستوب.
اذا تقديم افضل لعبة اكشن بالسوق -Ninja Gaiden Black- ولعبة تأثيرها على الصناعة غني عن الذكر -RE4- مش CV كفاية فما اعرف وش هو الCV المذهل الصدق! بلاش اختلاط مفاهيم وتغيير تاريخ.
أول شيء، الدنيا حظوظ وفرص، وكل شيء ينفع بوقت ما، هل تتوقع لو كوجيما انطرد في 2008 كانت بمسكه سوني؟ قطعا لا.
طيب ليش سوني مسكته؟ للإجابة على هذا راح أجيب على هذا الرد ايضا:
واذكر سبب شهرة كوجيما الفعلية وليش له تلك النجومية.
كوجيما من يومه، كان يعمل لنفسه براند، من أول ما تشوف غلاف اللعبة، أول شيء تشوفه هو:
هذا صحيح، A Hideo Kojima Game ، كان يبني brand لإسمه ونفسه، لدرجة انه حرفيا عمل استوديو ايش اسمه؟ صحيح، Kojima Productions ، استوديو كامل بإسمه الشخصي! ووقت ما تلعب فانتوم بين، حبيبنا كوجيما ما يقصر بحشر اسمه في كل مهمة ممكنة!
بالمقابل ، إتاغاكي وش كان اسم فريقه؟ Team Ninja ، وش الفرق اللي اشتغل معاها ميازاكي وقت ما كان في كابكوم؟ استوديو أربعة، كلوفر استوديو، مع انه عضو مهم فيهم وحتى تقدر تقول ان اسم كلوفر له صلة به، لكن يظلوا مع ذلك اسامي عامة للفرق وما يحشر اسمه بكل وضوح، ولا تشوف اسمه بالخط العريض في اغلفة العابه: a Shinji Mikami Game ، يا رجل هيديو كوجيما نفسه حشر اسمه بلعبة كاسلفانيا لورد اوف شادوز حتى!
اللي نستفيده هنا ان كوجيما من يومه عند حب الظهور والشهرة، يطلع بكل مكان ممكن، يحشر اسمه بكل مكان ممكن، يبني البراند حقه، ووصل أماكن عالية بكونامي بالحقيقة ومناصب ادارية، فوقت ما سبحان الله انطرد من الادارة والشركة بعد كل اللي سواه "لأن كونامي شريرة" -مع اني ما ادري كيف ممكن بسهولة كونامي تضحي بإسم زي كذا عندها بسهولة، اذا ما كانت المشكلة من طرف كوجيما نفسه- ، سوني استغلت الفرصة واخذته، ليش؟ لأنه "كوجيما" ، الكل يعرف كوجيما، كوجيما يمثل اضافة هائلة لهم وتسويق لجهازهم أيضا.
لو سوني، فعلا، تهتم بإضافة اسامي تمثل نقلة نوعية لكيان سوني وتنوع هائل، كنا شفنا سوني بنفس السنة اللي انطرد فيها كوجيما وضمته لعندها، انها تضم يو سوزوكي فعلا لصفوفها وتمول مشروعه!
بس ايش اللي عملت؟ eh نعلن عن كيكستارته وخلاص، ما بنمسك المشروع ولا نموله ولا حاجة.
ليش؟ لأن محد يعرف يو سوزوكي، مع انه أحد اهم اسامي الصناعة وروادها واللي قاد بالصناعة للأمام وصنع جنرات بأكملها ودائما ماكنت افكاره طموحة وساعدت على ان الصناعة توصل لشكلها الحالي اليوم، وكان طموح بشكل دفع ثمنه، لكن طموح nonetheless
بس هل احد يعرف يو سوزوكي؟ لا، بينما كوجيما؟ صاحب استوديو كوجيما برودكشنز؟ اللي يحشر اسمه في كل لعبة ويحط جملة a Hideo Kojima game بكل شيء يلمسه؟ why of course ، مكسب كبير لها اعلاميا وتسويقيا.
الحين، بعد دا كله، هل اقول ان كوجيما مش مبدع ؟ لا طبعا وهو الآخر له اسهاماته بالصناعة وأحد الاشخاص المميزين، لكن، ما وصل لهالمكانة الا عشان الego حقته اللي ينفخها فوق فوق وصنع البراند حقه طول هالسنين، بدونها ما كانت بتمسكه سوني ولا يحزنون.
