الموضوع الرسمي لـ كمال الأجسام

[Black_Tear]

شباب أنا طولي 174 ووزني تقريباً 72
أنا موب أهتم أخلي جسمي منفوخ من العضلات كل الي عاوزه إني أشد الترهلات الي عندي
وقبل ما أشيل حديد عاوز أنحف كمان
فيا شباب عندكم طريقة أكل وتمرين تخليني أخس 10 كيلو تقريباً بشهر أو بشهر ونص ؟؟
وإيش برنامج الحديد المناسب الي لازم أعمله ؟؟

 

[Cizer Shnider]

العب كارديو 3 ايام في الاسبوع مع الحديد وامتنع تماما عن كل الدهون المشبعة في الاكل وخلي غذائك صحي تماما
ولا تزيد من اكل الكاربوهايدرات الا بحساب لكي تستطيع اللعب وحمل الاوزان وفي نفس الوقت لا تتخزن على شكل دهون
مافيش ابسط من كده

 

[Black_Tear]

العب كارديو 3 ايام في الاسبوع مع الحديد وامتنع تماما عن كل الدهون المشبعة في الاكل وخلي غذائك صحي تماما
ولا تزيد من اكل الكاربوهايدرات الا بحساب لكي تستطيع اللعب وحمل الاوزان وفي نفس الوقت لا تتخزن على شكل دهون
مافيش ابسط من كده

يعني لازم احافظ على الأكل مع الرياضة وعلى الحديد بنفس الوقت ؟؟
الي ناوي عليه إني أخس بالأول بعدين العب حديد

 

[Sir Guts]

شباب أنا طولي 174 ووزني تقريباً 72
أنا موب أهتم أخلي جسمي منفوخ من العضلات كل الي عاوزه إني أشد الترهلات الي عندي
وقبل ما أشيل حديد عاوز أنحف كمان
فيا شباب عندكم طريقة أكل وتمرين تخليني أخس 10 كيلو تقريباً بشهر أو بشهر ونص ؟؟
وإيش برنامج الحديد المناسب الي لازم أعمله ؟؟

طويل العمر كل الي عليك تسويه هو كارديو 4 مرات في الإسبوع و يوم في الإسبوع تلعب حديد بأوزان خفيفة جدا و تلعب بتكرار

عشان تحرق و تسمت جسمك بالشكل الممتاز و الصحيح

 

[Talal kinenju]

انا متوافق مع جسمي طلال ماحس لا بدوخة ولا بتعب و الليل انامه عادي

لكن دام يسببلك اعراض جانبية انا انصحك تتركه لأن صحتك اهم من البروتين

و نصيحة جرّب الـSupercharge طبعا ملعقتين بس تاخذ منها و تشربه قبل لا تتمرن بـ45 دقيقة

تروح النادي ودك تدخل و تقولهم اثقل شي عندكم جيبوه! .. لكن اذا بعد في اعراض جانبية ارجعلي و بعطيك اشياء ثانية

مشاري مادري شاقول احساس غريب كأني اطير في السما وصوت دقات قلبي ينسمع وجسمي يصير سخان! وغير اني ماقدر اسوق السيارة, طبعا خذيتها درس ماستخدم الجااك ألا مع الربع لاقدر الله .

اما بخصوص النوم اعتقد بسبب اني استخدم الجااك فليل او قريب وقت النوم عشان كذا, لأن يحتوي على كافيين عالي جدا, سوبرجاارج ماجربته من قبل دام انه احسن من الجااك نجربه ليش لا:xd:, بس اخاف يخليني اطير صج:crying:

+اي صالة تلعب

 

[Talal kinenju]

شباب أنا طولي 174 ووزني تقريباً 72
أنا موب أهتم أخلي جسمي منفوخ من العضلات كل الي عاوزه إني أشد الترهلات الي عندي
وقبل ما أشيل حديد عاوز أنحف كمان
فيا شباب عندكم طريقة أكل وتمرين تخليني أخس 10 كيلو تقريباً بشهر أو بشهر ونص ؟؟
وإيش برنامج الحديد المناسب الي لازم أعمله ؟؟

شيئ جنوني اذا ودك تخسر 10 كيلو في شهر واحد, انصحك تبلش تلعب رفع اثقال + كارديو في نفس الوقت يوم كذا ويوم كذا, لأن وزنك جدا مناسب وماعليك من الترهلات من اول اسبوع راح تحس بالفرق بس عليك تبلش تاكل اكل صحي

 

[Cizer Shnider]

يا اخي لا تستعجل النتائج
اولا كمال الاجسام لازم تمارسه على انه بيصير اسلوب حياة لك مش شهر واحد وتبطل
ثانيا 3 ايام في الاسبوع كافي جدا كارديو مع ممارسة الحديد لمدة 6 ايام ويوم واحد اجازة
وتحافظ على اكلك من الدهون فقط حتى لو مابتلعب رياضة المفروض اصلا ماتتناول الدهون المشبعة لانه مضرة لكن باقي الطعام مافي مانع تاكل طول اليوم
اصلا المفروض اقل عدد وجبات تاكلها وانت تمارس كمال الاجسام 5 وجبات في اليوم لكن بدون دهون مع كاربز قليلة جدا فقط كما قلت لك لتستطيع رفع اوزان
الترهلات بتروح مع الكارديو علشان يمسح الدهون ومع الحديد يزيد كتلة جسمك العضلية فيقوم العضل بشد الترهلات
نفس النظرية لو لبست بنطلون واسع اما انك تقص البنطلون او انك تزيد وزنك علشان تملئ البنطلون
وفي حالتك احنا حنسوي الاثنين معا
كارديو لحرق الدهون وحديد لزيادة كتلة جسمك
وصدقني مع التجربة مهما زاد جسمك عضلات حتى لو صار وزنك 100 ماعمرك بتشعر باي تعب او ثقل او كسل او ضيق بالعكس مع الدهون لو كان وزنك 75 كيلو فقط لكن دهون بتكون في قمة الاحباط والضيق

 

[Sir Guts]

مشاري مادري شاقول احساس غريب كأني اطير في السما وصوت دقات قلبي ينسمع وجسمي يصير سخان! وغير اني ماقدر اسوق السيارة, طبعا خذيتها درس ماستخدم الجااك ألا مع الربع لاقدر الله .

اما بخصوص النوم اعتقد بسبب اني استخدم الجااك فليل او قريب وقت النوم عشان كذا, لأن يحتوي على كافيين عالي جدا, سوبرجاارج ماجربته من قبل دام انه احسن من الجااك نجربه ليش لا:xd:, بس اخاف يخليني اطير صج:crying:

+اي صالة تلعب

طلال السوالف هاذي مافيها لعب! .. لا تستخدم jack 3d من اليوم و رايح عاد وياك الربع ولا لا!

هذا عادي ينهيك بعيد الشر و الشعور الي وصفته توّك يثبت ان جسمك مايتأقلم مع الجاك

البروتينات نصيحة لا تاخذها في الليل لأنها بتسبب لك ارق شنيع و الأرق هذا بيسبب لك حالة نفسية لأنك ماتقدر تنام

انا العب في صالة فيتنس فيرست الي في الشيراتون .. طلال تحمّل هذا انا قلت لك اترك عنك الجاك و لا عاد تشربه! و اذا بغيت شي انا موجود و ترانا في النفس الديرة حبيبي

 

[BlackBird]

شباب أنا ناوي إن شاء الله أخسس بطني أبغى أشيل الكرشة الصغيرة الي طالعة
طولي 180 و وزني 78 جسمي بشكل عام نحيف إلا ان كل الوزن طالع في كرشتي ... فهل في طريقة اني أشيلها بدون رفع أوزان لإني مش مشترك في نادي وما أفكر أشترك حالياً

 

[Sir Guts]

^

هرول/اجري كل يوم قبل الفطور بساعة و نص .. و ان شاء الله بتتذكرني

 

[BlackBird]

^

هرول/اجري كل يوم قبل الفطور بساعة و نص .. و ان شاء الله بتتذكرني

فطور بعد رمضان؟ ولا في رمضان؟ :laugh::

 

[Talal kinenju]

أوو مشاري ولامره شفتك هناك حتى انا ألعب في فتنس فيرست وصالتين زيادة بعد في البندر ونادي الحد سااعات, مرفه عن روحي عدل بس غريبة ولا مره شفتك

 

[عاشق 360]

طلال السوالف هاذي مافيها لعب! .. لا تستخدم jack 3d من اليوم و رايح عاد وياك الربع ولا لا!

هذا عادي ينهيك بعيد الشر و الشعور الي وصفته توّك يثبت ان جسمك مايتأقلم مع الجاك

البروتينات نصيحة لا تاخذها في الليل لأنها بتسبب لك ارق شنيع و الأرق هذا بيسبب لك حالة نفسية لأنك ماتقدر تنام

انا العب في صالة فيتنس فيرست الي في الشيراتون .. طلال تحمّل هذا انا قلت لك اترك عنك الجاك و لا عاد تشربه! و اذا بغيت شي انا موجود و ترانا في النفس الديرة حبيبي

لول فيتنس فيرست البحرين، قصدك برج التجاره ؟

انا مسجل هناك ، هههه طلعو كثير بهالمنتدى مسجلين بعد هناك .

المهم انا حاليا العب كارديو ساعه " 30 دقيقه مشي سريع /جري " و 20 دقيقه سيكل " و10 دقايق مدري شسمها المكينه الي تمشي بس بمحلها " ، والساعه الثانيه حديد

يوميا العب بهالنظام ، ينفع ؟ ولا اخصص ايام حق هذا وايام حق ذاك ؟ ولازم اشرب بروتينات ؟ " توني مبتدأ على فكره بالجيم " من اسبوعين .

 

[Sir Guts]

فطور بعد رمضان؟ ولا في رمضان؟ :laugh::

في رمضان:sarcastic:

أوو مشاري ولامره شفتك هناك حتى انا ألعب في فتنس فيرست وصالتين زيادة بعد في البندر ونادي الحد سااعات, مرفه عن روحي عدل بس غريبة ولا مره شفتك

يمكن لأن نروح بتوقيت مختلف .. انا اروح الساعة 3 العصر يوميا!

3 صالات ليش يالحبيب؟ متخرّع xD

لول فيتنس فيرست البحرين، قصدك برج التجاره ؟

انا مسجل هناك ، هههه طلعو كثير بهالمنتدى مسجلين بعد هناك .

المهم انا حاليا العب كارديو ساعه " 30 دقيقه مشي سريع /جري " و 20 دقيقه سيكل " و10 دقايق مدري شسمها المكينه الي تمشي بس بمحلها " ، والساعه الثانيه حديد

يوميا العب بهالنظام ، ينفع ؟ ولا اخصص ايام حق هذا وايام حق ذاك ؟ ولازم اشرب بروتينات ؟ " توني مبتدأ على فكره بالجيم " من اسبوعين .

هههههههه لأنها احسن صالة في البحرين الصراحة ياخي .. المكينة بو 10 دقايق انا اسميها مكينة رووبي:laugh::

انت شتبي تسوّي بالضبط عشان اعرف شلون اساعدك

 

[Talal kinenju]

عروض Fitness first ممتازة بس من اسمه يصلح حق الفتنس اكثر من كمال اجسام لأن في اجهزة وايد غير متوفره لبناء الجسم وايضا سياسة تبي مدرب تعال ادفع! كلش موداخله مزاجي عااد والمدربين الحين حتى بوش اب مايعبرون يسوون, حتى سالفة التفتيش قبل الدخول الباركات لي متى يعني؟ بس تعال بطل وصك!! صحيح انها مالها علاقة بالنادي بس المفروض اعضاء النادي مايتفتشون.

طلال تحمّل هذا انا قلت لك اترك عنك الجاك و لا عاد تشربه! و اذا بغيت شي انا موجود و ترانا في النفس الديرة حبيبي

مشاري لاتحاتي يالغالي الجاك ماراح اجربله, ونعم فيك وبأصلك اخوي بوهزاع

 

[BlackBird]

في رمضان:sarcastic:

تتكلم جد؟ :laugh::
أهرول قبل الفطور بساعة ونص والدنيا صيام ...

على كذا خلي الكروشة تكبر أكثر وأكثر ... الصيام باليالله متحمله أجل كيف مع مجهود

 

[Sir Guts]

عروض Fitness first ممتازة بس من اسمه يصلح حق الفتنس اكثر من كمال اجسام لأن في اجهزة وايد غير متوفره لبناء الجسم وايضا سياسة تبي مدرب تعال ادفع! كلش موداخله مزاجي عااد والمدربين الحين حتى بوش اب مايعبرون يسوون, حتى سالفة التفتيش قبل الدخول الباركات لي متى يعني؟ بس تعال بطل وصك!! صحيح انها مالها علاقة بالنادي بس المفروض اعضاء النادي مايتفتشون.



مشاري لاتحاتي يالغالي الجاك ماراح اجربله, ونعم فيك وبأصلك اخوي بوهزاع

هو بالفعل و لكن اجهزة الحديد المتوفرة ممتازة بعد و لو ان في كم شي ماعندهم اياه

انا مدربين مستحيل آخذ .. ادفع 200 دينار/2000 ريال على مدرّب بيدربني 13 جلسة بس ليش؟!

التفتيش و انا اخوك لازم لأن النادي في الـWorld Trade Center و تبع لفندق الـSheraton لازم حماية خصوصا مع الي صار في ديرتنا

اي كفو روح ارميه في اقرب زبالة (تكرمون) .. ينعم بحالك يالذيب ولو الله يحفظك بحسبة اخوي انت ماسوينا شي

تتكلم جد؟ :laugh::
أهرول قبل الفطور بساعة ونص والدنيا صيام ...

على كذا خلي الكروشة تكبر أكثر وأكثر ... الصيام باليالله متحمله أجل كيف مع مجهود

اجل لا عاد تدخل الموضوع هذا و تقول تبي تطيّر الكرشة مرة ثانية فهمت:sarcastic:

 

[عاشق 360]

^ انا ابي شد وعضلاات بسيطه ، لوول مابي انفخ روحي . " برمضان اروح بعد الفطور مبااشره بيضر هاللشي ؟

+ فيه عندنا جيم بالحد ؟ هههه وين باي صوب !

 

[Sir Guts]

^

اوه انت في الحد؟ انا يمّك في عراد:laugh:: .. لا تروح بعد الفطور غلط يا احمد روح بعد التراويح احسن وقت!

 

[Golden_Sun]

مع اني قايل ماراح ارد في هالموضوع، لأن اذا برد لازم ارد على كل شخص بروحه لتصحيح بعض المعلومات.

شخصياً لي فتره اقرى واتابع عن الرياضة والاكل الصحي بشكل عام وتمرينات.
اللي حاب يضعف و"يبني" عضل بنفس الوقت، ما يصير. (ما تقدر تركض ساعه وبعدها ساعه حديد) لأن جسم الانسان ما يستوعب انك قاعد تحرق ثم قاعد تبني.

الطريقة اللي علمياً تم اثباتها، طريقة الـ Zig-Zag

وهي باختصار انك ما تحط تمارين لحرق الدهون مع تمارين لبناء العضل في يوم واحد، لأن جسدياً جسمك ماراح يتسوعب هالشي
يفضل يوم للحرق والكارديو ويوم لبناء العضل دون كارديو. (حتى تقدر تتحايل على جسمك وما تخسر كمية عضل)

مثلاً:
اليوم الاول: تلعب كارديو، فقط. وطريقة استخدام الـ treadmill تكون "دقيقه مشي، دقيقه ركض" او على راحتك "دقيقتين ركض، ثلاث دقايق مشي" عموماً تكون interval. (طبق هالطريقة على باقي الاجهزة والتمارين)

اليوم الثاني: تروح تسخن قبل لعب الاوزان (ألحديد) عن طريق كارديو 5 - 10 دقائق او اوزان خفيفه، مع streching للجسم. وبعدها تبدأ جدول تمرينك (اللي يفضل دامك ليست بBODY BUILDER ان يكون full body workout بطريقة تحرك وتستخدم كافة عضلات جسمك وتخلص تمرينك باقل من 45 دقيقه. (فيه مواقع وكتب كثيره تفيدك بهالنوعية من التمرين) وتقدر تلعب abs

في شي الاغلبية غافله عنه وهو CORE EXERCISE انت ممكن تلعب abs وsides (خواصر) لكن يظل coreـك ضعيف وهي الجزء الوسطي في جسم الانسان، لازم تمرنه عالاقل مرتين بالاسبوع. وله تمارينه الخاصه، لأنها عضلة مهمه وتربط جسمك السفلي بالعلوي، وهي المنطقة اللي تبين مدى "صلابتك، او ليونتك" كشخص رياضي.

طبعاً للكلام تفاصيل عده، والاكل موضوع اخر، والsupplements او المكملات الغذائيه ايضا موضوع متفرع حيث ان كثير منها ما منها فايدة، ومضيعه للفلوس والوقت والجهد.

كل شي مكتوب في ردي موجود باغلب المواقع الرياضية السليمه، واي جووجل سريع بتتأكد من المكتوب.

 

[Sir Guts]

^

كلامك صحيح و ماعليه اي غبار بو عابد .. انا شخصيا خلصت من مرحلة الحرق و وزني صار ممتاز بالنسبة لطولي طبعا

الحين اشيل حديد فقط و اخصص عضلتين في اليوم غير البطن طبعا و قبل لا ابدء برفع الأثقال لازم اصخّن بـ10 دقايق مشي

و بعدها اروح اتمغّط (Stretching) و بعدها انشّط العضلة بأوزان خفيفة جدا و بعدين ادخل في العميق و ابتدي بالأوزان الثقيلة

 

[Golden_Sun]

Gooner
ممتاز، يعطيك العافيه
ولا تنسى تضيف تمارين للـcore مع تمارين كارديو عالاقل مرة إلى مرتين اسبوعياً.
والاهم من هذا كله نظام اكل صحي وتعرف تفرق بين انواع الكاربوهدرات الضار والمفيد، organic food،... إلخ.

 

[zlatanovic]

انا تعبت -.-
لي الحين فوق السنتين اتمرن وكل شي ماشي تمام الا الصدر. كل شي يكبر ويتشكّل الا الصدر. صاير كأني روبن لاعب بايرن ميونخ >ـ>
فيه منطقة بين الصدر والبطن مهب راضية تمتلي لا عضل ولا شحم ولاهم يحزنون. اي حلول؟ وقفت تمارين قبل رمضان ولا فيه نيّة ارجع قبل ما يتعدل الوضع.

 

[Golden_Sun]

zlatanovic
المنطقة اللي قاعد تتكلم عنها اذا شرحك صح اما lower chest او تدخل ضمن تمارين الـcore لو هي تحت الlower chest.
فيه لهم تمارين مختلفه، انا شخصيا انصح بchest dips واستخدم وزن جسمك دون اوزان زيادة، مع تكرار.

http://weighttrainingexercises4you.com/lower-chest-exercises.html
http://www.mayoclinic.com/health/core-strength/SM00047

هذا من جووجل، الاول لتمارين الlower chest الثاني لcore workout

 

[naser]

ايييييه , ناس تبي تنحف وناس تبي تمتن


انا طولي 172 ووزني يمكن 85 !

دخلت النادي كان وزني 81 استمريت شهر بالكارديو يومياً ثلاث ساعات وصار وزني 79 بس!!


والحين ترك النادي وزاد وزني =( .. ماعندي مشكلة مع الكرشة بس الجسم اصلا مو متناسق

ومدرب الكارديو بالنادي مو فاهم باي شي .. حاطينه زينه بس ( بلاتنيوم - المهبولة )

 

[Good Hunter]

السلام عليكم ,

ي شباب انا انسان سجلت بنادي تقريباً قبل 20 يوم من الان , مدة 15 يوم دخلت لياقة عبارة عن ساعة كاملة على الاجهزة مثل السير والسيكل الخ واختم يومي بنصف ساعة سباحة , وقبل 5 ايام كلمت المدرب وقال خلاص انت تقدر تدخل حديد , وبصراحة انا متعقد جداً وماني عارف كيف ابدا ومدرب الحديد اطارد وراه وكل شوي ينطلني على جهاز وما فهمني ايش المطلوب مني وايش احتاج كل ما اجي اسأله يقول روح اتدرب على هذا الجهاز لدرجة اني وصلت لمرحلة ما عد اقدرت اشيل اي شي نهائياً .

انا وزني 58 تقريباً وابغا ازيد وزني واخلي جسمي متناسق واضخم العضلات بشكل بسسسيط يعني ما ابي اصير مصارع , فأحد يعطيني فكرة كيف ابدأ وايش اسوي الآن وايش البرنامج اللي ممكن اتبعه من ذوي الخبرة + هل كمال الاجسام يتعارض مع السباحة , انا من عشاق السباحة ومستحيل يمر علي يوم بدوم ما اسبح فما ادري هل السباحة تؤثر على كمال الاجسام ؟

وشاكر لكم كثيرا

 

[يمكازي]

استفسار بسيط:

- كنت 130 كيلو والآن 99، وهدفي 80. ترهلات موجودة لكن حاس بشكل بسيط.

- الآن، ابغي اشيل حديد، هل الحديد راح يساعدني احرق الوزن؟ يعني ما ابغي احرق ثم يترهل جسمي ثم ابدأ حمل الحديد، ما ابغي امر بمرحلة الترهل.

 

[Xeon-Q8]

التشميس + التمرين + اثبت على وزن مده 3 - 6 شهور .. وقل وداعا للترهلات

 

[Black_Tear]

الحمد لله خسرت وزن حتى أصحابي الي راحوا سفرة ورجعوا تفاجئوا من إني نحفت
بس شباب عاوز تمارين لعضلات الصدر
عندي ترهلات مزعجة عاوز أتخلص منها
والمشكلة إني ما أعرف أسوي بوش أب
ففي حد عنده تمرين سهل وفعال لعضلة الصدر ؟؟

 

[Xeon-Q8]

^
باقي لسه دهن ؟ تفرق ترهلات الدهون عن تشوهات الجلد

اذا دهون ، كمل شغلك (دايت + تمرين ) وراح تروح مع الوقت

كم وزنك وطولك عشان افيدك ، كـ تمرين حديد او كارديو
يعتمد على المعلومتين (وزن+طول)