الموضوع الرسمي Zelda : Ocarina of Time ( عودة الأسطورة )

[Snake-87]

بغيت أكسر الجهاز اليوم ... ساعة كاملة عند

محتوى مخفي: .

الحصان .. وما أدري شسوي فيه .. وقاعد أسمع اللحن المحطوط وقاعد أحاول أقلده وكلمت البنت إلي أبوها كله نايم وتقول يالله نعزف مع بعض .. وأطلع وأعزف ماكو شي .. رحت فريت ودشيت داخل الكوخ وخذيت لي فرة بعدين رجعت لها فجأة قالت لي إعزف معاي وطلع اللحن على الشاشة !! مع إني كنت عازف نفسه قبل شوي @@! لحقني الحصان ثواني وإنحاش ماني قادر أصعد عليه .. مادري شسوي الحين .

 

[Vorg Zangief]

محتوى مخفي: بخصوص مشكلتك يا سنيك87

انت الحين فقط راح تتعلم موسيقى الحصان . و راح تستفيد من الموسيقى الخاصة فيه لاحقاً من اللعبة . لهذا كمل طريقك و لحصان راح تركبه لاحقاً مو الحين

هههههههههههههههههههههههههههههه لما شفتك كاتب بغيت اكسر الجهاز . حسيتك بتلعبها غصبن عنك :laugh::
اصبر شوي و استمتع بالاسطورة . مو متخيل شنو بصير فيك لما تدخل اصعب ندجن باللعبة @@ حزتها اكيد بتكسر الجهاز xD

 

[ice cube]

واو على الماستر كويست

محتوى مخفي: سبويلر

دنجن السمكة لول كله بقر

 

[Snake-87]

مو متخيل شنو بصير فيك لما تدخل اصعب ندجن باللعبة @@ حزتها اكيد بتكسر الجهاز xD

إلي قاعد يصير فيني مو صعوبة .. سوء إرشاد باللعبة لا غير كنت عند مكان ومفروض يسوي شغلة .. أروح وأرجع بعدين فجأة يسويها لي ؟ غباء كبير ... الجهاز ما قمت أطفيه بس علشان ما يرجعني بغرفة لينك بالبداية نظام التسييف سيئ جدا جدا جدا .

 

[M.D.L]

بغيت أكسر الجهاز اليوم ... ساعة كاملة عند

محتوى مخفي: .

الحصان .. وما أدري شسوي فيه .. وقاعد أسمع اللحن المحطوط وقاعد أحاول أقلده وكلمت البنت إلي أبوها كله نايم وتقول يالله نعزف مع بعض .. وأطلع وأعزف ماكو شي .. رحت فريت ودشيت داخل الكوخ وخذيت لي فرة بعدين رجعت لها فجأة قالت لي إعزف معاي وطلع اللحن على الشاشة !! مع إني كنت عازف نفسه قبل شوي @@! لحقني الحصان ثواني وإنحاش ماني قادر أصعد عليه .. مادري شسوي الحين .

محتوى مخفي: ....

اللي مفروض تسويه على طول انك لازم تكلم البنت بعدين روح تمشى جمب ايبونا شوي بعدين ارجع للبنت و راح تعلمك اياها على طول :

 

[m7tram]

خلصتها أمس.

لعبه متقنه جداً جداً جداً في وقتها بل كانت فوق الأتقان نفسه من حيث طول اللعبه وكبر مساحتها وتنوع الدنجنز والالغاز الي تخليك تفكر عدل ومتعه قتال الزعماء وأمور كثيره جميله وليس غريب ابداً حصولها على العشرات في وقتها لانها كانت طفره تاريخيه ولا زالت الالعاب الى يومنا هذا تقتبس منها.

لكن تخللتها بعض الامور الي تخرب التجربه مثال عدم أرشادك باللعبه -نفس ماذكر اخونا سنيك87- يعني في بعض الاحيان اضطر اني اشوف الحل الكامل او خاصيه العين السحريه الي تعلمك وين طريجك القادم هالشي ينرفز يعني فالبدايه كانت الامور طيبه لكن بعدها تحس تصير عشوائيه وروح افتر بالعالم لعل وعسى يطلع صح الي انت رايح له.

ويمكن طريقه حل الدنجن في وقتنا الحالي صارت متأخره كجمع المفاتيح , يعني الحين افتح باب علشان ادخله واخذ منه مفتاح افتح فيه الباب الي وراه راح احصل مفتاح يفتح باب الي فوق علشان لما اروح فوق وافتح الباب راح احصل مفتاح افتح فيه الفتاح الي تحت عاليمين وافتحه بالمفتاح علشان اخذ مفتاح الوحش الرئيسي.

وبالنسبه للدنجن الماء طول عمري خايف منه وانا مالعبت اللعبه من كثر ما الناس يضربون فيه المثل فالصعوبه ودائما تحصله في استفتائات الصعوبه ووو ..الخ لكن ما واجهت فيه مشاكل! بل يمكن من اسرع الدنجنز الي خلصتهم!

ككل لعبه جميله ورائعه وتمتعت فيها لكن دائما لا أجد المتعه الحقيقه عند لعبي لأي جزء من اجزاء زيلدا ( مخلص وينك ويكر ولعبت نص توالايت والآن اوكرينا ) .

 

[Golden Wind]

انهيت اللعبة
شكرا نينتيندو على الاسطورة .

 

[Snake-87]

محتوى مخفي: M.D.L

ليش الصخلة تقولي يالله خلنا نغني مع بعض ويبدأ اللحن وأنا أحاول أقلده -__-

 

[hussien-11]

وبالنسبه للدنجن الماء طول عمري خايف منه وانا مالعبت اللعبه من كثر ما الناس يضربون فيه المثل فالصعوبه ودائما تحصله في استفتائات الصعوبه ووو ..الخ لكن ما واجهت فيه مشاكل! بل يمكن من اسرع الدنجنز الي خلصتهم!

سمعت انهم مسهلينه هنا .

ويمكن طريقه حل الدنجن في وقتنا الحالي صارت متأخره كجمع المفاتيح , يعني الحين افتح باب علشان ادخله واخذ منه مفتاح افتح فيه الباب الي وراه راح احصل مفتاح يفتح باب الي فوق علشان لما اروح فوق وافتح الباب راح احصل مفتاح افتح فيه الفتاح الي تحت عاليمين وافتحه بالمفتاح علشان اخذ مفتاح الوحش الرئيسي.

مش مسألة جمع المفاتيح الي صارت متأخرة ، أفكار الدنجيونز نفسهم كألغاز و تصميم و الي كانوا شي خرافي زمان ، تكرروا كثير في الألعاب الثانية الي جت وراها ، لدرجة انك لو ما لعبت اللعبة من قبل و جاي تلعبها هلأ ، رح تحس انه فيه أفكار مشابهة كثير مرت عليك من قبل ، لكن هم في كل جزء يجيبوا أفكار رهيبة للدنجيونز مختلفة عن الي قبل ، ويند ويكر مختلفة في التصميم و كذلك توالايت و هكذا .

 

[Zixmar]

صعوبة الالغاز باوكارينا معطيها نكهة خاصه , اتمنى بس سكايورد يخلون الغازها بنفس مستوى اوكارينا على الاقل

 

[awadnin]

وبالنسبه للدنجن الماء طول عمري خايف منه وانا مالعبت اللعبه من كثر ما الناس يضربون فيه المثل فالصعوبه ودائما تحصله في استفتائات الصعوبه ووو ..الخ لكن ما واجهت فيه مشاكل! بل يمكن من اسرع الدنجنز الي خلصتهم!

سمعت انهم مسهلينه هنا .

بالضبط ننتندو سمعوا شكاوى الناس الكثيرة عنه، فقامو بتسهيل الدنجن بالريميك، بصراحة شي محزن بالنسبة لي :[

حتى اذكر فيه رسام هاوي لخص صعوبة الدنجن في هذي الرسمه:

الرسمة معبرة خاصة ملامح الضياع وفقدان الأمل على وجه لينك من صعوبة دنجن الماء :]

 

["a7mad"]

^^

يعني انا راح العبها بدون اي تسهيل من نينتندو ! احس ان كل الدنجن هاذا يوتيوب -___-

الله يعين

 

[Mute City]

^
الدنجن سهل جدا وخلصته من أول قعده اما في الماستر كويست فأقول الله يعينك يا شيخ

 

[DEMON]

^^
تصدق اني كل ما العب الماستر كويست اذكر كلامك

محتوى مخفي: واتر تمبل

المفتاح اللي طلعلك من الجدار

اقوم اتكيسل وما العب

 

[Mute City]

^

محتوى مخفي: الدنجن الماء

T-T أسوأ مفتاح في اللعبه كلها جلست ألف وأدور ورمي قنابل في كل الغرف طفشت خلاص بموت =(
جا واحد من أصحابي ودور ولف ودار وطفشنا أخر شي بالهوك شوت طخ طختين في الجدار طني نيني نينيني

 

[hussien-11]

خلصت كل ألغاز الفاير تمبل و ما بقي إلا البوس ، يالله قد ايش هذا التمبل يطلع روحي من زمان ما أطيقه لول

بس ياخي الليفل ديزاين بجد بجددد إعجاز على لعبة صدرت عام 98 لا و أول جزء ثلاثي الأبعاد في السلسلة و يطلع بهالطول و الإتقان و الضخامة ! فعلا شغل ما يطلع إلا من "عباقرة"

 

[slifer dragon]

وبالنسبه للدنجن الماء طول عمري خايف منه وانا مالعبت اللعبه من كثر ما الناس يضربون فيه المثل فالصعوبه ودائما تحصله في استفتائات الصعوبه ووو ..الخ لكن ما واجهت فيه مشاكل! بل يمكن من اسرع الدنجنز الي خلصتهم!

سمعت انهم مسهلينه هنا .

أعرف إني أكرر كلام لي برد سابق, لكن كونكم فتحتم الموضوع.. فبأقول لكم إنهم ما سهلوه, لكن خلوه مجرد أكثر سلاسة.. صعوبة الدنجن سابقاً كانت بالضياع وبنفس الوقت مشكلة بالجيم بلاي بالنسخة السابقة يسبب رقعة الضغط وكره الكثير من اللاعبين للعبة وقتها..

التعديلات الي جعلت من الدنجن أكثر سلاسة فيه واحدة منها بالجيم بلاي وواحد منها بتصميم الدنجن.. أشرح الإثنين بالسبويلر

محتوى مخفي: التغير

بالنسبة للتغير الي حصل بالجيم بلاي.. فكلنا نتذكر إنه الدنجن تحتاج فيه الأحذية الثقيلة كثير.. تلبسها وتنزعها لأكثر من سبب وبأماكن كثير.. بالنسخة القديمة للعبة, كانت الأحذية الحديدة تعتبر من الGears مثلها مثل السيف والدرع واللبس, لذا يجب أن تدخل القائمة كل ما أردت لبسها أو نزعها وكان هذا الشيء يرفع الضغط خاصة مع ثقل قائمة النسخة القديمة.. لكم أن تتخيلوا قدر الوقت الي يضيع للبس أو نزع الحذاء فقط
الآن الأحذية تعتبر Items تقدر تلبسها وتنزعها بضغطة زر, ومع إمكانية وضع 4 Items للإستعمال السريع بضغطة زر, صار نزع الأحذية ولبسها شيء سلس وعادي..

بالنسبة للتغير في الدنجن نفسه.. فهو, على ما قريت, فقط مقتصر على وضع نقوش حول الطريق الي تستطيع من خلاله تغيير مستوى المياه وكل مستوى له لون! هالشيء منع إنه الناس تخربط بين الأبواب بكل مرة وجعل مهمة تغيير مستوى المياه عادية بعد ما كنت عارف وش تحتاج لكن ما تدري بأي طريق تغير المستوى ولأي مستوى بيتحول منسوب المياه :tongue:

 

[Mute City]

^

محتوى مخفي: ووتر تمبل

لاتنسى إنه لما ترفع مستوى المويه للثاني ترتفع صخره وينكشف عن مدخل في القديم ما كان يوريك لكن في نسخة الثري دي إس الكاميرا تقولك شوف يا سيدي ترى فيه مدخل جديد
هذا لحاله سببلي أنواع الضياع وهو احد أسباب تسهيل الدنجن , ما عمري خربط بين الابواب ولا إعتمدت على الالوان في تحديد مستوى المويه الشادو لينك الي أعتبره صار مسخره

 

[Netero]

فورست تمبل

محتوى مخفي: ؟

انا جمعت مفتاحين الاول من عند الهيكلين والثاني من البئر وين احصل الثالث؟

 

[Mute City]

^

محتوى مخفي: دهليز الغابه

في البدايه عند الذئبين فوق مره

 

[zlatanovic]

بديت فيها قبل ثلاثة ايام .. ويمكن لأني كنت حاط سقف التوقعات عالي جدا ما وجدت ماكنت اتوقع .
بس للامانه لو اني لاعبها على وقتها كان يمكن انبهر لأنها اكبر من لعبة n64. على العموم توني خلصت اول جزء في اللعبه وهزمت اول زعيم. وراح اكملها اذا ماصار عندي شي اسويه .

 

[Netero]

^

محتوى مخفي: دهليز الغابه

في البدايه عند الذئبين فوق مره

يعطيك الف عافية 🙂

 

[mario0o]

محتوى مخفي: M.D.L

ليش الصخلة تقولي يالله خلنا نغني مع بعض ويبدأ اللحن وأنا أحاول أقلده -__-

محتوى مخفي: <<<

come back to her in the morning

 

[q8 spy]

سنيك 87

محتوى مخفي: سبويلر

الحصان مو الحين ، الحين تتعلم الموسيقى مالته وبعدها تروح لزورا ( تعال الديوانيه نتفاهم اليوم )

محتوى مخفي: احسن جزء لعبته

انا واصل حاليا لفاير تيمبل ، بديت احب اللعبه اكثر واكثر ، كنت افضل على ويند ويكر على كل الاجزاء اللي لعبتها لكن الحين غيرت رايي واقول اوكرينا اوف تايم احسن شي 🙂

 

[Snake-87]

محتوى مخفي: ؟

وصلت حق مكان فيه مخلوق على شكل كرة مو راضي يوقف ... وفي مشاعل وايد أحتاج نار مو محصل و حصلت باب قدامه سجادة صغيرة لما أدوس عليها تقولي النافي إنه أتحسسها برجلي . مادري شسوي .

 

[Rare Games]

^^^^^^^^^^

محتوى مخفي: سبولير

روح تحت آخر شي راح تلقى سجاده اعزف عليها معزوفه زيلدا

اما الجورون الدوار بعدين توقفه لما تحصل على القنابل

 

[Snake-87]

^
تسلم ..

 

[hussien-11]

محمد ، أول مرة تلعب زيلدا ؟!XD

 

[Snake-87]

^
لعبت جزء الـDs الأول .. طريقة السرد أبسط بوايد وتقدر تعرف الحل بسرعة .. هذا مكان كبيييييييير ماتدري وين تروح وتمل بسرعة xD .

 

[awadnin]

^
لعبت جزء الـDs الأول .. طريقة السرد أبسط بوايد وتقدر تعرف الحل بسرعة .. هذا مكان كبيييييييير ماتدري وين تروح وتمل بسرعة xD .

أوافقك الرأي بعد تجربتي لأوكرانيا أوف تايم على 3DS تأكدت أن اللعبة ما تنفع على المحمول بل على شاشة التلفزيون.

أجزاء الـDS مناسبة على المحمول لأن ننتندو صنعتها على هذا الأساس بخلاف أوكرانيا أوف تايم.