مبروك عليك اقوى skell باللعبة، ينهيلك زعماء بضربة وحدة اذا زبط الست حقه.
بس السؤال هل بالريماستر جابوا واحد اقوى منه امممم
باقي ماخلصت القصة فما انفتحت لي المواد الازمة لبناء ال skell الجديد
توزيع الأعداء بالعالم جدا ممتاز. معبين العالم بمختلف الأحجام والتصاميم جدا مميزة. ومن مستواهم تعرف وين تروح وأنت تستكشف أو إذا تبي تخاطر وشعور مرعب لما فجأة يطلعلك وحش أعلى من لفلك بكثير ويقتلك بضربة وحدة. Classic Xenoblade بس هني أفضل من أي جزء وأفضل من أشهر ألعاب جانرتها بهالشيء. ولاحظت الطرق نفسها حتى لو مليانة وحوش أعلى من مستواك لو تبحث أكثر بتلاقي نفس الطريق فيه أكثر من Path ملتوي وفيه اللي تقريبا على مستواك من الوحوش. أو انك تتقن فن الهروب حتى الهروب ممتع.
بعض الوحوش مسالمين حتى لو أعلى من لفلك وبعضهم حتى لو أقل منك بيهجمون عليك مجرد ما تصير بال Eye Range تبعهم. وأحلى شيء عندي لما الوحش يكون متخبي وناطرك متى تقرب جنبه علشان يعطيك Jump Scare ويمكن يقتلك بضربة وحدة. وهناك متعة أيضا بأنك تقتل واحد أعلى من لفلك بكثير بس لازم تكون فنان وفاهم النظام عدل.
النظام القتالي هني يشبه الأولى اللي كانت تشبه الMMOs. بس فيها البساطة الحلوة والتعقيد الممتع بنفس الوقت. يعني إذا تبي تلعب بدون ما تتعمق عادي بس تحتاح تلفل أكثر وبتاخذ منك وقت أطول بالمعارك. لكن إذا تعمقت بتعطيك متعة تخصيص آربيجي حقيقية ومش نظام مستحي من نفسه.
الاستكشاف باللعبه جدا ممتاز. عالم اللعبة مفتوح بالكامل و Seamless بScale خارق ما بتشوف نفسه الا من Monolithsoft. بس العجيب أيضا ان المناطق فيها Verticality/عامودية بالتصميم وتعقيد حده عجيب.
خريطة اللعبة فيها نظام الGrid هذا يقسم الخريطة كلها إلى أشكال Hexagon/سداسية وكل شكل سداسي فيه شيء مثير للإهتمام يعني النظام مصنوعة علشان يخليك تدمن على تحليل ومسح الخريطة كلها وأنت مرتاح ومستمتع بالفعاليات بدون ما تحس ان طافك كل شيء. كأنه Take جديد على نظام الأبراج ويخدم القصة حتى قصصيا مربوط.
في شيء يهمني شخصيا كثير بالألعاب واللي اهو شعور التنقل. هني بتركظ بسرعة تعادل ضعف أو 3 أضعاف الانسان الطبيعي ومع ذلك ما بتحس ان العالم صغر وماساحاته دايما بتبهرك. بتقفز كثير كأنك تقفز بالفضاء Slow Motion بس أسرع وأيضا اللعبة مافيها Fall Damage (ولأسباب قصصية بالمناسبة) علشان تستمتع وانت تحذف نفسك من أعلى مرتفع أجمل شعور
وبعد ما تحط ساعات وأنت مستمتع بالركظ والقفز والتسلق مثل الماعز الجبلي/Elders Scrolls والانتحار. اللعبة ترمي عليك روباتات/Skells وتجدد عليك متعة التنقل والاستكشاف فبصراحة اللعبة Top Tier مع متعة التنقل والاستكشاف والتحليل. وأنا ضد فكرة ان اللاعب يتسرع بأنه يحصل على الSkells حتى المطور نفسه حاول يأخر الشيء على اللاعب. استمتعت واستكشف وحلل شوي شوي.
بالنسبة للقصة ما ختمتها للحين بعيد عن النهاية. لكن بقول شيء عنها. القصة ب X مصنوعة بهدف انها ترفع من متعة الجيمبلاي والاستكشاف وال Role Play. بناء العالم فيها ممتع جدا. وابداعها مع الNPCs مونوليث صنعت مجتمع كامل منهم مع حوارات ممتعة علشان توصلك شعور الواقعية انك بعالم فضائي خطر بعد دمار الأرض واستكشاف المجهول والسبب وراء كل شيء بالتعاون مع جماعتك. كل NPC له شخصيته والحوارات Relatable بوقت الازامات بتشوف واحد يشتكي من زملائه واحد ما عنده ثقة بنفسه واحد يشوفك البطل وقسم يعادي قسم ثاني وشخص مهتم بالامور العلمية والشروحات واللي ضد الحكومة وكان ضد فكرة ال Exodus أصلا وكل هذا
حدها Multilayered مع الNPCs بس بدون ثرثرة Over وأحيانا يحطولك لحظات أنمي ظريفة والكوميديا وتطلع بحكم من المواقف والقرارات اللي تاخذها معاهم. وعندك أيضا الخريطة اللي تربطلك علاقات الNPCs كلهم فبعض بشكل ممتع جدا. حتى بمهماتهم الجانبية ممتعة صح اللعبة تقدملك مهمات كانها Fetch Quests لكن التطبيق هنا جدا ممتاز يخدم الWorld Building والاستكشاف وانغماسك بالعالم مش حشو.
أقدر أسولف أكثر بس واضح ان اللعبة عاجبتني حيل لول كلامي تطبيلي ويمكن ماراح أسكت. بس أكيد فيها العيوب نفس كل لعبة ما ذكرتها لكن الإيجابيات مغطية وبالنهاية بتصير من أجمل الألعاب عندي بلا شك. أظن حاط فيها 50 ساعة Already.
عن نفسي انا فهمت اللعبة كاملة من قناة Enel في اليوتيوب، فيه كل شي تحتاجه وزيادة.
اما نصائح ال Builds والتفريم. اول شي بخصوص التفريم، لمن تنهي اللعبة راح ينفتح لك شيء اسمه support missions من خلاله تقدر تحصل على exp - battle points وفلوس بسهولة. ف لا تضيع وقتك وايد بالبداية على تفريم الأمور الأساسية.
اما تفريم الأسلحة والدروع نفسهم، اترك هذا الشيء بعد ما تنهي اللعبة كذلك. شوف هذا الفيديو حتى تعرف اي وحش تفرمه للحصول على اسلحه و دروع:
نصائح ال Builds، اول شي تحتاج تسويه انك تلفل كل الكلاسات للماكس. لأن ال skills اللي تفتحهم يكونوا مشتركين بين جميع الكلاسات. كذلك الأسلحة، تقدر تستخدم اي سلاحين انت حاب بدون قيود الكلاس لمن تلفلهم.
بعد ما تلفلهم، تحتاج تسوي كذا affinity missions لأن بعض ال arts مقفولين و ما ينفتحون الا لمن تخلص هذي المهام.
اقوى سلاح في اللعبة هو Ether Longsword لل melee مع اي dual guns لل ranged.
شوف هذا الفيديو لتفاصيل ال Build
انهيت الشابتر الأخير... ما عجبني اللي صار (زهقت من سوالف ال multi dimension و ال multiverse في الميديا مؤخرا، ما عرفت شنو تسوي في القصة؟ ارمي سالفة multiverse كأنها flex seal)
انطباعات على السريع بعد ما اكملت حوالي 16 ساعة و خلصت الشابتر الرابع
- طبعا كعادة العاب زينوبليد اول زعيم تواجه هو لحن شاشة البداية كل مرة اشغل اللعبة لازم اسمع الثيم الرائع الثلاثية كان الثيمات مالها هادي ورايق بس هني صاير حامسي و اكشني
- النظام القتالي لحد الحين هو اوكي ممتع بس شوي داونقريد عن 2 و 3 (&) و من كثر ما تعودت على حركة الريثم الي في 2 و3 قمت اسويها هني بعد & ادري المفروض ما اقارن لان نزلت قبلهم هههههههه. بس متاكد مع مرور الوقت بيعجبني اكثر.
- العالم ضخم ضخم جدا و المناظر الي في روعة واجد يعني كعادة سلسة زينوبليد مجرد انك تتمشى في العالم و انت تسمع الموسيقى و تشوف الوحوش تتحرك و عايشة حياتها هذا لحاله شئ ممتع جدا جدا. و احيانا اذا شفت روحي مشتاق لمنطقة معينة في اي لعبة زينوبليد, اروح افتح اللعبة و بس اتمشى في المنطقة بدون هدف من كثر ما هل العوالم جميلة و ساحرة ما في العاب تخيلني اسوي جذي الا ممكن الدن رينق و اخر زلدتين ( وحتى ذلين ما يوصلون لروعة مناطق زينوبليد &)
و على طاري التجوال اول ما دخلت Primordia قعدت حوالي الساعتين اتمشى و اقاتل الوحوش قبل لا ادش المدينة
-الموسيقى كلها ممتازة (ما عدا new LA في الليل&) و لحني المفضل لحد الحين هو اللحن النهاري للمنطقة الي على يسار الخريطة بس نسيت اسمها و على طاري الموسيقى لحنPrimordia يعطيني فايب ميترويد برايم خصوصا بين 1:00 و 1:20 و لا شرايكم شباب؟
-خاصية الركض فلة خصوصا لما بتجي تنط تصير النطة عودة و تقدر تتسلق الجبال اذا كنت فنان و طبعا وقت الشردة الشعور حلو عاد بعض الوحوش سريعة فتلحقني و تذبحني ههههههه
- الشخصيات لحد الحين الوحيدة الي عجبتني هي ايلما. لها هيبة كبيرة جدا مقارنة بالباقين الي لحد الحين عاديين جدا .و سالفة ان تساتسو عبارة عن بطاطس طلعوها من خشمنا عاد /: نشوف مع تقدم القصة و السايد كويستات ويش يصير.
منظر الاقمار ما اشبع من رؤيته
و اكثر شئ مترقب له هو الميك بس شكلي مطول لين احصله بكامل قوته
الحين ليه مع كل تحسينات الـQOL اللي أضافوها، نسوا يحطون خاصية تسريع الكلام أو خيار إني أسوي لها سكيب بزر في المشاهد الصوتية مثل كل الألعاب؟ لأن الوضع منرفز بشكل مو طبيعي، يا إما أسوي سكيب لكامل المقطع أو أشوفه بالبطء الغير الطبيعي في الكلام مع توقفات غريبة وطويلة بين الجمل
قاعد ادور هل المهمة و مو محصلنها ابدا /:
و نفس الوضع مع كذا basic mission مو شايفنهم ابدا و انا اريد ابدا ال affinity missions
فما ادري هل اللعبة مقلتشة او فيه شى لازم اسويه عشان تطلع لي هل المهمات؟
الثلاثية كان الثيمات مالها هادي ورايق بس هني صاير حامسي و اكشني 
