Underworld: Evolution بعد المشاهدة !

[Naif]

Underworld: Evolution
اخراج: لين وايزمن
بطولة: كيت باكنسيل - سكوت سبيدمن

اليوم شفت الفلم اخيرا! كنت معجب وايد في الجزء الاول ( اكثر شي شدني هو حبكة القصة و كيف مقتبسينها من روميو و جولييت بالفامبايرز و الويروولفز )، تحكي قصة هذا الجزء عن سيلين(كيت) الفامباير و مايكل(سكوت) الويروولف و كيف يحولون انهم يكتشوف تاريخ عائلاتهم و كيف بدا الكره بينها ..
.
بحط اللي عجبني و ما عجبني في نقاط:
+ القصة جيدة .. لكني فضلت القصة في الجزء الاول ( و لو اني ما اذكرها لين هناك بس اذكر اني استمتعت فيها اكثر .. باجر ان شاء الله اذا حصلت الدي في دي اخذه .. )
+ مشاهد الاكشن مازالت انيقة .. كان من اكثر الاشياء اللي عجبتني في الجزء الاول .. (ولو انه مافي مشهد باناقة المشهد الاخير في الجزء الاول لو تذكرونه )
+ التمثيل كان جيد لكيت و اما باقي الشخصيات ما حسيت انه ادوارها كان فيها لحظات تبرز فيها تمثيلهم ..
+ المؤثرات الخاصة .. ما كان فيها شي مميز لكن تعجبني الافلام اللي تستخدم اضاءة\فلتر ازرق في التصوير احسه يحلي المؤثرات الخاصة (و احب شكل الدم في هذا النوع من التصوير ^^" )
- القصة اكثر "مثيرة للاهتمام" في الجزء الاول
- بعض المشاهد تحسها متوقعة (هذا من الاشياء اللي ما احبهن في معظم افلام الاكشن-الرعب .. تكون تصرفات بعض الشخصيات متوقعه بشكل كبير)

تقديري : *** من *****

 

[Ginko]

تقديرك؟؟؟؟

مدري بس من كلامك شكله ما اعجبك..الجزء الاول بالنسبه لي 6 من 10 وواضح انك تفضله على هذا..هممم..شكلي خلاص ماني شايفه..

 

[Naif]

لوول .. لا الفلم عجبني .. لكن ما حبيته مثل ما حبيت الجزء الاول ( هذا يصير لي مع معظم الافلام و السيكولز لها .. ) .. بالنسبة لتقديري : ( ما عرفت كيف احطه .. لو حطيته 2و نص بيكون متوسط الفلم لكني اشوفه اعلى شوي عن الوسط .. يعني من 10 تقريبا 7.5 )

 

[SNYMA]

الجزء الأول كان سخيف جداً , ذكرني في فلم بليد السخيف

 

[Conqueror]

بالنسبة لي الجزء الاول ابدا ما حبيته و لا شي فيه عجبني ( لا أكشن و لاقصة و لا حتى الCG )

 

[Mada Mada Dane]

شفته قبل تقريبا اسبوعين

امم , الفيلم جيد لكن احداثة متوقعه, انا شخصيا احب امور الفامبيرز, وهالامور كذا جذبني الفيلم

تقديري للفيلم : 8/10

وشفت بعد Big Mama house 2
تقديري له : 9.1/10

حلو الفيلم ^^ من جد ضحكني بقوه خخ

 

[Naif]

شفته قبل تقريبا اسبوعين

امم , الفيلم جيد لكن احداثة متوقعه, انا شخصيا احب امور الفامبيرز, وهالامور كذا جذبني الفيلم

تقديري للفيلم : 8/10

اشكرك من اعماق قلبي ....

فرحني ردك بعد الردود اللي فوقك p:

 

[kInGsIzE]

أنا تعجبني أمور الفامبايرز والوير وولفز 🙂



بصراحه ناسي قصة الجزء الأول ممكن أحد يذكرني ولو الزبده بس :suspiciou



أنا بشوف هذا حتى لو كان بايخ ولا تزعل يا نايف :razz:

 

[Ash]

الجزأ الأول كان متوسط و عادي بالنسبه لي , ما أعتقد بشوف الجزأ الثاني من بعد الـ D من ياهوو .

شكرا عالمراجعه .