hits counter

الموضوع الرسمي Red Dead Redemption | عيش التجربه الحقيقيه في الغرب الأمريكي

لاحظت شغله غريبه بفيديو اللي بصفحه رقم 3

ان البطل رمى الشخص اللي على الفرس

والفرس ماتحركت كلش خخخ

؟!
 
زي ما توقعت 🙁

يا رب انها ما تنمنع هنا بعد
 
الله يستر لا يمنعونها في الكويت
اذا امنعوها راح نشوف اسعار خياليه مثل GOW
 
خخخخخ Pain Killer دبر اللعبة قبل ما تنزل. أهم شي لا تكون نسخة مقرصنة. :sarcastic:
 
Mukuro قال:
خخخخخ Pain Killer دبر اللعبة قبل ما تنزل. أهم شي لا تكون نسخة مقرصنة. :sarcastic:
أنقر للتوسيع...

هذا الشي ما يخصك , بما انه ما تكلم عنها ابداً في المنتدى :confuse:
 
فيه احد يعرف اذا نسخة ال360 ريجن فري او لا؟
 
Jonas قال:
هذا الشي ما يخصك , بما انه ما تكلم عنها ابداً في المنتدى :confuse:
أنقر للتوسيع...

ادري اني مالي صلاح فيه. بس أنا كنت أتمنى إنه انتظرنا ولعبها في وقت صدورها الرسمي بدل ما يسلك الطريق الاخر. :smug:
 
التعديل الأخير:
Aleix قال:
قهر والله ، خبر يسد النفس ،
أغلب الظن إن ربعنا اللي هنا بيصفقونا أرقام خرافية في اللعبة 🙁
أنقر للتوسيع...

أنصحك تطلب من النت لو فرق سعر اللعبة مع الشحن كبير بالمقارنة مع أسعار المحلات بعد النصب.
 
ما ادري ليش يمنعون الالعاب وفي الاخير الالعاب كذا ولا كذا توصل المحلات وتنباع بأسعار خرافية :sarcastic:
 
oldsnake1991 قال:
ما ادري ليش يمنعون الالعاب وفي الاخير الالعاب كذا ولا كذا توصل المحلات وتنباع بأسعار خرافية :sarcastic:
أنقر للتوسيع...
وش اللي يضمن إنها ممنوعة فعلًا؟
بيني وبينك أحس المحلات أخذوها كحجة لخداع اللاعبين علشان يبيعون الألعاب بضعف سعرها. ولاسيما إنه لو جيتهم بعد أسبوعين تقريبًا راح تشوف قيمتها نزلت بما يقارب 25-35%
 
Mukuro قال:
ادري اني مالي صلاح فيه. بس أنا كنت أتمنى إنه انتظرنا ولعبها في وقت صدورها الرسمي بدل ما يسلك الطريق الاخر. :smug:
أنقر للتوسيع...

هذا الشي راجعله ومدام هو ما تكلم عن اللعبة فارجوك لا تتهم الناس بدون وجه حق وتييب كلام من عندك
 
بيني وبينك أحس المحلات أخذوها كحجة لخداع اللاعبين علشان يبيعون الألعاب بضعف سعرها
أنقر للتوسيع...

مثل ماصار مع God of War 3 بالضبط
 
يقولون راح تنزل باجر عندنا ( الكويت ) .. شكلهم يبوون يطلعوون اللعبه من عيني لأنهم كل يوم يقولون باجر .. بس يلاا يقولون انه باجر اكيد :\
 
اي لعبة من نوع M حاليا راح تكون ممنوعة .. لأن المجتمع التجاري عارف وش معنى هالشيء .. المعادلة بسيطة:

1. الشركة تحط nudity وتخليها M علشان تضمن ان اللعبة تبيع اكبر بما ان الإقتصاد جدا سيء ..
2. لما تصير اللعبة M الناس كلها تدري ان اللعبة متضمنة حاجات سيئة كثيرة مما راح تعارض مع المجتمعات التي تنافي العنف المُبالغ فيه وإلا الخلاعية .. ألخ
3. معروف ان كل شيء ممنوع, مرغوب .. وهذا شيء اساسي يخلي اللعبة تنطلب اكثر وهذي معادلة محسوبة مسبقا من قبل الشركة المنتجة..
4. بما ان الممنوع مرغوب والدول منعت اللعبة .. يجي هنا دور اللعبة الأساسية .. الا وهي البيع من تحت لتحت ..
5. بما ان المحلات تبيع من تحت لتحت وتاخذ ضعف السعر .. هنا جالسين يجيبون سعر اللعبة بدال الوحدة ثنتين ويغطون الخسارة ولا كأن شيء صار ..
6. الشركة اللي باعت ماكأنها سوت اي تغيير في خطة بيعها .. مجرد انها خلت اللعبة M وحطت فيها كم مشهد غير مرغوب ..

بالنهاية الكل كسبان .. الكنسومر محصل اللعبة .. الوكيل بايع بضاعته بـ ربح .. الشركة لسى تبيع ولا كأن شيء صار....... الفرق الوحيد ان السعر اغلى على اللاعب او الكنسومر .. بس بالأخير .. ماتفرق معانا لأننا بالأخير نشتري اللعبة لأننا نحبها ونحس اننا واجب علينا نستمتع فيها بما اننا ننتظرها من فترة طويلة ..

اول كانت M تعني ماتناسب الأطفال ... هاللحين مجرد علامة تجاريّة أخرى محفّزة للطلب اكثر
 
oldsnake1991 قال:
ما ادري ليش يمنعون الالعاب وفي الاخير الالعاب كذا ولا كذا توصل المحلات وتنباع بأسعار خرافية :sarcastic:
أنقر للتوسيع...

بالفعل للأسف هذا شكله الي بيصير ، اللعبة شكلها بتوصل 500 وفوق بما انها من روك ستار

ومعروف من محلاتنا اي شي من روك ستار اعرف انه GTA جديد .

والمشكلة اذ جيت تفهم البائع يتفلسف عليك ويطلع كل خبرته في الجيمنج :xd:
 
Saudi pro قال:
[YOUTUBE]1MtOnyvVO64[/YOUTUBE]
أنقر للتوسيع...

عداد الحماس عندي ضرب عالاخر @____@!!!!!!!!!
ابغى اللعبة دحيييين !! :crying:. بس على هرجة المنع ....كنت متاكد انها بتنمنع ...واكيد الاسعار الخيالية حقتهم دي حتجلس بس لفترة يعني الى اجل غير مسمى وبعدين حيصير سعرها زي اي لعبة ..........مثلا GTA 4 لمن جات كنت اعرف كم محل كان يبيعها بي 1000 ريال والله ....ولمن كنت اسالو ليش كدة؟؟ كان يقلي في محلات تانية تبيعها اكتر من كدة يعني لحق نفسك وخدها (🙂w00t: يحسبني اهبل )) قمت سالتو :طيب هل في ناس جات اخدت من عندك ..يقوم يقلي يووووه كتير جو اخدو بنفس السعر ..قلتلو طيب اخد لفة وارجعلك ....طبعا ما رجعتلو ولا شي :razz:: .وحاليا GTA 4 تنباع باقل من 200 ريال .ونفس الشي اتوقعو راح يصير مع RED DEAD REDEMPTIO .حيجلسو يستفلو على راس الشعب .ويقلولهم هادي حرامي سيارت جديدة و و و و...الخ .وفي ناس مساكين حتصدق .
بس اخر شي اقدر اقولو منكم لله :spy:.
 
التعديل الأخير:
مرحبا ..

اول شيء الموضوع رهيب .. اللعبة رووعة خاصة انها تستعمل نفس المحرك للعبة GTA IV

ثانيا .. اللعبة موجودة لنسخة الحاسب الشخصي PC هل صدرت ..

وشكرا
 
^
لحد الان لا يوجد نسخة للpc ولا في اي اعلان عنها
لكن ممكن انها تنزل بعد فترة مثل ما صار بGTAIV
 
سؤال بسيط خطر في بالي امس قبل لا انام !!

الحين الفئه اللي تمنع/تبند بيع اللعبه في الاسواق الخليجيه ........... هل لعبوا اللعبه قبل ما يصدروا القرار ؟؟ ولا بس شافوا علامة M أو 18 وقرروا يمنعوها ؟؟

ياخي فعلاً حاجه غريبه و ترفع الضغط, على الاقل ياخي ينزلوا بيان صحفي يوضحوا فيه اسباب تبنيد الالعاب من الاسواق بدل جعل الناس يعيشون في قلق و خوف.

قسم يوم ارجع الرياض مني متعامل مع اي محل , الله يخلي الطلبات من امازون و GAME.
 
^
^
مدة يعني تقريبا بتكون اسيوع اسبوعين شهر شهرين ..

اللعبة اول ما بدأت تنزل ما حبيتها لكن بعد الفيديو الي شفته لها .. رهييييبة وبقوة
 
http://megamers.tbreak.com/8622/news/red-dead-redemption-banned.html

اللعبة يمكن تنمنع في الإمارات .. ياخي الى متى هذا التخلف !!
أنا بس أبى اعرف شو فيها اللعبة عشان تنمنع ؟ ماشفنا اي شي من خلال الفيديوات ان في شي في اللعبة يسيء لشيء من الأديان أو ان اللعبة فيها nudity ..

شوفوا آخر جملة في الخبر , والله شي يضحك ياخي .. هذي الحين رابع لعبة تمنع في الامارات هالسنة .. Heavy rain , God of war 3 , Darksiders والحين هذي ..

انا اللي قاهرني ان لو سبب المنع ان اللعبة فيها sexual content , انزين ليش مايروحون يمنعون كل الأفلام الموجودة في المحلات .. ترى كلها فيها Nudity ..

أصلاً أفضل شي يمنعون الجيمز في الإمارات .. أحسن بكثير . أدري ان اللعبة مب أكيد انها بتنمنع بس والله مستاء من الوضع الخايس اللي هني.
 
SCREAMING_RAGE قال:
سؤال بسيط خطر في بالي امس قبل لا انام !!

الحين الفئه اللي تمنع/تبند بيع اللعبه في الاسواق الخليجيه ........... هل لعبوا اللعبه قبل ما يصدروا القرار ؟؟ ولا بس شافوا علامة M أو 18 وقرروا يمنعوها ؟؟
أنقر للتوسيع...

يمكن يجربونها , لكن المشكلة اذا جاك واحد غشيم جرب لعبة God of War و شاف وحش ضخم كبير و قال هذا الالهه ياللهوووووووول!!!!!!! اللعبة اسمها حرب الله !!!

و بالنسبة للألعاب الي فيها مشاهد تعري أعتقد في الغالب انت تسوي شي اضافي باللعبة و يطلع لك المشهد او تقدر تسوي له skip بكل بساطه

و على فكرة انت ماله داعي تفكر بهذي الاشياء و تشغل بالك فيها , الله يخلي لك المحلات الكويسه الي عندك هناك و امازون :crying:
 
Jonas قال:
يمكن يجربونها , لكن المشكلة اذا جاك واحد غشيم جرب لعبة God of War و شاف وحش ضخم كبير و قال هذا الالهه ياللهوووووووول!!!!!!! اللعبة اسمها حرب الله !!!

و بالنسبة للألعاب الي فيها مشاهد تعري أعتقد في الغالب انت تسوي شي اضافي باللعبة و يطلع لك المشهد او تقدر تسوي له skip بكل بساطه

و على فكرة انت ماله داعي تفكر بهذي الاشياء و تشغل بالك فيها , الله يخلي لك المحلات الكويسه الي عندك هناك و امازون :crying:
أنقر للتوسيع...
ههههههه فعلا هذا الي يصير وبعدها يحط شوية بهارات من عنده ويسوي هرجة وينشر ايميلات عقيمة حذروا اولادنا من لعبة الصهاينة الي يدسون فيها العاب اشياء خفية تقتل عقول اطفالنا :laugh::
 
شباب الإمارات سمعت انه اللعبه راح تنزل عندكم اليوم بالليل صحيح ؟ .. علشان احط امل انها باجر تنزل عندنا
 
Alucard قال:
تقييم IGN صدر

9.7

http://xbox360.ign.com/articles/109/1090125p1.html

وأيضا تقييم IGN UK

9.8

http://xbox360.ign.com/articles/109/1090145p3.html

شكلها الجوتي اتأكدت خلاص :wink::
أنقر للتوسيع...

باقي قيم سبوت وتكتمل الحفلة
kenxkao.gif
 
يجب تسجيل الدخول أو التسجيل كي تتمكن من الرد هنا.

المواضيع المشابهة

Nanaki
الموضوع الرسمي Destiny: Rising
2 3
الردود
80
المشاهدات
3K
Hazeel
Hazeel
Primal
الموضوع الرسمي Overwatch: The Reign of Talon عهد قديم قد عاد
2 3
الردود
64
المشاهدات
3K
てぇBのتيZンجي
てぇBのتيZンجي
okomarok
مقال لماذا ألعاب Pokémon سيئة تقنيا؟
الردود
16
المشاهدات
1K
SuperC
SuperC
عودة
أعلى