نقاش أنمي One Piece

[king zell]

لول شباب

فوق يسار كل رد تحصلون رقمه


فالرد رقم 1000 فعلا صاحبه mario2

لوووول

 

[Futrus]

فالرد رقم 1000 فعلا صاحبه mario2

هذا إذا حسبنا الموضوع + الردود فصاحب الرد ال1000 يظل ان سايدر P:
بروح أكمل قرائة المانجا واخليكم مع الانمي لول

 

[Death match]

اشوف الشباب فلوها مانجا 😛

بكمل قرايت الكفرس معاكم , ماريو الموقع هذا من جد رهيب انا ارجع له دايماً

 

[Mario2]

حملة فواز لتهويد مشاهدي الانمي للمانجا .. p: .. <<.. امزح ..
سوري بس اتوقع صاحب الرقم هو الاحق ..:evil:

 

[squall leonhart]

فين القى الكوفرز بالزبط ؟؟ باخر كل شابتر ؟؟

 

[Mario2]

لا .. ببداية كل شابتر واحيانا ما فيه تكمله له في بعض الشابترز بس كل واحد منهم يحمل رقم قصة الكافرز ..

 

[Nintendude]

Jango من تشابتر 126
Hachi من تشابتر 182
Wapol من تشابتر 236
Ace من تشابتر 272
Gedatsu من تشابتر 314
Baroque Works من تشابتر 359


وصح تذكرت في حلقة 128 نهاية أرابستا جابوا جانجو (مايكل جاكسون) مع المارينز بس جابوا كيف انضم معهم وكذا.. هذي كانت بالكوفر ستوري.

 

[Mario2]

واضح اللي شاف الحلقه 313 يعرف اللي بعدها افضل .. حلقه تحفه صراحه ومضبطينها على انيميشن وارت واخراج وموسيقى .. طلعا لازم اشوفها خمس مرات قبل الحلقه اليايه ..

 

[king zell]

mario2

انت صراحة الpreview حقنا

 

[Mario2]

.. تسلم زيل .
.بس لاستمتاع افضل بالحلقه يرجى عدم قراءة عنوان الحلقه كنوع من المفاجئه ..

 

[Torpedo]

المشكلة اني قرأت كل الي صاير و الي بصير في الويكيبيديا ..

 

[Mario2]

اوكي مو مشكله الكل ما يطالع ما عدا توربيدو :yuck: ..

 

[itachi]

الصراحة الكاتب كل ما يتقدم في القصه كل ما يبدع .....مفاجآت غير متوقعه ورهيبه
من كان يتوقع جد لوفي يطلع !!!! ههههههه والله ماني قادر أتصور ويش بيصير في المستقبل ....والسفينه الجديده بعد
شباب ون بيس ...
From top to the best 🙂

 

[Torpedo]

قبل يومين .. كنت مع الشباب نتمسى في السيارة ( حيث لا مكان للهرب ) .. و فجأة يصير خلاف بين اثنين ... واحد يقرأ مانجا ناروتو .. و الثاني يعرف ايش بصير في بليش ( ما يقرا المانجا ) و انا الي اعرف تقريباً كل شي عن ون بيس >.> .. تخيلوا ..

يروح الاول يعطينا سبويرات (((قوووويييية))) عن ناروتو .. الثاني يروح ينتقم و يخرب علينا بليش ،، اقوم انا من القهر اعطيهم كل شي بصير في ون بيس .. يجي الثاني يتكلم و يخرب ديث نوت .. بعدين الاول يفتح سيرة انميات ثانية و سبويلرات على كيف كيفكم ..

طبعاً وقتها انا ( من جد ) فتحت باب السيارة و كنت برمي نفسي من القهر :'(

السبويلرات كانت ألييييييييمة :'(

 

[Mario2]

يا ولد الحق ما تلحق .. السكربت نزل .. مع نسخة hd.. دلع من جد ..:cooool:

 

[Death match]

ماريو

[sopiler]الحلقة 314 اخذت شابتر ولا شابترين ؟[sopiler/]
وين القى زر السبويلر ؟

 

[king zell]

من جد عائلة معوقة :gasp:

 

[Ash Storm]

فاتني الكثير @@؟
ان شاء الله من بكرا ببتدي في متابعته من جديد, من 306 ما شفت اي شي -____-

 

[Mario2]

سبويلرز ..

بالنسبه للحلقه فهي غطت شابتر واحد بالظبط .. وبالمناسبه الحلقه توافق يوم الاب في اليابان .. احس قاصدينها ..

 

[squall leonhart]

واو .. بس انا ما اتفاجئتة كثير لاني حسيت من ايام ارابيستا ان هذاك الشخص الغامض هو ابوه .. و المفاجئه الكشف عن المنظمه الي ابوه يرأسها .. ما ادري ليش ما احس اهدافها شريفه لوووول

 

[Mario2]

لا تنسى ان الحكومه العالميه تخفي اشياء عملتها في الماضي في القرون الضايعه اللي ما يعرف عنها شي غير اوهارا ونيكو روبين حاليا والخمسه الكبار .. ما اتوقع بينقلب عليهم بس عشان يستولي وبس .. هو طبعا ما يقدر يفككها لانها مجموعه كبيره من الدوله فيبداها حبه حبه الظاهر .. بس غريبه يعني محد تناقش عن اليانكو ومنهم شانكس والاثنين الغامضين والوايت بيرد .. ذولي بس يكفون الحكومه مع الشيبوشيكاي والادميرالات ..

على فكره الفلم الثامن نزل راو .. مادري متى الترجمه صراحه بس ما راح تكون بعيده .. الفلم شكله سيئ للاسف ..

 

[squall leonhart]

انا من الي فهمته ان الاليانكو يشتغلون ضد الحكومه صح ؟؟ الالثالث و هو البلاك بيرد ؟؟ الرابع مجهول

 

[Death match]

اليانكو هم الاباطرة الي وصلوا لنص الجراند لاين على ما اعتقد نفس ما ذكر ماريو محد يقدر لهم الا الشيبوشيكاي و الادميرالات (الاربعه اعتقد) و المقر الرئيسي للمارينز

سكوال ما اعتقد بلاك بيرد من اليانكو لأن بمأتمر الشيبوشيكاي ضهر لافيتي يحاول يقنعهم انهم يضيفون تيش ضمن الشيبوشيكاي بدل من كروكودايل وبعدين تيش لساته يدور لوفي على ما اعتقد فما يمديه يوصل لنص الجراند لاين

 

[Mario2]

اليانكو لقب اطلقوه على القراصنه الاربعه وهم بقوتهم يحكمون النصف الثاني من الجراند لاين وعشان يسيطرون على القوه المتكافئه الحكومه العالميه مع الشيبوشيكاي والادميرالات الثالثه ورئيس الادميرالات ( سنجوكو ) .. البلاك بيرد هم اصلا قراصنه خونه من الوايت بيرد ما اظن يشكلون شي ابدا غير انهم مش معترفين على انهم واحد من الشيبوشيكاي .. ابي اعرف الاثنين اليانكو شكلهم كشخه ..

 

[Death match]

البلاك بيرد هم اصلا قراصنه خونه من الوايت بيرد ما اظن يشكلون شي ابدا غير انهم مش معترفين على انهم واحد من الشيبوشيكاي

من جد زعلاتني يا ماريو بردك هذا تصغير للوايت بيرد بشكل كبير 🙁 ما اقولك غير Please remeber that نفس ما قال لافيتي لسنجوكو 😛

 

[SHABASH]

شباب الحلقة 314 نزلت من اقل من ساعة ترجمة vega punk ممكن اكون قديم 😛

حاليا قاعد انزلها 😀

 

[NSider]

قديم أنت، الناس الكول الحين تطالع الـRAW مع السكريبت. الناس اللي مو كول تطالع الـRAW بدون سكريبت أو تطالع النسخة اللي مطبوعة فيها الترجمة. :q

 

[Mario2]

:yuck: .. بين النص قريت اسمي .. بس انا عادي ما اتاثر لاني اساسا حافظ المانجا والشابتر والحوارات .. صرت احفظ ياباني ..:cooool:

اليوم الحلقه واكيد رهيييييييبه .. ان شالله ما تتاخر حتى اشوفها واقهر الناس الكول ..

 

[squall leonhart]

:yuck: .. بين النص قريت اسمي .. بس انا عادي ما اتاثر لاني اساسا حافظ المانجا والشابتر والحوارات .. صرت احفظ ياباني ..:cooool:

اليوم الحلقه واكيد رهيييييييبه .. ان شالله ما تتاخر حتى اشوفها واقهر الناس الكول ..

خخخخخخخخ الراو ل 315 نزل بس اظن الجوده متوسطه

 

[king zell]

أنا أكول واحد

أدق على اودا و يقول لي ايش بيكتب