نقاش مانجا Naruto

[Old School]

شابتر جيد نوعا ما ومحز بالتأكيد وفعلا الكاتب أبدع بجعل التشابتر محزن مع شخصية ثانوية عموما التشابتر القادم قد يكون عن صاحبنا ناروتو لكن توقعاتي يكون التشابتر عن الاكاتسي وتجهيز شيكمارو للقتال القادم لان هايدن والي معاه رددوها اكثر من مرة انهم بيرجعون وشكله شيكماروا بيجلس يخطط براحته وبنشوف قتال رائع ^^

 

[AMG]

شابتر روعة و يفتح ابواب لاحداث قادمة

موت لسوما كان متوقع و خاب املى جدا الان لم يقم باى حركة خاصة و تقنية رهيبة يعنى كان ضعيف جدا فى هذا القتال شكامارو بدع صراحة , يمكن نوعية العدو و اسلوبه ما تتيح فرصة ان الخصم يسوى اى حركة

فى انتظار الشابتر القادم و اتمنى انهم يركزا على الاكاتسوكى حاليا

 

[Argandir]

تشابتر جيد...

التشاباتر القادمه ماراح يكون فيهم قتال بالتئكيد...راح يركزون على الاكاتسكي و خبر موت اسوما في القرية...

بس رايحني المؤلف انه ذبح احد الجونين...كذه تسير القصة حماس...مو كل مرة ينهزمون الاكاتسكي...

 

[Old School]

يبقى السؤال هل القتال هذا سيتم إكماله ربما ليس التشابتر القادم بل الي بعده او بعد وصول خبر موت اسوما بترسل كنوها فزعات جديده وتنهي القتال بالإنسحاب ولا شكيمارو بيجهز لنا كذا مفاجئة حلوة لهايدن -_-

بصراحه الي ودي فيه يا اما يكملون لنا تدريب ناروتو او حلقه كاملة للأكاتسي ما ودي اشوف تشابتر ممل كامل عن شكيماروا وهو يخطط ابغا شغل نار بنار

 

[Argandir]

ما اتوقع يسير اي قتال حاليا...

شكامارو راح يرجع للقرية...الاكاتسكي ماراح يرجعون لنفس المنطقة...

المواجهة القادمة اتوقع انها راح تكون يوم هيدان و كاكيزو يحاولون يقبظون على ناروتو...و اكيد شكامارو راح يكون موجود مساعدة مع ناروتو...

 

[itachi]

شابتر روعة وحزين ....تخيلو الحدث في الأنمي والموسيقى (loneliss) مثل ما مات الهوكاج الثالث:cryy:
لما يرجع الكونوها ..والضجة بتقوم والمصيبة ..عند كورناي ..بتلطم على راسة ..وتقول ليش ليش :cryy:

وبعدين يحل الصمت :gasp:
ويسمع ناروتو و كاكاشي بالخبر :evil: ويشعللها حمق وتصير المهمة الجاية
على كورناي وشيكمارو وكاكاشي وناروتو :yuck: وبروحون يدورون على الأكاتاسكي
(طبعا هذا توقعي على الطاير ..بعدين أقول لكم توقعي )

 

[Old School]

ظهر واخيرا سبويلرز لالانمي الي يبغا يشوفها يروح على مانجا هيلبيرز

anyway عنوان الحلقه هو هدف الأكاتسي والسبويلر تقريبا أظهر وشهو هدفهم :

إحتلال العالم

هدف غريب نوعا ما لكن وش تتوقع أكثر من الأكاتسي وهذا يفسر رغبتهم بتجميع الوحوش التسعه طبعا حتى الان الصورة وتفاصيل الهدف مهو بواضح لحد الان ننتظر المانجا + عودة تدريب ناروتو ^^

 

[Old School]

الأكاتسي فعلا شغل بزنيس وتفكير قائدهم فعلا عبقري
أيضا اتضح ان كل عضو بالأكاتسي له هدفه الخاص لكن عشان تتحقق لازم ينفذون هدف الأكاتسي الرئيسي.

أمر أخر نارتو شكله إقترب من إنهاء التدريب وبنشوف الجتسو الجديد بالتاشبتر القادم بالإظافه على ما أعتقد وجه قائد الأكاتسي ( والله يبوي شعره يشبه شعر نا.......)

 

[Nintendo]

مادري ولكن حسيت انه هدف الاكاتسكي غبي شوي !!! توقعت شئ افضل ..

غريبه مافي اي شئ عن وفاة اسوما بهذا التشابتر ( الخبر ماوصل كونوهوا ) .. نارتو اعتقد صار بينه وبين الجتسو خطوه وحده 🙂

 

[Salman]

مادري ولكن حسيت انه هدف الاكاتسكي غبي شوي !!! توقعت شئ افضل ..

بالعكس أشوفه رائع, و يعطي المسلسل واقعيةأكبر ..
طريقة جتسو ناروتو وضحت الآن ..
البنشن يصنع الراسنجن و الآخر يضيف عليه عنصر الهواء

 

[Argandir]

اتفق مع Nintendo هدف اكاتسكي غبي و بقوة...

اش اللي احتلال العالم...???

ملينه من هالحركات كل شرير يبي يحتل العالم...والمشكلة محد فيهم يفلح...

 

[Nintendo]

المشكله اخ ارجنداير الطريقه اللي بيحتلون العالم فيها ؟؟

يبغوا يسيطروا على الحروب عشان العالم كله يحتاجهم وبكذا يحتلوه !! طيب انتم اذا جمعتم الوحوش التسعه مو بكذا صار عندكم اقوى شئ بالعالم وتقدرون تحتلونه بالقوه !! وبكل امانه الا الان ماشفنا احد منهم يسوى غير ايتاشي ( حتى قدام جرايا ماشفنا منه شئ غيرو الهروب السريع ) اما باقي الشله بصراحة مقالب بقوه ( اورتشمارو اصرف منهم بكثثثثثثثثثثثير ) ..

 

[Old School]

ممكن فعلا الهدف ملينا منه والكل يبغى شي جديد لكن ممكن طريقة تنفيذ الخطط جديده و لا تنسون انهم فقط جزء من بقية الشخصيات يعني اورتشيهماروا واهدافه وفيه بقية الدول القصة لها عدة تفرعات الكل له اهدافه ولا تنسى ان الاكاتسي عبارة عن مجرمين سابقين وما يعني الشي هذا انهم اقوياء كفايه لمجابهة عظماء النينجا مثل جرايا على الاقل في اثنين او ثلاثه يقدرون لكن البقية ممكن مستواهم اعلى من الجونين بشوي عشان كذا تشوف انهم يجمعون الوحوش عشان يصيرون اقوى واكيد بيستخدمونهم صح

واتوقع صراحه غير القائد واوتشها بالقوى لا تدور البقية مستوى جونين او اعلى بشوي .....
ونتيندوا طيب حتى مع تجميع الوحوش التسعه ما تقدر تقول مثلا ان جرايا ممكن يمسك له واحد منهم (ديدرا عى سبيل المثال )ومعاه واحد من الوحوش ويلعب ويدوس على خشمه هم يبغون جيش كامل عددهم ما يكفي وفي اكيد نينجا بقوة الرابع ما يمتلكون وحوش ومع ذلك قوتهم اسطورية .

 

[AMG]

لما شرح زعيم الاكاتسوكى اهادفهم و طريقة تحقيقها كنت راح اموت من الضحك فعلا اغبى طريقة ممكن احد يفكر فيها

انتظر بفارغ الصبر اشوف الجوتسو الجديد حق ناروتوا


بروح اشوف مانجا بليتش ^_^

 

[itachi]

يعني الجماعة بيحتلون العالم ...:slant:
بس كل السالفة في أسترتيجيتهم والخطة اللي على ثلاث مراحل حق ينفذون مخططهم .
...يعني الأكاتاسكي من صوب وأوروشمارو من صوب ....والعالم بيضيع

أهم شئ في السالفة ...ناروتو شكلة أكتشف شئ ..بيطالع يمين ويسار في نفس الوقت ::
شكلة الشابتر الجاي بيجيبون سالفة أسوما مع أكتشاف ناروتو

 

[Old School]

طيب يا شباب وش تتوقعون بيكون شكل الجتسو الجديد بحكم ان الراسنجين دائرة من الشاكرا ؟

اتوقع مع اضافة عنصر الرياح بتصير ترنيدو ضخم بمعنى اخر AOE وليس ضربة مباشرة

 

[Mada Mada Dane]

الحين نارتو عنده 2 جتسو ماشفناها .. وحده الي قال له جيرايا لا تستخدمها والثانية هذي ..
والله الولد بدى يقوى .. غير كذا صار يقدر يستخدم قوة الرياح وحتى بدون جتسو, مثل ما شق الشلال يقدر يشق وجه واحد بهذي الطريقة ..

 

[dark]

يا شباب ترى الخطة مو بس سيطرة على العالم خطتهم إظهار قرية جديدة قوية لهم تحقق جميع رغبات الفريق وإستراتجتهم اللي بيضعفون القرى الخمس القوية علشان تحتاجهم وبكون عندهم المال والقوة .

1-المال :هي الخطة اللي يكون الفريق يعمل ويساعد القرى الصغيرة وبكذا القرى الصغيرة ما تحتاج مساعدة القرى الخمسة و إقتصاد قرية العصابة بتزدهر .

2-القوة : لازم يكون عندهم أكثر من ننجا علشان يقدرون يطبقون الخطة الأوله ومع الوحوش أيضاً اللي يجمعونها (حتى الان ما ظهر كيف هم بستفيدون منها بالضبط) يا أنهم يتحكمون في وحش واحد أو انه يستخدمون طاقتها للقرية يعني في أكثر من فرضية .

(لوول تعريفات ):yuck:

وبكذا الدول الكبيرة تحتاج العصابة والقرى الخمسة تنتهي وتبقى قرية واحدة هي قرية العصابة
بإنتظار إجابة باقي التساؤلات
ليش يبغون قرية واحدة ويدمرون باقي القرى ؟

http://groups.msn.com/_Secure/0TgDd...gbUJ5lsLqw/016-017.jpg?dc=4675595221749978598

 

[Super Shadow]

بصراحة هدف الأكاتسوكي أشوفه عادي جدا >>>> من كثر ما يشوف الانميات الثانية و يسمع نفس الهدف

خل نصبر الشابترات الثانية و نشوف ::

 

[Salman]

نزل التشابتر ..
نصيحة : إنتظروا تشابتر الأسبوع القادم و شوفوهم مع بعض, لأن هذا التشابتر بروحه لا يسمن و لا يغني من جوع ..
جميل من ناحية الدراما, و لكننا ننتظر الأفضل يا كيشي !!

 

[itachi]

الله يرحمة ...:cryy: كان رجال طيب ..ما شفنا منه إلا الخير ( مع موسيقة sadniss)

خلاص وصلت الأخبار للكونوها وأهلها :embarrassed:
كورناي ..ما قدرت تمسك حالها ..طاحت تحت شيكمارو اللي خبرها بالموضوع :cryy:
كاكاشي وناروتو ...وقفوا التدريب...
وعند الجنازة كلهم مجتمعين إلا شيكمارو ...قاعد بروحة يلعب شوجي ..ويشرب سيجارة ( خلاص دخن الرجال ! ) وخناجر أسوما صارت عنده ...وقام يتعلم يحط الشاكرا فيهم ..ما يندرى ويش بيسوي :gasp:

طبعا في البداية جابو ناروتو يتدرب (سالفة يمين ويسار !) الرجال يستعمل أثنين شادو بدل واحد ..حق واحد يسوي رسينغان وواحد يحولها للرياح ..وهذي السالفة كما توقعت ::

 

[Nintendo]

مثل ماقال سلمان تشابتر بصراحه ماله اي داعي ... ننتظر الاسبوع القادم .

 

[Old School]

شكلنا بنشوفو النينجا جيتسو الجديده لنارتو مع قتاله القادم والاغلب انه بيلحق شيكمارو وشلته حق المكان الي بيرحوله . وبنشوف وقتها النينجا جيتسو الي شكلها بتصير اسطورية وممكن محرمة مع قوتها ^^

 

[Salman]

بغض النظر عن مستوى التشابتر ..
في أحد لاحظ أن قبر أسما عليه تاريخ ؟؟
مو قادر اقرأ الأرقام بوضوح لكن يبدو لي إنها 3900 و شي ..
تذكروا أن كيشيموتو لم يبين على الإطلاق في أي عصر يجري المسلسل ..
هل من الممكن أن تكون أحداث المسلسل في المستقبل ؟

 

[Mada Mada Dane]

شكلنا بنشوفو النينجا جيتسو الجديده لنارتو مع قتاله القادم والاغلب انه بيلحق شيكمارو وشلته حق المكان الي بيرحوله . وبنشوف وقتها النينجا جيتسو الي شكلها بتصير اسطورية وممكن محرمة مع قوتها ^^

يقطع شكلك حمستني :laugh:

 

[Old School]

يقطع شكلك حمستني :laugh:

خخخخ كلنا متحمسين للنينجا جيستو الجديده ولو في البدايه كان ودي تكون شي جديد كليا يعني بالله كم نينجا جيتسو نارتو يعرف -_- الإستنساخ - الاستدعاء - الراسنجن - النينج جيتسو الي تعلمها من جرايا وما شفناها لحد الان

اربعه بس يلعن ابو الفقر بس -_- لوما الكيوبي كان مالم اي داعي ساسكي كم نينجا جيتسو شفنا له انواع واشكال -_- وخوينا اربعه وعساه يفلح بالراسنجين الجديده خخخخخخخخ

بس والله احس التاشبترات القادمه حماس تسونادي يجيها خبر عن الفريق العاشر وتسوي فريق ثاني يلحقهم روك لي و نارتو ونيجي يكفوني الثلاثه هذولي عشان يصير انواع الحماس وكلهم يتسفقون ونشوف نارتو وهو كذا بعد متسطر ( ماخذ له كفيبن من هايدن) طايح بالارض يقوم وهو يقول كم جملة ( طبعا موسيقة القتال حقة نارتو شغاله ) ويصير اقوى واحد بالعالم ويسوي لنا الراسنجن الجديده الي بتاكل الارض ومافيها وتذبح الاكاتسي و أخوياء نارتو ومن بعدها القرية تكره نارتو زياده ويصير النينجا جيتسو محرم ويطردونه من القرية وينظم لإيرتشهمارو ويدربه شوي ويصير هو وساسكي فريق بن كلب ويدمرون كنوها ^^ هنا الحماس وانواعه

 

[Super Shadow]

الشابتر عادي جدا و مافيه غير عزا بس :roll:

ننتظر الشابتر القادم

 

[Nintendo]

تشابتر هذا الاسبوع نقدر نقول بوابة الاحداث القادمه .. المشكلة ضيعوا وقت كثير بسالفة لازم نروح واسوما معنا والخ الخ ..

لكن احلى شئ انه نارتو صار شبه جاهز 😉

 

[Mada Mada Dane]

كل تشابتر تقولون هذا التشابتر بيفتح ابواب للاحداث القادمة ..
هو كم باب لازم ينفتح :slant: .. احس الاحداث مو راضية تتحرك ..

 

[itachi]

الفريق الجديد يضم شخصيتين أحبهم 🙂
الفريق العاشر بقيادة : كاكاشي 🙂gasp: وااااااااااو )
مع شيكمارو (شكلة رهيب بالسيجارة ) وإنو وشوجي

تسونادي عطت خبر حق ياموتو حق يخلص تدريب ناروتو حق يتقن الجتسو الجديد لمدة 24 ساعة كأقصى حد .....الظاهر محتاجين للجيتسو حق المهمة :laugh:

أنشاء الله نشوف شئ جديد من كاكاشي ....ونشوف ناروتو