Buck
True Gamer
.I've been having these weird thoughts lately
*تنويه: في حرق لكامل السلسلة تقريباً
ما راح أتكلم عن القصة كثير, بس يعني من باب الإحتياط.
بقول كلام كثير, ف غالباً كلامي بيكون all over the place, ف المعذرة مقدماً...
راح أذكر مفضلاتي من العاب/عوالم/شخصيات... الخ نهاية الموضوع
ـ
أول ما نزل الجزء الأول, كان عمري 7 تقريبا على وقتها, كنت جداً متحمس للعبة وفكرتها!
تجمع بين شخصيات فاينل فانتسي اللي كنت احبهم واشوفهم مرة كوول رغم اني على وقتها ما كنت لاعب ولا جزء. (أتفرجت على أخوي الكبير وهو يلعب 7 و 8 و 9)
وبين شخصيات وعوالم ديزني! ف رحت أشتريتها على طول.
لعبت الجزء الاول لمدة أسبوع-أسبوعين تقريباً. المضحك انه الفترة هذي كلها كانت في Destiny Island, ما كنت عارف أخرج منها
ومع ذلك كنت مبسوط وحاب أجواء اللعبة! وبس بعدها سحبت عليها ومعد رجعتلها.
ونزلت أجزاء كثييرة بعدها طبعاً مع مرور الوقت, ودايماً أقول لازم أجرب السلسلة!! واسوي delay للموضوع.
-
واحد من أصحابي اللي يحبو السلسلة, من أول يحاول يقنعني أني أبدأها (أظن له سنتين او 3 وهو يحاول)
السنة ذي, قلي يلا بشتريها وبتكون موجودة في الـ Steam Family عشان ما يكون عندك عذر!
أشتراها في شهر 5 تقريباً, وهو رجع يلعبها وانا قلت له إن شاء الله لم يكون لي نفس (صرفته الزبدة ههه)
بس بعدين, قبل شهر (نص ديسمبر) حملت الكولكشن الأول قلت خليني أبدأ وأشوف كيف أحس, لو خشيت جو حكمل...
من أول ما بديتها, وبديت العب في Destiny Island, كمية النستولجيا اللي جاتني مو طبيعية 😟
السباق هذا مع Riku شي فاكره جداً, وكان أكثر شي اسويه لم لعبتها وانا صغير.
الجزيرة نفسها بشكل عام أجواءها رهيبة, ومن مناطقي المفضلة في السلسلة كلها!
وانا العب اللعبة, كثير من اصحابي اللي كانو موجودين, يقولو "أستحمل الجزء الأول بس" ولا
"تقدر تسكب الجزء الأول لو تبغى, لعبة قديمة!"
بس شخصياً, حبيت اللعبة جداً! حبيت الكومبات على بساطته, حبيت العوالم!
القصة كانت بسيطة, وكنت أقول "الناس مبالغين مرة! القصة واضحة ايش المعقد في الموضوع؟" مسكين ما كنت أدري إيش اللي جاي في الطريق.
الجزء الأول فيه charm رهيب ما حسيته في أي جزء بعده. رؤية شخصيات فاينل زي كلاود, سيفيروث, سكوال, تيدوس...الخ كان شي رهيب 🥹
فيه عوالم للأسف ما شفناها ثاني زي Wonderland, Neverland, Deep Jungle اللي كلهم حبيتهم!
وبرضه Halloween Town أفضَل نسخة الأول عن الثاني.
fun fact: كنت أحط صورة Halloween Sora كـ pfp في المنتديات والمواقع بس عشان عاجبني شكله.
ف كنت متحمس مرة اشوفه ف اللعبة أخيراً في اللعبة 🤓
السلبية الكبيرة في اللعبة هي الكاميرا... تنرفز 😾
خلصت اللعبة, وكنت خاش جو مرة مع العالم والقصة وكل شي!
ف بعدها المفروض Chain of Memories.
شفت كم عرض لها, وبصراحة ما اتحمست العبها مع نظام القتال حقها. ف شفت فيديو summary للقصة وكان فيها introduction لشخصيات مهمة كثيييييرة!
يمكن يجي يوم و ألعبها او العب نسخة ال gba عشان منظرها عاجبني 😙
كمية المدح اللي سمعته عن هالجزء مو طبيعية. كنت جداً جداً متحمس لها.
يمين ويسار ناس يقولو هذا أفضل جزء, واحدة من أفضل الألعاب ever...الخ
بس برضو كنت أقول "أكيد overrated شوية, او اللاعبين يطالعولها ب nostalgia goggles صح؟" نوب
من الإفتتاحية الأسطورية Sanctuary عرفت خلاص انا مقبل على ايش
بعدها نبدأ في الـ prologue في Twilight Town بشخصية جديدة ما نعرف إيش وضعه اسمه Roxas.
على طول لاحظت الفروقات والتحسن اللي سار للعبة! من تحكم, لنظام القتال ولأهم شي عندي وقتها الكاميرا!!
حبيت الجزئية هذي مرة. شخصيات جديدة, عالم جديد, مدري إيش قصتهم وإيش قاعد يسير.
كان في غموض وشعور unsettling غريب وانا العب.
كان في أشياء حلوة تسويها لتضييع الوقت زي تجميع ال munny عن طريق ال jobs mini games.
الـ skateboarding كان رهيب وضيعت ساعة يمكن بس كذا اتجول فيه في المنطقة.
وأحلى شي وجود Vivi my beloved
نهاية البارت, رغم أني ما عرفت Roxas إلا لكم ساعة, بس مدري ليش كانت حزينة مرة. ومن لحظاتي المفضَلة في اللعبة
Looks like my summer vacation is over
نرجع بعدها للطبيعي. نلعب بسورا وقووفي ودونالد. (انا فريق دونالد, وأكره قووفي fyi)
العوالم هنا برضه رهيييبة!
Twilight Town, The Land of Dragons, Beast's Castle, Olympus Coliseum, Timeless River وغيرهم...
وطبعاً المنطقة الأسطورية الأخيرة The World That Never Was!
الجيبملاي جاه تطور مهوول عن الأول! من نظام الـ forms لسرعة وسلاسة الحركة!
القصة كانت less focused لين الثلث الأخير تقريباً, بس ما مانعت هالشيئ صراحة لأني كنت مستمتع مرة
في القتالات والتجول بين العوالم.
الوصول لمنطقة The World That Never Was والموسيقى حقة المنطقة كان شيئ epic مرة.
وقتال Roxas المفاجئ!؟ من أفضل القتالات في اللعبة.
وبعدها climax النهاية... كمية لحظات sheesh-اوية و مرة كوول ما تخلص!
COME ON كيف ما تتحمس مع اللحظات هذي؟
والتحكم ب Riku حتى لو للحظات بسيطة هو شي رهيب مرة.
بعد ما خلصت القصة, سويت grind ووصلت للفل 99.
جمعت كل الـ crowns (بعضهم بطرق غريبة, واظن كان المفروض ما اجيبهم الا بعدين
)حتى الان, هذا كان أفضل collectable في السلسلة بالنسبة لي.
باقي ما خلصت كل شي في اللعبة. قاتلت بعض قتالات الـ data.
ما هزمت Lingering Will ولا سيفيروث عشان ما كنت ملفل وقتها, بس راح أرجعلهم for sure.
لازم لازم أرجع للعبة وأكمل الأشياء اللي باقيتلي.
كان نفسي مرة اجيب كل الاتشيفمنتس للعبة لأني مرة حبيتها, بس ما أتحمست لانها ضمن collection 😕
المهم... اللعبة 10/10 ودخلت توب 10 ويمكن توب 5 ever عندي.
.
.
بعدها 358/2 بس كانت مجرد لقطات الـ cutscenes في الكولكشن للأسف.
كان نفسي العب هالجزء. لأني لسبب غريب, لعبت اول ساعتين منه على الـ DS.
يمكن أرجع العبه على محاكي او شي.
3 شخصيات جديدة تماماً.
Terra, Aqua, Ventus.
دقيقة, هذا مو Roxas؟ I guess not 🧐
اول ما بديت أتحكم ب Ventus, حسيت بالداونقريد على طول ههه بس شي متفهم بما انها لعبة psp في الأصل
الكاميرا مرة كانت غريبة, على طول دورت mod لها وحصلت واحد كان كويس وعدل الزاوية حقتها.
نظام القتال والتطوير جاله تغيير كبير. ما ضايقني كثير صراحة, حبيت التغييرات اللي تسير وكل لعبة تحسها شي جديد.
ما أفضله طبعاً, بس مش اسوأ شي يعني. اظن الشي الوحيد الممل فيه انه grindy شوية.
ما حبيت كل العوالم هنا, بس بعضهم مرة عجبوني زي Deep Space, Disney Town
وطبعا المنطقة اللي حتسير ايقونية Keyblade Graveyard.
التغييرات في الأحداث والمناطق اللي تقدر تزورها في كل عالم بين الـ 3 شخصيات كان حلو ويقتل شعور التكرار.
الجزء هذا أكثر جزء حسيته focused على القصة. من البداية للنهاية.
كان تغيير حلو عن اللي شفته من اللعبتين الأولى.
قتال Xehanort النهائي بـ Terra كان صعب وفيه تحدي رهيب.
بشكل عام, حبيت اللعبة.
أحلى Title screen art في السلسلة
الجزء هذا غريب.
الـ movement كان مررررة كول. قعدت نص ساعة يمكن ف Travers Town بس انقز بين المباني
الـ dream eaters كان شي كيوت ف البداية, بس طفشت منه بعدين.
الاعداء اغلبهم سارو يشبهو بعض بنظري عشان كمية الالوان المتشابهة.
اللعبة الوحيدة اللي كان يجيني فيها frame drops مزعجة مرة؟ مدري ليش.
أكثر قصة لخبطتني ههه حلم داخل حلم داخل حلم... نومورا بليز.
ما كانت التجربة كلها سلبية, كان فيها عالم أظن من العوالم المفضَلة عندي في السلسلة
Country of the Musketeers
الثيم حقه؟ أفضل ثيم قتال عالم في السلسلة كلها!
All For One
وبرضه فيها برأيي, أفضل boss theme في السلسلة كلها:
L'Impeto Oscuro
القتال برضه كان مرة رهيب!
سويتلها speed run شوية, مشيت ع القصة ع السريع بدون تجميع او تلفيل. وطبعاً اكلتها على راسي في النهاية لأني كنت under leveled.
أقل جزء عندي ككل, بس still, فيه أشياء رهيبة.
بعدها لعبت Fragmentary Passage تجربة قصيرة لطيفة
و شفت فيلم x Back Cover الموجود في الكولكشن.
بعتذر مقدماً لكل اللي يكرهو الجزء ذا...
لأني بمدحه بشكل كبير.
وبقيمها بشكل عام مع Re Mind
متحمسلها من قبل لا تنزل وانا مو لاعب السلسلة اصلاً بس عشان شفت عالم Pirates of the Caribbean كيف كان منظره!
أول أول أول شي لم بديت ألعب... كنت مذهول حرفياً من منظر اللعبة @@!
مو بس مقارنة بالأجزاء اللي قبل اللي طبعاً حتكون أحلى منهم بما انها اجدد, بس بشكل عام
منظر اللعبة ساحر.
كل عالم بدايةً من Olympus وانا كل دقيقة أوقف واقعد اتأمل في جمالية العوالم.
من الأسباب اللي خلتني متحمس مرة للعبة انو فيها عالمين أكثر فلمين أحبهم من Disney/Pixar
Toy Story و Monsters, Inc. للأسف وجودهم في اللعبة كان محروق علي من أول من بعض الميمز (let him cook مثلا)
بكون صريح, رغم أني حبيت عوالمهم مرة, مرة. بس برضو ما كانو قد توقعاتي.
Toy Story تحديدًا. أتوقعت وتمنيت أنه بنشوف و نسوي explore لبيت Andy أكثر من مجرد غرفته.
وكان مرة نفسي المنطقة الخارجية تكون للـ Pizza Planet 😔
بس... اول ما خشيت العالم, جا إعلان Verum Rex بشكل مفاجئ!
هلا هلا؟ إيش هذا؟ Versus XIII؟
ومين هذا؟ Noctis؟؟ حبيت تصميمه مرة (نرجع له بعدين)
حمدلله هالشيئ ما كان محروق علي.
عوالم ثانية فاجئتني زي Kingdom of Corona!
ما شفت الفيلم, بس العالم هذا واللون الأخضر الطاغي اللي فيه يفتحو النفس بشكل مو طبيعي.
وطبعاً Twilight Town كان شكلها ساحر في هاللعبة.
San Fransokyo كانت حلوة شكلياً, مرة حلوة. بس كمحتوى كانت فاضية مرة برأيي.
وأخيراً, The Caribbean
العالم هذا يعني, (غير محتوى القصة القصير زي باقي العوالم)
بس كمية المناطق اللي فيه والاشياء الجانبية اللي تقدر تسويها مهوولة!
العالم اللي حمسني للعبة قبل لا تنزل, وفاق كل توقعاتي!
+
نسيت أتكلم عن المنطقة ذي
Scala ad Caelum
الأسم لحاله يكفي... تعلق نومورا ب Versus XIII شي يفرح ويحزن في نفس الوقت.
العالم هذا او المنطقة هذي, على قلة الحرية اللي فيها, لكن تصميمها كان خلاَب!
مزيج بين دولة Greece و مدينة/منطقة Altissia
أو على الأقل انا كذا شفتها...
-
الجيمبلاي مرة سمووذ من تحكم من قتال من كل شي.
نظام الـ forms المربوط ب الـ keyblades؟ حبيته ك تغيير. لكن يظل نظام 2 كان أفضل.
الـ Gummi Ships برضو هنا الأفضل بالرااااحة. ك تحكم و محتوى و كل شي.
كان فيه boss معين في المنطقة الثانية Schwarzgeist.
الساوندتراك حقه اسطوري!
Thermosphere
أكتشفت بعدها انه الـ boss نفسه والثيم حقه من لعبة ثانية من سكوير اسمها Einhander.
سويت Swordfish 2 من Cowboy Bebop
شي كنت ناوي اسويه من 2 بس الـ customization ما كان مرة كويس هناك.(ما عندي صورة للأسف, يمكن أضيفها بعدين لو شغلت اللعبة ثاني)
اللعبة برضو فيها أفضل Mini games بالنسبة لي.
وصلنا الـ climax.. كمية fan service بأحلى شكل ممكن.
الـ scene هذا اسطوري.
كل الشخصيات تقريباً رجعو للقتال والمواجهة المنتظرة.
وختامية رهيبة لارك Xehanort. (مع Re Mind)
والـ cutscene اللي في النهاية؟
هذي مو Insomnia؟ واشتغلت بداية Somnus؟
مدري ايش كان يسير بس حبيت كل شي شفته. (أحب FFXV مرة للي ما يعرف)
بعديين نجي لأحلى وأصعب قتالات في اللعبة.
قتال الـ org members في الـ data.
يعني بعضهم مو بس عذبوني...
أصعبهم برأيي كانو Saix, Ansem.
أحلاهم كانو Marluxia, Xion, Xemnes.
.
.
بعدين...
Yozora
أصعب وأرهب قتال في كل السلسلة.
أتوقع من اصعب الـ bosses الي واجهتهم بشكل عام...
مدري انا غبي ولا ايش, بس اشوفه في نفس مستوى
Malenia و Consort Radahn
يعني مليون mechanic لازم تتعلمه, و openings قليلة لازم تبنشه فيها.
وضربة ضربتين وانت ميت! واو...
حفظت القتال حفظ. اقدر اسمعه.
كل هذا مع منطقة القتال؟ و الساوندتراك؟
🤚👴✋absolute peak
تصميم الشخصية نفسها مرة عاجبني...
ولاحظت شيئ فيه (يمكن شي معروف, انا بس متأخر 5 سنين او أكثر)
لون عيونه يمثل نسختين Noctis في Versus XIII و XV صح؟
في Versus كانت عينه حمرا, وف XV كان لونها أزرق.
detail عجبني حبيت أشاركه.
.
.
اعرف وقريت عن كثير يكرهو الجزء هذا...
احسه نفس حال FF XV من الناحية هذي. ناس يحبوهم مرة (انا منهم) وناس مرة يكرهوهم.
اتوقع في ناحية Kh3 يمكن أغلب اللي يكرهوها هم الفانز القدامى اللي انتظروها سنين وحطو توقعات عالية واللعبة ما كانت نفس ما يبغو؟
ما اعرف. بس اللعبة هذي عندي يعني بنفس مستوى 2 او أقل بشوية.
سويت كل شي في اللعبة
يمكن عشان كذا عندي appreciation أكبر لعوالمها؟ لأني كنت ما أخرج من عالم لين اخلصه (على حسب ما اقدر وقتها)
لأني أقدر اتفهم بالراحة لو ناس بس سوو القصة حيشوفوها قصيرة ومافيها شي.
-
بعض الأشياء اللي ما عجبتني/ضايقتني في اللعبة:
- شخصية Sora هنا كانت شوي... طفولية بزيادة؟
حركاته والـ overreacting اللي يسويه كان مدزون مرة. (يعني disney-fied)
- عالم Frozen...
غير أني ما أحب الفيلم (حاولت أشوفه مرة بالطيارة وطفشت وقفلته ف نصه)
العالم ماخذ منحنى linear على غرار العالم اللي قبله Monstroplois.
كانت تجربة حلوة و fresh في عالم Monsters. Inc, بس هنا لا ههه مدري, بس مشخصن مع العالم هذا
يشفع له Mini game التزلج, كان حليو.
- الـ crashes
جاتني كراشات كثيرة في اللعبة خصوصاً في الـ gummi editor.
يقلي ما عندك Vram كافية... على 5070 Ti. خير؟
أظن سارلي فوق 15 كراش خلال الـ 115 ساعة اللي لعبتها.
.
.
فقرة بسيطة لمفضلاتي في السلسلة.
ترتيب الألعاب:
2/3
1
BBS
3D
لعبتهم على Normal
ما عدى 2 على Proud
و 3 على Critical
أفضل شخصيات:
Marluxia - Roxas - Yozora (التوب 3)
Aqua - Axel - Terra - Sora - Riku
أفضل عوالم:
بدون ترتيب
Destiny Island
Twilight Town
The Caribbean
Deep Jungle
Olympus Coliseum
Timeless River
Country of the Musketeers
Kingdom of Corona
The World That Never Was
Scala ad Caelum
بعض أفضل الـ OSTs عندي:
Dearly Beloved
أحد أفضل الـ Main Menu Themes اللي سمعتهم. أحبه بكل نسخه.
Simple And Clean
Destiny Island
Lazy Afternoons
Kairi
Sinister Shadows
Traverse in Trance
A Fight to the Death
Darkness of the Unknown
Rage Awakened
Fate of the Unknown
Unforgettable
?Mākaukau
L'Impeto Oscuro (KH3)
Link to All
Edge of Existence
Don't Think Twice
.
.
.
.
القصة... سمعت كثير أنها مرة "convoluted"
ما حسيت, يمكن عشان لاعب الألعاب ورا بعض...
بس أشوف أني فاهم القصة كاملة. طبعاً في تفاصيل بسيطة مو عارفها من كثر وكمية المعلومات وتفرعها, بس فاهم الزبدة وزيادة.
لأنه غير الألعاب اللي لعبتهم, اتفرجت على قصص الالعاب اللي ما لعبتهم, ومنهم العاب الجوال برضو.
وحبيت القصة والـ presentation حقها مرة على جوَي.
من الأشياء المفضَلة عندي لم كنت العب هو رؤية نهاية القصَة لكل جزء.
ودي صراحة أتكلم عن القصة بشكل أكبر, بس قلت عشان لا يكون في حرق كبير للي مو مكملين السلسلة.
.
.
أحلى ماراثون سويته.
بديت ف December 15th وخلصت في January 17th.
شهر كامل ما لعبت الا Kingdom Hearts.
هذي الآن إحدى سلاسلي المفضَلة, وجداً متحمس لـ KH4 خصوصاً بعد نهاية Re Mind.
.
من زمان ما كتبت موضوع طويل كذا, تعبت وانا اكتب xd
إن شاء الله ما طولت بزيادة.
التعديل الأخير:
