GoW 3 الديمو وصل و التسول كثر P:

[squall leonhart]

بس ابغى اقول كلمه لاني شايف الحماس زايد عن اللزوم للديمو . و هذا كلام واحد من اكبر لفانز ل gow هنا .. طبعا انتوا عارفين ان الديمو هو ديمو e3 الي حفظناه من كثر ما يعرضوه بكل مكان .. انا شفت ولكثرو للديمو ايام ال e3 كذا مره و بكذا وضوح عشان كذا يمكن ما انبهرت كثير بالي شفته ..

اللعبة متأكد انها بتكون ممتازه جدا جدا بس الديمو ما يستحق كل التعب و الحماس ذا لانه ما يقدم شي جديد على لاعبي السلسلة القدماء ابدا

 

[ASWD]

^
+

من الديمو. جاد اوف وار هي جاد اوف وار لا اكثر ولا اقل

اتمنى ديمو الكولكشين يكون شي مختلف

 

[Riitmoo]

يا شباب ممكن شيرنج؟؟ ابي الديمو بشكل جنوني لكن مو محصله :crying:
انا توقعت سوني ترسل لي الكود لكن الظاهر ملت مني :laugh::
سوكوم بيتا و كيلزون 2 بيتا و هوم بيتا و ليتل بيق بلانت بيتا و رسيتنس 2 بيتا و ماق بيتا ارسلت لي اكوادهم لكن مان اوف وار ماكو خبر :crying:3​

 

[haMod07]

ابي الكووووووود <tgman>

 

[s3rorh]

خفوا علي يا شباب :laugh::
و مثل ما قال سكوال ... الديمو مو مستاهل ترا :razz:: .. وانا قلت هالشي ... يعني تطمنوا ما فاتكم شي

صعرورة.:
..
..
..
..

:evil::

اوكي . كل الهجوم من الشباب فهمت .. بس يا ترى انت ايش قصدك بهالصوره ؟
تقصد بأنه الوجه البريئ:inlove: شايله كريتوس ومنور فيه دربه وسط العتمه !؟
يعني هل تقصد بأنه أنا ألي بنور الدرب لديمو GOW3 :confuse:

على العموم اشكرك على التشجيع


وعلى الطاري ... الاكاونت ألي سواه M 7 L وألي باينه بأنه تغيير الباسورد .. ترا مالي خص بالسالفه :xd:

 

[Saudi pro]

الشكر موصل لفيصل سكوال


لووول بس تعاندت أنا وواحد مجهول :laugh:: ... هو يدخل وأنا ازعجه وادخل .. عبط :razz:: ... واشتغلت عليه رسايل وما رد علي : ... بالاخير غير الباسورد :w00t:

انا ما أحب اتهم احد بالمنتدى .. بس انت السبب الي منع كل اعضاء TG من تحميل الديمو !!!!!!!!!

انت وش تحس فيه يومك تعانده ؟!

انا الي فهمته ان الاكاونت من منتدى Neogaf يعني ان الي قاعد تتعاند معه اكيد انه واحد من الاجانب .. وبعدين انت اصلا على اي اساس تتعاند معه وش بتستفيد !!!

مب المفروض انك تحمل الديمو ثم تسوي تسجيل الخروج وتروح لاكاونتك الاصلي وتكمل التحميل !!


ضيعت علينا فرصة تجربة الديمو الله يهديك !!!

 

[Mute City]

أحسن إنها من سيء لأسوأ نشوف لما تنزل اللعبه

أتوقع أنها تأخذ لعبة الربع الاول المميزه:happy:

تم الحجز سابقا لبايونتا

 

[Fatal Error]

اها هو شايله عشان ينور الطريق:surprised:
لا بس باقطع راسك للتسلية فقط بما اني فاضي ومو قاعد العب الديمو.:whistle:

 

[s3rorh]

انا ما أحب اتهم احد بالمنتدى .. بس انت السبب الي منع كل اعضاء TG من تحميل الديمو !!!!!!!!!

انت وش تحس فيه يومك تعانده ؟!

انا الي فهمته ان الاكاونت من منتدى Neogaf يعني ان الي قاعد تتعاند معه اكيد انه واحد من الاجانب .. وبعدين انت اصلا على اي اساس تتعاند معه وش بتستفيد !!!

مب المفروض انك تحمل الديمو ثم تسوي تسجيل الخروج وتروح لاكاونتك الاصلي وتكمل التحميل !!


ضيعت علينا فرصة تجربة الديمو الله يهديك !!!

حسستني بأني حرمت الديمو من كل العالم مو بس انت :crying: ... ترا والله من غير قصد ... وبعدين ليش بسرعه أيست وسويتها (( ضيعت علينا )) حسستني بهالكلمه بأني خسرتك حسنات او شي من هالقبيل ... إن شاء الله بتجربها يعني لا تحاتي :fd3:


يعني لا تاخذ الوضع جاد بشوي ... هونها بتهون

 

[Saudi pro]

^
^
^

يابن الحلال انت حرمت الديمو من كل اعضاء TG .. ياخي والله عجزت انسى حركتك يومك تعاند الاجنبي الي كان يحمل معك على حسابنا ! وش الهدف من الحركه فهمني ؟

يعني لو انك محمل الديمو و على طول سويت تسجيل خروج وكملت التحميل بحسابك الاصلي كان ماصار الي صار

 

[Photon]

شباب حصل خير و صار اللي صار و صعرورة يكفيه اللي فيه الحين .

زي ما قال فيصل لا تحاولوا تتحمسوا للديمو لأنه شفناه كثير .. إحنا نحمل الديموز و إحنا ما نعرف محتوياته عشان ناخذ فكرة عن اللعبة فقط فما بالكم بديمو شفناه و كمان بعد مدي كم شهر ينزلوه نفس و كمان بأكواد و خرابيط مالها داعي .

اللي حاب ممكن ينتظر الكولكشن عشان يلعبه أو يشتري الفليم اللي انذكر برد Dr.Mad و يحصل الديمو معاه .

المهم حصل خير و اللي راح راح خلاص .

 

[The Doctor]

حسستني بأني حرمت الديمو من كل العالم مو بس انت :crying:

هذا بالضبط اللي انت سويته...

تعديل:
لأ... مو صار اللي صار... أنا أطالب بمحاكمة.. يا شيخ ملينا، من زمان ما حاكمنا أحد

 

[D7OOM]

يا شباب ما حصل الا الخير ما يحتاج كل هالرجة ,, وبأذن الله تتسهل واكيد بتلقوا واحد يجيب لكم اكونت تحملوا منه ان شاء الله

المهم انا جربت الديمو باختصار : ممتاز لكن البيئة حقت اللعبة ماش يعني مو ذاك الزود ولكن بحكم ان الديمو منتهين منه من 2008 شيء اكيد انه الأن متطور بشكل اكبر وافضل ..

 

[Mista Koo]

لأ... مو صار اللي صار... أنا أطالب بمحاكمة.. يا شيخ ملينا، من زمان ما حاكمنا أحد

توني أقرأ موضوع قديم لزيل.. يقول بس اختار Prosecutor (ما أعرف شنو اسمه بالعربي.. الادعاء؟ فينكس رايت إنجليزية :sarcastic🙂 وارسل له عالخاص :lebb:

 

[s3rorh]

الله يسامحكم :crying: ... هذي أخرتها !!
ضحيتوا فيني علشان شئفه ديمو للعبه معروف مستواها ما محتاج لديمو علشان تثبت لأي مستوى هي رهيبه !!

وصلتوها للمحاكم بعد !!













محاكم يا ناسين العشره ... والخبز والملح ....

أي نعم خبز وملح ... لا يغركم تاريخ التسجيل ألي مكتوب جمب اسمي ألي هو مايو 2007 ... ترا أنا وجودي بين أزقه المنتدى أطول من هاذي الفتره بكثير ... ومن سنه 2005 بعد ... وأكثر بعد :crying:

صحيح واجهتني عقبات علشان اترك هالمنتدى نهائياً .... بس ما تركته

تدرون ليش ؟؟







لأني احبكم:crying:














أي نعم


















أحبكم


.......





برب حتى اشعار أخر

* راح يدور على اقرب أعلى مبنى موجود بالحاره *

وعلى فكره .. لا تحاولون تمنعوني ... لأني خلاص اتخذت القرار :crying: <<< حده واثق أنه أحد بيهتم له :w00t:

 

[Krat0s]

ايش هذا ترا بدت السالقة تصير اوفرريتد:yuck::

 

[SAM]

أخوي صعروره يعني للمزح وقت وللجد وقت واذا انت حملت الديمو وخلصت لاتقعد تستهبل على حساب ناس ثانين وهالاثنين هذولي مايتعتبرون عندك شيء .. اذا على كلامك تحب ترو قيمنق هم من اعضاء ترو قيمنق وكانو متعطشين لتجربة الديمو 🙂 ..

 

[Saudi pro]

^
^
^

صعروره .. ياخي ماحببني بالمنتدى الا خفة دمك ^^

المهم شيل الصوره الي مانيب قايل عشان ماتاخذ انفراكشن :happy:

تعديل :

زين انك غيرت الصوره :happy:

 

[Majeed]

لابس فستان ؟؟ ولا هذا وزار :tongue: ؟؟

 

[s3rorh]

الله لا يحرمني من هالاشخاص الطيبه


مجيد ... شكلك ما تعرف بشي اسمها مقاومه الصدمات ... هذا مثل الثوب .. قصيته من الوسط علشان اخفف الاصطدام لما اهبط بالارض

 

[hyuga neji]

انا خذيت الكود من الاخPS بصراحة يعطيك العافية وماقصرت وصنعت يومي وانا حطيت الكود بنك مالي مو الاساسي فا الي يبية يدز لي مسج او يكتب بالموضوع وانا ادز له النك 🙂

 

[Mesharey]

ممكن الآي دي عبدالله ؟ @_@

 

[Mesharey]

تسلم عبدالله قاعد احمله .. اللي يبي الآي دي يكلم عبدالله ..

 

[m7tram]

ان شاء الله هالمره ماكو باسوردات تتغير P: .

 

[Rare Games]

^^^^^

كلمته الظاهر ان فصل النت عنده

ممكن الايدي ؟

 

[m7787m]

ممكن كود او شيرينج لتنزيل الديمو:sadwalk:

 

[Mesharey]

^^^^^

كلمته الظاهر ان فصل النت عنده

ممكن الايدي ؟

اوكي اخذه بس رجعوا البروفايل لعبدالله ..

 

[Rare Games]

يعطيك العافية حملته

الحين اقدر امسح اليوز الجديد او لا ؟

شنو البروفايل ؟

 

[Mesharey]

يعطيك العافية حملته

الحين اقدر امسح اليوز الجديد او لا ؟

شنو البروفايل ؟

البروفايل اقصد فيه اليوزر ..

بالنسبة إذا تمسحه او لا ما ادري بصراحة .. انا مخليه احتياط ..

 

[Solay]

صعرورة وش رايك تاخذ يوزر عبدالله وتحمل الديمو مرة ثانيه.؟!