اللعبة هذه فيها كثير ينحب وينمدح. الكومبات رغم مشاكله ممتاز، معارك الايكونز في قممها هي غالباً اكثر شيء مبهر وspectacular قد صار في لعبة، اخراج الكتسينز ممتاز وفي اكشن كوريوجرافي كثير حلو في اللعبة.
لكن في نقطتين اشوف مدح كبير عليهم.. اختلف معاهم جملة وتفصيلاً وحبيت أقول رأيي في الموضوع.
1) "اخيراً سكوير اينيكس عندها محرك كويس! أخيراً اللعبة بوليشد وتسوي اللي تبي تسويه بشكل مثالي! التطوير بيكون أسهل وياخذ وقت أقل في المستقبل!"
مين حفظنا هذا الكلام؟ لأن الواقع عكسه تماماً. هذه لعبة أكشن متوسطة الحجم، ما فيها شيء تسويه الا انك تتحرك وتقاتل. اللعبة هذه اخذت 7 سنين تطوير ساعدهم خلالها 2 من أفضل مطوري الأكشن في الصناعة (بلاتينيوم جيمز، فريق كينجدوم هارتس). تمام؟
اللعبة مافيها Performance Mode شغال. ما في طريقة انك تلعب لعبة الأكشن الديفل-ماي-كراي ستايل هذه 60FPS ثابتة. هذا وال Performance Mode قاعد يحاول بكل جهده انه يوصل لل 60.. لدرجة أن اللعبة ينزل الريزلوشن حقها ل 720P احياناً.. كأنها لعبة سويتش.. ومازال يفشل. هذا بعد الداي 1 باتش.. الداي 1 باتش اللي قعدوا يهايطوا شهر قبله قد ايش مش محتاجينه لأن لعبتهم بوليشد وكاملة وخلصانة بدري.. ولسه حتى بعده ال Performance Mode مش شغال. الأوغاد اجبروني العب لعبة أكشن 30FPS لأنه لسه ارحم من المهزلة اللي حاصلة هناك.
والمشاكل ما تنتهي هنا. في bugs كبيرة متكررة في تجارب أغلب اللاعبين. بعضها بسيط زي أن العدو يستعيد ال HP حقه كامل بشكل عشوائي في القتالات المفتوحة... وبعضها كارثي زي أن فيها بوس فايت حرفياً يسوي overheat لل PS5 حقك لدرجة انه يطفي ليحمي نفسه. هذا bug متكرر وناس كثير حصل لها.. لكن تويتر قاعد يتعامل معاه كميم أن "ههه لهالدرجة البوس فايت نار". تخيلوا لو في لعبة بيثيثدا مثلاً إيش بيكون الرأي العام.
مش واثق برضو من قد ايش سهل تسوي كونتنت في المحرك هذا. زي ما قلت.. ما في ميكانيكس الا المشي والقتال. ممكن غياب الميني-جيمز وميكانيكس ال RPG الثانية كان قرار فني... بس ليش في 31 عدو بس في البيستياري؟ بما أن الأكشن هو التركيز الأوحد والوحيد تحس كانوا بيهتموا بتنوع الأعداء أكثر من كدة.. لكن اللي حصل هو خطوة عملاقة للوراء عن بيستياري 15 اللي كان أقرب ل 200 عدو.
وإيش النتيجة بعد كل هذا؟ لعبة uneven visually. في أحسن لحظاتها مبهرة.. في أسوأ لحظاتها أقل بوضوح من الجزء اللي نازل قبلها ب 7 سنين. وفي العموم أقل طموحاً بصرياً من ستاندرد السلسلة المعتاد.
لاحظوا اني ما امانع هذا. لو في يدي بفرض على كل المطورون أن حدكم في الجرافيكس ريزدينت ايفل 4 على الجيم كيوب لا تحاولوا تسووا حاجة اجمل من كدة. لكني اما اقول كدة اقوله لأني شايف ان الموضوع ما يسوى فترات التطوير الغبية المفروضة على الصناعة حالياً. ارجعوا لجرفيكس الجيم كيوب واعطوني فاينل فانتسي كل سنتين - ثلاثة. لكن لو بتعطوني فاينل فانتسي كل 7 سنين مرة فمحتاج اسأل.. إيش صار هنا؟
2) "اللعبة هذه عندها أفضل NPCs في السلسلة!"
Duh. كأنك تقول أن عندها أفضل DMC-Inspired Action Gameplay في السلسلة... اللي هو... صح، لأن ما في جزء ثاني حاول في الموضوع قبلها. انتصار فارغ هذا.
Final Fantasy ما عمرها اهتمت بال NPCs كثير لأن Final Fantasy رحلة. انت تسافر من مكان لمكان وتاخذ الشخصيات الانترستنج من كل مكان ك Party Members. التركيز على ال Party Members وقصصهم وعلاقاتهم. مش على ال NPCs.
XVI مش رحلة. في XVI انت عندك قاعدة، base of operations، تروح منها للمهمات وترجع. XVI برضو ما فيها بارتي. فلازم تركز شوية على ال NPCs، لأن غير كدة بتكون فارغة أكثر ما هي فارغة.
لأي درجة ال NPCs كويسين..؟ في رأيي.. لا بأس. أحب بايرون، وجاف له لحظاته. لكن تذكر أن الشخصيات هذه هي تعويض البارتي. هل بتحط فيفيان ناينتيلز وميد جنب البارتي ميمبرز المفضلين عندك في فاينل فانتسي؟ جد؟
اللعبة هنا أقرب للعبة Trails. سلسلة Trails هي اللي تحط أهمية على ال NPCs حقينها وتعطيهم قصص. اللهم أن في Trails:
- عدد ال NPCs أكثر بأضعاف مضاعفة من الموجود في XVI.
- ال NPCs عندهم كلام أكثر يقولوه من "العبودية يع". في تنوع حقيقي في القصص والثقافات والشخصيات هناك.
- ما يحتاج تسوي مليون فيتش كويست لتتابع قصة ال NPC في تريلز... بس تكلم معاه، ويمكن سويله كويست في نص قصته لو انت فعلاً انفيستد فيه وتبي تكمل. ما في "الحداد زعلان روح شيك عليه للمرة الرابعة شوف ايش قطعة الحديد اللي يبيها من سانبريك هذه المرة" هناك.
والأهم من هذا كله... Trails فيها بارتي. كل خرابيط ال NPCs، على جودتها العالية هناك، مجرد بونس للبارتي الكبير المتنوع اللي اولريدي عندك.
فلهذا جملة "أفضل NPCs في فاينل فانتسي" هذه تنرفزني. جملة تيكنيكلي صحيحة - ممكن اجادل بأفالانش وتركس فف7 بس مش فارقة كثير - لكنها ما تعني شيء. دايماً بفضل في الفن عموماً أنك يا تسوي الشيء صح.. يا لا تسويه. ما بعطيك كريديت على انك قدمتلي نسخة متواضعة من Trails' NPC system. يا تسويه صح يا كنت بفضل ان السيستم هذا ما كان هناك اصلاً وقدمتلي مكانه شيء احسن.... زي أنك تعطي جيل شخصية مثلاً.
بففت.
.. انا لما انتقدت اتكلم عن اشكالهم/انميشن حركتهم
