Anime Lover's TG Blog

[The Last Fantasy]

لووووووول .. فليتوها 😛 ..
الأسعار هناك غالية مثل ما نسمع ولا معقولة ؟

 

[Mr.3B]

...

لول .. خلاص هذا الموضوع يصير بلوق لي .. لو واحد يغير العنوان حقه بس .. ويكتب
"Anime Lover's Blog" .. ان شاء الله أول ما أفضى أحط الصور .. اليابان فعلا غاليه .. بس الغالي فيها المعيشه .. أما التنكنولوجيا جدًا رخيصه وجدًا متطوره
يللا بنام .. سلام 🙂

 

[NSider]

خخخ حركات يا ولد .. إن شاء الله تظل مستانس في اليابان طول ما أنت هناك.

الزبدة اشبك مسنجر متى ما تقدر.

 

[kid_icarus]

عمر من جدك تروح كريوكي برمضان..:normal: ولا اليابان ما عندهم رمضان P:

 

[Gon freeces]

الحمدلله انك امبسطت ,السنبايز حقونك Awesome , ان الله تنبسط فيهم\ ينبسطون فيك 🙂
متى بتروح اكيهابارا ؟

 

[Lonely Heart]

والله حياتك عذاب هناك ...

عمر .. لازم تفتح لك blog.

Your Damn Right He Should

 

[hyuga neji]

انشالله تشد حيلك واللة يوفقك



المهم بقيت اعرف شنو تخصص الي داشة (ادري اني داش بالعميق)



اخوكم:نيجي​

 

[Naif]

لوول .. شد حيلك عمر بالدراسة .. و نريدك ترجع (ترطن = تتكلم بطلاقة) ياباني P:

 

[Double T]

شكله من جد السبرايت مسبب لك ازمة هناك لووووووووووول ... الله يخلي الكولا <<< ابو علبه قزاز طبعا :cooool:

على العموم زين انك مبسوط هذا اهم شي .... وين الصور يا واد ؟؟؟؟ عجل علينا 😀

 

[King Wario]

عيونك ما ضاقت ؟

الحمدلله على سلامتك

 

[الــخــــارق]

لا تنسى الـFan Sub بس 😉
الحمد لله على السلامة عمر 🙂
وان شاء الله تكون هالـ6 سنوات ممتعة وخفيفة ..

يالله عاد شد حيلك نبغاك بشمهندس أد الدنيا 😛

 

[ZiZ]

أنا مستغرب... كيف تروح لليابان وعندك هنا جامعة الملك سعود؟

 

[Ginko]

أنا مستغرب... كيف تروح لليابان وعندك هنا جامعة الملك سعود؟

تستهبل انت؟ مستواه اقل من انه يدخل في الملك سعود!!

 

[ZiZ]

تستهبل انت؟ مستواه اقل من انه يدخل في الملك سعود!!

للأسف... أنا كنت دايم أقول له يشد حيله أيام ثالث ثانوي علشان يقدر يدخل الملك سعود ولا يضطر يروح لهالجامعات اللي بالخارج...

بكرة إذا جيت تتوظف بذا وقلتلهم "واتاشي وا روفرو أنمي ديسو" بيجدعونك مع الباب... (;>.>)

 

[Ginko]

لووول حلوه قلبة الL الى R 😉

 

[SoulTaker]

بالتوفيق و ترجع بالسلامه ان شاء الله ^^


على فكره...

وفيها نت 10 ميجا سرعته

هذي اكيد سرعة اتصالك ولا سرعة الشبكه ؟ >.>;; ...

 

[الــخــــارق]

تصدق عبدالعزيز الى الان مستغرب كيف قدرت أدخل جامعة الملك سعود 😛
يعني الحمد لله كان حظي أفضل من كثير ما قدروا و قرروا انهم يدرسون في الخارج -_-

احم وش أخبار بروجيكت الـDB بس -_-

 

[Van]

شكله حماس كان أول يوم في الجامعة.... الله يدوم هذي الفرحة هناك

الله يساعدك على السبرايت..... ما في فيمتو :yuck: ؟

 

[ZiZ]

احم وش أخبار بروجيكت الـDB بس -_-

تعرف هذي جامعة الملك سعود... يجيبون لك المعامل والسرفرات لم بيتكم... مب لازم تعسكر 3 أيام قدام بيبان معامل الحاسب لعل وعسى يفتحونها على أمل أنه يمديك تحل واجباتك قبل ما يطردونك...

 

[Mr.3B]

...

يا الله -_- .. كتبت شي طوييييييييييييييييييييل وراح أدراج الرياح .. تبًا لـNokia لحد يسألني ليه -_-

المهم .. اليوم كان ممتاز وممتع .. الصبح رحنا المعهد عشان نحضر حفل استقبال الطلاب لهذي السنه .. الغريب والغبي يمكن .. ان مراسم الحفل والكلمات الي ألقاها المدير ونائبه والي جاء من وزارة التعليم حقتهم .. كلها بالياباني .. هو صحيح في طلاب يعرفون ياباني لأن المعهد مو للغه بس .. بس المفروض يعني واحد ولا وحده تترجم .. بس كان فيه كلمات مطبوعه منهم .. ومترجمه بالانجليزي .. المهم .. كانت وظيفتي بشكل أساسي أصفق .. بس .. بعد الكلمات على طول أخذونا فصول موزعينها من اول عشان نختبر اختبار تحديد مستويات .. عيدت بدري السنه ذي أنا .. لول .. الاختبار كان 4 أقسام بالترتيب كالتالي :
Japanese listening test
English writting test
Maths
Japanese writting test

الأول ما كنت فاهم وش السالفه فيه .. السؤال كان مكتوب بالياباني والصيني والانجليزي .. وكان سؤال عن املأ الفراغ بالرقم المناسب .. من الي بتسمعه .. حسبت بيشغلوا لنا شي انجليزي .. لأنه كان مكتوب Listening test بس .. ما كان محدد أي لغه المقصوده .. المهم .. بدأ الشريط وأنا أستنى أحد يتكلم انجليزي .. ماش .. ما كتبت شي على ورقه الاختبار ذا غير اسمي بالانجليزي ورقم الـID number حق بطاقة المدرسه
الاختبار الي وراه فتيت فيه .. لول أول ما جت توزع أوراقه أسمع الصينيين (معظم المتقدمين للمعهد صينيين) .. أسمعهم يقول "Owwwwwwwwww egrrrishhhhh" لول متوهقين .. وأنا أقول بنفسي أحسن اخيرًا شي نحل فيه .. والله وأحله .. هو انجليزي صح بس كان صعب شوي .. بس حليته .. طريقه أسئلته ما قد مرت علي أبد .. بالانجليزي أقصد .. بس الحمد لله مشيت فيه
ويجي أبو رياضيات .. لول .. توقعت اني ببدع .. ولكن للأسف .. انلحس مخي لما قريت الأسئله أول شي مره مره مره شامله .. يعني زي اختبار التحصيلي نوعًا ما .. بس على أصعب شوي .. والورطه الثانيه كانت طريقة الأسئله .. يعني أنا متعود على "س .. ص .. أ .. ب .. ج و (ط للراديان والزوايا)" هم لأ "x .. y .. a .. b .. c" وشي يشبه علامة اللانهايه للراديان .. والسالب محله جنن أهل أهلي .. مدري جاي قبل وما خلاني أعرف أحل مكانه أحس انه غلط ما عرفت أحل .. ضايقني جدًا .. على آخر الوقت قمت أحول المسائل الا سين وصاد وأحل .. ونص المسائل ما حليت فيها شي
جاك الفله الرايتنج الياباني .. كتبت اسمي ورقمي ومسكت الباب وقلت "سايونارا" .. وبكذا كنت أول واحد يخلص الاختبارات .. وأخوياي طلعوا وراي بشوي .. وحركنا على الفندق

وأول ما وصلت أدقها نومه محترمه عن يومين راحوا بنوم أي كلام .. وما قمت الا قبل الفطور بساعه وشوي .. المهم وما كنت بقوم لو ما جو السنبايز وأخذونا مطعم نفطر فيه .. تعرفون المطاعم الي بالأنميات وأي واحد شاف ناروتو لازم يكون شافها .. الي يكون فيها زي الصاج أو فرن بالنص تشوي عليه .. هذي رحنا أفطرنا فيها .. والله أليمه .. ولذيذه مره .. وأخيرا عرفت أستعمل الـ"Chop Sticks" حقتهم .. لسا ما مسترتها :yuck: .. بس مره على مرة بعرف لها زين .. وأحلى شي انك انت تطبخها قدامك .. طلبنا يمكن 4 أنواع لحم بتوابل مختلفه .. وحبار وربيان .. كان شي يسيل اللاعاب منه
بعدها كل اليوم هجوله .. رحنا الـ"Down Town" حقت توكيو .. ودخلنا متاجر كبيره وشهيره باليابان ومعظمها متاجر الكترونيات (كمبيوترات و VG وغيره) .. أما عن الكمبيوترات .. ههههههههههههه .. مجرد المشاهده تعور العين .. وبأسعار عسل .. يعني أطلق أطلق أطلق توشيبا .. بأعرض وايد سكرين .. و Full HD و HD-DVD reader .. وأطلق مواصفات لدرجة انها ما نزلت بالخليج (ما في أمل) .. بـ8000 ريال تقريبًا .. ههههههههههههههههههههه .. والله لو ينزل عندنا يصك الـ18000 بالراحه .. لو ينزل الآن وبنفس المواصفات .. بيجيك بذا السعر .. الغريب Sony هنا تصنع كل شي .. كل شي .. لو أشوف وانتوا بكرامه "تويلت" وعليها سوني مني مستغرب .. أقسم بالله أحس سوني في يوم من الأيام بتدخل سوق الملابس من كثر ما هي منتشره .. ومحل الـVG شي ثاني مره .. لول بحطها مع الصور بكره ان شاء الله

بس طلب بسيط .. أبي موقع رفع جيد .. ويشتغل عند الجميع .. وأنا بحط فيه الصور .. وفيه فديوات لشباب المسنجر :cooool:
وبس رجعنا آخر الليل .. وكسرت خويي بالشطرنج الي شريناها من الداون تاون .. وراح ينام لول .. الحين تأخرت مره على النوم الساعه 3:55 بالتوقيت المحلي
بكره يبي لي أقوم 10 -_-

سلام

 

[Gon freeces]

www.moq3.com

 

[Khalid-S]

لوووول يومياتك فله عمر.

 

[Gon freeces]

اوه , رحت محلات VG ?! كان في بوسترات عن فف5 ؟

 

[ZiZ]

الي يكون فيها زي الصاج أو فرن بالنص تشوي عليه .

هالمطاعم ما خشت مزاجي... الحين أنت تدفع لهم علشان يخلونك تطبخ؟

 

[ASWD]

ههههههههههههههههههه

يبغا لك عمر تجمع كل شي وتكتبه في مذكرة ولما تخلص دراسة وترجع بلدك بالسلامة تنشرها على هيأة كتاب مذكرات صدقني بتطلع فلوس..بس اهم شي يكون التعبير مثل هذ اللي بالموضوع 😛

وتعال اليوم الاربعا وين موضوع المجلات اللي عليك لووووووووووول

بالتوفيق ان شاء الله بدراستك🙂

 

[RIZE]

الله يكون بعونك .. باين عليك مو ذايق طعم الراحه ><

 

[The Last Fantasy]

أحلى Blog :cooool:.. أهم شي تستمر تكتب يومياتك لوول ..
وبالتوفيق عمر 🙂 ..

منتظرين الصور الفيديوز .. ولا تنسى سكانز فامتسو 😛

 

[Lonely Heart]

lol والله حياتك من جد ماساة ..

لا تنسانا من السكانز والشغل الصح .. ملينا من هالمواقع ><

 

[Tomb raider]

يومياتك حلوه والله
قولنا عن وضع ننتندو هناك كيف؟؟ اهم شي الدي اس !!!
اقول بالنسبه للاكل غالي عندهم؟؟؟ ولا بس السكن ؟؟
الله يوفقك وترجع لنا بالسلامه !!

 

[Mr.3B]

...

يعيطكم العافيه شباب .. بس أبي موقع رفع فديوات أو ملفات .. شغال عند الجميع
بحط فديو يشرح فيه حجم الغرفه

Edit :
اتصالي 10 ميجا أكيد
المعيشه بشكل عام غاليه .. مو بس السكن ولكن السكن اغلى شي مع غرف صغيره .. يعني أتذكر قبل أمس رحنا نصور عشان الاقامات .. كلفتنا صورتين بس .. أكثر من 30 ريال .. وعليك الحسبه .. بس أي شي له علاقه بالتقنيه من أي شكل من الاشكال .. لو ما كان كميوتر بالضروره (كاميرات مثلا) .. مرة مصقوعه (رهيبه وقويه) .. ومره رخصيه مقارنه بسعرها بالخليج أو بباقي دول العالم .. طبعًا مع الجوده