اول مره شفت فيها ديكابريو كان في فلم تايتانك.. هالفلم اللي إلى الأن يسحرني ويؤثر فيني, شخصية جاك شخصية الفقير اللي جربت أكثر من الغني,عانت أكثر من الغني, اللي يقدر يحس بمشاعر الأخرين,اللي يقدر يحب بدون ما ينظر مره وحده في ذاته.. وببساطه كان قادر يقنعني ويربطني في شخصيته, من تايتنك فقط تعرف أن ديكابرو ممثل موهوب ويبدأ يرتبط بدماغك تلقائياً.
وإرتبط في دماغي إلا المره الثانيه بعد كذا سنه من متابعتي لتايتنك, في شتر أيلاند, وطبعاً ديكابريو في هالفلم أذهلني دوره ولو أنه على قول البعض أنه ميلو درامي لكن تقدر تلاحظ أن ديكابريو اعطى الدور تركيز كبير وتعب كبير وجهد كبير يستحقه الدور, ببساطه تقدر تتلمس إخلاصه اللي هو سمه قويه فيه.
في الفلم الثالث, اللي هو إنسيبشن كانوا اللي عندي يقولوا أن دور ديكابريو هنا ممتاز.. لكن هو أقل دور شاهدته له وما اتوقع هو أصلاً من نوعية الأدوار اللي بتتعب عشانها لأنها في فلم ما يبحر في الشخصيات إلى ذيك الدرجه وهمه الفكره القصصيه اللي مبنيه عليه وهدف الشخصيه الرئيسيه فقط من هالرحله... ديكابريو هنا مثل أي ممثل ما بيعطي حتى هالادوار القدر من التعب اللي ما تحتاجه.
في الفلم الرابع ديبارتد, أنا هنا ما ركزت على دوره وكنت أكثر تركيز تجاه الفلم, لكن من متابعتي لبعض المشاهد مره ثانيه كان دور جداً ممتاز.
في الفلم الخامس بلود دايموند, الشخصيه اللي هي مايله للشر من الخير واللي هي تجربتي الأولى مع دور لديكابريو مع هالنوع إلى تجربتي الثانيه مع ديجانغو, وأذهلني جداً.
وبعدها مع ديجانغو والدور الأصغر من كل أدواره اللي شفتها, فلم ويسترن وديكابريو أعطى اللهجه وتكبر وغطرسة ونفاق الشخصيه إخلاص وأظهر هالامور بإتقان.
إلى فلمه والف ستريت, أكثر دور مذهل أداه مؤخراً, في لحظة الخطابات يظهر أنه متقمص روح الشخصيه إلى درجه زوال روح ديكابريو نفسه! ديكابريو تقمص روح ثانيه بالحرف الواحد.
لكن لما نجي لدوره في Whats Eating Grip نتكلم عن مرحله ثانيه.. والدور هذا كان في بدايات ديكابريو, بدايات مسيرته التمثيليه, وهو صغير وضئيل الخبره, ودوره عن شخصية مراهقه بعقل طفل لكن في شيء في الداخل يحس لسا بموت أبوه,جزء جزين صغير, وشخصيه متهوره تسوي أجرا الامور اللي يسويها الأطفال وعلى مستوى ثاني,وفي مشهد في الفلم هالطفل في واحد من هلوساته وديكابريو وأداءه...شيء عظيم!!! أفضل دور لديكابريو.
فوزه للأوسكار شيء عظيم اكيد, كان ممكن فازها من زمان على أدوار ممكن تستحقه أكثر, ممكن هو ما عمره إستحقها بسبب المنافسين, مايهم... ديكابريو بيضل ديكابريو, وجاء منه وبيجي منه.
