مشكلتي الابدية مع نفس البرية (:

[R E D]

برهوم وهو يقرا الموضوع

 

[شيطون]

الستامينا بار سرطان الألعاب

صدقت

 

[Invader Zim]

عاد احنا فانز بوكيمون آخر ناس نسولف (&)

Eye فان لبوكيمون ايضا

 

[MD3]

*يعد العدة لموضوع مشكلتي الأبدية مع ذا فانتوم باين*.

 

[Netero]

المنتدى صار زي أيام الحرب الباردة، لا يوجد أحادية قطبية

الإتحاد الميازاكاوي والولايات المتحدة النينتنداوية

بعيدة عن شنبهم زيلدا، عيب تتقارن فار كراي اللي بدون ماركرز بلعبة سوت ثورة فالعالم المفتوح

 

[STARDUST]

اجلوا الجزء الثاني عشانك

 

[عبدالله 1998]

بعيدة عن شنبهم زيلدا، عيب تتقارن فار كراي اللي بدون ماركرز بلعبة سوت ثورة فالعالم المفتوح

بما إنك أنهيت اللعبتين
وش الي يخلي زيلدا ثورة وايلدين رينق لا ؟

 

[جُرَيْج]

 

[Terminator]

عشان نكون صريحين من دون تعصب ولف ودوران
بالنسبة لي كعاشق ومجنون لسلسلة زيلدا

جزء Breath of the Wild من اقل الاجزاء متعة بالنسبة لي , هي تقريبا بالمراتب الاخيرة من بعد
Majora, Ocarina, Twilight, Wind Waker

اللعبة مميزة طبعا وفيها اشياء جديدة كعالم مفتوح وانظمة سولزية شوي على خلطات ولكن
اللعبة تفتقر كثيييير من الامور اللي كنت اشوفها قبل, الدنجنز من اسوء ماشاهدت وحتى الزعماء ما عدا الاخير
فيها افكار حلوة حق دخول الدنجن وفجأة تشوفه عادي جدا وحاطين لك الشراينز كأنهم ميني قيم عشان يسكتون الفانز

مثل ماقلت الليفل ديزاين هو نفسه اكثر الوقت ولكن في مناطق روعة وخلابة وتتغير,,,اللعبة فعلا تحتاج تنوع ودنجنز افضل وبعض الامور اللي كنا نشوفها قبل واتمنى
تترجم بطريقة صحيحة بالجزء الجديد

ولكن تظل Breath من احلى الالعاب

 

[MH MD]

والله هذا اللي صار معي. امشي ساعات وانا متنح وفجأة اشوف شيء غريب ولا لغز بسيط او مادري شسالفته. احله او اتركه. وطبعا الShrines هني اقوم على حيلي شوي. وبعض الوحوش مني ومناك.

بس ككل اعتبرها لعبة هادية. وترا مو عيب (&).

تصدق انه ذا وضعي مع الدين رينج؟ (&) مافي stress بالموضوع ابدا، اموت ضربة وحدة من تنين؟ welp haha funny death

زحلقة المطر بنص التسلق stressful اكثر، او اي موتة شنيعة اشوفها بزيلدا

 

[S30D1999]

مشكلتي الابدية ان الجزء الثاني ماراح يصدر السنة ذي ……

 

[Eye]

تصدق انه ذا وضعي مع الدين رينج؟ (&) مافي stress بالموضوع ابدا، اموت ضربة وحدة من تنين؟ welp haha funny death

زحلقة المطر بنص التسلق stressful اكثر، او اي موتة شنيعة اشوفها بزيلدا

من جد ، لانك عارف انها غثاثة بس مب غلطك ك لاعب

عشان كذا اذا مطرت صرت اسوي فاست ترافل ابي الفكة

 

[Arashi]

عندك مشكلة مع Breath of the Wild؟
انا عندي مشكله مع العنوان اللي اسمه Zelda بكل اصداراته

 

[Eye]

عندك مشكلة مع Breath of the Wild؟
انا عندي مشكله مع العنوان اللي اسمه Zelda بكل اصداراته

احسن من فاينل فانتسي

 

[Arashi]

احسن من فاينل فانتسي

بالمره XD
رجعتوا انت و @Cinnamon للوجوه الغاضبه؟

 

[Eye]

بالمره XD
رجعتوا انت و @Cinnamon للوجوه الغاضبه؟

القانون ١ يقول : اذا عيب احد على لعبتك عيب على لعبته

تعيبين على بريث اوكيه ، بس على زيلدا كلها لا

 

[Arashi]

القانون ١ يقول : اذا عيب احد على لعبتك عيب على لعبته

تعيبين على بريث اوكيه ، بس على زيلدا كلها لا

ما حيبت، قلت عندي مشكله معاها، وانت بعد ما عيبت بس قلت "احسن من". جفت شلون نقدنا سلمي؟

 

[Netero]

بما إنك أنهيت اللعبتين
وش الي يخلي زيلدا ثورة وايلدين رينق لا ؟

كلامي على العالم المفتوح، جزئية الدنجنز الرئيسية/الزعماء ما عجبتني أبداً في زيلدا.


بالنسبة لزيلدا، أول حاجة التنقل، هذا عنصر رئيسي فالعالم المفتوح. إمكانية تسلق كل حاجة، الفيزيائية الخرافية فاللعبة، بل كيف كل قدرة تقريباً تقدر تستعملها فالتنقل حاجة رهيبة جداً، الدين رينج حرفياً حصان ومشي فقط، مو أنه شيء سيء ولا تخسر نقاط بسببه، لكنها حاجة تعطي زيلدا extra points، كون مجرد الإنتقال من نقطة A لنقطة B عبارة عن مغامرة بحد ذاتها.

تعال نشوف شراينز زيلدا ونقارنهم في الدين رينج. الشراينز فيهم تكرار محد ينكر، لكن أغلبها ممتعة وتقدم ألغاز ممتازة،والجائزة حقتهم 99% راح تستعملها، دناجن الدين رينج ما راح أبالغ لو قلت إني أفضّل المخيمات في بعض الألعاب عليها، جداً مملة.

الأشياء اللي أحصلها عبر الاستكشاف: كل حاجة في زيلدا أحصلها أقدر استخدمها. الدين رينج؟ حرفياً قعدت أجمع لمجرد التجميع، جربت أغير البيلد وأنوع، لكن ما توفقوا أبداً في الأسلحة، قليل منهم له استعمال نهايات اللعبة، بينما الأغلبية حرفيا راح تخليك تتدمر عالنهايات ومالهم فائدة هناك. عشان كذا تقدر تشوف أغلب اللاعبين نفس البيلد عالنهايات.

برضه، زيلدا فيها كثير مواقف غير متوقعة ومفاجآت لين نهايات اللعبة، إلدين رينج بعد ليمغريف راح تكون شفت 80% من الحاجات اللي راح تشوفها بعدين.



الدين رينج قدمّت "أجمل" عالم مفتوح، لكن من ناحية الاستكشاف، ماني شايف الثورة اللي كثير يتكلمون عنها. الدين رينج لعبة تعاقبك عالإستكشاف، وممكن تخرب عدد من الكويستات بسبب هالشيء، وغالباً بسبب الاستكشاف ليفلك يا راح يكون قليل جداً أو كبير جداً بشكل يخرب قتالات الزعماء، فدائماً فيه هذا الإحساس هل أكمل استكشاف أو أكمل المسار الرئيسي، حاجة ما حسيت فيها وأنا ألعب زيلدا.

 

[*RA!N*]

رقم واحد : الاسلحه تتكسر مستحيل اتقبل هذا الشي موستاحيييييل
رقم ااثنين : تحميع موارد, هذا الشي يكرهني في اي لعبه مهما كانت
رقم ثلاثه : مو ذاك الشي المهم بس ليش لينك مايتكلم

 

[Eye]

ما حيبت، قلت عندي مشكله معاها، وانت بعد ما عيبت بس قلت "احسن من". جفت شلون نقدنا سلمي؟

نايس سيڤ

بالنسبة لزيلدا، أول حاجة التنقل، هذا عنصر رئيسي فالعالم المفتوح. إمكانية تسلق كل حاجة، الفيزيائية الخرافية فاللعبة، بل كيف كل قدرة تقريباً تقدر تستعملها فالتنقل حاجة رهيبة جداً، الدين رينج حرفياً حصان ومشي فقط، مو أنه شيء سيء ولا تخسر نقاط بسببه، لكنها حاجة تعطي زيلدا extra points، كون مجرد الإنتقال من نقطة A لنقطة B عبارة عن مغامرة بحد ذاتها.

طيب وزيلدا حصان ومشي وطيران فقط ، زيادة حبة بس ، المفروض في لعبة قائمة بشكل كلي على الاستكشاف يكون فيه طرق كثيرة ، وين الهوك شوت؟ وين الكيب؟ وين الاحذية؟ وين الغوص؟ وين الاقنعة؟ هذي كلها من السلسلة ترا

مب بس بفات بسيطة على اداء التنقل ، عطني شي يغير طريقتي يعطيني وسائل مختلفة للوصول عطني تقدم

بريث تخلت عن سحر زيلدا وصارت محاكاة وساندبوكسية مع ان عالم اللعبة يفرض عليك منطقيا انك تقدم اشياء تكسر الرتم على مدى تقدمك باللعبة ، اوكيه اول ٢٠ جبل واو تسلق ، بعد ٢٠٠ جبل خلاااص فكونا تقطعت يديني ، ويت فور ات .. ويت فور ات .. مطر ، بوم باب بارابابا بوم

تعال نشوف شراينز زيلدا ونقارنهم في الدين رينج. الشراينز فيهم تكرار محد ينكر، لكن أغلبها ممتعة وتقدم ألغاز ممتازة،والجائزة حقتهم 99% راح تستعملها، دناجن الدين رينج ما راح أبالغ لو قلت إني أفضّل المخيمات في بعض الألعاب عليها، جداً مملة.

البيسنق يحكم بعد ، الشراينز فيها تكرار لنفس الميكانكية مثلا المغناطيس بكذا تطبيق وذا شي حلو ، لكن اطق مشوار وعناء وادخل شراين واحل لغز مغناطيس بخمس دقايق ، اخلص اطق مشوار ثاني واحل لغز مغناطيس ثاني ، اخلص واطق مشوار .. الخ ، صاير الوضع قرايندنق بشكل ما

ناهيك طبعا عن التفاوت فيه لغز سهل بعده صعب بعده سهل جدا بعده صعب بعده صعب جدا ، عشوائية وتدرج غير سليم ، واوه تذكرت شراين ما كنت اعرف حله الحين جاتني فكرة برجع له ، لحظة وينه ذلحين ناسي يا ولد

والجائزة : كورة. هي نفس الجائزة في ١٤٧ شراين ، وش الحماس لما تعطيني شي انا عارف وشو

الأشياء اللي أحصلها عبر الاستكشاف: كل حاجة في زيلدا أحصلها أقدر استخدمها. الدين رينج؟ حرفياً قعدت أجمع لمجرد التجميع، جربت أغير البيلد وأنوع، لكن ما توفقوا أبداً في الأسلحة، قليل منهم له استعمال نهايات اللعبة، بينما الأغلبية حرفيا راح تخليك تتدمر عالنهايات ومالهم فائدة هناك. عشان كذا تقدر تشوف أغلب اللاعبين نفس البيلد عالنهايات.

برضه، زيلدا فيها كثير مواقف غير متوقعة ومفاجآت لين نهايات اللعبة،

كل شي تقدر تستخدمه يعني تجميع ، انت وجهدك ، تبي تجمع ١٠٠ كورة تبي تجمع ٥٠ كيفك

واستخدامها برضو كيفك ، انا بعد ما جمعت ماكس الستامينا ما زودت الا كم قلب ، بعدها سحبت لان عندي وصفة اكل تاكل اصابعك وراها

الميزة في تنوع الايتمات في الدن رينق اولا انه يعطيك قصة ، ثانيا يعطيك امكانية توظفه في بيلدك لو تحب وتسوي مكسات ، او انه يعطيك بروسبكت عشان بعدين تتخصص في بيلد معين

وحتى زيلدا فيه اسلحة معينة بتحاول توفرها للبوسز ، ف نفس المنطق ينطبق ، ذا شي طبيعي لما يكون عندك باراميترز

الصراحة ما ادري وش المفاجآت اللي تتكلم عنها لين نهاية اللعبة يا ليت لو توضح ، لكن شساعة العالم ممكن تخليك ما تلحق على كل شي ف مع استمرارك تلقى اشياء ما كنت تدري عنها

إلدين رينج بعد ليمغريف راح تكون شفت 80% من الحاجات اللي راح تشوفها بعدين.

غير صحيح ، النقطة ذي تنطبق على بريث

لو نتكلم على :
- بيئات ف اللعبة تتغير بيئاتها
- اعداء يتغيرون وفيه اعداء جدد بكل بيئة
- ايتمات متنوعة ومتعددة
- لفل ديزاين متشعب ومتشابك
- ميكانيكات قتال تتخصص اكثر

عكس بريث اللي بس تغير بيئاتها ، بينما الاعداء مكررين والايتمات نفسها ، ولفل ديزاين سطحي ، ونفس ميكانيكيات القتال طول اللعبة

الدين رينج قدمّت "أجمل" عالم مفتوح، لكن من ناحية الاستكشاف، ماني شايف الثورة اللي كثير يتكلمون عنها. الدين رينج لعبة تعاقبك عالإستكشاف، وممكن تخرب عدد من الكويستات بسبب هالشيء، وغالباً بسبب الاستكشاف ليفلك يا راح يكون قليل جداً أو كبير جداً بشكل يخرب قتالات الزعماء، فدائماً فيه هذا الإحساس هل أكمل استكشاف أو أكمل المسار الرئيسي، حاجة ما حسيت فيها وأنا ألعب زيلدا.

هنا انا مشكلتي مع بريث : ان بريث قائمة كليا على الاستكشاف وفشلت في تقديم تجربة غنية بالاكتشاف ، هي مب لعبة استكشاف هي لعبة بحث

اكتشاف لما يكون فيه مفاجآت وغموض وتشويق ، شي اتقنته الدن رينق بامتياز ، نقاط الاهتمام بينها وبين بعض مساحات قريبة تشدك ، وعلى مد بصرك نقاط اهتمام اكبر ، وبينها تباين كبير ، الشي اللي يخليك تقول وش ذا ، تروح وتخلص منها الا وقريب منك شي ثاني يخليك تقول وش ذا وهكذا ، واحيان كثيرة تخش مكان تبي تخلص وتكمل وتكمل لين تلقى نفسك في عالم ثاني

نقطة الباور سكيلنق حصلت لي نفس التجربة ، مدري اكمل المين ولا اكتشف ، وفعلا ممكن تسبب مشكلة ، ذاتس ذا بوينت! ان اللعبة تحطك في معضلة الخيار العادل ، اللعبة تعطيك الترقب تشوف نتيجة قراراتك

المشكلة اللي لاحظتها ، ان ذي تعتبر سلبية بس اذا انت فان للسولز وعندك تطلعات كل بوس بيكون ملحمي

نقطة ارتكاز فروم سوفت كانت ان البوسز الاساسيين عبارة عن خطوط عريضة وجدران صعوبة محسوبة ، عوائق تمنع تقدم اللاعب وتجبره للتطور ، سلبية تنفيذهم ان الجدران ذي قليلة جدا ، هم كم ٥ بس؟ عدد غير مرضي الصراحة وما تم حسبتها صح بالنظر لحجم اللعبة

ك تعويض فيه بوسز جانبيين يقومون بذا الدور ، فلو نجي للحسبة مثلا بالمقارنة مع دارك سولز ون : عندك تقريبا ١٤ بوس اساسي يعتبر جدار صعوبة

في الدن رينق عندك ٥ بوسز اساسيين ك جدار صعوبة ، والباقي تحصيلك من الاستكشاف ما لا يقل عن ١٠

ف تقريبا نفس الحسبة بس بطريقة مختلفة

يعني نفس المستوى؟ غلط! الشي اللي افقد الدن رينق السحر هو تكرار بوسز ، ذي شغلة اثبتت انها ما تنفع في الوصفة وتفقد التجربة لمستها اللي تحاول توصلها

لو انهم ١٥ بوس اساسي ك جدار صعوبة ومكررهم ك جانبيين بعد المواجهة الاولى محد اعترض ودارك سولز سوتها ومحد انتبه

 

[Sky Walker]

وين الهوك شوت؟ وين الكيب؟ وين الاحذية؟ وين الغوص؟ وين الاقنعة؟ هذي كلها من السلسلة ترا


بريث تخلت عن سحر زيلدا

اعلمك وش ارهب شي ؟ الجزء اللي قبله فيه كل هالحاجات ، كان ملياااااااااااان "سحر زيلدا" (&) بس وش كانت ردة الفعل حوله ؟ الفانز والنقاد على حد سواء انتقدوه بأن "الخلطة استهلكت - اللعبة متمسكة بشكل مبالغ فيه باساسات السلسلة من ادوات وفلسفة لعب اللي شفناها من لينك تو ذا باست وطالع - جا الوقت نشوف شيك أب للسلسلة .. الخ" ، الاغلب يوصفه بانه اسوء جزء وانا كنت من القلة اللي دافعوا عنه والى الان اشوفه افضل من ويند ويكر و توايلايت "مع اني اوافق ان الخلطة الاساسية وصلت لاقصاها معاه وصار لازم شي جديد " ، لازلت اذكر حال لسان بعض اعضاء ترو السابقين هنا كيف انهم "فقدوا ثقتهم بالفريق بسبب سكايوارد" و "حتى داركسايدرز 2 كانت لعبة زيلدا افضل منها" .

اقدر اقول ان سكايوارد كانت مصممة للفان بيس وكانت متقوقعة لهم بذاك الوقت ، مع ذلك جحدوها (&) ... وبريث ماهي الا نتيجة كل انتقادات سكايوارد اللي حصلتها ، لو بريث حاول انه يمشي على خطاها "مع اضافات" ماكان بترجع السلسلة للمين ستريم بهالشكل وتحصل ناس جدد بالنجاح اللي شفناه.

الحمدلله بس ان نين غامرت و نجحت في مغامرتها مع بريث وحقق ارقام قياسية ، لدرجة ان اول مرة نشوف لعبة زيلدا تتفوق بمبيعاتها على لعبة ماريو الرئيسية لنفس الجهاز ، والا لو على يد "فانز زيلدا الكلاسيك" كان الحين نلعب اوكارينا اوف تايم 10 (&)

 

[Invader Zim]

على يد "فانز زيلدا الكلاسيك" كان الحين نلعب اوكارينا اوف تايم 10 (&)

“كلاسيك"
بدوا مع ocarina of time لول

 

[SkyGame]

“كلاسيك"
بدوا مع ocarina of time لول

قبل ٢٤ سنة

 

[Invader Zim]

قبل ٢٤ سنة

الفرق بين zelda 1 و ott في السنين اكبر من oot و tw

 

[Eye]

اعلمك وش ارهب شي ؟ الجزء اللي قبله فيه كل هالحاجات ، كان ملياااااااااااان "سحر زيلدا" (&) بس وش كانت ردة الفعل حوله ؟ الفانز والنقاد على حد سواء انتقدوه بأن "الخلطة استهلكت - اللعبة متمسكة بشكل مبالغ فيه باساسات السلسلة من ادوات وفلسفة لعب اللي شفناها من لينك تو ذا باست وطالع - جا الوقت نشوف شيك أب للسلسلة .. الخ" ، الاغلب يوصفه بانه اسوء جزء وانا كنت من القلة اللي دافعوا عنه والى الان اشوفه افضل من ويند ويكر و توايلايت "مع اني اوافق ان الخلطة الاساسية وصلت لاقصاها معاه وصار لازم شي جديد " ، لازلت اذكر حال لسان بعض اعضاء ترو السابقين هنا كيف انهم "فقدوا ثقتهم بالفريق بسبب سكايوارد" و "حتى داركسايدرز 2 كانت لعبة زيلدا افضل منها" .

مب فاهم وش بالضبط ارهب شي؟ /:

كون انك تقدم عناصر وبس وما تهتم بالجودة والتطبيق ما يعني ان التجربة بتكون جيدة ، دام الكونسبت رهيب والاساسات صلبة فالكلام على الخلطة فارغ واللي ينتقده عنده قل تصور للامكانيات اللي ممكن تطلع بها هالخلطة

لا تلوم الخلطة بسبب تخاذل نينتندو ، كون نينتندو ما عرفت تسوي لعبة زيلدا ممتازة ما يعني ان الخلطة ما تنفع ، الا الفريق ما عنده سالفة

اقدر اقول ان سكايوارد كانت مصممة للفان بيس وكانت متقوقعة لهم بذاك الوقت ، مع ذلك جحدوها (&) ... وبريث ماهي الا نتيجة كل انتقادات سكايوارد اللي حصلتها ، لو بريث حاول انه يمشي على خطاها "مع اضافات" ماكان بترجع السلسلة للمين ستريم بهالشكل وتحصل ناس جدد بالنجاح اللي شفناه.

ابدا ، كلام غير صحيح

اول شي سكايورد كانت موجهة اولا واخيرا للكاجوالز ، اغلبها جيمقس واستغلال للموشن وعالم بسيط بنظام مراحل وتجميع ومساعد شخصي بثر يعلق على كل شي عشان الناس اللي ما تعرف تفكر وتجرب ، يعني اللعبة زيلدا على استحياء

بعدين تقولي بريث نتيجة انتقادات.. على اساس نينتندو تسمع للانتقادات وعلى اساس الانتقادات وقفت كود ويوبيسوفت

بريث هدفها واضح وصريح ؛ تبي تقدم لعبة عالم مفتوح مع الطفة وتركب الموجة زيها زي الباقي ، وبنفس الوقت تبي تصير اكسسبل

الحمدلله بس ان نين غامرت و نجحت في مغامرتها مع بريث وحقق ارقام قياسية ، لدرجة ان اول مرة نشوف لعبة زيلدا تتفوق بمبيعاتها على لعبة ماريو الرئيسية لنفس الجهاز ، والا لو على يد "فانز زيلدا الكلاسيك" كان الحين نلعب اوكارينا اوف تايم 10 (&)

غامرت مين بس ، هي لعبت على الماشي بالسوق ، وهنيئا لهم الارقام اللي السويتش ساهم فيها بشكل غير مباشر ، ومدري ايش الفايدة اذا تغلبت في المبيعات اذا المنتج نفسه فيه مشاكل

واضمن لك لو بريث ٢ نفس ذي ، والله ياهي بتاكل انتقادات ترجعهم لزيلدا ون ... طبعا على تخيل انهم يسمعون الانتقادات

 

[جُرَيْج]

اول شي سكايورد كانت موجهة اولا واخيرا للكاجوالز ، اغلبها جيمقس واستغلال للموشن وعالم بسيط بنظام مراحل وتجميع ومساعد شخصي بثر يعلق على كل شي عشان الناس اللي ما تعرف تفكر وتجرب ، يعني اللعبة زيلدا على استحياء

كنت ماخذ الموضوع بطريقة هزلية، بس الفقرة هذي بالتحديد خلتني أخذه بهزلية أكثر حتى (&)

اللعبة فيها وسائل لعبية نعم، وبكثرة، وكذلك النظام الحركي، ولكن تصميم اللعبة نفسه ممتاز بل أكثر من ممتاز وماهي للعبة للكاجوال بأي شكل!

المغارات مستحيل كاجوال يخلصها مع كل تلميحات Fi، أول مغارة بس الألغاز فيها بمستوى عالي زيلداويًا ويحتاج خبرة في التعامل مع اللغز،
ليش المغارات ؟ الاستكشاف باللعبة أصلًا عبارة عن مغارات مفتوحة، وتحتاج تركيز وبحث جيد للوصول إلى الحل.

وأنسحب من النقاش *يركض* (&)

 

[MH MD]

طيب وزيلدا حصان ومشي وطيران فقط ، زيادة حبة بس ، المفروض في لعبة قائمة بشكل كلي على الاستكشاف يكون فيه طرق كثيرة ، وين الهوك شوت؟ وين الكيب؟ وين الاحذية؟ وين الغوص؟ وين الاقنعة؟ هذي كلها من السلسلة ترا

مب بس بفات بسيطة على اداء التنقل ، عطني شي يغير طريقتي يعطيني وسائل مختلفة للوصول عطني تقدم

تنقل جديد بدون مخاطرة

تنقل بمخاطرة

لو تحب تلعب توني هوك برضو موجود

تنوع كثير بالتنقل الريدي اكثر من مشي وحصان بدبل جمب وانتهينا (&)

 

[Eye]

كنت ماخذ الموضوع بطريقة هزلية، بس الفقرة هذي بالتحديد خلتني أخذه بهزلية أكثر حتى (&)

اللعبة فيها وسائل لعبية نعم، وبكثرة، وكذلك النظام الحركي، ولكن تصميم اللعبة نفسه ممتاز بل أكثر من ممتاز وماهي للعبة للكاجوال بأي شكل!

المغارات مستحيل كاجوال يخلصها مع كل تلميحات Fi، أول مغارة بس الألغاز فيها بمستوى عالي زيلداويًا ويحتاج خبرة في التعامل مع اللغز،
ليش المغارات ؟ الاستكشاف باللعبة أصلًا عبارة عن مغارات مفتوحة، وتحتاج تركيز وبحث جيد للوصول إلى الحل.

وأنسحب من النقاش *يركض* (&)

تعال يا هارب تعال!

اجل هزلية ها ، اهم شي وسعنا صدرك بس &

تقولي؟ اول دنجن عالي زيلداويا ، الازرار اللي تصقعها بالسيف والعيون اللي تدوخها والاعشاب اللي تتسلقها والوحوش القيميكة والطيران بالخنفسة تاخذ معك حكة راس يا عبدالله بالله عليك؟

الاستكشاف اللي حرفيا تجلس تدور في منطقة تجمع دموع مدري نقاط عالية زيلداويا؟

طريقة دخول المناطق اللي بس تطب عليها من السماء عار على اسم زيلدا

لعبة موجهة للناس اللي يشوفونك تحرك الويموت ويقولون او ماي قاد واو كانه حقيقي لا نرقع

شوف انا ما عندي مشكلة اللعبة تعجبك وتستمتع فيها حقك وذوقك ، بس نقديا معليش جالس تقول شي مب موجود وتعطيه هالة عظمة وهو نتفة ، الالغاز ضعيفة والدنجنز شغل مش حالك ، واللعبة خالية من التحدي ، الا عاد لو تلعب وانت فاصل مخك

تنقل جديد بدون مخاطرة

تنقل بمخاطرة

لو تحب تلعب توني هوك برضو موجود

تنوع كثير بالتنقل الريدي اكثر من مشي وحصان بدبل جمب وانتهينا (&)

تنوع مين يا مضيع ، ذي فيزيائية ، مب ناقص الا تحط جف لاينل يصفقك ويمترك وتقولي طريقة بعد

وين الهوكشوت؟ وين الاقنعة؟ وين حذاء الطيران؟ وين الكيب؟ وين السوط؟ وين السبينر؟

كلامك ذا يثبت انها لعبة ساندبوكس مو استكشاف

المشكلة ان لعبة المشي والحصان دبل جمب اتقنت الميكانيكيتين ذي اكثر من لعبة "الاستكشاف"

 

[SHAMSSON]

٥- المطر : ذا موضوع لحاله ، هو اوكي اضافة الطقس المتغير شي رهيب ، بس المطر ذبحني اكثر من قانون! وغثيث يزحلط صدقياً ويخرب عليك الاستكشاف وينكد بعيشتك ، وولا فيه طريقة تغيره ، على الاقل زيلدا يرحم ابوكم عندكم اوكارينا خلونا ندندن ونغير الطقس بدال فاست ترافل ، حرفيا صرت اذا استكشف منطقة ونزل مطر ، هج يبوي

في حال الطقس الممطر تقدر تروح تحت ظل ( كهف ، خيمه ، شجره …. ) و تسوي لك camp fire و تسرع الوقت

حق تسوي المخيم تستعمل الخشب مع حجر القداحه وترميه على الارض و تضربه بالسيف حق يولع ( اي شي حديدي )

 

[MH MD]

تنوع مين يا مضيع ، ذي فيزيائية ، مب ناقص الا تحط جف لاينل يصفقك ويمترك وتقولي طريقة بعد

هي طريقة طيب

والفيزكس يخدم التنقل يعني، الدرع لما تحطه تحت رجلك ماله استخدام فعلي غير بالتنقل عالمنحدرات مثلا

بأي زاوية تنظر لها، التنقل منوع اكثر واللعبة فيها حرية كبيرة من هالناحية اكثر من اللي تتوقعه منها، فلا تحاول تقول مشي وحصان بس (&)