مساعده 1_الشراء من النت 2_ايجاد محل قطع كمبيوتر في السعوديه

[FALCON-WARS]

سلام عليكم شباب

انا عندي كذا سؤال في البدايه كيف اشتري من النت ؟ بريد في ارامكس فقط؟

كم تاخذ ارامكس على الشحن ؟ الى كيلو كم ياخذون؟ من كيلو الى كيلوين كم ياخذون؟

ينفع اشتري قطع كمبيوتر (معالج,كرت شاشه. الخ..) من النت؟ ايش افضل موقع؟

لو طلبت اكثر من قطعه يصير يجمعوهم كلهم بطلبيه واحده؟ كيف ينحسب الوزن بعدين؟

لو ماوصلتني الطلبيه او تاخرت كيف استرد فلوسي؟ لو طلع البايع حرامي ايش اسوي ؟

ابي احد يدلني على محل بالسعوديه يبيع قطع كمبيوتر حديثه بسعر مناسب "قريب من الاسعار الي بالمواقع مثل امازون " ويكون رخيص عموما ومثوق منه اذا كان قريب من البحرين يكون افضل يعني الشرقيه بالتحديد الدمام والخبر والمناطق الي جنبهم

واذا احد يقدر اعطيه اسماء الاشياء ويسالي عن تواجدها واسعارها اكون شاكر له جدا !

بس شباب مستعجل شوي عندي اسبوع تقريبا قبل ما اسوي اي خطوه

 

[USefQ80]

كيف اشتري من النت ؟

تحتاج فيزا

كم تاخذ ارامكس على الشحن ؟ الى كيلو كم ياخذون؟ من كيلو الى كيلوين كم ياخذون؟

-على حسب الوزن . تقدر تشوف بالموقع هذا جم يكلفك shopandship.com
-كم كيلو ؟ ما اتوقع في حد للوزن
-كيلو = 7.35 BHD ----- كيلوين = 13.65 BHD

ينفع اشتري قطع كمبيوتر (معالج,كرت شاشه. الخ..) من النت؟ ايش افضل موقع؟

-اي اكيد ينفع
-مو خبرة بسوالف الـPC بس اتوقع امازون افضل شي

لو طلبت اكثر من قطعه يصير يجمعوهم كلهم بطلبيه واحده؟ كيف ينحسب الوزن بعدين؟

-اذا اكثر من محل/بائع ""اتوقع"" مو متأكد من هالشي راح يوصل على اكثر من كرتون !؟ اتمنى واحد مجرب يجاوب على هالسؤال
- شوف ارامكس ياخذون الوزن اذا كان الكرتون حجمه اقل من 1 متر ( طول و عرض ) اذا اطول اهني ينحسب الحجم 🙂

لو ماوصلتني الطلبيه او تاخرت كيف استرد فلوسي؟ لو طلع البايع حرامي ايش اسوي ؟

لا تخاف امازون مو نصابين نفس اللي عندنا ! انا توني طلبت كتاب و بـ امازون مكتوب تاريخ 15 - 6 وصل مكتب ارامكس ! بس ارامكس ما دزولي ايميل انه في طلبية و لا شي ! راسلتهم قالوا انطر لي تاريخ 23 - 6 اذا ما وصلك شي راح نردلك فلوسك كامله 🙂 !! بس اشوى اول امس ارامكس دزولي إنه الكتاب بالطريج :tongue:

 

[BlackBird]

انا عندي كذا سؤال في البدايه كيف اشتري من النت ؟ بريد في ارامكس فقط؟

يكون عندك حساب في أراميكس و بطاقة إئتمانية

كم تاخذ ارامكس على الشحن ؟ الى كيلو كم ياخذون؟ من كيلو الى كيلوين كم ياخذون؟

أراميكس عندنا فالسعودية تاخذ على أول نص كيلو 65 ريال و بعدين كل نص كيلو زيادة يصير بـ 35 ريال

ينفع اشتري قطع كمبيوتر (معالج,كرت شاشه. الخ..) من النت؟ ايش افضل موقع؟

أكيد ينفع و يستحسن مواقع معروفة زي أمازون و إيباي مع إني أفضل أمازون

لو طلبت اكثر من قطعه يصير يجمعوهم كلهم بطلبيه واحده؟ كيف ينحسب الوزن بعدين؟

في خيار التجميع لو شريتهم كلهم من نفس الشخص أما لو من أشخاص مختلفين و طلبت التجميع أجل أنت وحظك ممكن تتجمع و ممكن لا

لو ماوصلتني الطلبيه او تاخرت كيف استرد فلوسي؟ لو طلع البايع حرامي ايش اسوي ؟

الطلبية من أمازون إن شاء الله بتوصل مافي خوف بس تأكد ان البائع هو الشركة المصنعة للقطعة عشان تضمن ما يكون في نصب مثال: هذي القطعة تحت الاسم مكتوب by EVGA الي هي الشركة المنتجة للقطعة
فكذا أنت ضامن ان ما راح يكون في احتيال اما ان كانت من شخص مو تابع للشركة تقدر تشوف من تقييمات المشتريين السابقين له و تعرف

بخصوص اسئلة المحلات أنا ما أقدر أفيدك لإني عايش فالرياض بس عندنا محل فالرياض أسعاره ممتازة جداً اسمه العاصفة الرملية

و أتمنى أكون أفدتك 🙂

 

[~L.O.R.D~]

أفضل موقع لشراء قطع الحاسب هو newegg
http://www.newegg.com/
أنصحك تروح لقسم الشراء من الإنرنت في البوابة الرقمية وتشوف تجارب ونصائح الأعضاء
قسم جدا مفيد

 

[FALCON-WARS]

^^
كيف اعرف انه هذا من الشركة نفسها ؟ يعني مايصير واحد يحطلي اسم الشركة asus مثلا فوق ويكون شخص غير الشركة ؟ مثل هنا
http://www.amazon.com/DirectCU-1000...6137&sr=1-3&keywords=asus+gtx+680+directcu+ii

وهنا http://www.amazon.com/DisplayPort-O...6137&sr=1-1&keywords=asus+gtx+680+directcu+ii

في امازون السعر الموجود يكون للسلعه نفسها فقط ,صح؟ كيف اعرف سعر التوصيل من الي بشتري منه؟

 

[USefQ80]

^
اهو الأحسن انك تطلب من الشركة نفسها بس عادي حتى لو تطلب من غير الشركة 🙂

كيف اعرف سعر التوصيل من الي بشتري منه؟

بعد ما تسوي Checkout راح يحطلك المجموع ! ( السعر + الـShipping )

 

[BlackBird]

^^
كيف اعرف انه هذا من الشركة نفسها ؟ يعني مايصير واحد يحطلي اسم الشركة asus مثلا فوق ويكون شخص غير الشركة ؟ مثل هنا
http://www.amazon.com/DirectCU-1000...6137&sr=1-3&keywords=asus+gtx+680+directcu+ii

وهنا http://www.amazon.com/DisplayPort-O...6137&sr=1-1&keywords=asus+gtx+680+directcu+ii

في امازون السعر الموجود يكون للسلعه نفسها فقط ,صح؟ كيف اعرف سعر التوصيل من الي بشتري منه؟

هذا من شركة asus نفسها ... هذا يعتبر اسم الحساب ... يعني أنت لو بتبيع سلعة واسمك في أمازون FALCON-WARS بيكتب اسم السلعة وتحتها by FALCON-WARS
بمعنى آخر هذا الحساب الرسمي لشركة asus في أمازون

وزي ما قال لك علاء جرب موقع newegg ممتاز أيضاً

 

[FALCON-WARS]

Only 2 left in stock--order soon.

وش معناها؟ يعني باقي 2 واذا خلصوا انتظر يجي جديد ولا انتظر ؟

sold by speed_of_light_distributors and Fulfilled by Amazon فيها خوف ولا؟

 

[FALCON-WARS]

شباب الي يشتري من New egg يكلمني ضروري عن طريقة الشراء

 

[Byakkino]

Newegg اتوقع يطلب فيزا أمريكية! ولا؟

 

[FALCON-WARS]

^
هذا الي محيرني كيف اشتري منه وهو يطلب حساب بيبال امريكي