الموضوع الرسمي ماراثون سلسلة Final Fantasy

[Primal]

تايب زيرو تتاجل الى خريف 2011

 

[Lord of Cinder]

لعبت 5 او 6 ساعات في فف9 ، مليت ، لا من جد مليت من اللعبة ، اللعبة تمتلك اتموسفير رووووووعة بمعنى الكلمة ، لكن النظام القتالي سيء + الاعداء سهلين جدا جدا جدا ، يعني معقول وانا بنفس المنطقة شخصياتي ترتفع لفلين او ثلاث !!! مااعتقد اني بارجعلها الا بعد فترة طويلة جدا مع الاسف 🙁

عموما بكرة باذن الله راح ابدا في فف12 اللي وصلت فيها لاخر زعيم وماقدرت اهزمه ، راح العب نسخة الجوب وراح امستر اللعبة مسترة ، المرة الاولى مااعطيتها حقها ابدا .

 

[Sora Diersly]

^
5 او 6 ساعات وتتفلسف عن اللعبة؟! P: ياحبيبي انت ماخلصت البريلود حتى! كلمة Final Fantasy IX ماتطلع إلا لما تكمل 8 ساعات لعب اقل شي xD اقول, روح العبها 20+ ساعة اقل شي يالله تجي تقول ان الأعداء مايصعبون ابدا> جربت الكهف الثلجي ومعركة زيدان لحاله؟؟ هذي حفرت عندها لين ماقلت آمين اول مرة لعبت اللعبة -,- روح بس كملها الله يهداك!

 

["Shadow"]

بديت في 12 زويدك سيستم وواصل لما تشحن حجر الشمس 🙂
اي نصايح عن الكلاسات ؟

 

[Yuki]

^ يا حظك : (

5 او 6 ساعات وتتفلسف عن اللعبة؟! P: ياحبيبي انت ماخلصت البريلود حتى! كلمة Final Fantasy IX ماتطلع إلا لما تكمل 8 ساعات لعب اقل شي xD اقول, روح العبها 20+ ساعة اقل شي يالله تجي تقول ان الأعداء مايصعبون ابدا> جربت الكهف الثلجي ومعركة زيدان لحاله؟؟ هذي حفرت عندها لين ماقلت آمين اول مرة لعبت اللعبة -,- روح بس كملها الله يهداك!

انا لاعب اكثر من 30 ساعة واتفق معا كلام الرجال اللعبة ( بعيدا عن المهمات الجانبية لاني ما قربت منها ) سهلة جدا .

 

[Hironobu Sakaguchi]

^^
من متى السهولة عيب ؟
اللعبة متقنة وموزونة لا هي صعبة ولا هي سهلة وان شفتها اسهل من اللازم اعرف انك تعرف تلعب او لفلك وعدتك مستواها عالي

 

[Hironobu Sakaguchi]

حاليا جالس العب ذا افتر ييرز و4هيروز اوف لايت
بس تخلص بطارية جهاز اشحنه والعب بالثاني لول

من ناحية افتر ييرز = فف13 في بداياتها, في قصة عامة وهي الي اساس اللعبة, لكنه منفصلة مقاطع لكل شخصية, يخلوك تتحكم بكل شخصية بجزء منفصل عن الاخر ,في الغالب تكون قبل\بعد\خلال احداث احد الشخصيات الي تلعب فيها ...وفي ما تفتح الا بعد ما تخلص بعض القصص...
ترتيب الاحداث مو مهم, بالعكس تخليك تستمتع وات تقول اوووه ذا مر من هنا وذا قصده فلان ووووو
لكن كنت اشوف افضل ان القصة تصير بجيم بلاي واحد وندخل من اكت الى اخر من غير خروج ودخول من القائمة , بس هذا بيلغي ميزة الترتيب الزمني الغير مرتب في التوزيع الي تبدا فيه

في نهاية كل قصة بيعطوك تخزينة قبل المنطقة الاخيرة, وتقدر تقابل نيمينجواي ويدخل دنجن تحدي خاص بشخصيتك... في منه السهل وفيه منه الصعب والي يرفع الضغط لكن تقدر تعديه بالنهاية, يفترض التخزينة في نهاية كل قصة تفيدك باعطاء الستاتس والايتمات الي معاك للشخص الاخر في القصة الثانية ... لكن مدري وش السالفة او ايش الي فاهمه غلط لان ذا الشي ما يصير معي .. الشي الوحيد الي في بالي هو بعض القصص تتطلب لود تخزينة محددة عشان اخذ الايتمات الي فيها لكن الى الان ما صار هذا الشي ولا ادري اذا افتراضي صح ولا غلط 🙁

اجمالي عدد القصص 13 مرتبطة ببعض لكن متفرقة على الشخصيات.... القصة روعة والتويستات الي فيها اليمة , اقل قصة تاخذ ساعتين اذا بتلفل صح واكثرها الى الان 6 ساعات .. خلصت 6 قصص والان بادخل بالسابعة

نظام الباند في اللعبة رائع لكن بصراحة ما تقدر تخمن ايش التركيبة الي تسوي الحركة... يعني مالك الا تقرا جايد يقلك هذه مع هذه تسوي كدة , ولما تسويها تصير مخزنة عندك ما يحتاج تطبقها ثاني الا باختيارها من القائمة فقط

نظام وجه القمر , كامل,نص ,جديد , وكل حالة تاثر على بعض الستاتس , الي يقوي الاتاك والي يضعفه, الي يقوي الماجيك الاسود والي يضعف الابيض, وهكذا... باللعية يتم تغييره تلقائيا كل فترة وفترة لكن طويلة يعني لا تشيل هم يتغير عليك فجاة وانت مو جاهز.. وتقدر تنام بالفندق او تستخدم الخيمة على نقاط التخزين لتغيير الحالة اذا كان عكس الي تبيه ويناسب فريقك خصوصا لو داخل على منطقة صعبة .. والتاثير ينطبق عليك وعلى الاعداء يعني استغلها تمام 🙂

مستمتع وناوي اعرف المزيد عن القصة.... صحيح انها بعد 17 سنة من احداث فف4, لكن زبطوها كقصة رئيسية وليست سبين اوف او فرعية

 

[Hironobu Sakaguchi]

من ناحية 4 هيروز ...اللعبة بصراحة طلعت غير الي كنت اشوفه بالعروض على وقتها , اقرب لدراجون كويست... صعععععععععععبة بشكل مبكي .. بصراحة الصعوبة ميزتها .. واتوقع لو سردتها هنا بتكون سلبي للعبة لكن مع الوقت تصير ايجابية ...

محرك رسوم فف3 و فف4 على الدي اس... الرسوم ملونة ومفعمة بالحياة لكن احيانا احس ان اللعبة والتحكم -لمس او اسهم- مناسب لشاشة XL اكثر من اللايت, بل اجزم ان اللعبة مبنية عليه -او على DSi اذا كان اكبر من اللايت-

طبعا صعب جدا اتاقلم على الرسم بالبداية خصوصا اني انتقل من 2دي اتش دي الى 3دي حلو لكن مو هاي كواليتي

اسلوب الجيمبلاي المعتاد من اتاك وماجيك متوفر... 4 شخصيات للعبة في البداية متفرقين وجالس اضمهم حسب ما تمر القصة بهم .. توي خلصت اول دنجن...

اللعبة تبي منك صبر كبيييييييييير على التلفيل... مرة لا تستعجل مو بصالحك ابدا ...
في البداية بتموت كثير الى ان توصل لفل 8 على الاقل تبدا تجمل + تضاف معاك الشخصية الثانية عشان الهيل والماجك

الجيم بلاي فيه نظام الاوتو تحدده من بداية الفايت ويستمر معاك بكل الفايتات الى ان تغيره او تلغيه ... واامن شي في البداية تركز على شخصية واحدة اتاك والثانية هيل عن طريق الاوتو لين ما يصير لفلك +15 عشان تجمل قدام

الماجيك لا يعتمد على MP, في نقاط تيجي بدور الشخصية تشبة الكور البرتقالية هي الي تنقص وقت الفايت وتتعبا ثاني لكني ما فهمت ميكانيكية التعبئة على اي اساس...

الفلوس = 0 باللعبة, تبي فلوس بيع الي عندك.. اسلحة او اكسسوارات او حتى GEM او اي شي اضافي عشان تاخذ فلوس

GEM وغيرها من الكريستالات له غرض ثاني بالجيم بلاي لسة ما عرفت عنه شي لكن هذا يحدني من بيعها بشكل كلي عشان الفلوس..

مساحة كل شخصية 15 ايتم بالشنطة... غير كده حط بالمستودع في المدينة

في نظام اتاك مزدوج بين الشخصيتين صار مرة معي لما تكون الشخصيتين psyched up وهذه حالة تصير بوسط الفايت غالبا لكني ما فهمت على اي اساس تصير وايش فايدتها لشخصية مستقلة وكيف اقدر اسوي الهجمات المشتركة

لما تموت مافي جيم اوفر, بيردوك للمدينة وينقصون من الgem او اي اداة قيمة بعدد وقدره مجهول - MMO على غفلة لول- لكن لو ماتت احد الشخصيات لازم تصحيها بفينكس داون

لاحظت ما اقدر استخدم هيل ماجيك من القائمة خارج الفايت... ما ادري الغلط مني ولا اللعبة شكها كدة.. بصراحة قلق يعني مالي الا اهيل عن طريق الفايت؟ -__-

ما جربت الاونلاين لسة


زي ما انتم ملاحظين اغلب شرحي عبارة عن اسئلة, وللاسف اللعة ما تقدم لك اي شرح حتى الان ... والكلام مع الناس يعطي معلومات عامة وسطحية وما تتعلق بالي يدور في بالي ...
يبدو ان الحل هو ان اقرا مانيوال اللعبة... فعلا اللعبة يبيلها شرح

الخلاصة اللعبة حتى الان ممتعة بالرغم من الي قلته, ومتاكد بس الاقي الاجابات و تكثر الشخصيات بالفريق بيصير اللعب احلى واكثر تحدي

 

[Raulioo]

^^
من متى السهولة عيب ؟
اللعبة متقنة وموزونة لا هي صعبة ولا هي سهلة وان شفتها اسهل من اللازم اعرف انك تعرف تلعب او لفلك وعدتك مستواها عالي

هذا هو الكلام...كل ما حسيتها سهلة حاول تهرب قدر الامكان من المعارك العشوائية ، عشان تصعب عليك لما تتقدم ، هذا اللي انا عملته "بكل الالعاب مش هذه فقط" وبالفعل اللعبة فقدت سهولتها تماما .. الى ما بعد مهمات الشوكوبو اللي حولت اللعبة سوبر فيري ايزي مع الاسلحة المسيلة للدماء اللي حصلتها @@

 

[slifer dragon]

حاليا جالس العب ذا افتر ييرز و4هيروز اوف لايت
بس تخلص بطارية جهاز اشحنه والعب بالثاني لول

مع إنطباعاتك الطويلة, تنصحني أضيع 2100 نينتندو بوينتس وأحمل تشابترات اللعبة كاملة على الWii؟
وإلى الآن كم تقيم اللعبة؟

 

[Hironobu Sakaguchi]

^^
انا افضل تاخذ نسخة البيسب محسنة + كاملة من غير تحميل ب 135 ريال من جرير
الا اذا البوينتس عندك زايدة هذا شي ثاني

اللعبة كقوة قصة اكيد مو زي فف4, لكن كجزء مكمل فعلا تستاهل
كم اقدر اقيم اللعبة؟ مممممم
بصراحة ما اقدر اقيمها الان لاني ما خلصتها, واكيد العبرة في اخر اهم 3 قصص تنفتح لي بعد ما اخلص القصص الباقية ومنها اقدر اقول فعلا اللعبة تستاهل 8 او 9 من 10 او اكتفي ب 7 لانها ما اضافت شي مهم للقصة.. لكن جميع العناصر الي احتاجها لقصة منفصلة موجودة وشعور حلو لما تشوف شي يرجع بعد سنين يكمل احداث رئيسية صارت بالقصة الاصلية , مو شي ماله علاقة زي فف10-2 و فف12 ريفننت وينجز

 

[Hironobu Sakaguchi]

Final Fantasy: The 4 Heroes of Light | بدات ادخل مرحلة الادمان وانضمت الشخصية الثالثة للفريق وانواع الحماس
بس لو اني مو مضطر ارجع كل شوية افرغ الشنطة حقتي الصغيرة 🙁

على فكرة شكل الgem والفلوس مو مشكلة, لقيت نفسي موصل 99 جيم وبعتها كلها لاني عارف نفسي الفل حاليا وبعوضها... كويس ما راح اقلق حتى الان وما خفي كان اعظم :evil::

شكلي باضمها لعبة رسمية للماراثون

 

[Sora Diersly]

لول كأنك توجه اسئلتك لي xD

اللعبة تبي منك صبر كبيييييييييير على التلفيل... مرة لا تستعجل مو بصالحك ابدا ...
في البداية بتموت كثير الى ان توصل لفل 8 على الاقل تبدا تجمل + تضاف معاك الشخصية الثانية عشان الهيل والماجك

بالنسبة للماجيك, اي شخصية في البداية وبأي وقت باللعبة يملكون ماجك. لما انظمت لك الشخصية الثانية بالقتال ضد الثور الكبير (علما اني مت عنده 3 مرات! *_*) بعد المعركة لما تروح للشنطة حقت الولد, بتلاقي فيه كتاب احمر واصفر. الأحمر هو اللي يمد الشخصية بـ ماجيك الفاير والأصفر هو الهيل. يعني تقدر تعالج نفسك او الشخصية الثانية برا القتال عن طريق الذهاب لشنطة الآيتمز حقت الشخصية واختيار use على الكتاب اللي يملكه الشخص. الكتب قابلة للنقل من شخصية لأخرى, ولكن حط في بالك أن كل اللي عندك 15 فراغ. والأكويبمنت تاخذ مساحة, كُتب السحر تاخذ مساحة, العلاجات تاخذ مساحة وانت ماشي. هذا اللي يخلي اللعبة صعبة, محدوديتها قاتلة! XD

الجيم بلاي فيه نظام الاوتو تحدده من بداية الفايت ويستمر معاك بكل الفايتات الى ان تغيره او تلغيه ... واامن شي في البداية تركز على شخصية واحدة اتاك والثانية هيل عن طريق الاوتو لين ما يصير لفلك +15 عشان تجمل قدام

مدري بس انصحك بالإعتماد على المانيوال اتاك وتخلي عنك الأوتو لأنه راح يعودك بطريقة مش في صالحك, راح اشرحها في نقطة ثانية.

الماجيك لا يعتمد على MP, في نقاط تيجي بدور الشخصية تشبة الكور البرتقالية هي الي تنقص وقت الفايت وتتعبا ثاني لكني ما فهمت ميكانيكية التعبئة على اي اساس...

النقط البرتقالية هي اسلوب القتال في اللعبة اساسا. بمعنى اصح, لما تهاجم بالأتاك العادي تنقص نقطة. ولما تستخدم ماجك معين تنزل كمية من النُقاط المعينة. ميكانيكية الزيادة هي انهم يعطونك نقطة كل دور للشخصية. مثلا لو انت مقابل عدو ضعيف ضد النار, لما تبدأ المعركة تهيء الشخصية اللي ماعندها نقاط وتخليها في وضع ديفينس دورين, لأن الدورين راح يعطونك نقطتين (افتراضا انك بديت المعركة بشخصية ماعندها ولا نقطة) خلال الدورين الشخصيتين كلهم تخليهم ديفينس دورين علشان وحدة تحمي نفسها اني ويز والثانية تجهزها لهجوم ناري = نقطتين لكل هجوم. فـ لما تهاجم هجومك الأول وتبقى معاك نقطتين ثانيتين ويجي دورك ويعطونك نقطة. تصير عندك ثلاثة, وانت تهاجم مرة ثانية بالنار وتبقى وحدة, بس لما يجي الدور على الشخصية مرة ثانية تصير الريدي عندها نقطتين من جديد. فهمت الفكرة؟ يعني هي اهم شي انك تفكر كيف تحافط على كمية النقاط اللي تحصلها خلال المعركة بحيث تكفيك وبنفس الوقت تخطط بشكل استراتيجي بحيث تعرف نقطة ضعف العدو وماتمشي على عماك زي اي لعبة آر بي جي وتضرب بدون تفكير. مخلينك تفكر بكل خطوة فعليا قبل ماتسويها!

الفلوس = 0 باللعبة, تبي فلوس بيع الي عندك.. اسلحة او اكسسوارات او حتى GEM او اي شي اضافي عشان تاخذ فلوس

الفلوس تحصلهم كـ كنوز اكثر شي لو انت تحفر المكان/الدنجن كله دوران وتفتيش. اذكر في الدنجن الأول فيه كنز يعطيك 100 جيل, والدنجن الثاني اعتقد 1000 جيل. هالمبلغ اكثر من كافي علشان تشتري درع محترم وسيف افضل من اللي معاك. بالنسبة لبيع الجمز. هي فكرة, لكن لازم تفكر بإلإقتصاد من اليوم وورى فيهم لول لأني بقولك سبب الجمز واللي هو اهم شي في اللعبة اصلا P:

GEM وغيرها من الكريستالات له غرض ثاني بالجيم بلاي لسة ما عرفت عنه شي لكن هذا يحدني من بيعها بشكل كلي عشان الفلوس..

اللعبة اصلا تعتمد على شيء اسمه "الكراون سستم" الكراون سستم هو نظام الجوبز في اللعبة. طبعا تحصل كراون واحد او 2 او اكثر على حسب تخليصك للدنجنات. فيه منهم رئيسية وفرعية وسرّية..ألخ. انا مافتحت غير 4 قُبعات لحد اللحين. أول قُبعة هي Wayfarer اللي هو كلاس عام جداً تحصلها اول ماتخلص الكاسل. لما تمشي من اسم الشخصية للكراون الجديد, يورونك كيف الستاتس حقت الشخصية راح تزيد لو لبست الشخصية القبعة هذي. وتعتمد على حسب القُبعة. الويفرير هو كلاس عام زي ماقلت ويزيد كل شي عندك تقريبا. بس بعدها تتخصص الكلاسات وكل كلاس له هجماته والسبيشلز اللي ممكن تكون مفتاح الفوز لك في معركة مُعينة. مثلا زُعماء فيزكالس مايمشي معاهم إلا بلاك ميجز. ولما تلبس قبعة البلاك ميج, تزيد الستاتس الخاصة بالـ intelligence, mag def..etc وبالتالي تكون شخصيتك هذي لها ادفانتج اكبر. ماادري إذا شخصية مثل البلاك ميج ممكن يحصل هجمات خاصة فيه, لأن السحر في اللعبة ينباع في المحلات على شكل كُتب كل شخصية تقدر تستخدمه عموما. لكن جايز الأدفانتج من البلاك ميج هو زيادة قوته السحرية بالمقارنة مع شخصية ثانية تلبس قبعة مختلفة وتستخدم نفس هجوم السحر. لسى هالصورة ماوضحت لي لأني وقفت لما خلصت الدنجن الرابع وحصلت البلاك ميج والوايت ميج كراونز.

بمعنى, إذا لعبت جزء فف10-2 تقريبا هو نفس نظام الملابس حقهم, لكن ماتقدر تغيرهم اثناء المعركة, وفيه اختلافات بسيطة هنا وهناك. وبالنسبة للجمز, هذي تركبها على الكراونز علشان تطوّر مستوى القُبعة نفسها. وكل ماارتفعت مستوى تتطلب تشكيلة مختلفة من الأحجار على حسب نُدرتها (البنفسجية على شكل هلال مرة نادرة بالمقارنة مع الكورة البرتقالية وكذا) وزيادة لفل القُبعة تعني زيادة قدرات اللي لابسها, فـ الميج في مثالي الأول بدال مايكسب 4 نقاط زيادة بالماجك أتاك, يصير 6 لما يرتفع لقبعة ال ميج 2 مثلا. وجايز هذا يجي مع قدرات وسبشل اتاكس مختلفة برضوا. لسى ماعندي فكرة واسعة عن القدرات بحُكم اني مالعبتها بشكل كافي بعد.

وعلى فكرة, زي ماانت شايف اسم اللعبة 4 heroes of light يعني مافيه زيادة شخصيات. كلها 4 شخصيات في اللعبة كلها xD وهذا طبعا يزيد الحماس والصعوبة P: لأنك لازم تسخر قدرات 4 بالشكل الصحيح وبـ قُبعات مناسبة علشان تفوز في المعركة. على فكرة اللعبة فيها 28 قبعة/جوب/كراون. يعني بتحتار من جد علشان تحدد وش المفروض تلبس شخصياتك الأربعة xD

 

[Hironobu Sakaguchi]

^^
شكرااااا شكراا
قعلا اللعبة بس تعرفلها يبدا الادمان والتحدي مهما كان الوحش صعب قدامك
الان رايح اكمل القلعة واذا مو غلطان الشخصية الرابعة هي الي هناك ويكتمل الفريق وبعدها يبدا الشغل

 

[Lord of Cinder]

^
5 او 6 ساعات وتتفلسف عن اللعبة؟! P: ياحبيبي انت ماخلصت البريلود حتى! كلمة Final Fantasy IX ماتطلع إلا لما تكمل 8 ساعات لعب اقل شي xD اقول, روح العبها 20+ ساعة اقل شي يالله تجي تقول ان الأعداء مايصعبون ابدا> جربت الكهف الثلجي ومعركة زيدان لحاله؟؟ هذي حفرت عندها لين ماقلت آمين اول مرة لعبت اللعبة -,- روح بس كملها الله يهداك!

عمر انا هنا قاعد اقلك حرفيا اني اضغط زر واحد وهو اللي يؤدي كل شيء ، السهولة باللعبة مفرطة بشكل فضيع وماعندي وقت للامانة اجلس اربع او خمس سااعات زيادة من دون قتال الى ان اتفاجىء بوحش قوي اجلس معاه بالايام ، ابغى صعوبة معقولة صعوبة اللعبة تجبرني اتحداها ، مو انا اروح ادور للصعوبة .

^^
من متى السهولة عيب ؟
اللعبة متقنة وموزونة لا هي صعبة ولا هي سهلة وان شفتها اسهل من اللازم اعرف انك تعرف تلعب او لفلك وعدتك مستواها عالي

السهولة ماهي عيب ، لكن السهولة المفرطة هي اللي عيب واكبر نقطة سلبية ، اعرف البعض يقول توك بدري تتكلم عن لعبة عمرها طويل جدا ، لكن اغلب الانطباعات والاشياء اللي اقراها عن اللعبة تقول نفس الكلام وان اللعبة من اسهل اجزاء فف

 

[Hironobu Sakaguchi]

^^
طبعا لو لعبتها بوقتها شي ثاني
اكبر مثال عندك فف4 ... نسخة السوبر نينتندو = نسخة بلاي ستيشن1 وكانت صعوبتها مبكية... لما نزلت على البيسب حسيتها تافهة بالرغم من وجود صعوبة ... ودورت بالنت على كلام رسمي حول الصعوبة ما شفت اي شي ... مافي غير نسخة الدي اس الي زادوا صعوبتها

يعني احيانا العاب قديمة تكون سهلة في وقتنا الحالي لزيادة خبرة في هذا النوع من الالعاب واستيعاب وفهم اشياء ما كانت بذي السهولة قبل ... لا تنسى تتكلم على لعبة عمرها 11 سنة ونص بالرغم مستواها على وقتها وان كانت اسهل فف مقارنة ب 7 و8 , اذا بديهيا الان تصير اسهل واسهل واسهل

لكن انك تمل!!! هذه صعبة ... اللعبة متكاملة من جودة جرافيكس وقصة واصوات وحيم بلاي ممتع ... اعتبر نفسك جالس تعيش رحلة اسمها فف9 وعيش كل لحظة طالما اهم شي وهو الجيم بلاي ماشي معاك, احسن من انك تضيع عمرك على تلفيل لفترة طويلة ولما ترجع للقصة تكون بديت تنساها بشكل طفيف 🙂

 

[Hironobu Sakaguchi]

اوكي اخذت اول كراون
ما توقعت اني اقدر اسوي اكويب لكل الفريق... توقعت واحد بس والبقية شي ثاني او ان اشيله من الشخص الاول واحطه للاعب ثاني....
الشي الثاني ابجريد الكراون... شكل التاج لازم اعبيه كله عشان يصيرله ابجريد؟ ما يكفي احط الي عندي عشان يقويه الى ان اكمل الخانات؟

 

[AHMAD PLUS]

خلصت الدسك الاول من فف 9 , ثيم معركة باتريكس امتلاك @@

 

[Rookie]

اليوم خلصت فف13 (أول فف أخلصها = إنجااز 🙂 )

النهاية محبطة بشكل -.-"، كثير أسئلة ببالي ما لقيت إجابتها، وغير الأسئلة اللي طلعت من النهاية نفسها ..

 

[Sora Diersly]

اوكي اخذت اول كراون
ما توقعت اني اقدر اسوي اكويب لكل الفريق... توقعت واحد بس والبقية شي ثاني او ان اشيله من الشخص الاول واحطه للاعب ثاني....
الشي الثاني ابجريد الكراون... شكل التاج لازم اعبيه كله عشان يصيرله ابجريد؟ ما يكفي احط الي عندي عشان يقويه الى ان اكمل الخانات؟

ايه هذا اللي اسأل عنه انا برضوا xD وش قصة الأكويب.. يعني ماادري هل تقدر تتنقل بين القُبعات بحرُية؟ وإلا اللي يلبس كراون معين يثبت معاه؟ وإلا كيف آلية التغيير واستخدام الموضوع في صالحك؟
من ناحية تعبئة الكراون, لازم يكون كامل يالله يرتفع مستواه. عرفت اللحين وش قيمة المستطيلات الخضر P: ؟؟ ترى تحصيلهم شوي صعب. بس اعتقد تلاقيهم داخل القلعة بنسبة اكبر من على الخريطة في ذيك المنطقة, نظرا لضعف الوحوش

 

[Hironobu Sakaguchi]

^^
واضح اقدر اغير زي ما ابي من كثر الكراونز الموجودة... لكن الابجريد لها راح يختلف من شخص لشخص
واصل عند قلعة الرمل وابي اجيب سحر water مو عارف من وين -_-

 

[Gon freeces]

قصة فف9 كئيبة شويتين,ليش كل الناس تموت و دول تنقصف ,الحين في سايدكويست لفيفي بديسك 3 هل مرة الloot خرافي؟ نفسي أروح له بس أخاف يجيني اكتئاب,فيفي يحزني =( ,لمن تكون بترينو


اللعبة مرة مرة موزونة و well designed ممكن أحسن من أي فف ثانية ,مشكلتها إن زي 13 مافي أي شي جديد ما شفته قبل بالسلسلة.

 

[Sora Diersly]

^^
واضح اقدر اغير زي ما ابي من كثر الكراونز الموجودة... لكن الابجريد لها راح يختلف من شخص لشخص
واصل عند قلعة الرمل وابي اجيب سحر water مو عارف من وين -_-

مافيه ووتر P: صدقني حفرت المنطقة من كثر الفرفرة. مافيه مويه! الطريقة الوحيدة انك تروح للديرة الثانية وتطلع للبياعة وتشتري منها حجر دائزي اسود, هذا elemental item تقدر تستخدمه من قائمة الـ items ويعطيك تأثير مائي على العدو, بس ترى راح يخليك تبيع حجرك كله P: الحبة منه بـ 300 جيل. اقترح انك تاخذ 4 حبات ولما تروح للزعيم خذ لك علاجات للـ blindness وخلي شخصية وحدة تتكفل بالموضوع اثناء المعركة والباقين يضربون (هذي استراتيجية الشخصية)

 

[Punished Noctis]

اليوم وقعت على هذا الترايلر

محتوى مخفي: سبولير كريسس كور كاملة @@

[video=youtube;p5D-8HDazuw]http://www.youtube.com/watch?v=p5D-8HDazuw[/video]
جميل ! من اجمل الترايلرات التي شاهدتها على الإطلاق و دمعت بدون ان اشعر و انا اشاهده 🙁 , الستوري تيلينج و الاخراج بهذه اللعبة شيئ جبار ... من ناحية أخرى وش تحس فيه سكوير :laugh:: مشهد النهاية في ترايلر ؟ :laugh::

 

[Yuki]

^ من كل جزئية في لعبة عرضوا مشهد حتى النهاية لول ايش بقى من اللعبة ؟ انا حرمت على نفسي اشوف ترايلرز من سكوير من بعد عروض XIII .

 

[hussien-11]

لوول يمكن التريلر fan made خالد !

 

[Sora Diersly]

^
يس فان ميد واضح, سكوير مستحيل تنزل تريلر مدته 4 ونص. هذي تقريبا مدة السي جي ـهات في اللعبة كلها XD

-----------------

انا قاعد اكمل فف هيروز اللحين. استمتاااع 🙂

 

[Yuki]

^ عادي سكوير نزلت ترايل قصة مدته 7 دقايق من XIII و ترايلر اخر مدته 5 دقايق فيه مشاهد من شابتر 12 لول ما استغرب اذا هذا مو فان ميد

 

[dro]

لوول يمكن التريلر fan made خالد !

يس فان ميد واضح,

ما اعتقد احسه من الأخراج بتوقيت الأغنية على المشاهد و الجيم بلاي انه رسمي مو Fan Made هذا با الأضافة إلى نهاية العرض ظهر الأعلان عن بندل و موعد الأصدار و مكتوب على العنوان التريلر " الأخير " لهذا مو مستغرب لو كان رسمي

سكوير مستحيل تنزل تريلر مدته 4 ونص

تريلر FFXIII في TGS 2009 و Versus XIII في مؤتمر Square Enix و TYPE - 0 و فيلم FFVIIACC و FFVII Dirge of Cerberus يسلمو عليك :

تعديل :

سبقني a ... اقصد Yuki :sarcastic:

 

[Punished Noctis]

لول صعب يكون فانميد .. و الا فهو فانميد رهيب جدا @@ ... اصلا ستايل الترايلر يذكرني بتريلر رهيب آخر لفاينل 13 حرق نصف اللعبة (&) .

تعديل : هذا الذي كنت اقصده :laugh::

محتوى مخفي: سبولير فف13

[video=youtube;eJPbozRomX4]http://www.youtube.com/watch?v=eJPbozRomX4[/video]