الموضوع الرسمي ماراثون سلسلة Final Fantasy

[Sonic]

^

تتوقع تستاهل اشتري PSP عشانها ؟

 

[Punished Noctis]

^
تستاهل جدا ! و فوقها في العاب أخرى ممتاز للبسب :
كينجدوم هارتز بيرث باي سليب
فالكريا كرونكيلز 2
فاينل فانتزي تاكتيكس و اوجر تاكتيكس
جاد اوف وور بجزئيها
بيرسونا 3 بورتابل - افضل آر بي جي هذا الجيل -
فاينل فانتزي تايب زيرو قريبا

 

[hussien-11]

فاينل فانتزي تايب زيرو قريبا

يمكن ما تنزل عالـPSP *_*

 

[Rookie]

مكتبة سكوير بروحها تستاهل تشتري الجهاز عشانها ..


عاد للحين مو عارف ألعب شنو أول: كرايسس كور ولا فف7؟


-اللي يلعب كرايسس كور بتحترق عليه تويستات فف7 وبيحس بداونجريد مع فف7
-اللي يلعب فف7 بتحترق عليه نهاية كرايسس كور

:confuse:

 

[Punished Noctis]

لوووول فعلا ‏‏! اجمالا افضل لعب كريسس كور كبداية ‏،‏ احداثها قبل الجزء الاصلي و ترتيبها الزمني الاول ‏,‏ لكن لعها بيحرق عليك تويست حلو بفف‏ ‏،‏ بينما لعب فف‏ بيحرق كريسس كور كلها ‏.
الخلاصة ‏:‏ كريسس كور اولا ‏.

 

[صامد]

عاد للحين مو عارف ألعب شنو أول: كرايسس كور ولا فف7؟

:confuse:

العبها مثل ما المطور يبغاك تلعبها..دائمًا العب اللعبه على حسب ترتيب موعد اصدارها فف7 وبعدين كرايسس كور.

 

[hussien-11]

العبها مثل ما المطور يبغاك تلعبها..دائمًا العب اللعبه على حسب ترتيب موعد اصدارها فف7 وبعدين كرايسس كور.

نفس الرأي هنا .

 

[hunn hp]

السلام عليكم يأخوان لعبت فف10 إجازة السنه الماضية ووقفتها مره كانت صعبه وقفت عند الماكان المظلم اللي فيه برق ومطر وفيه وحوش ترفع الظغط *-* وحابه أعيدها هاذي الإجازة مادام مافيه ألعاب فيها قصص مشوقة وش نصايحكم لي من كثرة الوحوش والمعارك

 

[hussien-11]

نصيحتي أختي : في كل مكان جديد توصليه ، ارفعي ليفل الشخصيات قد ما تقدري

كيف ؟ كل مكان فيه وحوش ، فيو أيضا sphere للتخزين ، كرة التخزين هذي بترجع الطاقة لكل الشخصيات بالكامل

ادخلي معارك و دربي الشخصيات بعدين ارجعي عند السفير و خزني و ارجعي قاتلي و هكذا

طبقي هالشي لمدة لا تقل عن ساعة-ساعتين في كل مكان جديد و اذا شفتي المكان صعب زيادة طولي أكثر

و رح تلاقي شخصياتك صارت قوية و صرتي تهزمي الوحوش بسهولة

اذا احتجتي مساعدة ضد الزعماء احكي وكل زعيم عنده طريقة تخليه سهل أو تقلل من خطورته ، المعارك استراتيجية بشكل كبير

حاولي تخلصي اللعبة لأنها تمتلك قصة رائعة و مشوقة و من أفضل قصص الألعاب إجمالا ، خصوصا النهاية .
​

 

[Mesharey]

مع اني خلصت فاينل 10 قبل أشهر بس ودي العبها مرة ثانية T_T
بس بظل صامد على أمل نسخة هش دي بمعرض طوكيو ..

 

[dro]

عاد للحين مو عارف ألعب شنو أول: كرايسس كور ولا فف7؟

العب FFVII ثم العب Crisis Core FFVII .. اصلا حلاة CC انك تلعبها بعد VII و اترك رأي النوب Haibara ( & )

 

[Raulioo]

حاول أنك تجمع نقاط الـAP حق الاسلحة عندك حتى تتعلم الحركات اللي فيهم.
وحتى, تقدر تشرد من المعركة إذا ضغطت L1 + L2 + R1 + R2 مع بعض وسط المعركة , تقريباً ما تترك Gil وراك إذا هربت كذا

ترى الجزء هذا أفضل واحد بالنسبة لي ^^
والـمهمات ما شفت أي لعبة سوت مهمات جانبية بنفس هذا المستوى الصراحة ^_^
P.s.
Kuja مهما يلبس مهما يسوي لسة هو من المفضلين عندي .

نظام تطوير الاسلحة والقدرات وتعلم الاسحار عجبتني بصراحة واحسها اعمق وامتع بمراحل من فف8 و فف10 ، والقصة مزيج من الكوميديا والدراما بشكل متزن وجذاب مع حوارات وتصرفات فكاهية تجبرك عالابتسام.. كل شي فاق توقعاتي باللعبة وغطى تماما على داون جريد الرسوم بس اللي اكرهه بشدة لما اكون ضايع بالوورد ماب وكل ثانيتين اطيح بمعركة عشوائية 🙁
بعدين كل هالازرار فقط عشان اهرب..! هذه طريقة مشروحة باللعبة ولا حد اكتشفها بالصدفة ولا كيف @@
عموما فيه شي زاعجني باللعبة ، بنقاط التخزين لما اختار Tent يناموا الشبيبة بالمخيم بس بعدها ما يحدث اي تغيير ؟! لا يمتلي عداد الـ HP ولا MP ولا حتى تختفي الحالات المرضية من لاعبيني..وطبعا تينت كامل يضيع مني @@
حاليا انا عند Iifa Tree وبالتحديد عند المجرم Soulcage .. المشكلة انه بعيد عن التخزين فخسارة وحدة يخليك ترجع وتبدأ من مسافة بعيدة ومزعجة ، اكره شي فيه ضربة الديث ليفل 5 اللي يبدأ فيها..نص الفريق عالأقل يروح فيها ولين ما انظم الصفوف وارجعهم للحياة يستغل ذا الشيطان الفرصة ويجرب علي كل ضرباته 🙁
عموما ما ابغى حد يشرح لي استراتيجيته او اي شي يخص نقاط ضعفه لأن ببالي فكرة متحمس اطبقها فيه لكن حاليا ما بقدر اشغل الجهاز فقلت اشكي الحال هنا...p=
تحرير : على فكرة ليفلاتي ما فيه ازفت منها ، معتمد بشكل كبير عالهروب بهالجزء ، وكل معركة زعيم تحسسك انها نهاية اللعبة من صعوبتها p=

 

[hussien-11]

مع اني خلصت فاينل 10 قبل أشهر بس ودي العبها مرة ثانية T_T
بس بظل صامد على أمل نسخة هش دي بمعرض طوكيو ..

حتى انا مثلك نفسي ألعبها مرة ثانية ! لكن قاعد أعيد بعض الأجزاء الثانية قبلها لأنه لو مسكت10 ما في أمل أتطلع على جزء ثاني lol

ما أتصور نشوف نسخة HD بوقت قريب ما بعرف ليش : (

بيصير لازم تعديل لعروض الـCG + اللعبة كان فيها مناطق ثنائية الأبعاد و بيحتاجوا يصمموها من أول و جديد بالكامل

فف12 أسهل بكثير انهم يسوولها HD Remix .

 

[hussien-11]

نظام تطوير الاسلحة والقدرات وتعلم الاسحار عجبتني بصراحة واحسها اعمق وامتع بمراحل من فف8 و فف10

تعال يا أبو العمق P: وين العمق في نظام اللعب بـ9 ؟ يمكن أبسط نظام بكل الأجزاء ثلاثية الأبعاد ، 8 بالتحديد أعمق بمراحل مع نظام الجانكشن و قدرات الـGF's .

 

[Raulioo]

تعال يا أبو العمق P: وين العمق في نظام اللعب بـ9 ؟ يمكن أبسط نظام بكل الأجزاء ثلاثية الأبعاد ، 8 بالتحديد أعمق بمراحل مع نظام الجانكشن و قدرات الـGF's .

المصيبة اللي متذكره هو العاشر .. الثامن ما متذكر غير اني ما واجهت مشاكل معاه عشان كذا حطيته بالجملة p=
بصراحة العاشر اشوفه الاسهل والمباشر اكثر بينهم ، التاسع بالكم ساعة الاولى ما كنت فاهم كل شي فيه لين ما خذيت لي فترة تأمل بالقوائم بعدها استوعبت الموضوع @@
الثامن كان نفس الشي ، كل اكويبمينت كان له اهمية بالاسحار والقدرات ؟

 

[hussien-11]

الثامن كان نفس الشي ، كل اكويبمينت كان له اهمية بالاسحار والقدرات ؟

لا ، نظام 7 هو المقارب ( الماتيريا ) ، لكن الماتيريا أفضل و أعمق بكثير و لا يمكن المقارنة
لازمك تلعب فف7 ضروري .

edit : بـ8 كنت تركب ماجيك على كل الـstats عند الشخصيات و أيضا كنت تستخدم الماجيك للعناصر الهجومية و الدفاعية، و تلفل وحوش الاستدعاء و قدراتهم كانت فتح خيارات كثيرة باللعب ( مثل صنع الماجيك من الأدوات ) .

 

[Hironobu Sakaguchi]

^

تتوقع تستاهل اشتري PSP عشانها ؟

اول مرة شريت بيسب كان مستعمل عشان خاطر كرايسس كور :smug: -بس انسرق :annoyed: -
وثاني مرة شريته قبل فترة عشان فف4 كومبليت كوليكشن 😎:
وبكل الحالات مافي ندم :inlove:

ما اعتبر كرايسس كور حرق ل فف7 , صحيح انها بريكويل بس الغرض ازالة المجهول في القصة الاساسية في فف7
والان راح يصير في منطقية اكثر لما تلعب القصة بالترتيب.. حلو تواصل الاحداث خصوصا بينهم 10 سنين :crying:

 

[Raulioo]

لا ، نظام 7 هو المقارب ( الماتيريا ) ، لكن الماتيريا أفضل و أعمق بكثير و لا يمكن المقارنة
لازمك تلعب فف7 ضروري .

edit : بـ8 كنت تركب ماجيك على كل الـstats عند الشخصيات و أيضا كنت تستخدم الماجيك للعناصر الهجومية و الدفاعية، و تلفل وحوش الاستدعاء و قدراتهم كانت فتح خيارات كثيرة باللعب ( مثل صنع الماجيك من الأدوات ) .

طيب بالتاسع ممكن تدمج اكثر من اكويبمنت وتصنع لك واحد بيتيح لك اسحار/سكيز/قدرات مختلفة وجديدة ..يعني نفس الشي تقريبا ، عموما يبقون كلهم سهلين بشكل عام وصعب تقارن بينهم حتى p=
الترانس نظام اهبل وما مستفيد منه اي شي الى الآن 🙁

 

[hussien-11]

ما اعتبر كرايسس كور حرق ل فف7 , صحيح انها بريكويل بس الغرض ازالة المجهول في القصة الاساسية في فف7

بس فيه حرق لأشياء فرعية أخرى كثيرة .

الترانس نظام اهبل وما مستفيد منه اي شي الى الآن 🙁

فعلا عشوائية الترانس كانت تضايقني ، الليمت بريك بالأجزاء الثانية أحسن ، لكن المهم انه فيه ليمت بريك ( ان شالله ما ينسوا يحطوه بالجزء الجاي -_- )

 

[Lord of Cinder]

جالس العب فف9 هالفترة...ما مستوعب كيف كنا نتحمل المعارك العشوائية بالالعاب بصراحة..ترفع الضغط بشكل اليم خصوصا بالموورد ماب وانت ما عارف الطريق ، لان الهروب مجرد سكيل عند زيدان ، ولو كان دوره متأخر بيلعب فيني العدو مثل ما يبغى ولما اهرب بيسرق له حصة من قروشي ..!
طبعا هذه اول ختمة لي لهالجزء .. مستمتع باحداث القصة والشخصيات كمان ممتازة وتتحمس تعرف عنهم اكثر ومتنوعين بشكل لافت ، بس كوجا ذا يبغاله باش مع مطرقته يعمل تايم بارادوكس ويرجع لهالجزء ويراويه دواه عشان يحرم لبس الشواذ ذا..!

لعبت فف 10 ؟ يا شيخ تكسر اليد من كثرة المعارك العشوائية

 

[Lord of Cinder]

السلام عليكم يأخوان لعبت فف10 إجازة السنه الماضية ووقفتها مره كانت صعبه وقفت عند الماكان المظلم اللي فيه برق ومطر وفيه وحوش ترفع الظغط *-* وحابه أعيدها هاذي الإجازة مادام مافيه ألعاب فيها قصص مشوقة وش نصايحكم لي من كثرة الوحوش والمعارك

شيء بسيط لازم تسويه ، ومايشترط كثرة التلفيل ، فقط نصف ساعة ، في الاسلحة حطي الاسلحة اللي فيها water او فيها خاصية تستخدم الماء لانها اقوى مضاد للوحوش في المنطقة + تسلحي بدروع مضادة للبرق ، كيف تعرفي الدرع فعال ضد البرق ولالا ؟ اذا شفتي Lightning من بين خصائصه ، واستعملي السحر الابيض Nulshock عشان يكون مضاد لاي هجوم فيه برق . وبعدها راح تعدي المنطقة في ثلث ساعة بالكثير .

 

["Shadow"]

السلام عليكم يأخوان لعبت فف10 إجازة السنه الماضية ووقفتها مره كانت صعبه وقفت عند الماكان المظلم اللي فيه برق ومطر وفيه وحوش ترفع الظغط *-* وحابه أعيدها هاذي الإجازة مادام مافيه ألعاب فيها قصص مشوقة وش نصايحكم لي من كثرة الوحوش والمعارك

فف 10 اللعبة راح تصير سهلة لو استغليت نقاط ضعف الأعداء الإيلمنت وقدرات واكا (اي وحش يعتمد على الهجوم استخدم علية بليند ) قبل فتره لعبة اللعبة للمرة الثانية وصلت نص اللعبة بدون ما تموت ولا شخصية بخصوص الزعماء لازم ترفع اللفيل 🙂

اذا انت بالمحل اللي فيه صواعق وريكوا تخاف XD استخدم قدرت يونا اللي تسوي حماية من اللايتننيق جدا مفيدة

 

[hunn hp]

شكرا جدا للمساعده ^^ وراح أبدأ فيها من جيديد وبنصايحكم أول مأخلص وأي شي راح أرجع لكم مشكوريييييين

 

[FAROOS]

السلام عليكم يأخوان لعبت فف10 إجازة السنه الماضية ووقفتها مره كانت صعبه وقفت عند الماكان المظلم اللي فيه برق ومطر وفيه وحوش ترفع الظغط *-* وحابه أعيدها هاذي الإجازة مادام مافيه ألعاب فيها قصص مشوقة وش نصايحكم لي من كثرة الوحوش والمعارك

اليوم واصل نفس هذا المكان استخدمي استداعاء Ixion راح يخليهم اسهل من السهل .

 

[key_san]

نظام تطوير الاسلحة والقدرات وتعلم الاسحار عجبتني بصراحة واحسها اعمق وامتع بمراحل من فف8 و فف10 ، والقصة مزيج من الكوميديا والدراما بشكل متزن وجذاب مع حوارات وتصرفات فكاهية تجبرك عالابتسام.. كل شي فاق توقعاتي باللعبة وغطى تماما على داون جريد الرسوم بس اللي اكرهه بشدة لما اكون ضايع بالوورد ماب وكل ثانيتين اطيح بمعركة عشوائية 🙁
بعدين كل هالازرار فقط عشان اهرب..! هذه طريقة مشروحة باللعبة ولا حد اكتشفها بالصدفة ولا كيف @@
عموما فيه شي زاعجني باللعبة ، بنقاط التخزين لما اختار Tent يناموا الشبيبة بالمخيم بس بعدها ما يحدث اي تغيير ؟! لا يمتلي عداد الـ HP ولا MP ولا حتى تختفي الحالات المرضية من لاعبيني..وطبعا تينت كامل يضيع مني @@
حاليا انا عند Iifa Tree وبالتحديد عند المجرم Soulcage .. المشكلة انه بعيد عن التخزين فخسارة وحدة يخليك ترجع وتبدأ من مسافة بعيدة ومزعجة ، اكره شي فيه ضربة الديث ليفل 5 اللي يبدأ فيها..نص الفريق عالأقل يروح فيها ولين ما انظم الصفوف وارجعهم للحياة يستغل ذا الشيطان الفرصة ويجرب علي كل ضرباته 🙁
عموما ما ابغى حد يشرح لي استراتيجيته او اي شي يخص نقاط ضعفه لأن ببالي فكرة متحمس اطبقها فيه لكن حاليا ما بقدر اشغل الجهاز فقلت اشكي الحال هنا...p=
تحرير : على فكرة ليفلاتي ما فيه ازفت منها ، معتمد بشكل كبير عالهروب بهالجزء ، وكل معركة زعيم تحسسك انها نهاية اللعبة من صعوبتها p=

الله يعينك على كذا حاول أنك تدرب أو على الاقل تتعلم بعض الحركات , من أهمهم الـSummons حق Eiko و Dagger ( إلا إذا كنت تغير أسامي الشخصيات >>> lol , قاعد اتخيل زيدان أحط أسمه محمد ^^ )
أو حتى خل Quina تاكل بعض الوحوش في المكان حتى تتعلم بعض الحركات مالتهم , بعض الاعداء يعطوك سهر Mighty Guard وهو يعطي الفريق سحر Protect & Shell
هذا السحر بيسهل الفوز على فريقك.
وهذا شي يعتبر شوي Side Quests فبحطه داخل

محتوى مخفي: روح

الـQu March حاول تجمع ضفادع هناك لأنك كل ما تجمع عدد معين تكسب هدايا = أدوات

ونصيحة مني لما تتقاتل مع الزعيم في Lifa Tree حط Eiko معاك في الفريق , إذا تسأل ليش بقولك يصير شي بعض الاحيان ^_^
_________________________

وأنا أكتبلك ذا الكلام تحمست ألعبها مرة خامسة ^^
مافيها أي إجابية بالنسبة لي , كل شي فيها ممتاز
بس في شي ما عرفتته.

على أي أساس لما تتبارى بطاقتين تفوز وحدة على الثانية ؟؟
مرة بطاقة فيها X والارقام 0
هزم بطاقة M فيها أرقام 1 و 2 😵

 

[Mesharey]

اليوم واصل نفس هذا المكان استخدمي استداعاء Ixion راح يخليهم اسهل من السهل .

اي صح أول مرة لعبتها استعملته ولما يضربونه يزيدون طاقته D:

 

[key_san]

يوم من الايام كنت معصب في وحدة من الهوشات ( أتوقع ذاك التنين اللي يفلعك Thundaga وتموت )
وضغطت الازرار ورى وأشوف الشخصيات تهرب الشخصيات

معلومة إظافية.
الاربعة أزرار لو تضغطهم أربعتهم + start + Select راح يطلعك برى اللعبة إلى القائمة الرئيسية
هذي كل العاب الـJRPG أيام أول تستوي فيهم هذي الحركة

+

شي أخير ’ لما تحط Eiko معاك ركب لا الاداة Phoenix Pinion لها , OK ؟؟

 

[Hironobu Sakaguchi]

فف4 ... سويت ذكي ودخلت Lunar Ruins وقلت خلني الفل وبعدها ادخل اكمل
اتاري المنطقة ادخلها ومافيها خروج الا لما اعديها كلها!!!

بغض النظر نسخة البيسب اسهل من نسحة الدي اس, هذا الكهف لوحده كفاية يشيب الراس @_@

 

[hussien-11]

شباب فيه أحد جرب فف13 النسختين ؟

أحس نسخة الـPS3 أسهل ! موصل شابتر 10 و فيه وحوش أذكر طلعوا روحي بنسخة الإكس بوكس

أما هنا قاعد أمشي و ماخذ راحتي ! يا ترى هو فيه فرق فعلا بالصعوبة و لا ايش ؟

 

[Punished Noctis]

^
فعلا !! انا انهيت نسخة البس3 بسهولة جدا .. حاليا العب نسخة الاكس و هي اصعب @@ و هناك فارق خصوصا بـ HP الوحوش .. اشعر انه اعلى بكثير بنسخة الاكس ..