الموضوع الرسمي ماراثون سلسلة Final Fantasy

[The Doctor]

أنا في Paramina Rift ما أبغى أكمل عشان لا يروح Larsa اللي أحس أبحتاجه ل

Cuchulainn :\
​

 

[The Doctor]

يسسسسسسسسسسسسسسسسسسسسسسس
قتلت

Cuchulainn

كانت معركة عظيمة​

 

[H.Messi]

اخذت السفينة

افضل لعبة لعبتها من شهوووووور .... سكوير اذا تبغى تسوي شيء محترم ترجع تشوف العابها السابقة و تقتل المنجم

 

[Rain]

لا لا لا توجه سكوير رااائع ومافيه شيء خطأ :inlove:

 

[Veeto]

الله يسامحك يا حسين .. خليتني ادور - بعبارة اصح اشحت - فاينل 13 من كل معارفي الى ان لقيتها
طبعا اول ما نزلت على ايامها استعرتها من واحد لاني ما كنت مصدق الذم اللي حصلته
7-9 ساعات كافية لرميها ومسحها من ذاكرتي .. لدرجة اني الحين حتى اسامي الشخصيات نسيتهم :laugh::

فالتجربة الحين فريش على قولتهم .. باختصار .. انا متحامل على نفسي اني اواصل .. واول مرة اعيش هالاحساس ويا فاينل !

وصلت الى تشابتر 4 على ما اظن .. المرحلة اللي يستخدمون فيها الطائرة والملاحقة وهالامور

مو متخيل كم الاخطاء اللي وقعت فيها سكوير مع 13 .. الشخصيات كلهم بلا استثناء مضجرين
لايتننج نوعا ما جيدة .. بس ليش اهتم فيها ؟! والقصة للحين ما ادري ويش صاير ولا ادري باي شي عن (( الثيم العام للعبة ))

فوضى وضياع وتشتت كبيرين مو عارف ليش .. اوكي الليفل ديزاين خلاص تقبلته نوعا ما
الكومبات سيستم مغطي ومكفي وموفي .. مع اني للحين في (( التيوتوريالز )) اللي ما تخلص بس الافكار اللي فيه خلابة وجميلة
مع اني اعتقد انه محتاج لمسة اخراجية مختلفة .. احس بفوضى وما ادري ويش صاير في المعركة اصلا
يمكن هالشي لان السيستم واجد سريع وفيه كم حركة اتمنى تصير ستاندرد .. سالفة الاوتو اتاك بالبداية كنت متضايق منها
لكن فعلا هي الخيار الاصح لهالامور .. وحركة (( الليبرا )) .. قعدت اصفق فيها فعلا فعلا .. قرارات جريئة وصحيحة في الكومبات سيستم

نجي للنقطة المضيئة .. ليش سكوير صارفة فلوس ومسوية عروض سينمائية ؟!
لو مستخدمة الانجين للعبة نفسها .. اعتقد انها بتدعس وتشلخ اغلب العاب هالجيل .. الجرافيك صرعة مو صدمة
العروض مذهلة جدا جدا ومتقدمة عن الاندستري بقروون مو سنين .. سكوير في هالجانب ما توقف من الاذهال والابهار

كل شيء ليه علاقة بالجرافيك واااو واااو وااو

بالمختصر هذي مو فاينل اللي انا اعرفها .. بدل ما تنغمس في عالمها .. وتنسى روحك وتعيش مغامرة / قصة / تجربة
صرت اغصب روحي غصب بالمواصلة فيها !!

 

[Rain]

^
لول مو مصدق فيتو يلعب فف13 :laugh::

عالعموم القصة باقي ما وصلت بما انك في شابتر 4
والشخصيات لسى باقي كم واحد (بالنسبة لي كانوا مقبولين جدا)

 

[Veeto]

وانا العبها الشيء الوحيد اللي اتذكره هالمقطع من فيلم باتمان - دارك نايت

I had a vision, of a world without Batman. The mob ground out a little profit and the police tried to shut them down, one block at a time. And it was so… boring.

مثلي .. قبل 15 سنة .. تخيلت فاينل فانتاسي .. بدون خريطة عالم .. بدون مدن .. بشخصيات مملة
وكانت .. مملة :laugh::

انا اعتقد ان سكوير لازم تسوي جائزة لكل واحد ينهي اللعبة !

 

[hussien-11]

فيتو انت كل ردودك عن فف13 و انت مش لاعب اللعبة أصلا !! عيب عليك !
اللعبة جيدة جدا، أكيد كـ فاينل فانتسي الطموح دائما هو لعبة أسطورية و هالشي ما تحقق هنا
لكن خفف شوية من التوقعات العالية لاسم فاينل فانتسي و رح تستمتع باللعبة
و بالمناسبة أول أربع-خمس شابترات مش حلوين كثير و كانوا بيخلوني أترك اللعبة في وقت ما، لكن بعد هيك القصة بتبدأ تتحسن و اللعبة بتسير بنسق تصاعدي، و أتوقع انك تحبها مع الوقت، لكن لا تلعبها و انت حاط ببالك نظرة سلبية بزيادة !!

بالمناسبة علشان تفهم القصة
اقرأ كل التحديثات المهمة الي تطلع لك في الـlog
خصوصا التحديثات عن الأيام الـ13 الي سبقت أحداث اللعبة، والتحديثات عن الفال-سي
لو ما بتقراهم رح تضيع و ما بتفهم شي
فـ اقراهم و رح تفهم ايش الي قاعد يصير معاك بالضبط

 

[Veeto]

فيتو انت كل ردودك عن فف13 و انت مش لاعب اللعبة أصلا !! عيب عليك !

و بالمناسبة أول أربع-خمس شابترات مش حلوين كثير و كانوا بيخلوني أترك اللعبة في وقت ما،

أشوى انك قلتها بلسانك .. هذا اللي صادني اول مرة .. طبعا الفان بويزم كان ضارب الف
وكنت اصلا منقهر من حركتهم ويا الملتي .. وان هالشيء اثر على جودة اللعبة ويعني عوامل كثيرة
خلتني اوقف وارميها وامسحها وامسح اي شيء ليه علاقة فيها من مخي

بالمناسبة علشان تفهم القصة
اقرأ كل التحديثات المهمة الي تطلع لك في الـlog
خصوصا التحديثات عن الأيام الـ13 الي سبقت أحداث اللعبة، والتحديثات عن الفال-سي
لو ما بتقراهم رح تضيع و ما بتفهم شي

الصراحة انا ضايع كليا .. واذا بقرا اللوج .. بكره اللعبة اكثر !!
انا جاي العب لو اقرء :laugh::

لكن لا تلعبها و انت حاط ببالك نظرة سلبية بزيادة

انا اصلا راجع العبها لاني ابي اطلع بانطباع ايجابي .. وغاصب نفسي
ومحاول اني (( اتعايش )) ويا بعض الامور .. سالفة الليفل ديزاين .. مثلا خلاص تقبلتها
بس فعلا .. احس روحي ضايع .. جوهر فاينل فانتاسي .. في انك تندمج او تتعايش ويا الشخصيات وقصتهم

لما لعبت 9 - وهي اقل جزء حبيته من ايام 1 - قبل فترة .. تحس بألفة غريبة مع الكاست كله
سابقا كنت امقت ستاينر .. وهذيك محاربة الدراجون .. الحين الكاست كله احبه كأنهم اصدقائك
كل واحد فيهم تحبه .. بس هذي لحد الحين مو قادر اتقبل الشخصيات .. حتى واحد منهم مو داش مزاجي
او ممكن اخليه شخصية جيدة بمعايير فاينل فانتاسي

لايتننج .. كول .. بس كول غاصبينه عليك .. عموما بحاول بالليل اعطي انطباعات اكثر .. بس لحد الحين
فعلا احيانا احس روحي مغصوب على اني اواصل فيها

 

[hussien-11]

أشوى انك قلتها بلسانك .. هذا اللي صادني اول مرة .. طبعا الفان بويزم كان ضارب الف
وكنت اصلا منقهر من حركتهم ويا الملتي .. وان هالشيء اثر على جودة اللعبة ويعني عوامل كثيرة
خلتني اوقف وارميها وامسحها وامسح اي شيء ليه علاقة فيها من مخي

نفس الشي تقريبا صار معي، بداية لعبي لهالجزء كنت متخيل شيء بمستوى الجزء العاشر من ناحية الأجواء، و لما ما صار هالشي أحبطت جدا
لكن الخطأ كان مني، في النهاية كل جزء في فاينل فانتسي هو حالة فريدة و لازم ما يتقارن مع غيره
نكهة فف10 شيء طلع مرة وحدة و ما رح ينعاد، 8 و 9 و غيرهم نفس الكلام، كل جزء هو one of a kind

الصراحة انا ضايع كليا .. واذا بقرا اللوج .. بكره اللعبة اكثر !!
انا جاي العب لو اقرء :laugh::

ليش الناس تقعد ساعات و هي تقرأ الداتالوج في ألعاب زي سكايرم و دراجون ايج و لما يجي الموضوع لفاينل تصير القراية جريمة ؟ :laugh::
عموما .. "لازم" تقرأ، هالشي مو اختياري، القصة فعليا موجودة في الداتلوج، كمية التفاصيل الموجودة في الداتالوج في غاية الأهمية، وحاول تتكيف مع قرائتها، أحسن مما انك تلعب و انت مش فاهم شيء
على الأقل مثل ما قلت لك، اقرأ ملخص الأيام الـ13، و اقرأ عن الفال-سي
و بالعكس، رح تنبسط أكثر لما تفهم اللعبة و العالم ! و تحس انه الكونسبت كان رائع، و لكن التطبيق ما كان بقدر الطموح

لما لعبت 9 - وهي اقل جزء حبيته من ايام 1 - قبل فترة .. تحس بألفة غريبة مع الكاست كله
سابقا كنت امقت ستاينر .. وهذيك محاربة الدراجون .. الحين الكاست كله احبه كأنهم اصدقائك
كل واحد فيهم تحبه .. بس هذي لحد الحين مو قادر اتقبل الشخصيات .. حتى واحد منهم مو داش مزاجي
او ممكن اخليه شخصية جيدة بمعايير فاينل فانتاسي

بصراحة أنا ما أشوف طاقم فف9 يفرق عن طاقم فف13 بشيء غير الكوميديا
طاقم فف9 لطالما كان الأضعف بالنسبة لي، ما فيهم و لا شخصية رهيبة من قلب، لدرجة انك كلاعب كنت تتمنى بياتريكس تنضم لهم لول
طاقم 13 وجهة نظري فيه كالتالي :

لايتننج : شخصية حلوة و "كوول" فعلا، لكن مشكلتها الوحيدة .. انها ما كانت صاحبة impact كبير على العالم و الأحداث زي كلاود و سكوال
سنو : ما أحبه و لا أكرهه، لكنه نوعية جديدة من الشخصيات على السلسلة
ساز : أكثر شخصية حواراتها متقنة في اللعبة، لكن دوره يضعف كثيرا "للأسف" لما تتجمع المجموعة
فانج : شخصية رائعة، يمكن الأفضل عندي : )
هوب : أسوأ شخصية في تاريخ ألعاب الآربيجي
فانيل : شخصية complex و تخفي خلفها الكثير، كان من الممكن تكون نجمة الطاقم لولا التمثيل الصوتي الي خرب الشخصية للأسف

عموما الطاقم مش سيء، صحيح شوية تنقصه الكيمستري الموجودة في طاقم 10 أو 8، لكن مع الوقت بتحس بشعور الألفة يزيد بينك و بين الشخصيات 🙂

بكل الأحوال اللعبة لسه فيها أشياء حلوة ما تشوفها إلا بألعاب فاينل فانتسي و الألعاب اليابانية بشكل عام

الآرت الخلاب ؟ كم لعبة تقدم لك منظر خرافي مثل البحيرة الكريستالية في الشابتر الثالث ؟
الموسيقى الساحرة ؟ يظل فيه مقطوعات memorable مش ممكن تنساها
الكومبات سستم ؟؟ أعتبره الأفضل من نوعه، و فيه معارك طاحنة رائعة
العروض السينمائية من الأفضل في الجيل
و اللعبة ككل تبقى لها لحظاتها الخاصة

إجمالا، يمكن تكون ثاني أكثر لعبة لعبتها على البلاي ستيشن3 بعد فيفا P:

 

[R O X A S]

شباب قاعد ألعب Final Fantasy I Anniversary
ختمت أول مهمة وهي إنقاذ الأميرة من جارلاند ، ودحين أبغى أعبي الـMP كيف ؟
و أضعف شخصية عندي هي الـRed Mage الـHP حقها قليل -_-

 

[Punished Noctis]

بصراحة أنا ما أشوف طاقم فف9 يفرق عن طاقم فف13 بشيء غير الكوميديا​

:/ ؟؟؟ فيفي من افضل شخصيات السلسلة . زيدان ارهب بطل بالسلسلة حتى اجرب 8 .

 

[R O X A S]

شباب دوبي أنفتح الجسر وأخذت السفينة بعدين وين أروح ؟

 

[Gon freeces]

يارب يوم من الأيام حركة الناس تجي تحش بلعبة و هي مهي لاعبتها توقف, يعني مو عيب تقول ما لعبتها ما بتخسر أي شي, إلا إذا انت جاي تحش عشان الحش فقط رح دور لك شي ثاني تسويه بحياتك -_-

طاقم فف9 لطالما كان الأضعف بالنسبة لي، ما فيهم و لا شخصية رهيبة من قلب، لدرجة انك كلاعب كنت تتمنى بياتريكس تنضم لهم لول

هذا هي جوهر كاست 9 محد منهم شخصية "قوية", جزء كبير من اللعبة هو عرض الidentity crisis اللي يمروا فيها كل الكاست ما عدا 2 ممكن(؟).

أبغى أحد يشرح لي سالفة ال20 ساعة تتوريل اللي الناس تتكلم عنها, إلى وين تنتهي هذي؟ أنا لعبت اللعبة و ختمتها و ما قد حسيت بإني ألعب تتوريل. تقصدوا تتعلموا الأدوار؟

سنو : ما أحبه و لا أكرهه، لكنه نوعية جديدة من الشخصيات على السلسلة

عادي قولها شخصية شونن سامجة 😛

 

[Veeto]

بصراحة أنا ما أشوف طاقم فف9 يفرق عن طاقم فف13 بشيء غير الكوميديا

االسالفة مو بس تصميم او شخصية .. السالفة كلها هالشخصيات نفسها ووجودها بالقصة وطريقة تقديم هالشخصيات اليك

كلامك بالمرة ما اتفق وياه .. لان تسلسل القصة في 9 افضل وبمراحل من 13 وهالشي انعكس على الشخصيات

زيدان مثلا .. من البداية مقدم على انه لص خفيف كوميدي لعوب .. لكنه بيسوي اي شي علشان اصدقائه
دخوله في مغامرة علشان داجر .. والغابة لما تصير حجارة في بداية اللعبة .. هالشي يعطيك صورة سريعة للشخصية
ومثلها الاميرة .. بس انها تبي تنخطف هذي من البداية تخليك متحمس للشخصية نفسها
وفيفي .. اول واحد عطوك مجال للباك ستوري مالته .. علشان تتعلق فيه .. فيه عمق للشخصيات

او ستاينر .. الكابتن المو معترف فيه واللي بيسوي اي شي لنداء الواجب بالبداية تحس انه مضجر وممل
لكنه طبيعي لشخصية مثله .. ولما يجي وقت الاختبار .. تشوفه (( يلمع )) فعليا في المراحل القادمة

حتى لو شخصيات 13 افضل - وانا اشك بهالشي - القصة نفسها واختيار الوقت الزمني لتقديم هالشخصيات في القصة ليك
كان اختيار خطأ وطريقة تقديم خطا .. ويالله قريت الداتالوج .. صراحة غباء انك بعض هالامور كلها ما قدمتها للناس بطريقة مختلفة غير وجوب القراءة

ليش الناس تقعد ساعات و هي تقرأ الداتالوج في ألعاب زي سكايرم و دراجون ايج و لما يجي الموضوع لفاينل تصير القراية جريمة ؟

ما ادري عنهم فما بحكم عليهم .. لكن هني الوضع خطأ .. انت تقرا هالامور لما تتعلق بالللعبة وعوالمهاا والخفاايا اللي فيها
واكثر من اتقن هالشيء .. كابكوم وكلاسيكيات ريزدنت .. مو واجب عليك تقرا الملفات علشان تفهم القصة
بس تقراهم علشان تتوسع آفاق فهمك للقصة والشخصيات اللي فيها .. خصوصا الرابع وااليوميات اللي فيه او حتى الخامس

لهالسبب اقول لك اليابانيين سابقا ملوك في (( الستوري تيلينج )) ما فيه احد ينافسهم
الحين لا .. واضح ان سكوير بالنسبة ليي .. كانت مراهنة واجد على (( فابيولا كريستالز ))
الظاهر كانت تخطط لبريكويل ويمكن بريكويلز بعد .. مو بس واحد لان فعلا لما قرات حسيت انهم تعبوا واجد
في وضع الخطوط العامة للقصة والعالم اللي فيها .. بس للاسف ما نجح المشروع في بلورة هالفكرة صح

اتمنى يعيدوا نفس الفكرة للجيل الجاي .. بطريقة اكثر احكام .. للاسف مع تكاليف التطوير هالايام
مستحيل سكوير تقدر تعيد تقديم اللي سوته في جيل البلاي 1 .. ثلاث العاب بثلاث عوالم مختلفة

 

[Rookie]

يارب يوم من الأيام حركة الناس تجي تحش بلعبة و هي مهي لاعبتها توقف, يعني مو عيب تقول ما لعبتها ما بتخسر أي شي, إلا إذا انت جاي تحش عشان الحش فقط رح دور لك شي ثاني تسويه بحياتك -_-



هذا هي جوهر كاست 9 محد منهم شخصية "قوية", جزء كبير من اللعبة هو عرض الidentity crisis اللي يمروا فيها كل الكاست ما عدا 2 ممكن(؟).

أبغى أحد يشرح لي سالفة ال20 ساعة تتوريل اللي الناس تتكلم عنها, إلى وين تنتهي هذي؟ أنا لعبت اللعبة و ختمتها و ما قد حسيت بإني ألعب تتوريل. تقصدوا تتعلموا الأدوار؟


عادي قولها شخصية شونن سامجة 😛

سالفة التتوريال اللي أرعجونا فيها مع فف13 هي إن أول 5 ساعات تقريبًا يعلمونك الأشياء الأساسية وبعد 20 ساعة يتيحونلك تغير البارتي، فالهيترز اللي كانوا ناطرين أي زلة من اللعبة اعتبروا الفترة هذي جزء من التتوريال وصار اللي صار...

 

[Veeto]

يارب يوم من الأيام حركة الناس تجي تحش بلعبة و هي مهي لاعبتها توقف, يعني مو عيب تقول ما لعبتها ما بتخسر أي شي, إلا إذا انت جاي تحش عشان الحش فقط رح دور لك شي ثاني تسويه بحياتك -_-

أبغى أحد يشرح لي سالفة ال20 ساعة تتوريل اللي الناس تتكلم عنها, إلى وين تنتهي هذي؟ أنا لعبت اللعبة و ختمتها و ما قد حسيت بإني ألعب تتوريل. تقصدوا تتعلموا الأدوار؟


😛

ما ادري ويش تبيني اقول .. انا الحين 4 ما ادري 5 ساعات .. تيوتوريل ورا تيوتوريال
شيء غريب ان اللاعبين وياي في نفس الجروب ويطلع ليي - لا يمكنك الآن اختيارهم -

او اني (( اخلص )) كل التطويرات اللي عندي لالواح الشخصيات .. وانتظر لمرور القصة والتيوتوريالز علشان يطلع ليي شيء جديد

اوكي الكومبات سيستم عميق وهالامور .. لكن ليش ما خليت هالشيء بتسارع اكثر يعني اول المعارك عساها تاخذ ساعة
كلها بس تيوتوريالز

 

[hussien-11]

االسالفة مو بس تصميم او شخصية .. السالفة كلها هالشخصيات نفسها ووجودها بالقصة وطريقة تقديم هالشخصيات اليك

كلامك بالمرة ما اتفق وياه .. لان تسلسل القصة في 9 افضل وبمراحل من 13 وهالشي انعكس على الشخصيات

ما أختلف معاك أبدا انه تسلسل القصة في 9 أفضل، و في أي جزء ثاني حتى، 13 كان فيها مشاكل بالـpace
عموما، هذا شيء و الشخصيات شي ثاني
و بالمناسبة أنا ما أقول انه طاقم الشخصيات في 13 أحسن من 9، لكن هم مشابهين بنقطة عدم وجود شخصية مميزة زيادة بينهم، زي كلاود او سكوال أو أورون
عموما، طاقم 13 رح تتقبله و تتعود عليه أكثر من الوقت، أنا ما حبيته كـ كاست كامل بشكل حقيقي طوال اللعبة، لكن ببعض الأوقات حبيت بعض الشخصيات مثل ساز و فانج بشكل كبير

ما ادري عنهم فما بحكم عليهم .. لكن هني الوضع خطأ .. انت تقرا هالامور لما تتعلق بالللعبة وعوالمهاا والخفاايا اللي فيها
واكثر من اتقن هالشيء .. كابكوم وكلاسيكيات ريزدنت .. مو واجب عليك تقرا الملفات علشان تفهم القصة
بس تقراهم علشان تتوسع آفاق فهمك للقصة والشخصيات اللي فيها .. خصوصا الرابع وااليوميات اللي فيه او حتى الخامس

أيضا ما أختلف معاك و سبق و انتقدت هذه النقطة كثيرا في الماضي، لكن عموما حصل ما حصل، و حتى تلعب اللعبة و انت فاهم القصة تمام، استمر بقراءة الايام و الفال-سي علشان تبقى فاهم الصورة العامة

لهالسبب اقول لك اليابانيين سابقا ملوك في (( الستوري تيلينج )) ما فيه احد ينافسهم
الحين لا .. واضح ان سكوير بالنسبة ليي .. كانت مراهنة واجد على (( فابيولا كريستالز ))
الظاهر كانت تخطط لبريكويل ويمكن بريكويلز بعد .. مو بس واحد لان فعلا لما قرات حسيت انهم تعبوا واجد
في وضع الخطوط العامة للقصة والعالم اللي فيها .. بس للاسف ما نجح المشروع في بلورة هالفكرة صح

بالنسبة لي لا زال الأفضل، أنا أحب الستوري-تيلنج في الألعاب اليابانية مو لأنه الأكثر احترافية، و لكن لأنه الأكثر سحرا و جاذبية
يمكن سكوير ما قدرت تواصل هالشي بنفس الكفاءة المعتادة
لكننا حصلنا على ألعاب مثل كرايسس كور - هوتل دسك - 999 - فينكس رايت
هذي الألعاب كلها تتجلى فيها روعة الستوري تيلنج الياباني بأبهى صورة، و تخلق لك ذكريات ما في منتج ثاني يقدر يعطيك مثلها، و لا حتى الأفلام و المسلسلات، و هذا الي خلانا فانز لألعاب الفيديو في المقام الأول 🙂

سالفة التتوريال اللي أرعجونا فيها مع فف13 هي إن أول 5 ساعات تقريبًا يعلمونك الأشياء الأساسية وبعد 20 ساعة يتيحونلك تغير البارتي، فالهيترز اللي كانوا ناطرين أي زلة من اللعبة اعتبروا الفترة هذي جزء من التتوريال وصار اللي صار...

أول شابترين ما فيهم exp، هذولي أعتبرهم توتوريال بالكامل
لكن من الشابتر الثالث و طالع فأنت تاخذ exp و تلفل و هنا تعتبر بداية لعب مش توتريال
أما انه اللعبة ما تعلمك كل شي مرة وحدة و انما على درجات لحد ما توصلك للبارتي كاملا، فهذا المفروض يكون ميزة مش عيب، غير انه نظام القتال على أية حال .. نظام جديد و مبتكر و ما كان فيه شيء يشبهه من قبل، و شيء طبيعي يخلوا اللعبة تعلمك اياه بالتدريج، هم خلوا اللعبة جدا Accessible بهذا الجزء، لكن الواحد يحزن لأنه التطبيق ما كان بيرفكت زي العادة .. و الرتم افتقد التنويع المعتاد و القصة ما تم تقديمها بالتكامل المعهود، و لا كنا بنطلع بأحسن جزء في السلسلة على روعة الكونسبت و الجو العام و الآرت و نظام القتال الخيالي

و صحيح، شابتر 11 من اروع لحظاتي في تاريخ السلسلة، كان شابتر طويل و دسم و رائع جدا جدا، و فيه أفضل منطقة في اللعبة عندي ( تايجن تاور )

 

[Gon freeces]

مو عشانها تتوريل كثر ما هو design choice أشوفه, الفريق مصمم بعض المعارك كpuzzle game و مالك إلا حل واحد تحلها (أقصد عن الexp cap) , و بعدين ما أعتقد في ناس كثير أصلا يعرفوا يستخدموا الsentinel بدون ما يشوفوا التتوريل و يقولوا "أووووووووووووه ه ه " بعدين يفهموا شالسالفة.

 

[hussien-11]

على فكرة، أنا أعتبر فف13 لعبة must buy لأي شخص عنده بلاي ستيشن3 حتى لو ما يحب الآربيجي

اللعبة جبارة بالرسوم و الآرت و فيها عروض ساحرة 1080P تحسسك بروعة التكنولوجيا في تلفزيونك ( لول ) .. غير انها تبقى مغامرة خلابة رغم كل شيء
أما نسخة الـ360 فهي أصعب و بالتالي فيها ملل أكبر و رسومها و عروضها مبكسلة و ما فيها شي يشجع، و ما تقدر تشوف الأوبننج كل ما تشغل اللعبة لأنها مقسمة على ديسكات :tongue:

 

[Veeto]

انا قررت اخفف شوي من ردودي السلبية عن 13 في هالموضوع .. لانه موضوع احتفالي بالسلسلة
وما ابي اخربه بنقاشات جانبية .. خلنا نحتفل باعظم سلسلة في عالم الالعاب افضل

عندي ملاحظة - ايجابية :laugh:: - على تصميم الشخصيات .. احس نومورا اكثر واحد بالسلسلة ينضج واخذ سالفة النكست جن صح
تصاميمه فعلا ثورية وحلوة .. خصوصا فانيل .. انيقة و (( elegent )) تصميم راقي
يعني مو كعادة اليابانيين ويا البنات مفصخة .. ولا تحسه مسونها رجال فعلا تصميم عجيب كله ذوق

لايتننج واجد خربها بقصر التنورة بس بعد حركة (( الرداء )) عجيبة عاطتنها ملمح خشن
التصاميم تحسها جزء من نضوج السلسلة للنيكست جن

 

[hussien-11]

فيتو يبدو بأنك بدأت تثوب إلى رشدك -_-

تصاميم الشخصيات دائما رائعة من نومورا و ما أتخيل ألعاب السلسلة بدونها، الشخصيات ككل في هالجزء أكبر عمرا من المعتاد، لما تبدأ تلعب يجيك شعور انك كبرت و انه الشخصيات كبرت معاك

تصميم لايتننج كان رائع جدا و صعب أنساه بالملابس البيضاء و الوشاح الأحمر الأنيق !

عموما، لما تواصل أكثر في اللعبة هات انطباعاتك، خصووووووووصا شابتر 7 و شابتر 8

 

[The Doctor]

عندي ملاحظة - ايجابية :laugh:: - على تصميم الشخصيات .. احس نومورا اكثر واحد بالسلسلة ينضج واخذ سالفة النكست جن صح
تصاميمه فعلا ثورية وحلوة .. خصوصا فانيل .. انيقة و (( elegent )) تصميم راقي
يعني مو كعادة اليابانيين ويا البنات مفصخة .. ولا تحسه مسونها رجال فعلا تصميم عجيب كله ذوق

هو كتصميم ففعلاً، نومورا سوا شغل جيدا جداً... هو بشكل عام، من ناحية مظهرية، 13 كانت ممتازة... و هنا يجي القهر على العناصر الأخرى 🙁
مع إننا نضحك و نحش في نومورا على الأحزمة و الأولاد المؤنثين، إلا إن في الواقع تصاميمه دائماً ممتازة
============

FF 12: الحين أنا متوجه للمعركة الثانية مع Gilgamesh، اللي لسبب ما، ما عمري قاتلته في المرات السابقة للعبي (الظاهر إني دائماً أسحب على الHunts لما أعلق عند واحد، لازم اسويهم بالترتيب مع الOCD (&) )...
المعركة كانت رهيبة، الموسيقى، الصوت (John DiMaggio :3 ) و مت ضحك لما طلع سيف كلاود :laugh::
على ما اعتقد القادمة بتكون أصعب، خصوصاً بعد ما تفاجأت من زيادة لفل الاعداء لما كملت في الدنجن

 

[Rain]

^
ترا مو بس سيف كلاود , سكوال و تيدوس و زيدان و اودن ايضا ..


لول اذكر الانطباعات من زملائي عن سكوال , بالبداية يقولون ايش هذا الولد المدلع و الرقيق , نفس الشيء مع تيدوس ..
يلعبوا نصف اللعبة ع طول mind-change

 

[The Doctor]

^داري، بس أول سيف يطلعه هو سيف كلاود...

 

[The Doctor]

من شوي قتلت Gilgamesh... يمكن قتالي المفضل في اللعبة

ذي خلتني أضحك :laugh:: :

 

[hussien-11]

لوول

معركة جلجامش رهيبة، غير الريمكس الرهيب للموسيقى : )
أتخيل انه عشاق الأجزاء القديمة جاهم شعور أسطوري لما لعبوا فف12 للمرة الأولى، و واضح انه ماتسونو يحبهم كثيرا

 

[Veeto]

عموما، لما تواصل أكثر في اللعبة هات انطباعاتك، خصووووووووصا شابتر 7 و شابتر 8

للحين ما وصلت الى 7 .. انطباعاتي للحين سلبية جدا :laugh:: .. وبما اني قررت اني ما اكتب شيء سلبي فبسكت عنهم

وبما اني اصلا راجع للعبة علشان احبها .. واحاول اغصب نفسي على حبها .. حسيت ان سكوير ممكن ترجع لسابق عهدها
كل الاخطاء كانت اخطاء ما ليها علاقة بجوهر اللعبة .. ومع تعديل شوية بتصير افضل وافضل

اتمنى فكرة (( الميث )) نفسها تتكرر في الجيل الجديد .. احس ان فيه تاريخ كبير للفابيولا نوفل كريستالز واول مرة اشوف سكوير تاعبة لهالحد
على هالشيء .. وفكرة ان فيرسس في مثل العالم بس بفارق سنين كبيرة .. عاجبتني

ما ابي للجيل الجديد تتكرر فكرة فاينل 7 والمنتجات اللي حواليها .. ابي شي مشابه للفكرة الاولى لمنتجات 13
واحب لو مثلا تقدم وجهات نظر مختلفة لشيء انت سويته في لعبة ثانية .. يعني قدم لعبة متقدمة بمئات السنين عن الاولى
وبين ان افعال الابطال في الاولى افسدت العالم مع ان افكارهم نبيلة لما الناس بدات تحور في تاريخهم او شيء من هالقبيل

مع اني للحين عندي انطباعات سلبية عن 13 .. لكن عن سكوير تعدلت شوي هالانطباعات وصرت متشوق اكثر للجيل الجديد

 

[hussien-11]

طيب العب شابتر 7 و 8 :sarcastic:

 

[Rookie]

فيتو أنت شكلك ما راح يعجبك إلا تشابتر 11 في اللعبة كلها :laugh::

أنا ما عانيت مع الخطية لأني كنت أتمشى وأنا فاتح فمي من روعة الأرت والبيئات في اللعبة، شي ما عمري شفت مثله من قبل :inlove: