الموضوع الرسمي لـ Dead Space 3 | حاول النجاة في جحيم متجمدة هذه المرة!

[Painkiller Q8]

واصل الشابتر السابع سؤال عن احد الوحوش ....

محتوى مخفي: فقط للي وصل الشابتر السابع

الوحش المعفن اللي مايموت وكل شوي تقطع يده وترجع تظهر واذا مسكك يقتلك وما تقدر الا تأخره فقط بالشعاع الازرق ..... السؤال الحين الوحش ابن اللذين ما يموت؟ نهائيا ترى مسويلي هاجس كل ما طلع !

ما يموت,, كل مايجيك له طريقه , واعتقد المكان الي ذكرته هو آخر مكان له !

 

[Sage]

عادي اطوف الجزء الثاني و العب هاذا على طول ؟

من ناحية القصه

 

[T u R k I]

احد سمع المراجعة؟ :laugh::

حسيت انها مأخوذة حرفياً من المراجعة الأصلية.

 

[Genocide Diego]

وصلت شابتر 12 (مستوى هارد)

أفضل بوضوع من الثاني لكن لا زلت أعتبر الأول هو التجربة الأفضل والأكثر كآبة

بداية اللعبة صحيح محبطة بس مستواها يتحسن كل ما تمشي فيها

نظام صناعة الأسلحة كان أفضل لو خلوه خيار ثانوي

بمعنى إن اللعبة تتيح لك خيار شراء أسلحة جاهزة مثل الأجزاء السابقة وبنفس الوقت تتيح لك صناعة سلاحك الخاص

غير كذا الحين ما تقدر تستعمل إلا سلاحين بعد ما كنت تقدر تستعمل أربع أسلحة 🙁 سلبية ما أقدر أتغاضى عنها صراحة

عادي اطوف الجزء الثاني و العب هاذا على طول ؟

من ناحية القصه

الثالث تكملة للثاني في القصة

فيه خيار في اللعبة إسمه Previously in Dead Space وهو عبارة عن عرض يلخصلك أحداث القضة من البداية بشكل مختصر

لكن أفضلك إنك تلعب الثاني وتعيش تجربة السلسلة بشكل كامل

 

[T u R k I]

غير كذا الحين ما تقدر تستعمل إلا سلاحين بعد ما كنت تقدر تستعمل أربع أسلحة سلبية ما أقدر أتغاضى عنها صراحة

وت؟! يعني أكشنوا اللعبة وحطوا هالحركة وقالوا لك سرفايفر!! -__-

 

[DEMON]

شباب، خل عنكم البداية السيئة ، اللعبة افضل بكثير بعد أول تشابترين.
اجواء ديد سبيس الرهيبة موجودة ومستمتع فيها جدا الآن.

في أي أحد لاحظ ان الأعداء وحشيين أكثر؟ سريعين جداا وغثيثين بشكل، بعدين الجزء هذا مكثرين من طلعات الأعداء بشكل مفاجئ من وراك، من الفجعة مدري وش أسوي واتوهق >.>، عموما الرعب بهالجزء اقل بوضوح من الأجزا السابقة، لكن هذا ما يعني انها غير مرعبة، الأصوات لحالها تلعب بأعصابك، بعدين ليش ما أقدر أشيل غير سلاحين؟ سلبية ازعجتني ومؤثرة الصراحة، غير اني زي الأطرش بالزفة من ناحية صناعة الأسلحة.

أيا كان، مستمتع فيها حاليا ومبسوط، الأجواء خوورافية، خاصة وقت الطيران بالفضاء وتشوف الكواكب والسفن المحطمة من بعيد مع الأضائة المبهرة اللي تسحر العينين.

وقفت لعب حاليا عند الفصل السادس، الليلة ان شاء الله أول ما أرجع من النادي بجهزلي اجواء صح وأعيش الرعب /m\

 

[Genocide Diego]

خلصت اللعبة قبل شوي على الهارد في 20 ساعة تقريبا

أنهيت 6 مهمات جانبية من أصل 10 مهمات

+ أجواء اللعبة.
+ أضخم جزء من ناحية الإستكشاف.
+ نظام صناعة الأسلحة وتطويرها والتعديل عليها.
+ إضافة المهام الجانبية زادت من عمر اللعبة بشكل ملحوظ.
+ الجيم بلاي لا زال ممتع ومسلي بالرغم من عدم وجود تطورات جذرية.

- معارك البشر غير ضرورية بتاتا وزادت من نسبة الأكشن.
- إستخدام سلاحين فقط بعد ما كان بإمكانك استخدام أربع أسلحة.
- بعض التكرار في المهام الجانبية.

8.5 / 10

اللعبة فاجئتني بمستواها الصراحة بعد الانطباعات السلبية من الديمو وعروضها

وبالراحة أفضل من الثاني بس لا زال الأول هو الجزء المفضل عندي (2<3<1)

محتوى مخفي: النهاية

بعد مشهد النهاية والـ Credits, صوت آيزك طلع فجأة ويقول Ellie? ....Elllie.... نقدر نقول إن فيه جزء رابع؟ 😀

ناوي أعيدها إن شاء الله كو-اب, أتمنى يقدم تجربة مختلفة عن السنقل بلاير

 

[Sultan/X]

كرهت سالفه الكرافتينق ماحبيتها احس شبهه معقده احب الستايل القديم بتطوير الاسلحه فعال وسلس

 

[I-NERO-I]

المهمات الجانبية أضافة جميلة صراحة والتجول في الفضاء شي رهيييب .

بالنسبة للأسلحة مادري أيش مشكلتكم ( ترى كل سلاح تقدر تدمج فيه سلاحين مع بعض ) يعني نفس الشي كأنه معاك أربعة أسلحة
وترى صنعها بسيط وما فيله تعقيد يمكن الصعوبة فيه هي تجميع المواد اللازمة عشان تصنعها غير كذا مافيه شي صعب ، بلعكس أشوفها أضافة رهيبة
وتقدر تطلع منها بأسلحة رهييب ، مثلا أنا مسوي سلاح R1 عبارة عن شوتقن و R2 رشاش أول ما يجيني واحد أسطر أمه بعيد بالشوتقن بعدين أكمل عليه بالرشاش .



عبد الرحمن انتظرني لمى أخلص 😀

 

[Sir Guts]

ما شاء الله موضوع جدا جميل .. الله يعطيكم العافية عمر و منصور 🙂

انا مو فان للعبة لكن اذا في احد ناوي يكوّب معي على الـ360 انا مستعد آخذها

و لما اقول ناوي، يعني قول و فعل. مو يقولي اي انا بكوّب معك بعدين يطلع من جنبها!

 

[Sultan/X]

سبحان الله النهايه تشبهه النهايه للي تخيلتها للجزء الثاني بنسبه 80% وهي النهايه للي كنت ابيها للجزء الثاني , اعجبني ولا طالما يعجبني النهايات المتدرجه للي تحسسك بروعه وقوه الموقف للي تعيشه الشخصيات ,زي نهايه MGS 4 تدرج نسبه الادرنالين والعاطفه بجسمك وعقلك والحماس بدمك , ديد سبيس نهايهتها مرضيه صراحه وقويه جدا بنظري والمره ذي دبلو عدد المهمات وصلت الي 20 شابتر , التحدي باللعبه قوي وهذا انا ع النورمل فما بالك المستوي الاصعب , وحسيت شغف الايادي المشتغله ع اللعبه بالرفعهم لتوقعات والتصميم المهمات الظخم والرائع خصوصا المهمات الاخيره

+ قصه اكثر , شخصيات حيويه , تدخل عاطفي من الشخصيات بمدار اللعبه يعطيها جمال وشخصيه حلوه

+ الادمسفير ذي المره حيالي وقوي ورائع خصوصا بسفينه تحس ان كان هنا في ارواح بشر عاشت واشتغلت في السفينه والان خاليه + تنوع بالبئيه

+ نظام اضائه وصوت منقطع النظير مذهل كالعاده


- نظام الكراتفنق , انا احب الشي يكون بسيط وسريع

- شخصيه جون جدا غبيه وسيئه وسطيحه

- مهمات روح وجيب وتعال



اللعبه جدا ما طلعت عن ايطار الجمال والشي الرائع واستغرب من الاغلبيه يطري طاري الاكشن وهو لو تمحص بالتفكير بغض النظر عن متطلبات السوق لو تمحص بمساله الرعب لن مو كل لللي يلعبو اللعبه تحت 15 عشان يخافو من شي او شي , كراشد مايخوفني غير الادمسفير والمفاجاه وهذا الشي برعت فيه السلسله حتى الجزء الثالث جدا ماخبيت ظني من ناحيه المفاجاه والادمسفير الجميع اتوقع عنده تشبع نفسي من ناحيه الرعب وصعب يلافي شي يرعبه طبيعه اللعبه بمخلوقات سريعه ولعبه تطلب من السرعه بفعل الاشياء او القصه عكس سايلنت هيل او فايتل فريم للي بحد ذاتها عنده ارض خصبه جدا لا انوع الرعب النفسي , بنظري الرعب لو وجد راح يبيع وبقوه لن الانسان بطبعه يحب يخوف نفسه لكن اتوقع ان سبب انخفاض الرغبات لشراء لعبه رعب عكس الجيل للي فات ان السوق امتلي بالمراهقين 14 ,15,13
وشي طبيعي ان معظهم يخافو هذي وجهه نظري السطحيه من ناحيه المووضع , ايش هو الرعب اصلا هو ادمسفير + مخلوقات بشعه + عامل المفاجاه = رعب , لكن رعب امنيجا هذا ثوره بعالم الرعب رعبها بشع وفضيع وغير مفهوم ويعطي نشوه , اتمني اشوفها ع الكونسول بوقت قريب

 

[sabah]

رغم ان الذخيرة موجودة بكثرة في هالجزء لكن هالملاعين لسه محتفظين بسمعتهم السيئة @@ خاصة لما واحد منهم ينظر من خلف الجدار او يطلع راسه من فوق وبعدها يركض بأتجاهك وهو يصرخ..القلق على اصوله

 

[T u R k I]

ليه الموضوع نايم ياشباب؟! نبي انطباعات.

 

[Punished Noctis]

لانها لعبة مملة و ماتحمس تكمل (لي على الاقل) وصلت شابتر 13 و سحبت. مابكمل اكثر من كذا.

 

[T u R k I]

ذكّرتني بانطباعك عن AC3، ماأدري أثق فيك أو لا! (&)

 

[Punished Noctis]

لول آس3 كنت داخل بحالة صراع مع النفس (&) متهيب للعبة كثير و ما ابغى اعترف انها مملة .. تظهر مهمة ممتعة بين كل قرف و الثاني فاتفاءل و امدح .. و عموما هذه اول مرة يتضارب فيه انطباعي عن لعبة بتاريخي كله و عفا الله عما سلف (@)

 

[Sultan/X]

رغم ان الذخيرة موجودة بكثرة في هالجزء لكن هالملاعين لسه محتفظين بسمعتهم السيئة @@ خاصة لما واحد منهم ينظر من خلف الجدار او يطلع راسه من فوق وبعدها يركض بأتجاهك وهو يصرخ..القلق على اصوله

خصوصا اذا ما تدري من وين جاي T_T

 

[Sultan/X]

ليه الموضوع نايم ياشباب؟! نبي انطباعات.

عطفها فرصه اللعبه غنيه ومفاجئه وجميله واحداثها مثيره للحماس لكن لكل وجهه نظر وميول لشي معين فا صعب تعتمد اي اعتماد ع رئي طرف اخر فا لازم تجرب بنفسك , ماراح تندم خصوصا مع الكواب حماس

 

[T u R k I]

^ أكيد بلعبها بس ماشريتها لسى.

 

[MAX9009]

لانها لعبة مملة و ماتحمس تكمل (لي على الاقل) وصلت شابتر 13 و سحبت. مابكمل اكثر من كذا.

وانا اشهد .. اليوم وصلت شابتر 9 وحرفياً ما افكر ارجعلها بتاتاً لعبه ممله بمعنى الكلمه كل اللي اشوفه قدامي بيئه حديديه مع تطوير اسلحه مادري ايش يبغى من كثر ماهو ممل

 

[Sir Guts]

كلام الشباب يخوّف :\ .. و ياريت احد يرد عشان اعرف اشتريها ولا لا:

ما شاء الله موضوع جدا جميل .. الله يعطيكم العافية عمر و منصور 🙂

انا مو فان للعبة لكن اذا في احد ناوي يكوّب معي على الـ360 انا مستعد آخذها

و لما اقول ناوي، يعني قول و فعل. مو يقولي اي انا بكوّب معك بعدين يطلع من جنبها!

 

[MAX9009]

^
مش مش اذا كان هذا اول جزء راح تلعبه فا خذها ممكن تعجبك اذا تحب الفضاء مع بعض الفجعات المرعبه والوحوش .. اما اذا لعبت الاول والثاني فا الثالث more of the same

 

[I-NERO-I]

كلام الشباب يخوّف :\ .. و ياريت احد يرد عشان اعرف اشتريها ولا لا:

شوف أخ مشاري اذا حبيت الاول والثاني خذها من غير تردد راح تعجبك بإذن الله ، اللعبة ( وأن كانت أقل مستوى من 1 و 2 ) تظل ممتازة وبعيدة عن كلمة مملة .


انا واصل لشابتر 14 حالياً ومستمتع جداً فيها ، لي 16 ساعة تقريباً اللعبة طويلة جداً والسبب يرجع للمهمات الجانبية اللي كانت اضافة رهييبة زي ماذكرت سابقاً .

صحيح اللعبة تأكشنت بزيادة وصار فيها كوفر ومواجهات مع جنود ومن هل الكلام لكن بأمانة مواجهاتهم كانت قليلة جداً وتنعد على الاصابع، انا كنت
متوقع أنهم يكونوا جزء كبير من اللعبة لكن طلع العكس يعني لا تخاف من الناحية هاذي .

 

[sabah]

خلصتها..بشكل عام جيدة..نوعا ما..اعتقد..مش متأكد..ايا كان...المهم

-الاوتمسفير للاسف عادي وما يقارن بالاول والثاني..ما في شئ او مكان معين تميزت فيه اللعبة رغم ان اجواء الفضاء كانت رهيبة كتصميم
-المناطق فيها تكرار كبير لدرجة تختلط عليك الامور وتقول لنفسك "اعتقد اني مريت هنا من قبل"
-الاعداء البشريين للاسف كانوا اضافة غير موفقة..تطبيق الكوفر كان ضعيف + الشوتينج في اللعبة ما يساعد في قتال من هالنوع (اقصد البشر)
-الكرافتينج كان سلاح ذو حدين..من جهة تقدر تصنع منه عشرات الاسلحة والادوات مما يضيف تنويع اكبر..ومن جهة اخرى كان معقد ويحتاج وقت حتى تتعلم له + ماهو شئ اساسي ومؤثر في اللعبة..عن نفسي ما صنعت غير سلاح واحد فقط الى جانب السلاح الاساسي اللي بدأت فيه اللعبة..لكني طورتهم بشكل كبير وهالشئ كان موجود في الاجزاء الماضية.
-الاصوات في اللعبة شغل محترم كعادة السلسلة..كان لها دور كبيرفي الفجعات والقلق ومن ايجابيات اللعبة بشكل عام
-رغم كمية الذخيرة والاسعافات الكبيرة اللي عثرت عليها لكن مع ذلك مت كثير وحسيت بنوع من الصعوبة...اماكن ظهور الاعداء مفاجئة وبعضهم افجعني فعلا..لكن كثير من الاماكن كنت اتجاوزهم واركض ببساطة وصولا الى الهدف!
-التحكم متقن واكثر سلاسة من الاجزاء الماضية..جدا راضي عنه..يكفيني انه افضل من ذيك اللعبة @@
-الزعماء ^_____^.....ايزيك هو الزعيم
-الانتقال من الجيم بلاي الى العروض والعكس..في لعبة طبقته افضل من كذا ؟
-للاسف السرفايفر مود ما ينفتح الا لما تخلص اللعبة..كنت اتمنى يكون موجود من البداية (مافي ذخيرة ولا اسعافات تسقط من الاعداء ومواجهتهم اكثر صعوبة)
ما ركزت في القصة كثير فما اقدر احكم عليها لكن تقديم ايزيك كان ممتاز جدا

ما انكر اني استمتعت في اغلب وقتي في اللعبة وهي ابعد مايكون عن وصف "مملة" نعم مش بمستوى الاجزاء الماضية لكنها ما انسلخت من جذورها بشكل كبير زي بعض الالعاب.

7.5

 

[I-NERO-I]

وخلصناها ، كانت تجربة رهيييبة و أستمتعت فيها كثير ، راح أكتب أنطباع مفصل بعد ما اجرب الـ CO-OP .

 

[Sir Guts]

شريت اللعبة و لكن ما راح ابدء فيها الا اذا في احد بيكوّب معي

اما اذا ابد مافي ببدء لحالي و امري لله

 

[Sir Guts]

طبعا الى الآن مافي احد عطاني اي وجه ان ودّه يكوّب معاي لكن مو مشكلة:

 

[ALZA3EM]

^
العبها سولو بعدين كو اب عشان تعيش التجربة صح لانه في اختلافات بين الاثنين !

 

[Sir Guts]

وصلت التشابتر الثالث .. انترو اللعبة عجبني

اللعبة ماشوفها سيئة و في نفس الوقت ماشوفها تفرق عن الجزء الثاني

جو اللعبة حلو. مدري هل انا الوحيد اللي يلعب و هو شوي متوتر و على اعصابه ولا لا

^
العبها سولو بعدين كو اب عشان تعيش التجربة صح لانه في اختلافات بين الاثنين !

اخذت بنصيحتك و قاعد العبها سولو🙂

 

[Master Assassin]