الموضوع الرسمي لجهاز الـ Wii U.. كيف بتلعب فيه "انت" !!

[Sir Guts]

مرة مكبرين السالفة بزيادة! مشاكل تحدث في اي دفعة اولى من اي جهاز!

انا مافيني صبر ولا اعرف اصبر ولا احب اصبر .. الجهاز جايبه جايبه بإذن الله

لا آخر السنة ولا بداية السنة ولا بعد شهر .. اذا مو هالإسبوع الي بعدوا بالكثير ان شاء الله

 

[i7asan]

اللي عنده وي يو يضيفني على الID
i7asan

 

[Super Shadow]

الجماعة الي اشتروا الجهاز و حملوا الأبديت

واجهتوا مشاكل لحد الآن؟

أتوقع مشاكل الضغط على السيرفر خفت شوي بعد ما المعظم حمل الأبديت أتوقع

 

[X-SRI-X]

بصراحة ما اتوقع شي كبير من الجهاز حاليا .. اعتقد انه من الحكمة تاجيل شراء الجهاز الى بعد E3 القادم
طبعا هالكلام موجه لملاك الوي .. اما الي ما قد اخذ من نينتندو مثل اخونا Wild Fox فعنده مكتبة العاب الوي بالاضافة الى الفيرتشول .. يعني فيه خيارات حلوة له
على العموم لا احد يقصر معنا بالانطباعات ( وحبذا مع الانتقاد يكون فيه كذلك ذكر للامور الايجابية )

 

[i7asan]

أحيانا يعلق الجهاز ولازم تفصله من الكهربا ، صارت لي مرة وحدة بس

 

[Nuclear]

انا من الناس الي راح تاخد الوي يو اول مايجي الاسواق ان شاء الله. متحمس لهدا الجهاز بقوة مو من ناحية سوفتوير بل من ناحية هاردوير وكونسبت

 

[awadnin]

http://www.fanboys-online.com/passing-the-torch/

 

[Qushery]

فيه كم واحد كلم ننتندو ستور الرياض و الاسعار بتكون

2000 للبيسك
2500 للديلكس
بيجيبون حوالي 500 جهاز
وبيتوفر في حوالي اربعه ايام

**** *** *****

 

[Rain]

واو !!
وانا كنت متوقع 1500 كثيرة على الديلوكس

 

[Talal kinenju]

لااااا!!! مستحيييل ينباع رسمي بهذا السعر
عندنا في البحرين, محل راح يبيعه ب1900 طبعا غير رسمي وخبرني بعد سبوع راح توصل الطلبية والعجيب ان الألعاب موجوده بس باقي الكونسل

 

[mario0o]

أي حد يحصل معلومة عن الجهاز فألامارات يخبرنا

 

[Nintendo]

انا عندي معلومة ولكن ماقدر اقولها لول

 

[Sky Walker]

الى الان ماحاشني اي فريز او مشكلة ولله الحمد ..

بس اول ماجبت الجهاز ماقبل يشبك على الشبكة على طول لكن حطيت شوية بالاعدادات من IP و DNS وضبط 100% , اتوقع من المودم لانه هو الريدي مخرف

بس ناقص يعدلون مشكلة البطئ في قوائم الجهاز وبيكون تمام !

---
الميفرس اليم xD ! تشوف تعليقات ورسمات رهيبة وصميمية :laugh::

 

[Super Shadow]

أي حد يحصل معلومة عن الجهاز فألامارات يخبرنا

المحلات عندنا تقول احتمال يجيبونه اليوم بالليل أو بكرة

السعر عاد الله أعلم بس بجهز احتياطاتي بعد ما شفت السعر عندهم بالسعودية :sarcastic:

http://www.fanboys-online.com/passing-the-torch/

مؤثر جدا :crying:

 

[Nuclear]

فيه كم واحد كلم ننتندو ستور الرياض و الاسعار بتكون 2000 للبيسك2500 للديلكس بيجيبون حوالي 500 جهاز وبيتوفر في حوالي اربعه ايام**** *** *****

شنو هالاسعار الاضحوكة؟ وهذا من ننتندو ستور يعني الرسمي ولا؟صراحة مستحيل اشتريه بهذا السعر . هذا نصب عيني عينك

 

[i7asan]

أنا للحين ما فهمت فكرة الجهاز بالضبط لول

بعض الالعاب في نينتيندو لاند طريقة اللعب فيها مثل الثري دي اس ( الشاشة العلوية التلفزيون والسفلية الجيم باد p: )
وبعضهم تلعب بس بالجيم باد مثل أجهزة التابلت والباقي تستخدم ريموت الوي
وماريو تعطيك شعور أحياناً كأنه جهاز محمول والتلفزيون ماله حاجة !

 

[XORO]

شنو هالاسعار الاضحوكة؟ وهذا من ننتندو ستور يعني الرسمي ولا؟صراحة مستحيل اشتريه بهذا السعر . هذا نصب عيني عينك

والمصيبة يعطونك حجج مالها داعي مثل الجمارك وضريبة وفرق العملة وارتفاع سعر البيض والمزاجية الاقتصادية :sarcastic:

ان شاء الله اخذه في الصيف
السنة القادمة بتنزل العاب قوية وخاصة GTA V
اعتقد ان الصبر زين الى ما بعد E3 طبعا اذا ما استعجلت واخذته قبل

 

[Golden Wind]

ما اقدر العب بالبرو كنترولر في نيو ماريو يو ؟؟

 

[Sir Guts]

لااااا!!! مستحيييل ينباع رسمي بهذا السعر
عندنا في البحرين, محل راح يبيعه ب1900 طبعا غير رسمي وخبرني بعد سبوع راح توصل الطلبية والعجيب ان الألعاب موجوده بس باقي الكونسل

طلول اي محل؟ لا تقولي Geekay!

 

[i7asan]

^
لا .. ريموت الوي والجيم باد فقط

 

[Talal kinenju]

طلول اي محل؟ لا تقولي Geekay!

لا، من يوفوريا هذا الأيام كله اتعامل معاهم طلع اذا اتجمع نقاط من مشترياتك عندهم يعطونك تخفيض وبقوه بعد.

 

[Saadawii]

2000 كثيرة من موزع رسمي، بكذا يكون هرامي كبير.

 

[EWAtron]

انا اشوف انه اكثر سعر منطقي للديلوكس هو 1650 اكثر من كذا هذا اسمه نصــــــــــــــــــــــــــــــــــب .

 

[Rain]

المشكلة اذا كان الموفر الرسمي رافع السعر اجل كيف المستوردين والمحلات الثانية بتبيعه ؟!

 

[Raheem]

والله حتى 1650 كثييييييير مع نفسهم هذو النصابيين لحد يشتري منهم
خليها تفبر عندهم الان تكون بنفس الاسعار الرسمية

 

[Saadawii]

[video=youtube_share;kaBQFRsWxeo]http://youtu.be/kaBQFRsWxeo[/video]

روعة. أتمنى ننتندو ما تفسد الموضوع بتحديث.

 

[Dark Master]

سؤال للي عندهم الجهاز كيف شايفين الكوميونتي عالجهاز لحد الآن؟

 

[Nintendo]

من زمان قلنا شباب انه الجهاز بيكون غالي لانه الموزع مستورد الجهاز وطالع عليه بقيمة مش سهلة للأسف، مشكلة الشحنات ذبحت الفرصة بأننا نحصل الجهاز بسعره الرسمي وماتوقع بتنحل المشكلة غير بالربع الاول من العام القادم

 

[XORO]

من زمان قلنا شباب انه الجهاز بيكون غالي لانه الموزع مستورد الجهاز وطالع عليه بقيمة مش سهلة للأسف، مشكلة الشحنات ذبحت الفرصة بأننا نحصل الجهاز بسعره الرسمي وماتوقع بتنحل المشكلة غير بالربع الاول من العام القادم

طيب الحين كيف شغلة الموزع بالضبط هل هو يشتري الجهاز ويرجع يبيعه مع الفائدة اذا وجدت ؟

 

[Nintendo]

الجهاز إما انه يصدر من الشركة الأم بشكل رسمي (بتوفير شحنات وملصق على الجهاز بكونه الرسمي للمنطقة ويباع بسعر رسمي) واما انه الموزع يأخذ شحنات من الشركة الام بنفس سعر الجهاز ويتحمل مصاريف الشحن بنفسه ويضطر يبيعه بسعر غالي.

طبعا بسبب مشكلة الشحنات الموزع ماوده يخسر الناس المتحمسة للجهاز واللي راح تشتريه من اول يوم حتى لو بسعر غالي فراح يضطر ينزل شحنات مستوردة، مع الوقت ومع توفر الجهاز اكيد بيبدأ يحصل شحنات رسمية بسعر رسمي. ايضا الخوف من مستورديين من اسواق ثانية انهم يغرقوا السوق بجهاز بنظام اوربي او خلافه.