الموضوع الرسمي لجهاز الـ Wii U.. كيف بتلعب فيه "انت" !!

[XORO]

ننتندو كان المفروض تحط الابديت في سي دي عادي ..... بدال ما نحمله من الانترنت !!
مثل البلاي ستيشن 3......... أول ما اشتريناه في لنش المنطقة, جاء مع الكرتونه سي دي ابديت للاوبريتنج سيستم .

يلا عادي, اهم الاخطاء الصغيره هذه ما تتكرر في القاره الاوروبيه و منطقتنا

ردة كثير من الناس من الابديت ومشاكله

محتوى مخفي: .

 

[Dark Master]

ننتندو كان المفروض تحط الابديت في سي دي عادي ..... بدال ما نحمله من الانترنت !!
مثل البلاي ستيشن 3......... أول ما اشتريناه في لنش المنطقة, جاء مع الكرتونه سي دي ابديت للاوبريتنج سيستم .

يلا عادي, اهم الاخطاء الصغيره هذه ما تتكرر في القاره الاوروبيه و منطقتنا

أفضل شي تتجنب شحنة اللنش وتاخذ جهاز من الدفعة الثانية وفوق يكون الجهاز فيه كل شيء ويكونو صلحو بعض المشاكل
الجهاز بوضعو الحالي ماأقدر أشتريه وانا مطمن مع الأسف

 

[Saudi pro]

احس ان هنا فيه ناس تنتظر اي خبر عشان تقول ننتندو فشلت!!!

اعتقد انهم بيبيعو حوالي مليون جهاز بأسبوع اللانش لذلك نجاح ساحق كلانش

وكل المشاكل الي طلعت مهي شي بيكون فكل جهاز و الضمان موجود لحل هذي المشاكل, يعني مش شي يغير رأيي أو رأيك المسبق عن الجهاز

لول من جدك انت؟ كل هذا و ماتشوف انه فشل خخخخ ترى كلنا نحب ننتندو بس بنفس الوقت لازم نكون حياديين و نترك العاطفة على جنب شوي ترى الي قاعد يصير شوية عليه كلمة مهزلة :laugh::

عموما حتى انا أحس ان هنا فيه ناس قاعدة ترقع و تدافع عن الجهاز و شغل فان بويز ماله أي داعي.

 

[Super Shadow]

لول من جدك انت؟ كل هذا و ماتشوف انه فشل خخخخ ترى كلنا نحب ننتندو بس بنفس الوقت لازم نكون حياديين و نترك العاطفة على جنب شوي ترى الي قاعد يصير شوية عليه كلمة مهزلة :laugh::

عموما حتى انا أحس ان هنا فيه ناس قاعدة ترقع و تدافع عن الجهاز و شغل فان بويز ماله أي داعي.

مدري شو مفهوم الحيادية عندك

يعني عشان أكون فان عاقل و حيادي لازم أحش بأي خطوة خاطئة تسويه شركة حش أسطوري و أقول فشل و فضيحة و الخ :laugh::

ما عليش بس كلمة فشل هذي مبالغ فيها ، علي قالك أن الجهاز باع مليون بأسبوع اللنش و هذا تسميه فشل؟!!

أنا ما أنكر أن ننتندو فعلا سوت حركة غبية فيما يتعلق باعدادات الجهاز و الأون لاين بس ما أبدي حكم نهائي و أقعد أحش الحركة هذي لنهاية عمرها

لو رجعت بالزمن للوراء و شفت شبكة الاكس بوكس لايف و البلاي نت ورك على وقت اصدارهم للأول مرة ، كانوا مصخرة مقارنة باليوم

أكيد بنشوف تحسينات بالشبكة مستقبلا و الجهاز للحين ما صدر عشان نقول فشل

لازم الشركة ترتكب بعض الأخطاء و في النهاية هذيل أوادم مش ملائكة

 

[Classic Player]

إذا سعر البيسك أكثر من 1300 ريال مافي أمل اشتريه

المسألة مو مسألة ماعندك فلوس ( تروني مطفررر 😀 ) لكن لازم يعرف الوكيل إن ماينفع الكلام الفاضي هذا .. أجل سعر البيسك فوق 1500 ريال =_= !؟

 

[Super Shadow]

إذا سعر البيسك أكثر من 1300 ريال مافي أمل اشتريه

المسألة مو مسألة ماعندك فلوس ( تروني مطفررر 😀 ) لكن لازم يعرف الوكيل إن ماينفع الكلام الفاضي هذا .. أجل سعر البيسك فوق 1500 ريال =_= !؟

الي ينرفز لما تسأل المحلات عن سعر الجهاز بالتلفون يسوون روحهم أنهم ما يعرفون >.>

ينتظرونك تمر عليهم عشان تتكاسر وياهم

 

[D1rk-Knight]

^
لأن بعضهم يظنك من محل منافس له، علشان كذا ما يبي يكشف السعر في التلفون. :sarcastic:

أتمنى يشوفون حل لفترات الدخول والخروج من الألعاب، أحسها طويلة مرة. :\

 

[تاكاشي]

^
لأن بعضهم يظنك من محل منافس له، علشان كذا ما يبي يكشف السعر في التلفون. :sarcastic:

أتمنى يشوفون حل لفترات الدخول والخروج من الألعاب، أحسها طويلة مرة. :\

ههههههههههههههههه مهو لهالدرجه يعني
انا بشتري البيسك لاني على الناشف(احب الناس الصريحه خخخ ^^😀) لكن على امل سعره مو مبالغ فيه 🙁
و اكسسوارات الجهاز ماهي طايره اكملها الشهر الجاي يالي من فتا حكيم خخخ^^😉😀

 

[Qushery]

لول من جدك انت؟ كل هذا و ماتشوف انه فشل خخخخ ترى كلنا نحب ننتندو بس بنفس الوقت لازم نكون حياديين و نترك العاطفة على جنب شوي ترى الي قاعد يصير شوية عليه كلمة مهزلة :laugh::

عموما حتى انا أحس ان هنا فيه ناس قاعدة ترقع و تدافع عن الجهاز و شغل فان بويز ماله أي داعي.

اذا اخذت من وقتك وتابعت شكاوي واعطال اي جهاز بتلقى اشياء كثيرة تقدر تسميها فشل بمنطقك لكن لهذا السبب فيه شي اسمه "ضمان" يغطي المشاكل التصنيعيه
هذي المشاكل الي ذكرتها يغطيها الضمان وهي مشاكل فردية وما تسير لمجموعه كبيرة من المستخدمين!! لذلك ليه أنا أو أنت يعتبر هذا الشي فشل للجهاز كامل

 

[Dark Master]

مدري شو مفهوم الحيادية عندك

يعني عشان أكون فان عاقل و حيادي لازم أحش بأي خطوة خاطئة تسويه شركة حش أسطوري و أقول فشل و فضيحة و الخ :laugh::

ما عليش بس كلمة فشل هذي مبالغ فيها ، علي قالك أن الجهاز باع مليون بأسبوع اللنش و هذا تسميه فشل؟!!

أنا ما أنكر أن ننتندو فعلا سوت حركة غبية فيما يتعلق باعدادات الجهاز و الأون لاين بس ما أبدي حكم نهائي و أقعد أحش الحركة هذي لنهاية عمرها

لو رجعت بالزمن للوراء و شفت شبكة الاكس بوكس لايف و البلاي نت ورك على وقت اصدارهم للأول مرة ، كانوا مصخرة مقارنة باليوم

أكيد بنشوف تحسينات بالشبكة مستقبلا و الجهاز للحين ما صدر عشان نقول فشل

لازم الشركة ترتكب بعض الأخطاء و في النهاية هذيل أوادم مش ملائكة

لا ياسالم خلاص نينتيندو فشلت وبتقفل وبتتحفل لطرف ثالث
Nintendo Doomed :laugh::

 

[XORO]

لا يوجد نجاح بدون فشل

شباب ترى الصبر زين

اللي يقدر يصبر للسنة القادمة وقتها التحديث الاسطوري بيكون
مدمج واغلب المشاكل البسيطة بتنحل و الشبكة بتتطور بصورة افضل

الي ينرفز لما تسأل المحلات عن سعر الجهاز بالتلفون يسوون روحهم أنهم ما يعرفون >.>

ينتظرونك تمر عليهم عشان تتكاسر وياهم

البعض يتعمد عدم الافصاح عن السعر مثلي انا اوقات اتصل لمحل معين يقلي انت تعال وانا بسوي لك ديسكاونت
على امل انك تروح له وتطلع من محله وهو كسبان :laugh::

 

[Nintendo]

ننتندو أصدرت بيان صحفي قبل شوي انها فشلت وراح تفلس بكره الساعه 3 المغرب

ومازلنا بإنتظار ننتندو الخليج تعطينا موعد قبل لانشوف جشع السوق السوداء عندنا بالمنطقة.

 

[Veeto]

ننتندو أصدرت بيان صحفي قبل شوي انها فشلت وراح تفلس بكره الساعه 3 المغرب

سمعنا بثلاث الفجر .. ثلاث الظهر .. ثلاث المغرب وين تصير :laugh::

====

غريب اللي صاير .. انا كنت متوقع ردة فعل مختلفة من الناس .. على الشاشتين والتحكم بينهم - انا مو مقتنع من انسيابية الحركة للالعاب -
لكن الانتقادات موجهة لصميم الجهاز والنظام .. شي ما توقعته بالمرة
متفاجئ جدا من اللي صاير .. خصوصا وانها نينتندو .. كم الامور والاخبار اللي اقراها غريب .. حتى الايجابيات - الجديدة - غريبة انهم ما تكلموا عنها

مثلا الاب سكيل .. لالعاب الوي .. ميزة جميلة .. وحسب ما قرات انها متميزة نوعا ما .. نينتندو ذكرت الخبر بسرعة بدون اسهاب
مع ان هالشي يشكل عامل جذب للقدامى والجدد في التحول من جيل لجيل

حركة الرام للحين مو مستوعبنها .. الوضع العام غريب في هاللانش .. كأنه لانش لـ بيتا جهاز اكثر منه لانش لجهاز

 

[Wild Fox]

اوك في عيوب ، بس اشوف مبالغات في نفس الوقت ! ايش يعني تحديث 5 جيجا ؟ ليش صاير مصيبه كبيره عندكم ؟!

كله تحديث تحمله و خلصنا و لو كنت منحوس الضمان يبدل جهازك !
مشكله الhdmi و بلا بلا امور متوقعه في اول شحنات بس تبقى عيب
سالفه تهكير ال mii ... ايش راح تفرق معانا؟ مرات احس في استقعاد و خلاص
اللي فعلا مضايقني سالفه المساحه و الاونلاين.. حاب اعرف اكثر عنهم

 

[Hero Zero]

ننتندو أصدرت بيان صحفي قبل شوي انها فشلت وراح تفلس بكره الساعه 3 المغرب

ومازلنا بإنتظار ننتندو الخليج تعطينا موعد قبل لانشوف جشع السوق السوداء عندنا بالمنطقة.

عمر انت زبطتها لكن خربتها في نفس الوقت من متى الساعه 3 المغرب ؟ هههههه

 

[Rare Games]

نقل ملفات التسييف من الوي للوي يو موجود؟

اذا ايه وش هي الوسيلة sd card ؟

 

[Saudi pro]

الجهاز فاشل كجهاز جيل جديد من ناحية تقنية و من ناحية خدمة الاونلاين و غيرها .. و فوق هذا قاعده تصير كل هالمشاكل من أول يوم و الابديت الفله الي مادري كم حجمه و تهكير و هبل لول روحوا بس اقروا الانطباعات الي بالنت و الناس اللي بتويتر وش قاعدين يقولون عن المشاكل الي يواجهونها بالجهاز و المزايا المحدودة الي قاعد يقدمها

لمن اقول جهاز فاشل ما اقصد من ناحية المبيعات .. اقصد الجهاز نفسه فبلاش خفة دم.

 

[Dark Master]

اوك في عيوب ، بس اشوف مبالغات في نفس الوقت ! ايش يعني تحديث 5 جيجا ؟ ليش صاير مصيبه كبيره عندكم ؟!

كله تحديث تحمله و خلصنا و لو كنت منحوس الضمان يبدل جهازك !
مشكله الhdmi و بلا بلا امور متوقعه في اول شحنات بس تبقى عيب
سالفه تهكير ال mii ... ايش راح تفرق معانا؟ مرات احس في استقعاد و خلاص
اللي فعلا مضايقني سالفه المساحه و الاونلاين.. حاب اعرف اكثر عنهم

يس هو استقعاد زي ماقلت للأسف
المشاكل اللي طلعت كلها تتصلح بباتش للجهاز الا اللي جهازه في مشكلة مصنع
الأبديت مساحته من 1 الى 2 جيجا بس على فكرة!

 

[Old Snake]

لا إستقعاد ولا شيء, كل شخص له الحق يتكلم عن المشاكل ويناقشها على راحته, ما تتحمل أحد يتكلم على جهازك المفضل؟؟ إطمر الرد وإنتهى الموضوع.

 

[SCREAMING_RAGE]

الأبديت مساحته من 1 الى 2 جيجا بس على فكرة!

حتى انا اقدر ااكد الكلام هذا.......... اشخاص كثار قالوا ان الابديت من ١ الى ١.٥ جيجا.

لكنه بطيئ في التحميل, يمكن السسبب في السيرفرات اللي عند ننتندو p:

 

[Nintendo]

^^^^^^

غالبا ضغط سيرفرات يوم الإطلاق، كل الناس بتسوي الابديت

المشكلة ياسعودي برو مثل مافي ناس تسب فيه ناس تمدح، هاذي ردات فعل متوقعة لإصدار جهاز جديد وفيه ناس فانز وفيه هيترز، ولكن اقول عن جهاز فاشل عشان كم وحده منه تعطلت او خلافه فهذا التفكير ............ مادري وش يبي... انت مش عاجبك الجهاز شئ راجعلك ولكن بكل رد بذا الموضوع حتى من قبل صدور الجهاز وانت تنتقد كل شئ فيه وذا الشئ فاشل وذا الشئ فاشل ......... خلاص والله عرفنا انه الجهاز مش عاجبك فتقدر تشقح الموضوع وتلعب كول اوف ديوتي..

 

[SHAMSSON]

عشر انطباعات من IGN :

http://m.ign.com/articles/2012/11/19/ten-thoughts-as-wii-u-arrives

 

[Saudi pro]

عمر انا قاعد اقول رأيي بكل صراحة و واقعية و انا مانيب هيتر بالعكس أفضّل ننتندو على الشركات الثانية لكن جهازها هذا يفشل و خيبة أمل فلا نلعب على انفسنا و مع ذلك انا مرغم اشتريه عشان العب العاب ننتندو الحصرية بس انا كمحب للشركة محبط جدا من الجهاز و بعدين الجهاز فاشل من قبل لاينزل فأنا ماحكمت عليه بسبب هالمشاكل الي قاعده تصير .. الي قاعد اقوله الحين ان هالمشاكل زادت الطين بلة

و الجهاز مواصفاته المتواضعة مب عاجبتني بس هذا موضوع ثاني منتهين منه من زمان .. الحمدلله تفكيري سليم و ما اشوف فيه اي مشكله عكس بعض الناس الي هنا الي لازالت تعاني من مرض التعصب الله يشفيها .. و تراني ما العب كول اوف ديوتي حاليا قاعد العب Trials Evolution على الـ XBLA اونلاين مع الشباب هذا اذا تعرفها.

 

[Nintendo]

لول واحد يقلل من عمر العمودي بالفيديو جيمز واو

بس انا كمحب للشركة محبط جدا من الجهاز و بعدين الجهاز فاشل من قبل لاينزل فأنا ماحكمت عليه بسبب هالمشاكل الي قاعده تصير .. الي قاعد اقوله الحين ان هالمشاكل زادت الطين بلة

واجل فيه متعصبين الله يشفيهم، واضح جدا وين المشكلة

 

[Saudi pro]

^

اها زين انها واضحه :laugh::

 

[BioMario]

افففف ما خليت محل رسمي إلا اتصلت فيه فيرجن قالي بينزلون اوروبيه فقط و بيكون بعد الإصدار الأوروبي وجيكيز كل فرع يقولي كلام ثاني
لين الحين ننتندو الخليج ما يعرفون متى بينزل عندنا ؟!؟!؟

 

[XORO]

شباب ممكن طلب جزاكم الله خير ؟

اللي يقدر يلخص لنا نقاط المراجعات من المواقع لما يحط لنا رابط مو الكل فالح في الانجليش

 

[XORO]

افففف ما خليت محل رسمي إلا اتصلت فيه فيرجن قالي بينزلون اوروبيه فقط و بيكون بعد الإصدار الأوروبي وجيكيز كل فرع يقولي كلام ثاني
لين الحين ننتندو الخليج ما يعرفون متى بينزل عندنا ؟!؟!؟

في ذمة احد المحلات بعجمان قال يمكن ينزل بكره

 

[CODE-X]

... شكاوي الناس كثيرة حول الجهاز للأسف. من مشاكل WiFi الى HDMI. الاشياء هذي + التحديث الضخم تحسسني ان ننتندو استعجلت في الجهاز، صراحة شي ماكنت اتوقعه منهم ابدا.

ننتندو ليش ؟؟ 🙁 يا كرهي لما شركة تعمل شي ممتاز 10\10 و تقوم تخربه بنفسها بحركات استهبالية مثل هذي *يطالع الفيتا بنص عين *
يعني اللحين ما في فريند ليست طبيعي حتى مع اليو و كمان الستور صار عديم الفائدة ؟ ليش تخرب الجهاز بهالجركات بس ليش ؟ :

 

[Emirates]

شباب حتى المحلات الصغيرة عندنا تضررت ما فيه شحنات تصدرت لهم والسبب قلة الشحنات واذا يبون لازم يروحون للسوق السوداء