الموضوع الرسمي لجهاز الـ Wii U.. كيف بتلعب فيه "انت" !!

[Hironobu Sakaguchi]

اتوقعه اوروبي .. مجرد احساس

 

[Saudi pro]

ما توقعت سعره يكون رخيص لهالدرجة شفته اليوم في البطحاء بـ 1500 ريال واسعار العابه ما بين 150 الى 170 ريال . سعره مغري جداً لجهاز توه جديد . وافكر جدياً بشراؤه

1500 ريال الديلوكس ولا البيسك ؟؟

 

[Talal kinenju]

صح الرجال ماقالنا ابيض ولا اسود

اذا كان العادي راح يتم غالي

 

[Good Hunter]

الجهاز لونه ابيض .

 

[Saudi pro]

^

الله يهديك يعني البيسك

لوهلة تحمست و نويت اشتريه الصبح، تبا 🙁

 

[Good Hunter]

^
اعتذر 🙁


ما عندي علم بأمور الوي نهائياً لأني متعود اشتري كونسولز نينتندو بنهاية جيلها .

لكن هل بما انه بيسك يعتبر لسا غالي ؟ كم يفترض يكون سعر البيسك ؟

 

[Old Snake]

^
الرسمي 1125 ريال, يعني أظن لـ1300 ريال بيكون مناسب والله أعلم.

 

[Saadawii]

اليوم لقيت الابيض في قيم نيشن بـ1500 والاسود بـ2100 أو شي من هذا القبيل. أنا أنتظر النسخة الرسمية إن شاء الله وأشوف. محتمل أتأخر ما اشتريت أكثر مما توقعت.

 

[Marche]

الديلوكس ينباع في شارع الألعاب في دبي ب1600 درهم

 

[XORO]

^
شارع الالعاب اسعاره حاليا ممتازة لكن بيوفر النسخة الرسمية اخر الشهر بحسب كلامه

 

[sadness]

نينتندو أكدت مواعيد إصدار الألعاب التالية :
ليجو سيتي أندركفر - تاريخ 18 مارس
مونستر هنتر للوي يو و 3DS - تاريخ 19 مارس

ممم طيب والبقية؟، باقي الرائعون 101، جيم أند واريو و وي يو فيت وكلها راح تنزل في الربع الأول بعد، الظاهر لعبة أو لعبتين منهم راح يلحقون بيكمن 3
الخبر من بوليجون

 

[Nanaki]

عرض اعلان تاريخ الأصدار لمونستر هانتر 3 , الحماااس
[video=youtube_share;UQOorJW1NFI]http://youtu.be/UQOorJW1NFI[/video]

 

[www]

مو معقول , دخلنا السنه الجديده وقريب نخلص أول شهر وما نزلت نسخة الشرق الاوسط ؟ قسم بالله ام المهزله والنصب

اليوم رحت بيت الكمبيوتر وجربت تحكم اليد , بصراحه ما توقعتها بهالخفه , طبعا بطارية اليده كانت زيرو فما جربت اللمس فيها ولا جربت شي , بس تفحصة اليده , المشكله الوحيده في اليده هو ازرار R1 , L1 الي في البلاي3 نفس اماكنها , ما ادري ايش اسم الازرار , عموما وصول لهم اصعب مما توقعت مع العلم ان يدي كبيره

 

[nbnt]

عرض اعلان تاريخ الأصدار لمونستر هانتر 3 , الحماااس
[video=youtube_share;UQOorJW1NFI]http://youtu.be/UQOorJW1NFI[/video]

والديمو قبلها بشهر. متحمس، بتكون أول تجربة حقيقية لي مع السلسلة ان شاء الله.

ننتندو نشرت ايضا مواعيد اصدار كم لعبة (أمريكية):

 

[Nanaki]

^

ديمو ؟ ممتاز !
بنسبة عني انا راح اخذ العبه ديجتل , لعبه عمرها كبير جدا ومحتواها ضخم
وعلى فكره العبه راح تستخدم كيبورد USB وميكرفون الجيم باد نفسه للأون لاين

 

[Dark Master]

[video=youtube;R0soGcVT05s]http://www.youtube.com/watch?feature=player_embedded&v=R0soGcVT05s[/video]

نايس

 

[Sir Guts]

يبقى سعر البيسك مبالغ فيه .. الديلوكس بـ1600 في الإمارات

و البيسك عندنا بـ1500!!!

 

[www]

الجهاز : ديلوكس أبو 32 جيجا
السعر : 2000 ريال
المحل : جرير
معاه ضمان على حسب قولهم , وضمان مهم جدا بنسبه لي وخصوصا من مكتبه معروفه مثل جرير
واتوقع الكهربه 110

شرايكم , أشتريه ولا لا ؟ أبي نصيحتكم , بصراحه مليت من انتظار نسخة الشرق الاوسط , الي شكلهم مو ناويين ينزلونه

 

[Lost Piece]

^نصيحه اصبر لين ماتنزل نسخة الشرق الاوسط ابر لك.. صدقني في الاخير بتتحسف عالـ 2000 ريال اللي دفعتهم!!الصبر مفتاح الفرج 🙂

 

[SHIN.M]

^

مافيه شي يخليك تستعجل بشراء الجهاز , واحتمال يكون فيه بندل لمونستر هنتر اذا انت مهتم فيها

وافضل لك تنتظر نسخة الشرق الاوسط الا الكهرباء عندك بالبيت 220 ولا بتتعب مع المحولات والزحمه وجيم نيشن فرع الرياض يبيع البيسك ب1550 والديلوكس 1700 مع ضمان متجر نينتندو الرياض


http://www.gamenation.cc/?Plink=Art&id=11775

اخر شي تحت بالصفحه

 

[www]

^
عرض جيم نيشن ممتاز جدا ! بس مذكور في الرابط ان الديلوكس 1770 ريال ؟ كيف تقول 1700 >_>

ايش بيفرق اشتريه الحين او نسخة الشرق الاوسط ؟

المحول , عندي في البيت 110 واقدر اشتري لي محول ثاني , اذا توفر ابو 220

أما السعر 1700 جدا ممتاز , اصلا نسخة الشرق الاوسط ما راح تقل عن 1600 ريال , ادفع 100ريال زياده واشتريه الحين اصرف

بنسبه لضمان , زي ما انت ذكرت ضمان ننتندو الرياض , اعتقد هذا افضل ضمان

أما على توفر الالعاب , عندي مشكله نفسيه , اذا تحمست لشي , عادي عندي اشتريه وما اخلي في خاطري شي , وبعدها ارميه في اقرب درج , ويصير خير عليه , بس اهم شي ابرد قلبي واجربه @_@

 

[www]

تبا , جيم نيشن في الخبر يقول الكميه الي عنده خلصت

الظاهر ما في ألا جرير 🙁

شباب نصيحتكم قبل لا أتهور !

 

[DEMON]

عبدالله اصبر احسن.
انا بعد منتظر نسخة الشرق الاوسط بالسعر الرسمي.

 

[www]

^
يا رجل زهقت من الانتظر ! من متى ونحن ننتظر ؟ وين كلامهم انه في بداية الشهر الاول من السنه الجايه ؟ وكل يوم يمططون , المشكله حتى مو راضيين يحددوا لنا موعد الصدور , صبرت بما فيه الكفايه , ما عندي صبر الحين :sarcastic:

 

[Raulioo]

لو ان لي نية شراءه كان اول خيار فكرت فيه ايباي ، بـ 320$ فقط وجديد ، بس ينقصه الضمان الدولي اللي غالبا ما استفيد منه باي جهاز @@

 

[XORO]

اصبر الصبر زين انا مثلك ودي في الجهاز لكن الموجود حاليا بدون ضمان

واللي في المتاجر الكبيرة عليه ضمان من المحل لكن نسخة PAL

اصحاب المحلات يلعبون علينا مرة بداية السنة ومرة بنصف الشهر والحين آخر الشهر بديت اشك ان عندنا وكيل رسمي

 

[Mr.Sora]

صراحة والله مصخوها 🙁
بس انا بانتظار نسخة الشرق الأوسط لأنه راح يكون التحديث الي يجيك اول ماتشغل الجهاز مدموج على كلام ريجي في شهر مارس راح يكون هذا الشئ بالشحنات الجديدة

 

[Saudi pro]

^
يا رجل زهقت من الانتظر ! من متى ونحن ننتظر ؟ وين كلامهم انه في بداية الشهر الاول من السنه الجايه ؟ وكل يوم يمططون , المشكله حتى مو راضيين يحددوا لنا موعد الصدور , صبرت بما فيه الكفايه , ما عندي صبر الحين :sarcastic:

نفس الحالة هنا 🙁

بس 1770 ريال غالي! نصيحتي انتظر صدق انهم مصخوها بس وش نسوي، على الأقل لين تنزل Rayman Legends الشهر الجاي ان شاء الله وقتها بيرخص الجهاز و بتتوفر نسخ الشرق الأوسط.

 

[Veeto]

عندنا بالبحرين الديلوكس - اللون الأسود - صار سعره 190 دينار - 1900 ريال تقريبا -

 

[Old Snake]

شباب معليش بس على إيش الحماس للجهاز في هالوقت!؟ حرفياً لو جاني هدية بعته!!
لا بدت تنزل الألعاب الرهيبة ذاك الوقت الواحد يشتريه وبيكون سعره قد أنخفض.