فضيحة Okami ..؟!

[Super Shadow]

هع

وات ايفر

أهم شي اللعبة :yuck:

 

[Broken_Dust]

جربت اللعبة على الـPS2, حسيتها عادية و ما كملتها. ما عندي وي, ولا عندي ناويا اشتريه قريب (بس طبعا دائما في تجمعات مع الشباب على سماش!). كابكوم كانت افضل شركة عندي لفترة, بس بدأت تطيح من عيني تدريجيا بعد ايام الدريم كاست (احسها ضاعت مع سيجا). طول عمري اكره موقع IGN,, الخ الخ..

بس مادري, لمن قريت ان كابكوم ناوية تتخلص من الطبعة الغلط هذي حمستني اخذها لول. قطعة كولكشن بتركها مغلفة و ببروزها بالمدخل الرئيسي للبيت.. عشان كل ما انا داخل ولا طالع اضحك... طبعا ما ننسى نشتري الـwalkthrough معاه =/

 

[Genya Arikado]

الظاهر هالآرت عجب المصممين و الظاهر أنه حصريًا على IGN.

مصمم كابكوم اكيد انطرد ...

على غلطة تافهة؟ لول ماظن .. ممكن عاقبوه عشان لا يكرر الغلطة، لكن طرد مرة وحدة مستبعدة.

 

[Nix0-san]

صرت أكره اللعبة ...:roll: !! أكرها كره !!!! , ولا حد مهتم بها .. وحتى الي صنعوها Capcom Milking .. :roll:

x)

 

[hussien-11]

صرت أكره اللعبة ...:roll: !! أكرها كره !!!! , ولا حد مهتم بها .. وحتى الي صنعوها Capcom Milking .. :roll:

x)

اخوي نزار ، انت نفسك الي كنت معانا في المنتدى ؟
يا اهلا و سهلا فيك معانا هون بترو جيمنج 🙂 ( الك وحشة و الله )
و المعذرة على الرد الخارج عن الموضوع 🙂

 

[G7Ga7]

جربت اللعبة على الـPS2, حسيتها عادية و ما كملتها. ما عندي وي, ولا عندي ناويا اشتريه قريب (بس طبعا دائما في تجمعات مع الشباب على سماش!). كابكوم كانت افضل شركة عندي لفترة, بس بدأت تطيح من عيني تدريجيا بعد ايام الدريم كاست (احسها ضاعت مع سيجا). طول عمري اكره موقع IGN,, الخ الخ..

الحياة حلوة , بس نفهمها 🙂

 

[Gon freeces]

على غلطة تافهة؟ لول ماظن .. ممكن عاقبوه عشان لا يكرر الغلطة، لكن طرد مرة وحدة مستبعدة.

تراه فشل الشركة.

 

[mohamed]

شباب ألاحظ صارت السالفة قضية الشرق الأوسط , ما أدري وش المشكلة لما مصمم غلط غلطة بسيطة جداً , وشيء مستبعد ان ما كان مستحيل ينطرد الموظف ,,, عموماً اللعبة كلها بالنسبة لي سخيفة فما تفرق الغلاف حلوة ولا لا , وأنا متأكد انها مجرد بورت غبي للعبة مرت عليها فترة طويلة ولا راح تنجح حتى (لأن نسختها على أجهزة الجيل الفائت فلبت تفليب شنيع)..

الحياة حلوة , بس نفهمها

الرد الوحيد الغير مفهوم في الموضوع كله!

 

[Genya Arikado]

تراه فشل الشركة.

كابكوم فشلت؟؟!

 

[G7Ga7]

عموماً اللعبة كلها بالنسبة لي سخيفة فما تفرق الغلاف حلوة ولا لا , وأنا متأكد انها مجرد بورت غبي للعبة مرت عليها فترة طويلة ولا راح تنجح حتى (لأن نسختها على أجهزة الجيل الفائت فلبت تفليب شنيع)..

:/ والله هذا هو الرد الوحيد الغير مفهوم في الموضوع !!

كابكوم فشلت؟؟!

O M G !!!

فـشّـل ! , مو فَشَل !

 

[mohamed]

:/ والله هذا هو الرد الوحيد الغير مفهوم في الموضوع !!

قصدي انه مادام اللعبة بالنسبة لي سيئة , فبالتأكيد الغلاف ماراح أهتم فيه.

 

[G7Ga7]

^
لول معليش سوري...

لأنك اخترت كلمات عامة أوحت لي بأن اللعبة بشكل عام كانت فاشلة !!

وأنا متأكد انها مجرد بورت غبي للعبة مرت عليها فترة طويلة ولا راح تنجح حتى (لأن نسختها على أجهزة الجيل الفائت فلبت تفليب شنيع)..

 

[Genya Arikado]

O M G !!!

فـشّـل ! , مو فَشَل !

قصدك "أحرج"؟ لول ماعتقد شيء جدًا بسيط مثل ذا يحرج شركة بالكامل و يستحق الطرد. 🙂

 

[ShinShadi]

noob mode : ON
حتى في " جريدة الحل الكامل " موجود شعار موقع الألعاب الغربي الشهير IGN .. أنا أتفق مع الأغلبية إنه Okami نسخة Wii جهاز ننتيندو للجيل الجديد " مجرد بورت فاشل " + " كابكوم شركة فاشلة "..
و بعدين Okami لعبة "سخيفة" .. تلعب بكلب إيش التخلف هذا !! خلاص خلصت الأفكار ؟! سواء حطوا شعار IGN و لا علم إسرائيل حتى .. في النهاية هي مجرد لعبة "غبية" لا تستحق هذا لإهتمام ..

و شكراً جزيلاً لكم ..
noob mode : OFF

 

[Khalid-S]

اذا موضوع عن "فيضحة" .. او "نكته" تلاقي عدد الردود فيه اكثر من المواضيع الجدية للعبة (الموضوع الرسمي/خبر مهم) ... شي محزن.

 

[The Shadow]

و بعدين Okami لعبة "سخيفة" .. تلعب بكلب إيش التخلف هذا !! خلاص خلصت الأفكار ؟! سواء حطوا شعار IGN و لا علم إسرائيل حتى .. في النهاية هي مجرد لعبة "غبية" لا تستحق هذا لإهتمام ..

أوف !!! لعبة ممتازة زي Okami تقول عنها كذا !؟ جربتها ؟ ما عليك من التقاييم والمراجعات ومادري ايش ، جربتها شخصيا ؟

 

[Id]

@Khalid

أحسست بالخطاء في وضعي للموضوع ... بس مدري شكل الشباب ماتحمسوا مع اللعبة بقدر ماتحمسوا مع الخبر ...

 

[m7tram]

اذا موضوع عن "فيضحة" .. او "نكته" تلاقي عدد الردود فيه اكثر من المواضيع الجدية للعبة (الموضوع الرسمي/خبر مهم) ... شي محزن.

فعلاً وهالشي من زمان انا ملاحظه بأكثر من موضوع .

 

[Khalid-S]

@Khalid

أحسست بالخطاء في وضعي للموضوع ... بس مدري شكل الشباب ماتحمسوا مع اللعبة بقدر ماتحمسوا مع الخبر ...

لا ليش تحس بالخطا .. ما اخطات في شي ... للاسف الشباب يحبون التريقه اكثر من نقاش الاخبار .. او حتى التبرع في رد في موضوع مهم.

 

[Humam]

شي طبيعي ان مواضيع الفضايح تكون صاحبة أكبر عدد من الردود..كل الناس تحب الضحك, بس مش كل الناس تحب تناقش وفي النهاية تكتشف انها تدور في حلقة مفرغة.

 

[Khalid-S]

^ عذراَ، ترو جيمنج مو منتدى العاب فيديو جيمز ثاني يدور على الضحك فقط.

 

[Humam]

وفي نفس الوقت مش ثكنة عسكرية نحدد لكل واحد وين يرد ووين لا لول.. كل واحد يرد في الموضوع الي يبغاه, و المواضيع النقاشية والجدية موجودة, لا تنسى ترو جيمنج يجمع مختلف الأذواق, يعني لو في 90 عضو أونلاين مثلا لا تتوقع ان ال 90 عضو هذولي بيردوا على موضوع واحد لأن ذوقهم يختلف و اهتماماتهم مختلفة.

احنا بالأساس جايين هنا للتسلية, يعني محنا جايين ندخل نرد بشكل روتيني زي الروبوتات.

بصراحة أنا من محبي مواضيع التريقة بشرط اذا كان في شيء يستحق التريقة و الحش ( وما اعتقد اصلا ان المواضيع الي من هذا النوع تخطت الحدود )..

 

[Khalid-S]

اها اجل ليش ما نحول المواضيع كلها تريقه وضحك على صور العاب وي غبيه وما نتعب نفتح مواضيع رسمية نقعد عليها ساعات الي ما نشوف دعم الاعضاء فيها .. حتى "شكرا على الموضوع فيه معلومات جديده" ما نشوفها .. لكن اذا نزل موضوع تريقه بوم على طول صفحتين ثلاث وداخل في الرابعه ... اجل ايش فايده مواضيع الاخبار الجديده والمواضيع الرسمية ....

احنا مو جيم ماستر او منتدى.كوم عنده عشرين الف عضو ... احنا منتدى ناخذ الاعضاء بالعدد البسيط ونتوقع منهم تفاعل كامل في جميع المواضيع .. مو بس مواضيع الضحك ومع السلامة.

خبر مورتال كومبات تلاقيه ثلاث صفحات مدري اربعه عشان الناس تدخل وتقول "ههههههههههه ايش هذا" وتروح .. لكن ما تشارك ابدا في مواضيع الاخبار ...

محد غصب وقال روح رد في موضوع آخر .. واحنا مو في "عسكريه" ولا تختلق كلام او تفهم مفهوم خاطئ تخيلته في مخك على كلامي ...

يعني منطقياَ ... هذا الموضوع فيه عدد ردود (وتفاعل) اكثر باضعاف الموضوع الرسمي للعبة ......الحمدلله اني ما ضيعت وقتي على موضوع اوكامي ... الحمدلله.

 

[Da S.O.S]

وفي نفس الوقت مش ثكنة عسكرية نحدد لكل واحد وين يرد ووين لا لول.. كل واحد يرد في الموضوع الي يبغاه, و المواضيع النقاشية والجدية موجودة, لا تنسى ترو جيمنج يجمع مختلف الأذواق, يعني لو في 90 عضو أونلاين مثلا لا تتوقع ان ال 90 عضو هذولي بيردوا على موضوع واحد لأن ذوقهم يختلف و اهتماماتهم مختلفة.

احنا بالأساس جايين هنا للتسلية, يعني محنا جايين ندخل نرد بشكل روتيني زي الروبوتات.

بصراحة أنا من محبي مواضيع التريقة بشرط اذا كان في شيء يستحق التريقة و الحش ( وما اعتقد اصلا ان المواضيع الي من هذا النوع تخطت الحدود )..

غير انه نقطه كل كم وكم اساسا ينزل موضوع عن زلة او خطأ زي هذا .. وعددها قليل جدا .. فالناس تحب توسع صدرها وتستغل فرصه وجود الموضوع :cooool:

 

[Humam]

خالد انت الي ماخذ فكرة غلط.. لو تاخذ لفة على مواضيع المنتدى راح تشوف ان مواضيع التريقة والضحك ما تشكل حتى 10 % من مواضيع الشهر.. المواضيع موجودة وكلنا نعرف نحسب.

المواضيع موجودة والنقاشات موجودة, بس بالنهاية هذا يعتمد على نظرة الشخص نفسه ايش متوقع من الردود.

ااذا انت زعلان على موضوع أوكامي يا خالد, ما أدري بس منطقيا الموضوع الرسمي ما يكون عليه اقبال, ما أعتقد في كثيرين مهتمين بلعبة بورت من البلاي ستيشن 2, خصوصا اذا اللعبة نفسها مش محققة أي نجاح تجاري.. فليش مستغرب ما أدري.

 

[Khalid-S]

انا الي ماخذ الفكرة غلط؟

ممكن طلب ... طلع لي في كلامي وين قلت ان مواضيع التريقة اكثر من المواضيع العادية ... (عدد) .. واعطيك هدية.

انا مو زعلان على موضوع اوكامي .. الموضوع هذاك جبته كمثال لان هذا الموضوع عن اوكامي .. فقط للمقارنة .. خذ لك لفة على مواضيع الاخبار مثلا .. ما بتشوف فيها اي تفاعل ابدا .. الا الاشياء الي تضحك مثل مورتال كومبات .. مافي تفاعل الا في هذي المواضيع.

ولا لو تبيها على بلاطه ... حتى المواضيع العادية .. تلاقي اغلب ردودها خارجة عن الموضوع او صور gifs او مزح بين الاعضاء ...

على الاقل اكراماَ للاشخاص الي يتعبون خلف المنتدى والموقع .. رد او بين تفاعل في مواضيع المنتدى.

 

[Humam]

" الواحد اذا يبغى يسوي موضوع في منتدى علشان ينتظر كلمة شكر بيتعب كثير " --- أساسيات منتديات الانترنت 101.

مافي شي اسمه اكرام او مجاملة, الموضوع الجيد للعبة ممتازة و عليها طلب وفي ناس متحمسين لها بنلاقي فيها ردود و تفاعل ونقاش حلو, نقطة انتهى السطر, انت مرة معطي الموضوع أكبر من حجمه يا خالد.

 

[Khalid-S]

طريقة حلوة للهرب من الموضوع همام. انا شخصياَ ما ابي احول طريق الموضوع اصلا لكن الي يقهرني فيك هو عنادك مع ان واضح كيف مواضيع كثيرة جداَ ميته .. مافيها الا كم رد مع انها مواضيع مهمه وتتوقع ان يكون فيها تفاعل.

تفاعل ... متاكد انك تعرف معنى كلمة تفاعل. ردود تسوى .. ردود تشجع انك تتعب في كتابة مواضيع او استمراريه .. اذا مافي تشجيع الكل بيمل. حتى دخول الموضوع وتشكر صاحبه بطريقة معينة افضل من انك ما ترد.

خلاص ما يحتاج نتكلم اكثر ... اتمنى تكون المعلومة وصلت للاعضاء الي يدخلون ويقراون الاخبار وما يردون الا في مواضيع الضحك ..

 

[Id]

@Khalid-S
&
@Humam

أولاً شباب ترى الموضوع صغير ان لم يكن تافه ... ولكن تعرفون يعني من متى نشوف شعار موقع العاب أو توقيعهم الخاص على غلاف لعبة ... يعني من جد حاله نادرة ... ولو تلاحظ الموضوع وصل الى أكثر من 1700 Digg في موقع digg.com ...

وغير هذا المواضيع الرسمية ياخالد تعتبر مجهود جبار يحصل من قبل العضو ... حتى لو اقتصر الموضوع على اسطرقليلة أو كان صفحات طويلة ... لكن ميول الناس للعبة هو الي يحكم هذا الشيء .. وأنا متأكد إنك يا خالد أدرى من غيرك بذا الكلام ...

المهم أنا ودي أقول ((حصل خير)) ... ولا ننسى إن مواضيع زي كذا ماتنشاف الا في السنه مره ... يعني هيا فترة وتعدي ...

وTG موقع رائد في وضع الخبر و ضمه لنخبة من متابعي عالم الالعاب ... وهذا اقل مايقال عن الموقع ... فأرجو أن يكون هذا الموضوع مجرد [[فترة نقاهة للأعضاء]] وتغيير جو .. من كل خبر رسمي أو غيره .. وسلامتكم ...

 

[Khalid-S]

Id ياريت ما تفهم الموضوع خطأ .. هذا الموضوع كان على مثال من المواضيع الي تلاقي فيها فعالية غير طبيعية .. مواضيع تنزل اسبوعياَ او بالكثير كل اسبوعين .. تلاقي فيها نشاط غير طبيعي .. اما الاخبار الحلوه المهمه ما تلاقي فيها فعالية ابداَ. الامثلة كثيره وما احب اذكرها صراحة .. ما ابي اكبر السالفة بس اتمنى الرسالة تكون وصلت لفئة معينة من الناس.

ياريت ما نتحدث زياده عنه .. كفاية. وآسف خربت موضوعك Id.