R E D
. . . . . .
الجزء الأول Jump Super Stars (2005) والجزء الثاني Jump Ultimate Stars (2006)، على Nintendo DS، أفضل شبيهة .Super Smash Bro ولعبة أنمي/مانجا بالنسبة لي، أفضلها حتى على سلاسل Naruto: Clash of Ninja و Naruto: Ninja Storm الممتازة جدا.
بتكلم عن Jump Super Stars لأن فيها شغلات حلوة مو موجودة في Jump Ultimate Star. اللعبة جمعت تقريبا كل شخصيات Shonen Jump بوقتها، حتى اللي ما كانوا حاصلين على اقتباس أنمي، المراحل فيها صايرة عل صفحة من صفحات المانجا، تقدر تكسر أطرافها وتهزم اللي ضدك إذا طلع عن حدودها، نفس فكرة سلسلة سماش تقريبا.
اللعبة فيها نظام عجيب، تستخدم الTouch Screen مع Panels اللي ماخذينهم مباشرة من صفحات المانجا، كطريقة تجهز فيها مجموعتك من الشخصيات اللي راح تتحكم فيها أثناء اللعب، شخصيات تقدر تتحكم فيها إذا كان حجم البانل من أربع مربعات أو أكثر، شخصيات استدعاء مؤقتة إذا كان البانل من مربعين إلى ثلاث، وشخصيات تزيد قوة العلاقة إذا كان البانل من مربع واحد.
طريقة التجهيز واستخدام هذي البنلات حيل مبتكرة وممتعة، على سبيل المثال بانل شخصية Sanji راح تزيد قوته إذا حطيته جنب بانل شخصية Nami، وبأستخدام شاشة اللمس تقدر تغير بين الشخصيات بسلاسة وتسوي Combos، حركة ثنائية بين شخصيتين + استدعاء شخصية مؤقتة علشان تسوي Buff/Debuff أو تكمل الكومبو إذا وقتها صح. الإمكانيات كثيرة.
كل ما زاد حجم بانلات تبع الشخصيات اللي تتحكم فيها كلما زادت قوتها وتغيرت ضرباتها القاضية، علشان تحاكي الحدث اللي مرسوم في البانل نفسه، لكن بالمقابل هذا الشيء راح ياخذ حيز كبير من مجموعتك الشخصية للبانلات.
حتى طريقة الحصول على البانلات وكشفها ممتعة جدا، هالشيء موجود في Super بس أزالوه في Ultimate، أنك تحصل البانل أولا من المهام الرئيسية أو الجانبية، وراح يكون على شكل بانل ناقصه مربع واحد عشان يكتمل، نفس اللي في الصورة فوق لكن باللون الأسود بدون ملامح الشخصية، بس هيئة الشخصية نوعا ما واضحة، علشان تعطيك مجال انك تخمن هالبانل تبع أي شخصية، وتحتاج تركب فيه البانل المناسب عشان يكتمل ينكشف ويصير قابل للإستخدام.
اللعبة فيها أشياء كثيرة، حتى اللعب عبر الإنترنت كان موجود وممتع، كلامي نوعا ما سطحي بس حبيت أعطيكم فكرة سريعة عن هالسلسلة، أو أذكركم فيها على الأقل، شاركونا تجاربكم.
الشيء المؤسف ان مالها غير النسخ اليابانية، ونينتندو تخلت عن السلسلة، بالمقابل حصلنا على ألعاب نفس J Star Victory و Jump Force من Bandai Nacmo تحاول انها تقلد الفكرة، بس الفرق أنها ألعاب تجارية رخيصة.
لي ذكريات حلوة مع Jump Stars، هي من الألعاب اللي عرفتني على أنميات كثيرة، بوقت أنا ما كنت أبحث عنها بنفسي، كنت أكتفي بتوصيات الناس القراب وأمشي ورا التريند، بس بسببها أكتشفت وتابعت أنمي Gintama و D.Gray Man من أول حلقة لهم، بوقت محد درا عنهم في دائرتي أو دائرة المجتمع العربي للأنمي.
الفريق ورا هالألعاب طور لعبة على Nintendo 3DS أسمها One Piece: Super Grand Battle، شكلها حلوة بس ما لعبتها، لأنها مع الأسف حصرية لليابان، وشكرا لعبقرية Nintendo وقتها مع شي اسمه Region Locking (&).
هالالعاب ما تحتاج انك تعرف ياباني علشان تستمع فيها، أتمنى نشوف ألعاب أنمي تستخدم الأفكار هذي مرة ثانية، ويفكونا من التكرار والرخص اللي حاصل.
بتكلم عن Jump Super Stars لأن فيها شغلات حلوة مو موجودة في Jump Ultimate Star. اللعبة جمعت تقريبا كل شخصيات Shonen Jump بوقتها، حتى اللي ما كانوا حاصلين على اقتباس أنمي، المراحل فيها صايرة عل صفحة من صفحات المانجا، تقدر تكسر أطرافها وتهزم اللي ضدك إذا طلع عن حدودها، نفس فكرة سلسلة سماش تقريبا.
اللعبة فيها نظام عجيب، تستخدم الTouch Screen مع Panels اللي ماخذينهم مباشرة من صفحات المانجا، كطريقة تجهز فيها مجموعتك من الشخصيات اللي راح تتحكم فيها أثناء اللعب، شخصيات تقدر تتحكم فيها إذا كان حجم البانل من أربع مربعات أو أكثر، شخصيات استدعاء مؤقتة إذا كان البانل من مربعين إلى ثلاث، وشخصيات تزيد قوة العلاقة إذا كان البانل من مربع واحد.
طريقة التجهيز واستخدام هذي البنلات حيل مبتكرة وممتعة، على سبيل المثال بانل شخصية Sanji راح تزيد قوته إذا حطيته جنب بانل شخصية Nami، وبأستخدام شاشة اللمس تقدر تغير بين الشخصيات بسلاسة وتسوي Combos، حركة ثنائية بين شخصيتين + استدعاء شخصية مؤقتة علشان تسوي Buff/Debuff أو تكمل الكومبو إذا وقتها صح. الإمكانيات كثيرة.
كل ما زاد حجم بانلات تبع الشخصيات اللي تتحكم فيها كلما زادت قوتها وتغيرت ضرباتها القاضية، علشان تحاكي الحدث اللي مرسوم في البانل نفسه، لكن بالمقابل هذا الشيء راح ياخذ حيز كبير من مجموعتك الشخصية للبانلات.
حتى طريقة الحصول على البانلات وكشفها ممتعة جدا، هالشيء موجود في Super بس أزالوه في Ultimate، أنك تحصل البانل أولا من المهام الرئيسية أو الجانبية، وراح يكون على شكل بانل ناقصه مربع واحد عشان يكتمل، نفس اللي في الصورة فوق لكن باللون الأسود بدون ملامح الشخصية، بس هيئة الشخصية نوعا ما واضحة، علشان تعطيك مجال انك تخمن هالبانل تبع أي شخصية، وتحتاج تركب فيه البانل المناسب عشان يكتمل ينكشف ويصير قابل للإستخدام.
اللعبة فيها أشياء كثيرة، حتى اللعب عبر الإنترنت كان موجود وممتع، كلامي نوعا ما سطحي بس حبيت أعطيكم فكرة سريعة عن هالسلسلة، أو أذكركم فيها على الأقل، شاركونا تجاربكم.
الشيء المؤسف ان مالها غير النسخ اليابانية، ونينتندو تخلت عن السلسلة، بالمقابل حصلنا على ألعاب نفس J Star Victory و Jump Force من Bandai Nacmo تحاول انها تقلد الفكرة، بس الفرق أنها ألعاب تجارية رخيصة.
لي ذكريات حلوة مع Jump Stars، هي من الألعاب اللي عرفتني على أنميات كثيرة، بوقت أنا ما كنت أبحث عنها بنفسي، كنت أكتفي بتوصيات الناس القراب وأمشي ورا التريند، بس بسببها أكتشفت وتابعت أنمي Gintama و D.Gray Man من أول حلقة لهم، بوقت محد درا عنهم في دائرتي أو دائرة المجتمع العربي للأنمي.
الفريق ورا هالألعاب طور لعبة على Nintendo 3DS أسمها One Piece: Super Grand Battle، شكلها حلوة بس ما لعبتها، لأنها مع الأسف حصرية لليابان، وشكرا لعبقرية Nintendo وقتها مع شي اسمه Region Locking (&).
هالالعاب ما تحتاج انك تعرف ياباني علشان تستمع فيها، أتمنى نشوف ألعاب أنمي تستخدم الأفكار هذي مرة ثانية، ويفكونا من التكرار والرخص اللي حاصل.
