hits counter

[دليل الشراء] Playstation 3 / الموضوع الرسمي لإطلاق الجهاز في اليابان - أمريكا

ألف مبروك ^_^

يتربى بعزك ..^^"
 
ألف مبروك أخ هيوجا نيجي ...الله يعطيك خيره ويكفيك شره.
 
الله يبارك فيكم


حياك يمشاري تره ناطرينك


شباب ابي ادش اون لاين غثني الريجستر:moneymouth: :moneymouth: :moneymouth:
 
ألف مبروك نيجي , بكم خذيته ؟
 
جربت الجهاز اليوم مع لعبة RR7 .

اليدة فعلا خفيفة و لكن مو للدرجة الي وصفها البعض .. و أزرار الـ R2 و الـ L2 الجديدة ممتازة .. ياريتهم من الأول مصممينها على هالهيئة !
 
شباب الأمريكي نزل بالسعودية؟؟.
 
الف مبروك نيجي ^____^ و ان شاء الله بلحقك السنة الجاية ._.
 
قبل أمس لعبت الجهاز عند hyuga neji ^^

طبعا الجهاز كبير وثقيل بشكل ماتوقعته ..
المهم لعبت عنده ..
ريزستنس :
ممتازة جداً .. وبالاونلاين الـ40 اللاعب غير طبيعي XD
من غير لاق طبعاً .. (السرعة 1 ميغا ما ادري إذا في لاق بسرعة أقل)
العيب الوحيد اللي شفته باللعبة ان الألوان باللعبة قليلة .. اغلبها باللون الرمادي ..

جنجي :
تقييماتها بالنسبة نازلة جداً لمستواها .. كتجربة أولية اعطيها 7 .. الجرافيك فيها "خيالي" ..
والجيم بلاي حلو لكنه بسيط و بطيء شوي ..
تذكرت شغلة .. الموشن سنسنور فيها سيء جداً .. تلف يمين وتروح الشخصية يسار والعكس لما تلف يمين ~__~

ديمو موتور ستورم
أحلى شي فيه الموشن سنسور باليدة .. تلف اليدة والسيارة تلف على قوة اللفة اللي حركت فيها اليدة ..
جيد جداً التحكم بالسنسور فيها ^^

ديمو للنسخة الشبيهة لجوميتري وورز عالـ360 P:
ما اتذكر اسمها حاليا لكنها معروفة اعتقد ..
اللعبة حلوة ومسلية كثير وتضيع الوقت .. لكن بمقارنتها بجوميتري وورز فتكون لعبة عادية ..

لعبة ما اتذكر اسمها -__-
أيضا من الأركيد .. تتحكم بشخصي صغيرة على الشاشة ويطلعون لك الوحوش من كل مكان وترميهم والدم يكون بكل المرحلة ~__~
قريبة من Crash TV الموجودة بالـ360 عشاة نقرب الصورة للي ما فهم ~__~
هذي كل الأشياء الموجودة بالبلاي ستيشن ستور مع كم عرض لفلم ولعبتين او ثلاث على ما اذكر ..

الأشياء اللي ما عجبتني أو العيوب :
طبعا البلاي ستيشن ستور ببدايته والأشياء فيه قليلة .. لكن وتصميمه ما عجبني كثير كان ممكن انه يكون ارتب و أفضل ..
والقوائم بالبلاي ستيشن مثل الـPSP .. ممتازة كجهاز محمول لكن جهاز منزلي ؟ ما تنفع و ما تحس انها تفاعلية وما تحس بالحياة بقوائم الأصدقاء وترتيبها أيضا ماكان ممتاز ..
 
شباباحد يعرف وين القى جهاز امريكي بجدة
 
^
مافيه الا بو 20 جيجا..لو كان بو 60 .. كان طلبته 🙁..يبقى العرض جيد.
 
[align=center]السلام عليكم ورحمة الله وبركاته
كيفكم شباب
باركولي شباب الحمد لله امس وصلني السوني 3
واحد من الشباب جابه من امريكا وباعه علي بدال النصب الي حاصل هنا
بالسعودية بالنادر بتلقون الأمريكي كل الي بالسوق يباني بيصرفون بضاعتهم
الجهاز اول ما استلمته شفت الكرتون حقه قلت عادي شكله خفيف
والله العظيم انفجعت لما شلته
جدا ثقيل ثقيل ثقيل
اثقل من الإكس بوكس الأول واال360 يمكن نجمعهم على بعض عشان يعادلون وزنه
تشغيل الجهاز روعة باللمس



الألعاب الي معاي
جينجي
وريزستينس

بأتكلم شوي

[align=center]OnLine[/align]
لأنه هو المهم عندي لأن الجيم بلاي السينقل اظن سوني متميزة فيه
اول شيء لازم ينزل اب ديت
الصراحة حاسس ان السوني تبغى تحلل الهارديسك حقها
1-المساحة المتاحة عندي 47 جيجا الباقي الله اعلم وين راح لحد الآن ما شفتهم نزلوا لي اغاني او فيديوهات تاخذ مساحة
2-تسوي اسم عادي ببلاش الاسماء زي الاكس بوكس لايف
الدول المتاحة امريكا وتايوان واليابان
العيب الوحيد بالاسم مافي مسافات
يعني اسمك مثلا S a a d
يصير كذا
S_a_a_d
3-كملت التسجيل وعملت اسمي KOTSHY:smile3: آخر خطوة
احط جيمر بيكتشر
الجيمر بيكتشر مو زي الاكس بوكس ينزل على الجهاز وانت تختار
لا بيفتح لك موقع وانت تختار منه ببلاش طبعا حتى تظهر تاخذ وقت عشان اتصالنا
والصراحة اغلبها غبية بل غبية جدا جدا جدا
4-ضفت بعض الشباب من الي عندهم سوني 3 ما يكتب لك لو واحد دخل اون لاين برسالة زي الاكس بوكس بس يحط علامة زرقاء جنبه انه اون لاين
5- بالنسبة للشات اليوم ان شاء الله بأقعد اجرب فيه حتى اعرف نهايته لأنه معقد
والسماعات حقتي هي سماعات بلوتوث للجوال
6-دخلت الماركت بليس حلو كبداية بس يبغاله ترتيب
وفيه حركة قاهرتني لما تنزل حاجة من الماركت بليس لازم تنزلها من أولها لأخرها
ما تقدر تنزل وتلعب ولا تقدر تنزل شوي وتكمل لازم تبدأ من الصفر إلى 100 لو قطعت عند ال99 بترجع من الصفر
7-الشيء الحلو انه ياخذ الاتصال كله مو زي الاكس بوكس تحسن انك بتنزل بالسرعة الكاملة
8-الأركيد حلو وفيه ديمو تجربه قبل لا تشتري اللعبة بس العيب
الديمو حجمه كبير
امس نزلت لعبة اركيد الديمو حجمها 79 يمكن هذه اصغر لعبة
والكاملة حجمها 250 لاحظوا
هناك اثنين نسخة ديمو ونسخة كاملة بالإكس بوكس نسخة وحدة وتعملها أنلوك
9-يقبل الماستر كارد الدولي وطريقة الشراء انك تشحن محفظتك ب5 10 25 50 و150 $
وبعدها تشتري بها
وفيه خيار السوني كارد اظن لس ما نزلوه بالسوق

[align=center]ريزيستنس[/align]

1-لعبت ريزيستنس أون لاين الصراحة عجبني
مافي أي لاج واجهني الروم زحمة يشيل لغاية 40 لاعب
امس لعبت مع 32 لاعب من غير لاج
اللعبة كل شوي تموت من كثر الزحمة وتطول بالأون لاين لأنه السكور بها عالي 250 قتلة
بس بالتيم بيكون معك 13 او 15 لاعب على الأقل تشوف زحمة تحس بالحماس التام
انا عجبتني رسمها حلو بس السوني تقدر تسوي اكثر وعلى فكرة ترى اللعبة
720P
2-بالنسبة للاسم اسمي كان نفسه باللعبة
اظن لك خيار تغيره لو حبيت بس باللعبة يعني مثلا
KOTSHY(mask)
عني يكتب اسمك باللعبة بين اقواس هذا بالروم
لما تلعب وسط الجيم ينكتب فوق اللاعب اسمك الجديد
3-جينجي حلوة وزي فكرة دينستي واريورز وهذه الاشياء بس مافيها اون لاين
4-مافي جيمر سكور
5-الي خرب اللعبة اليد التحكم بالسوني 3 بمثل هذه الالعاب صعب
الانالوج الاثنين قريبين من بعض عكس الاكس بوكس

ملاحظات:
الجهاز ما يجي معه سلك كومبوننت ولا سلك HDMI
اليد تحتاج لسلك USB يجي واحد مع الجهاز بس اليد الإضافية ما يجي معاها
ان شاء الله يغيرون المينيو ويرتيبوه لانه زي البي اس بي واتوقع كل هذه المشاكل بأب ديت واحد
ملف واحد للتنزيل مو زي الاكس بوكس وما تقدر تكمل لو انقطع ومما تقدر تلعب وتحمل
الجهاز يغبر بسرعة رهيبة يمكن لأنه أيود وينطبع عليه اي لمسة يد

الصراحة السوني جهاز واعد
والأون لاين حلو نتمنى الوننج ينزل فيه مع انهم خربوها بحكاية الR2 وL2[/align]
 
اليوم رحت الرحاب وأخذت


57332934.jpg
 
حراااااااااااام تاخذ فل اوتو2 ونيد فور سبيد كاربون لانهم بكل بساطة

زبااااااااااااااااااااااااااله وانت بكرامة

وموتور ستروم هذي يابانية كنت نطرت الى مارس من السنة الجاية واخذت الامريكية لان فيها اون لاين هذي مافيها
 
بالعكس فل أوتو2 ونيد فور سبيد حلوين بالنسبه لي

يمكن بالنسبه لك موشي لاكن تعرف الأذواق تختلف

كما يقولون لوتشابهت الأذواق لبارت السلع

وحبيت اوضحلك اكثر ترى الأخبار الي تسمعها عن الالعاب اكثرها غير صحيحه
خصوصا موقع جيم سبوت

لان جيم سبوت ظلم فلاوتو2 كثير لما عطاها 5.7
جربتها بالعكس ظلمها ظلم شديد
وخصوصا ان عندي نسخة 360
ونسخةبي اس 3 افضل

وبالنسبه لموتر ستورم إذا نزل للنسخه الأمريكيه اونلاين
وطلع الأنلاين مالها جميل ومرغوب مافي أشكال إن شاء الله
أشتريها

لاكن تعرف الجهاز انا شريته لازم العب عليه
بس بصراحه انا ماكنت اضن انها تعجبني لاكن حدث العكس
إذا هاذي الألعاب عجبتني فما بالك في فيرتشوا ونينجا جايدن جراند ترزموا وميتل جير وخصوصا ديفل مي كراي (الظاهر النكست جن راح يطير عقلي معى الألعاب الي ابيها)
والله انقهر لما اشوف العروض
(صبر جميل)
 
التعديل الأخير:
مبروك للشباب الي اشتروا الجهاز
-----------------------------------

عندي استفسار ...
البارح كنت ناوي على PS3 لما شفت موتور ستورم
سالت عن الجهاز السعر كان 2800 -- 60 جيجا بس المشكله انه اسيوي يشتغل مباشر على الكهرباء

انا هذي اسيوي ما عرفت كيف اصرفها يعني الحين فيه " امريكي " و فيه " ياياني" و فيه " أسيوي "!!!

أحد عنده فكره ؟
 
طبعاً الأمريكي افضل شيء بالنسبة لنا ^^ ..
صحيح ان الجهاز فري ريجن لكن حتى ولو انا افضل الأمريكي ^^ ..

وبعدني موب مستعجل على الجهاز
 
^كنت اراقب الصفحة يوم كانت الاجهزة متوفرة. اخذت مدة طويلة لين ما خلصت ال1000 حبة
 
توهم بايعين الps3 شلون قدروا يوفرونه مرة ثانية. قريبا شكلنا بنشوف الجهاز متوفر بكثرة في الأسواق.
 
مبروك للشباب لكنه لسا غالي علينا :embarrassed:
 
يجب تسجيل الدخول أو التسجيل كي تتمكن من الرد هنا.
عودة
أعلى