hits counter

[دليل الشراء] Playstation 3 / الموضوع الرسمي لإطلاق الجهاز في اليابان - أمريكا

الجهاز مصمم على انه 24 ساعة On ?

اول مرة اسمع روعة والله
 
شباب هذول الي سرقوا الرجال, والخوال الي مسوين مشاكل يبون الجهاز .. على بالكم علشان يعلبونه؟

السالفة مو كذا, علشان يبيعونه في ebay ويحصلون 300-400 دولار اضافيه بيوم واحد .. Fast Money ..
 
علشان يبيعونه في ebay ويحصلون 300-400 دولار اضافيه بيوم واحد .. Fast Money ..
أنقر للتوسيع...

😵 والله فكره عجيبه


اقول انت وياهم شي P:
 
أخيراً اليوم رحت شريت EBA + YIDS وجربت الوحش لمدة 45 دقيقة في بيت الكمبيوتر. كانوا حاطين مارفل، وما وصلتهم رزستنس لول.

الجهاز (العملاق) كان موصل بـEDTV وبسلك كومبوزيت، والرسوم طالعة last gen لكن مع إضاءة أفضل (يعني لازم أسلاك كومبوننت أو HDMI ولا ما راح يكون في فرق كبير). الـSIXAXIS، مثل ما قالوا الشباب، خفيف جداً جداً لدرجة الإحساس بأنه رخيص. ما أعرف إذا كان في tilt في اللعبة لكني قمت أحاول أخلي سبايدرمان يسوي شي بأني أسوي أنواع tilting بدون فايدة (واللي واقفين جنبي قاموا يطالعون فيني بنظرات غريبة).

رجعت للقائمة الرئيسية بأني أضغط زر الـPS لفترة وأختار Quit Game. القائمة هذي شكلها سيء للأسف لأن لونها أسود بدون إضافات وتغطي على شاشة اللعبة تماماً. مو لازم شي مثل الـ360 لكن على الأقل المفروض كانت شفافة شوي بحيث أقدر أشوف اللي وقفت عنده في اللعبة .. عموماً مو مهم كثير. لعبة مارفل سيئة، لول.

العودة للقائمة الرئيسية كان بطئ نسبياً. قوائم الـXMB حلوة لكن شكلها ميت شوي على شاشة التلفزيون (عكس قائمة الـPSP اللي تبدو رائعة في شاشته). يمكن لأنه EDTV أو أنها تحتاج ألوان أكثر.

أدري ما جبت شي جديد لكن هذا اللي لاحظته.

رحت بعدها لألعاب طوكيو ويجيني ذاك المصري الكريه اللي في فرع الراشد. سألته عن السعر وجاوبني على طول: "تمنتلاف ريال*". سألته إذا بيجيبون PS3 أمريكي قال لي ما راح يجيبون من الدفعة الأولى إلا يمكن من eBay لو أبي، والسعر واصل 2500 دولار. قلت له يضف وجهه طبعاً. عندهم جهازين PS3 والألعاب رزستنس، ريدج ريسر، جندام (لول) ولعبة رابعة نسيت وش هي. وأنا واقف في المحل دخلوا 3 خلال دقيقتين يسألون عن الـPS3 وواحد سأل بالتلفون. الثلاثة انحاشوا واللي كلم قفل لما سمعوا السعر، لول.

*ثمانية آلاف ريال سعودي فقط لا غير
 
رحت بعدها لألعاب طوكيو ويجيني ذاك المصري الكريه اللي في فرع الراشد. سألته عن السعر وجاوبني على طول: "تمنتلاف ريال*".
أنقر للتوسيع...
اوه ><هالمصري عياااااااار ماعليك منه اوبس
 
الجهاز الياباني في الرحاب بـ 400 ... و الأمريكي بـ 700 .

مالت من حالة !
 
متى الدفعه الثانيه من الـ PS3 الأمريكي ؟
 
ما شاء الله كل محل يحط السعر إلي يعجبة ..
وبعد شهرين او شهر بتشوف السعر طاح على الأخير
ننتظر احسن ماورانا شي ..

مافي العاب تشجع الصراحة الأن
 
متى الدفعه الثانيه من الـ PS3 الأمريكي ؟
أنقر للتوسيع...

حسب تصريح أحد مسؤولي سوني ومحلات البيع إن في دفعات جديدة راح تصل يوم 22 نوفمبر الحالي.. 600 ألف جهاز إضافية سيتم شحنها مع نهاية ديسمبر.
 
RIZE قال:
😵 والله فكره عجيبه


اقول انت وياهم شي P:
أنقر للتوسيع...

لا بس اعرف ناس كانوا مسوين Camping علشان كذا .. وباعوه بـ 1200 دولار
+ نفس الحركة مسوينها بال وي وكانوا مسوين camping معنا .. وناويين يبيعونه بـ 600 دولار ..

واغرب المسكيان والخوال هذي نيتهم, يبون يشترونه على يبيعونه ويجيبون فلوس بسرعه ومبلغ محترم .. واصلا هذا من اكبر اسباب ال camping وان الناس تنتظر مده ..

نصهم جيمرز والنص الثاني نيتهم البيع اصلا, وهم الي بيسون مشاكل, لان الهوشه مو على البلاي ستيشن 3, الهوشة على الـ $$ بنظرهم لول ..
 
WoooooW

قرأت المقالة, صراحة في أشياء كثيرة تكلم عنها الكاتب ماكنت أدري عنها, البلاي ستيشن 3 ناقص كثيييييييير في الانترفيس وسهولة التعامل عن الـ360. :exclamati
 
همم ..
interesting

إن شاء الله يصلحوا الكلام ذا قبل لا أشتريه لأنه من جد أشياء خلاص صرت أتوقع أي جهاز كونسول يسويها
 
مقال نيويورك تايمز = BS... كأنه راح يغير من الموضوع شي لول.
 
GSenius قال:
مقال نيويورك تايمز = BS... كأنه راح يغير من الموضوع شي لول.
أنقر للتوسيع...
كيف BS وكله كلام صحيح!؟
 
لأن شغل المقارنات شي في قمة العبط.. شي طبيعي يكون في اختلافات, ثم لو صار تشابه بتطلع مجموعة من ذوي التفكير الرجعي وتقلك " اوه تقليد - ما فراسهم - حرامية " ..

أنا أقول ذا الكلام وعندي تحفظ على الانترفيس من البداية والكل يعرف ذا الشي, بس إن الإعلام يستمر في تضخيم الأمور في كل شي متعلق بالPS3 هذا الBS الحقيقي.. وكأن الPS3 راح ينهار بمجرد انترفيس تطويره من أسهل ما بيكون.. بضغطة زر, أبديت جديد وسلام عليكم.. بس الظاهر في ناس تبغى تمسك أي شي من كثر الPS3 مو مسكتهم لول.
 
أعتقد مقارنته للـPS3 والـ360 من حيث سهولة الاستخدام مقارنة معقولة، مع أنه ركز على بعض النواحي الغير مهمة. بشكل عام عنده نقاط ممتازة لكن طريقة صياغته للمقالة ما عجبتني..

EDIT

بضغطة زر, أبديت جديد وسلام عليكم.. بس الظاهر في ناس تبغى تمسك أي شي من كثر الPS3 مو مسكتهم لول.
أنقر للتوسيع...

همام للأمانة هو تكلم عن الشي هذا (الأبديت) في نهاية المقالة. هو يتكلم عن أن الإنترفيس حالياً مو مكتمل.
 
GSenius قال:
لأن شغل المقارنات شي في قمة العبط.. شي طبيعي يكون في اختلافات, ثم لو صار تشابه بتطلع مجموعة من ذوي التفكير الرجعي وتقلك " اوه تقليد - ما فراسهم - حرامية " ..

أنا أقول ذا الكلام وعندي تحفظ على الانترفيس من البداية والكل يعرف ذا الشي, بس إن الإعلام يستمر في تضخيم الأمور في كل شي متعلق بالPS3 هذا الBS الحقيقي.. وكأن الPS3 راح ينهار بمجرد انترفيس تطويره من أسهل ما بيكون.. بضغطة زر, أبديت جديد وسلام عليكم.. بس الظاهر في ناس تبغى تمسك أي شي من كثر الPS3 مو مسكتهم لول.
أنقر للتوسيع...

كلام صحيح 100%
 
اليوم شفت الجهاز على تلفزيون Bravia X

42 انش

التلفزيون > all
 
اوووووه شباب اخيرا مسكت يد البلاي3 صراحه خفيف جدا جدا
واحس انه مريح وسلس جدا لكن اللعبه الي جربته عليها غبيه الى ابعد حدود الرسومه تقول حقت
بلاي2 اعتقد اللعبه حق ابطال مارفيل الغبيه
واحسن مافي اليد صراحه ضغطة الR2صراحه لما جربت ضغطتها اندهشة من جد الحين تقدر
تتحكم بحجم ضغطتك للعبه ^_^
 
جربت الجهاز اليوم ,, R2 & L2 احسهم عميقين زيادة عن اللزوم
 
أمس جربت الجهاز لمن جيت أخذ جيرز اوف وور..

الكنترولر:

واو.. بصراحة تفاجئت, من كثر الانطباعات الغريبة كنت حاس إني راح أشوف شي سيء جدا لكن الي صار العكس.. ملمس + وزن الكنترولر = بيرفكت .. انا جدا مستغرب من الي يقول إن ملمسها رخيص.. اليد كانت مريحة وذايبة في بطن يدي..

الL2 - R2 هممم كنت متوقع شي أفضل بس مو سيئين.. إضافة حلوة على الأقل وأفضل من السابق.
 
على البركة ^^

منك المال ومنه اللعب :laugh:

إن شاءلله عالأسبوع الياي اجربه عندكم .. لاتنسى تاخذ الجهاز عند خالد لما امركم P:
 
يجب تسجيل الدخول أو التسجيل كي تتمكن من الرد هنا.
عودة
أعلى