عودا حميدا يا دارك.
بأمانة أنا تعجبني ردود دارك ومواضيعه بشكل عام، الكوميديا ماله تدل على ذائقة عالية ونكته تكون مبنية على التلاعب بالكلام والتوقيت الذكي، ولو أنه مرات يشطح شطحات مالها داعي مثل سبب الباند الأخير.
ويعجبني أن فيه جانب تحليلي مثير ويصيغ تحليله على شكل نقاط واضحة بشكل موجز، ويوصل النتيجة بشكل سلس في كلمات قليلة، الموضوع هذا مثال ممتاز على تحليلات دارك وعاجبني كيف يتطرق لمواضيع ما أظن أحد غيره يمسكها بتيجي، أتوقع لو جيت كتبت نفس نقاطه بكتب كلام أكثر بكثير وبصفصف كلام أكثر عشان أوصل نفس النقاط وهذه حاجة يغبط عليها.
أما بخصوص الاعتراضات على تحليله مع الأسف دون المستوى، ما أشوف أي تفنيد لكلامه أو رد معتبر لنقاطه أو تحليل مضاد، وهذا يخليني أريد أذكّر بكذا حاجة المفروض أنها بديهية بالنقاش:
- كونك تقول لواحد طرح نقاطه الي بنى عليها تحليله "ما عندك سالفة" أو ما يقابل ذلك ما بيخليه ما عنده سالفة، المتحدث طرح نقاط وأفكار رد عليها بنقاط، تسجيلك لعدم الإعجاب دون نقاطك المضادة يظهر عدم قدرتك على الرد.
- إذا ما عجبك كلام شخص لا تنظر لشخصه وإنما نقاطه، أعرف تكرار للأولى بس يبدوا لي فيه استنكار لكلام دارك لأنه من دارك وليس لأن نقاطه غلط ولا كان شفت ردود تفند كلامه حبة حبة.
- ما لازم تتفق مع المحلل عشان يكون محلل جيد، أهم شي عقليته ونقاطه الي يطرحها، عادي تختلف معه ترانا نتكلم عن ألعاب والموضوع فيه سعة، وعادي نتفق بأجزاء ونختلف بأخرى.
وكما ذكر كيت كات الكلام الي قاله عن الان ويك 2 طلع صحيح:
مع أن الردود كانت معارضة، لكن حفل جوايز الألعاب خذت جوايز عكس رزي، حفل تيجي خذت جوايز ورزي لا، بالتالي أقول مبروك الفوز يا دارك.
أما بخصوص الموضوع نفسه
1-سالفة الاسم ما بنفس قوته صحيحة،
15 و
الريميك و
16 كلهم حصدوا تقييمات بالثمانينات بس شوف فيديوهات اليوتيوب تلقى اختلاف على جودة الألعاب، تعال تيجي نفس الكلام وأتوقع حتى البودكاستات وتويتر حالهم ليس ببعيد، فإذا كانت جودة الألعاب عليها خلاف من جمهور السلسلة فكيف تتوقع بيكون وضع الجيل الجديد الي يشوف الفانز مختلفين على لعبتهم؟ تتوقع بيهتموا بيها أصلا؟
2-أما سالفة الجمهور الجديد أصلا من الناس الي أعرفهم شخصيا والقنوات الي أتابعها الجمهور مال السلسلة يا كبار يا ناس مهتمة بالألعاب القديمة وتاريخ الألعاب بشكل عام، حتى الناس الي شفتهم لعبوا 15 على أيامها أظنهم اكتفوا بيها أو شي مشابه، السلسلة شكلها ما تقدر تجذب جمهور جديد ولو إني مش متأكد من ذي النقطة لأنها تحتاج نشوف إحصائيات وكذا وما نكتفي بالملاحظة الشخصية.
على عكس سكوير فانز أطلس مبسوطيييين بألعاب شركتهم ويشتروا بسعر كامل، ريميك برسونا 5 المدعو رويال باعوه بسعر لعبة كاملة، تخيل ريميك للعبة بنفس الجيل أو نسخة محسنة أو أي كان ينباع بستين، اللعبة نزلت 2017 بستين ونزلت مرة أخرى 2020 بستين ويقول لك ألعاب الخامس باعت
تسع ملايين وغالبا حصيلة الأسد للعبة بنسختيها، رقم أبدا ما هين ويدل أن السلسلة لها جمهور كبير وهذا شي طبيعي لأن جمهورها يسوق لها بكلامهم+مبسوطين من اللعبة+دفيعين جادين.
وهذا شي طبيعي، لعبة جربج بجودة عالية وبستايل أنمي كول بالعصر الي الأنمي أشهر من أي وقت مضى ويعتبر شي كول طبيعي جدا أنها تكون شي يبيع لهذه الدرجة.
ولا ننسى بعد أن الريميك كان للعبة محبوبة وبايعة كثير فلها شعبية قوية من قبل، ونزل بفترة كورونا الي الألعاب فيها بشكل عام حصلت دفرة قوية بالمبيعات.
كلام سليم بالإضافة لأن السيكولز بالسلسلة
ما تبيع نفس الأجزاء الأولية، عشرة باعت 8.5 مليون بينما عشرة 2 باعت 5.4 مليون أيام البس2.
13 باعت 9.6 مليون.
13-2 باعت 7.1 مليون.
13-3 باعت 3.5 مليون. وكل هذيلا الأرقام من ويكي مبيعات الألعاب فلما ناخذ بعين الاعتبار أن السيكلوز أصلا ما تبيع نفس الأجزاء السابقة بالسلسلة وفوق هذا على جهاز جديد ويمكن تنباع بسبعين دولار أشوف التوقع جدا منطقي.
لكن على كل هذيلا التحليلات تراها ممكن تصيب وممكن تخيب، الأيام بتحدد صحة توقعات دارك من خطئها.
