بدأ عصر الجوالات الضخمة O.O

[king zell]

و أنا كنت أعتقد إن حجم 4.3 انش كثير على شاشة جوال

اليوم سامسونج أعلنت جالكسي Note بشاشة 5.3 انش !


http://www.electrony.net/articles/37008/

 

[Nintendo]

يعني هي موجهة لفئة معينة فقط، ماقدر اتخيل روعة السوبر امولد على شاشة بذا الحجم (راح يشوف التاب 7,7 وااااو)

 

[hussien-11]

عقبال ما تصير الموبايلات بحجم الجالاكسي تاب الأول لول

 

[zlatanovic]

كبير مرهـ XD
الظاهر الزمان جالس يعيد نفسه .. اتذكر ايام نوكيا لما بدأت الجوالات تصغر وتصغر وتتنافس في الصغر , وفجأهـ طلعت الجوالات الذكيّة وصار الصغير غير مرغوب .
بس صراحه هذا كبير بالحيل , يعني تحطه على اذنك يطلع شكلك سبك .

 

[Zero]

ما عندي مشكلة ويا الأجهزة الكبيرة لأنه مثل ما قال عمر موجهة لفئة معينة، لكننا للأسف قاعدين هنا نشوف نفس الشيء بس بحجم أكبر فقط لا غير! أخبار السلايد والفيزكال كيبورد يا سامسونج؟ الشيء اللي يزعجني أنه الأجهزة (كلها) ماشية على نفس النمط. غير الحجم الكبير قاعدين نشوف نفس التصميم واللون والمعالج والكاميرا والرزلوشن وكاندي بار بدون معالم واضحة واللي تغير هو الطول والعرض.

اللي أجب أنوه عليه أنه لا أحد يقلق على حجم الأجهزة مستقبلا، سامسونج تقول بإعلانها "نوع جديد من الهواتف الذكية"، لكن اسمه "Note" تحسه جهاز جاي يبغى يستبدل أجهزة ال communicator حق نوكيا سابقا وما شابهها من هالفئة، هالفئة قبل وجود التابلتز كانت الأكبر، ولكن الآن لو وجدت فهي بتكون المتوسط بين السمارتفون المعقول وبين الجهاز اللي تقدر تطلق عليه تابت.

الأجهزة اللي شاشاتها بين 3.3-4.3 ما راح تختفي ولو اختفت فهي كارثة.

 

[Unknown]

big show .. يبيله واحد:fd3:

 

[awadnin]

أتوقع مصيره الفشل.

 

[Spartan-A34]

من صجكم عاجبكم تلفون بهالحجم ؟

بالنسبة لي بين 3.5 و 3.8 (بكثافة بيكسلز عالية) احسن شي

 

[s3rorh]

أتوقع مصيره الفشل.

طيب وألحين ؟

 

[pacino]

الجالكسي اس 2 يااالله تقدر توصل ابهامك لطرف الشاشة اذا كنت ماسكه باييد وحده .هذا الجهاز استخدامه بيد وحده شبه مستحيل الا للناس الضخمه خخخ

 

[awadnin]

طيب وألحين ؟

ههههه :]

شكراً، لكن هذا مو ستايل ننتندو، ممكن هذا أقرب للواقع:

 

[سِراج]

يليه جوال Acer أبو 4.8" على ما أعتقد... على أي حال ما كنت أشوف الباد ما ينقصه الكثير عشان يتحول لجوال كامل.

 

[قناص]

الجوال كبير و أكبر من الضخم ديل ستريك

حتى جيب الثوب الواسع ما يشيله .. سامسونج بدت تخمبق و تطلع أشياء ما لها داعي

أتقبل هذا الحجم في جهاز ملتيميديا زي الجلكسي بلير أبو 5 أنش لكن بجوال مش عملي أبداً

جوال مثل هذا بيصير تشتري له شنطة و تشيله مثل اللابتوب :laugh::

 

[Sir Guts]

الجوال موجه للناس الي يدها قد يد المصارع Big Show ما شاء الله

اكبر حجم ممكن استخدمه انا هو حجم الجالاكسي اس 2 اما غيره لا