hits counter

الوضع لايطاق ( سعودي نت !! )

Nintendo

Nintendo

TG editor-in-chief
على اخر الزمن عشان اتصفح ترو جيمنج لازم ادخل ببروكسي ؟؟؟

وش القصة من امس ولا موقع يشتغل ويوم كلمتهم يقولوا مشكلة عامه بالتصفح ؟؟ طيب ليش بالبروكسي كل شئ يشتغل ؟؟
 
يه سلامات شدعوة عاد داخل منتدى انت مب داخل موقع ثاني!!

طيب عمر في حل لهل موضوع؟ وندري انه سالفة مشكلة في التصفح شلخة
 
والله ياريت اذا احد من الاخوان عنده حل .. لانه بالبروكسي العمليه ممله جدا واغلب الاحيان تسوي ريفرش ولا شئ يتغير ويوم تسوي F5+CTRL تحصل كل شئ تغير وشئ مقرف ..

احلى شئ انا كلمتهم امس الساعه 1 الفجر وقالوا مسالة ساعات وكل شئ يتصلح .. الحين صرنا 1 الظهر !!
 
من جد أمس كان في مشكلة مع سعودي نت.. كنت في بيت أختي وترو جيمنج و جاف مرة ما يفتحوا إلا عن طريق بروكسي...

المشكلة عمر انت تحب سعودي نت ما أدري ليش رغم وضعهم الزبالة.. شكلك تطبق المثل الي يقول " البس ما يحب إلا خناقه "..
 
اول نت كمان يستهبل معاي .. يطول احيان لما يفتح الصفحات في المنتدى .. و كثير من الاحيان يطلع الايرور المشهور حقهم 505 ..
 
همام سعودي نت تجيه حالات .. اول نت ايرور ال 505 حقهم على مدار الاسبوع
 
أول نت عندي أفضل السيئين.. يعني في الشهر 3 أسابيع ممتازة, يبقى أسبوع نصه متوسط والنص الثاني زبااااااالة..
 
يازين الوايرلس 😛
 
زايدة مشاكل النت حتى على اول نت الأيام هذي .. خوفي تكون مشكلة الراوتر

بس مرتاح سواء تصفح او تحميل او اون لاين و هو الأهم لأن مو اي اتصال يخليه زين
 
هذي المشكلة عندي و توها تنحل الآن هاللحظة, كل شي تمام كل المواقع شغالة الا جاف و تروجيمنج بشكل غريب, و الأغرب أنها شغالة معي بالبروكسي (??!!), و الله أول شي حسبت في أحد يستهبل معي و غير عندي شي!
 
رغم اني مو سعودي ..

لكن معقولة يا عالم احنا ب 2008 ونسمع عن مشاكل بالانترنت والتصفح !!

الله يعينكم بس ..
 
حلوا المشكلة اخيرا ..
 
المشكلة هذي صارت لكل مشتركي سعودي نت في السعودية أجل

من أمس مواقع معينة ما تقدر تدخلها.. و المشكلة ما حصلوا الا TG و GAF :slant:



مدري الى متى الصبر مع سعودي زفت
 
ما توقعت انه الكل كان يواجه نفس المشكلة مو لوحدي لول ... و الله حالة
 
قرررررررررررررف

من امس العصر مو قادر اتصفح اي موقع اي موووووووووقع :evil:
 
ماكان يفتح معي لا TG و لا GAF و لا منتدى AXISIA .. شهالحالة؟ بس من زمان ما انضرب النت عندي.
 
مو بس سعودي نت يصيرلها كذا. حتى SPS مع سرعة 1 ميجا. الحكاية بالتحديد انه لما يصير ضغط على خادم اي سرعة من السرعات راح تستغرب من حالة ارتفاع في الـping. وراح تتصل على موزع الخدمة وعلى طول راح يقولك استخدم البروكسي الفلاني الى ان تحل المشكلة أو تعمل داون جريد Downgrade لسرعتك الحالية الى سرعة لا يكون عليها ضغط مثل 512 أو 256.

أنا ما بديت أعاني من البطئ ومشاكل الاشتراكات الا بعد ما صارت التخفيضات المهوولة على أسعار هذه الاشتراكات. المفروض موزعين الخدمات يشوفولهم حل جذري لهذه المشكل اللي لايكاد أحد أن يسلم منها.
 
التعديل الأخير:
بالنسبة لي ما فيه أحسن من زجول.
 
Saadawii قال:
بالنسبة لي ما فيه أحسن من زجول.
أنقر للتوسيع...

ماودي أخرج عن سياق الموضوع, لكن الحق يقال بصراحة. زجول 512 قبل شهر تقريبا مافي مثلها. الـ ping حقها كان 62 والان الله يخلف عليها. طبعا حكاية البنج مهمة في ألعاب الاونلاين والاستريمنج كمثال اليوتوب. الحلو في زجول عروضهم الخيالية. شهرين 512 = 80 ريال سعودي فقط. و للتذكير, 1 ميجا من زجول أسوء من 512.
 
النت في السعودية يبي له حل، استعملنا شركات وايد، بالبداية مع أوربت، سعر الإشتراك أتذكر كان غاااااااالي، بداية خدمتهم ممتازة .. التحميل +250 كيلو بايت بالراحة، Enter و صفحة الويب فاتحة، أشياء رهيبة، بعدين بدأ النت يخترب، و كل يوم دعم و صيانة و عفسة و مافرقت. أشتراكنا في أول نت و حالتها حالة، الحين سعودي نت و ممتاز .. بس أمس صارت المشكلة، أتمنى ماتجي مشاكل الأيام الجاية. لووول زين أني ما ألعب أونلاين، ولا كان رحت فيها.
 
still not working with me...
 
أنا والله مستغرب طول أمس أحاول أدخل ... والرد كان واحد (( page can't be found )) :|

المشكلة تقول المشكلة في سعودي نت ... تكون غلطان ... لأنه أكلم أمس ناس عندها زجول عندهم سيبيريا عندهم أول نت .... وغيرهم

كلهم نفس المشكله ...

وش الحل ... قالوا فصل الإتصالات عن مدينة الملك عبدالعزيز بينقذنا (( لاوالله نكبنا )) ... أنا أقول مالنا الصبر و إحتساب الأجر ... لما تأخذ اشتراك شهر ويشتغل معك 25 يوم فقط ...
 
ههههه ..
:\
انا اكثر شيء اكره عن شركات الأتصال هون هو الـ Customer Service ..
يعني ولله يعينوا ناس ما تعرف شيء بالاتصالات والشبكات .. وحتى لو تقيس كم المعلومات الي عندي عن الشبكات تتطلع اكثر من الي عنده . علشان كدا .. صارت شركة Orange عنا توزع بروشورات " ماذا تفعل في حال توقف النت " .

<tgman>
 
فيه مشكلة كبيرة عند الاتصالات .... والمشكلة الاعظم هي ان الاتصالات مب معترفة ان عندها مشكلة

الان الاتصال عندي بالضبط بيكمل شهر زفت زي الزبالة .... انا مايرفع ضغطي الا الدعايات اللي تلقاها في

كل مكان : افضل انترنت في المملكة - سرعات خيالية - هذا غير الدعايات اللي يتهزون فيها على موبايلي

مااقول الا الله لايوفقهم .... يالله ياكريم انك تخلصنا منهم باقرب وقت وتبدلهم بابرك منهم
 
سعودي انت على الأقل أحسن من أول نت الزباله يقطع يوم كامل مافيه مشكله وعلى مدار الأسبوع يقطع

ثلاث مرات باليوم او أربع ويشبك علاطول (يخرب علي اللعب باللايف)
 
^ حرام عليك سولاي، أنت ظلمت سعودي نت، تقارنها بالزبالة أول نت؟ سعودي نت لو يخترب مع، كل أسبوعين في الويكند الصباح ربع ساعة / 10 دقايق و كل شيء راجع لوضعه الطبيعي.
 
حتى انا صارت لي المشكله امس
موقعين فقط ما يفتحوا , و بالذات اخر موقعين كنت استخدمهم قبل المشكله
الحمد لله حاليا انتهت و عسا ما ترجع
سعودي نت عندي زي الفل في الداونلود و التصفح , اللهم المشاكل الي تصير لهم مابين وقت ووقت
 
أوكي مو أنا لحالي..
في مرة قبل شهر أو أسبوعين تقريبا خرف وما صار يفتح غير TG.. ردة فعل؟
 
شباب من شرحكم للمشكلة أتصور إنها من SaudiaNet's DNS ، والحمدلله انحلت ...
 
إذا أنتوا أخترب عندكم النت، أنا أخترب عندي الكهرب و أنطفى جهازي و أنا أحمل ديمو للعبة واصل 1100 ميجا بدون برنامج تحميل >__>
 
يجب تسجيل الدخول أو التسجيل كي تتمكن من الرد هنا.
عودة
أعلى