الكشف عن اجزاء بوكيمون الجديده (العنصريه!)

[MAX9009]

الأجزاء الحالية اصرف :sarcastic:

 

[Colorization]

ماني عارف ليش مسوين ...... من الأصوات كأنها عيب ألعاب بوكيمون. الأصوات ما بتركب على شكل اللعبة الحالي، تركب مع ألعاب الثري دي مالت السكستي فور والويي. تبون اللعبة تصير fully 3D مثل الويي؟ اللي يبيها فهو اللي يلعب بوكيمون عشان المين كويست ويوصل 50 ساعة ويتركها. كشخص كل جيل يلعب بوكيمون لمدة لا تقل عن 300 ساعة ما أعتقد إني مستعد للبطىء الخرافي والأسطوري اللي بيحصل حق اللعبة. في أحد عنده Battle Frontier مالت الويي؟ شغلوها، أتحداكم تلعبون الستوري مود (أو أياً كان إسمه) ساعتين من دون ما تزهقون. آنا نص ساعة وأزهق! والسبة البطىء الغير معقول في إختيار الأوامر وتنفيذها. حتى لو كان بالإمكان إغلاق الأنيميشن فهو بيظل جدا جدا جدا بطيء. بوكيمون الحالية مع الأنيميشن بطيئة، وبدون الأنيميشن جيدة بس ممكن تصير أسرع بفرق كبير (مثل دراغون كويست)، فماني قادر أتخيل كيف بتكون بوكيمون 3D حتى لو كانت بهاردوير البلاي ستيشن.

اللعبة مظهرها الحالي هو أفضل شي لها لو كانوا جيم فريكس فعلاً يبون الناس تظل تنام وتتسبح وتاكل مع اللعبة. ميزتها بالنسبة لي السرعة والإنسيابية حتى لو كان بالإمكان إنها تكون أحسن. عيوب بوكيمون؟ HM slots اللي تعرقل بوكيموناتك، TM moves اللي تحصل عليهم بطلعة الروح، cheap AI بالباتل فرونتير، وأشياء من هالقبيل. Tweaking (كبير مش بسيط) بيحلها كلها، وبعدين عاد يقدرون يضيفون أشياء جديدة كثيرة مثل كل إصدارة (و Gold عدلت وايد أشياء محد ملاحظها للأسف). غير جذي، انتوا وايد تحلمون ومن غير منطق. جيم فريكس زين منهم طلعوا لنا جسم البوكيمون كامل، من جد صباح الخير بالليل. مالكم أمل يحركون كل البوكيمونات وكل بوكيمون يحصل على أنيميشن خاص. مالكم أمل.

 

[Rare Games]

^^^

لوول المشكله ان الباتل سيستم للحين ثلجه

 

[Colorization]

انت تلعب بوكيمون من زمان؟ اذا تلعبها من زمان وحافظ الحركات وكل شي نصيحة ادخل الأوبشن وحط الأنيميشن off. روح العب مباريات وايد واستمتع بالسرعة الأسطورية. كل شي سررررررررييييييييييع.

 

[*legend*]

الأصوات ما أتوقع تتغير. أصوات البوكيمونات خلاص صارت "علامات" لها.

بالعكس أشوفه بيصير شي سلبي لو صار بالطريقة اللي إقترحتها. في معظم ألعاب الـRPG لازم بيكون فيه قتالات عشوائية بتعلق فيها و ما بتقدر تتخلص منها إلا بخوض القتال. الطريقة اللي ألحين هي تماماً نفس الموجودة في معظم ألعاب الـRPG لكنها أبطأ شوي (محتاجة تكون أسرع).

القتالات العشوائية لا بد منها صحيح , لكن الوقت اللي يضيع في مواجهة بوكيمون و الانسحاب منه مزعجني, و انا موافق جداً لو كان ممكن يكون نفس الوضع الحالي لكن ظهور البوكيمون و الانسحاب ما يتعدى 3 ثواني , و هالامر يصير مزعج اكثر بالكهوف ...
اقتراحي ما راح يلغي القتالات العشوائية , بل هو اشبه بخيار الهرب من دون مواجهة بمجرد المرور عند البوكيمون , و بلا تضييع وقت زيادة ...

 

[M.D.L]

في الكهف عاده استخدم

Repel

من أكثر الآيتمز الي استخدمها

 

[Nintendo]

دولفي انضم للبوكيمونات (احد يتذكر دولفي!!)

 

[Majeed]

^

على ما أذكر اسمه دلفي >.>

والي تحت تشارمندر العصور القديمة قبل ما تنمو له رجول P:

 

[Zoda]

والي تحت تشارمندر العصور القديمة قبل ما تنمو له رجول P:

لووووووووول جبتها صح!

 

[The Doctor]

شكلهم بيخربوها ويه الستارترز

 

[Rare Games]

لوووووول هذولا النباتي - المائي - الناري الجدد من ظلالهم شكلهم سئ الا الي على اليسار

بالجيل الاول والثاني كانوا ممتازين

روبي ان سفير النباتي بس هو السئ ( او بالاصح التطور الاول بس )

بيرل اند ديموند التطورات الاولى كلها سيئة الحلو فيها بس المائي

 

[Mista Koo]

نايس، شكله لأول مرة من الجيل الأول رح أختار بوكيمون غير ناري :wow:

بيرل اند ديموند التطورات الاولى كلها سيئة الحلو فيها بس المائي

أنا أشوف تطوراتهم الأولى والثالثة حلوة بس اللي بالنص قبيحين.

 

[slifer dragon]

شكلهم الستارترز

نايس، شكله لأول مرة من الجيل الأول رح أختار بوكيمون غير ناري

أنا مثلك دايم ناري , بس للأسف شكل جسمه ( الناري الجديد ) بين الثلاثة = الأقبح :yuck::

 

[The Doctor]

الحين انتبهت لايش الاثنين الباقيين، غزال و ثعبان؟ ميه.. أحسن لهم التطورات الأخيرة تكون رهيبة، D/P/P الوحيد الرهيب هو Empoleon

 

[*legend*]

انا حبيت النباتي من اول نظرة ...
الناري احس شكله مش بطال و بيكون رهيب مع التطورات , اما المائي هو اللي مو خاش بالي ...
بس التغيير حلو , اول مرة ستارترز بدون ارجل

اما عن ستارترز دايموند , البوكيمونات كانت رهيب " امبليون و توريترا .. الا رهيبة و نص و اصنفهم شخصياً بمستوى الجيل الأول , اما القرد اللي معهم فالعيب كان بتكرار النوع مع الجيل اللي سبقه , يعني بلازيكن و مونفورنو مدري ايش اسمه ناري و مقاتل ..؟! ليه ؟
ستارترز الجيل الثاني كلها مو بالمستوى, الجيل الثالث نص نص ...

يهمني بالجيل الخامس هو انواع الستارترز تكون جديدة ... الناري كانطباع اولى احس انه ناري + ارضي ...

بديت اتحمس ..!

 

[C RONALDO]

دولفي انضم للبوكيمونات (احد يتذكر دولفي!!)

ترى الصوره Fake .. نازله من زمان وواضح انها فوتوشوب

ليلحين محد يدري عن الستارترز ,, وهذا اللي حطوه ببوكيمون سنداي اللي طاف

يعني في بوكيمون يديد بالطريج

 

[C RONALDO]

أول فيديو للعبه

http://www.youtube.com/watch?v=Y2lwFWOKYiI

بصراحه احس في شي غلط بس مادري شنو 🙁

 

[gaara 660]

شكلها يضحك لوول

مو متعودين عليها 3D

نشوف لها عروض ثاتية

وانا بصراحه شاريها شاريها لووول 😀

 

[*legend*]

هذا مو عرض للعبة .. هذي شوية بياخة من بوكيمون صندي , الفيديو يرفع الضغط

-__-" , توي ادري ان بوكيمون صندي بها الشكل ...

 

[Noah`s Ark]

ما أدري اذا فيه ناس تفضل الشكل الكلاسيكي على الي في الفيديو
شخصيا , اشوف الي في الفيديو فكرة كان المفروض لها زمان تتطبق ..
ولو انها جات متأخر , اتوقع راح تقدم تجربة جديدة ..

 

[Dr.Manhattan]

^
نفس الشيء،أي تغيير مرحب فيه+ما أشوف إن مظهرها سيء إن-موشن.

 

[The Doctor]

seribii و Bulbapedia يقولوا هذول هم الستارترز و بيكشفوا عنهم في حلقة Pokemon Sunday الاسبوع الجاي

 

[C RONALDO]

اللي عاليسار راح يكون الستارتر مالي ان شاء الله ,, بس اهم شي مايكون عشبي

شكله العشبي اللي فوق واليسار مائي واليمين ناري

 

[*legend*]

اللي فوق شكله عبيط

راسه نباتي و ذيله مائي و جسمه اصغر من راسه

رونالدو

انا عكسك, اتمنى انه اللي عاليسار نباتي ...

 

[C RONALDO]

تتمنى ولا تشوفه نباتي ؟
ولاعمري خذيت نباتي بالبدايه ,, كله مائي
دايما المائي مفضلين عندي
بس صدقني شكله مائي ويشبه البطه

 

[Mista Koo]

حماس، أحب التيزرز اللي زي كذا عشان نشوف التوقعات والفان آرت.
اللي فوق أكيد مو عشبي، لو عشبي بيكون نسخة من حق الرابع :confuse: (ما أعرف اسمه، اللي بالأخير يصير تورتيلا :laugh:🙂.

حان وقت الفان آرت، في شغل رهيب الصراحة :wow::

آرهب مائي شفته (اللي على اليسار).

الناري والعشبي طالعين رهيبين (بالذات الناري :inlove🙂.

الخنزير الناري حلو، بس يشبه إنفرنيب. العشبي اللي تحت حليو كمان.

المائي حلوة فكرته بس ما عجبني الآرت (ولو إنه يشبه الأصلي بشكل كبير).

هنا في أشياء غريبة أو غير معتادة:

بطة نارية؛ ليش لا؟

المائي creepy بس حلو :laugh::

العشبي حلو، بس ما أتوقع ينفع لأنه مو أخضر >.>

الأرنب كيوت، مع أني ما أدري ايش له دخل بالنار/العشب وليش الرسام مرة يحب الجواهر :confuse:

 

[Nintendo]

edit: يقولوا fake

 

[Sora Diersly]

بعد بينزل هالسنة ؟! ياليل! وحنا نلحق نلعب بوكيمون (لها عالمها الخاص) وإلا باقي الألعاب على باقي الأجهزة :S

الأسم رايق, إذا فيه تغييرات جذرية اشك انه ينزل هالسنة. إلا لما يكون معدل (نسخة هارت جولد وسول سيلفر بس حاطين ليجينديري جديدين) لأن لسى مخلين فيه 8 اوسمة زيادة والف مدرب ومدري ايش.. اعتقد صعب انهم يستعجلون بالتطوير لمرحلة جديدة مختلفة كليا عن اللي وصلو له مؤخرا .. لكن برضوا نقول " ياليت "

 

[Dr.Manhattan]

^تراها 2d على ds مب لعبة ps3
لو يشتغلون بذمه و ضمير بينفذون كل وعودهم و ينزلونها هالسنة

 

[The Doctor]

الأسم رايق, إذا فيه تغييرات جذرية اشك انه ينزل هالسنة. إلا لما يكون معدل (نسخة هارت جولد وسول سيلفر بس حاطين ليجينديري جديدين) لأن لسى مخلين فيه 8 اوسمة زيادة والف مدرب ومدري ايش.. اعتقد صعب انهم يستعجلون بالتطوير لمرحلة جديدة مختلفة كليا عن اللي وصلو له مؤخرا .. لكن برضوا نقول " ياليت "

Diamond & Platinum قريب يكملوا 4 سنين من نزلوا في اليابان، يعني 4 سنين على Gen IV، فطبيعي نهاية السنة ينزل Gen V في اليابان