الكشف عن اجزاء بوكيمون الجديده (العنصريه!)

[Nintendo]

Pokémon Black and White

http://www.pokemon.co.jp/bw/index.html

يوم 15 ابريل بيكون موعد الكشف عن اللعبتين, المكتوب انها للدي اس وبتصدر هذا العام

 

[G7Ga7]

لا حول ولا قوة الا بالله. أنا قلت كلها كم اسبوع ونفتك من هالبوكيمون في تويتر. بس شكلها مطوّلة -_-.

على أيّة حال, مبروك للبوكيمون فانز.

 

[slifer dragon]

لول , أعجبتني العنصرية :laugh::
اللعبة يقول IGN إنها بتنزل في الخريف باليابان , يعني صعب تكون لل3DS لأني ما أتوقع ينزل قبل كذا .
الغريب لأول مرة جيلين بوكيمون على جهاز واحد , لازم يكون عندهم أفكار كثيييرة وعبقرية ولا بيكون ما لهم داعي وبس يشفطون أرباح على الفاضي . :tongue:
الشيء الي ودي أعرف كيف , هو كيف بيصنعون لعبة أقوى تقنياً مما صنعوا في أجزاء الDS الماضية , يعني الاجزاء الماضية تحسها تقنياً قوية وكأنها وصلت لأقصى طاقات الDS , شيء غريب من جد .:sarcastic:

 

[Burdegation]

مابيها للدي اس

ابيها لل3ds :sadwalk:

 

[BioMario]

الأسم غبي ..
أنتظر + متحمس

 

[Golden_Sun]

اتوقع بتكون من الالعاب اللي تركب على الجهازين، ومع الجهاز الجديد مميزات اكثر؟

 

[Sinker]

متحمس!!! يعني جيل جديد بالكامل؟

 

[gaara 660]

من قبل 4 ايام مكتوب بالموقع عن كشفه في 15

وأنا عبالي بوكيمونات جديدة
طلعت لعبة كامله لووول

 

[Nanaki]

الصراحه توقعت الجزء الجديد للـ 3DS
الأنه الحين مجموع جميع الأجزاء مع الفرعيه 11 لعبه بوكيمون على الـDS بس

محتوى مخفي

Pokémon Mystery Dungeon: Blue Rescue Team
Pokémon Dash
Pokémon Trozei!
Pokémon Ranger
Pokémon Diamond and Pearl
Pokémon Mystery Dungeon: Explorers of Time
Pokémon Mystery Dungeon: Explorers of Darkness
Pokémon Ranger: Shadows of Almia
Pokémon Platinum
Pokémon Mystery Dungeon: Explorers of the Sky
Pokémon HeartGold and SoulSilver

يعني اشوف هذا العدد كافي و نبي شي حق الـ3DS ...

مثل ما قال slifer dragon
اهم شي نشوف أفكار جديده , الأنه اعتقد الأجزاء القديمه وضعت اقوى ما يمتكله جهاز الـ DS

 

[C RONALDO]

بعد جججججججبدي والله :crying::crying::crying:

ياليت لو 15-4 يحطونلنا جم صوره يديده داخل اللعبه , مانبي بس معلومات

انا اتوقع انها بتكون لـDSI وبيستخدمون تقنية الكاميرا

بوكيمون :crying: والله احبك :crying:

 

[Mista Koo]

لوقو بلاك بايخ :yuck::
تتذكرون الصورة اللي حاطين الألعاب بشكل حلقة وهذا الجزء يرجع للبداية؟ أتوقع هذا يفسر الاسم الكلاسيكي :wow: (واللي عاجبني الصراحة).
بس الجزء الثالث شنو رح يسمونه؟ Gray :laugh::؟

الناس قاعدة تفترض وجود نوع Light في اللعبة عشان يكون هو ليجيندري وايت (وليجندري بلاك يكون دارك).

يعني الاجزاء الماضية تحسها تقنياً قوية وكأنها وصلت لأقصى طاقات الDS , شيء غريب من جد .:sarcastic:

لوسمحت قول لي إنك تمزح :w00t:

 

[Rare Games]

^^^^

يمكن يقصد بوكيمون رانجر : /

مش متحمس بالمرة لو على 3 ds افضل 🙁

 

[slifer dragon]

لوسمحت قول لي إنك تمزح

للأسف لا , الأجزاء الماضية ( وخصوصاً هارت جولد وسول سيلفر ) بالنسبة لقدرات الDS أشوفها قدمت شيء كبييير , يعني بالله من كان يتخيل يشوف العروض لما تقابل البوكيمون الأسطوري ؟ ولا ظهور البوكيمون خلفك في العالم وكيف إنه ما أبطأ اللعبة مع كل الي تشوفه بالعالم , يعني قدرات الDS أحسها وصلت لحدودها القصوى :

 

[*legend*]

لول , أعجبتني العنصرية :laugh::
اللعبة يقول IGN إنها بتنزل في الخريف باليابان , يعني صعب تكون لل3DS لأني ما أتوقع ينزل قبل كذا .
الغريب لأول مرة جيلين بوكيمون على جهاز واحد , لازم يكون عندهم أفكار كثيييرة وعبقرية ولا بيكون ما لهم داعي وبس يشفطون أرباح على الفاضي . :tongue:
الشيء الي ودي أعرف كيف , هو كيف بيصنعون لعبة أقوى تقنياً مما صنعوا في أجزاء الDS الماضية , يعني الاجزاء الماضية تحسها تقنياً قوية وكأنها وصلت لأقصى طاقات الDS , شيء غريب من جد .:sarcastic:

قصدك لثاني مرة ...

شخصياً مش متحمس ابداً ,,,,
بالعكس خايف ان المعلومات الجديدة تخرب علي وناستي بهارت جولد

 

[C RONALDO]

لأ .. لأول مره

Yellow - Red - Blue = Gameboy
Gold - Silver = Gameboy color
Ruby - Sapphire - Gameboy advance
Diamond - Pearl = DS

 

[*legend*]

^
شكراً عالتصحيح ..
كنت فاكر اول جيلين نزلوا عالكولور

 

[Strife]

اختار اللون الابيض لاني عنصري

 

[slifer dragon]

قصدك لثاني مرة ...

مثل ما قال C RONALDO لأول مرة , الجيل الأول على الجيم بوي العادي , الجيل الثاني على الكولور , الثالث على الأدفانس , والرابع على الدي إس . الخامس لأول مرة جيل ثاني لنفس الجهاز .

 

[Tomb raider]

الله يعينا على تويتات كولورايزيشن

 

[Solay]

تكفون جيم فريك ابغى تعديلات جذريه باللعبه والله طفشت من اعادة اللعبه كم مرة..

وتكفون لحد يجي يتفلسف ويقول الفانز ماطفشوا.

 

[Zoda]

انضموا الينا او استعدو للقتال لوووول اتمنى نينتيدو لو تسويها وتخليك عضو بالمنضمة الردا الابيض التعيسه يبلهم شخص يضبط وضعهم التعيس لو كان مجرد اضافت كم بوكيمون pass

 

[Nemesis Zone]

الله يعينا على تويتات كولورايزيشن

احلى تويتات تقدر تقرأها تحمسك تعمل كل شي 😀

ان شاء الله يجددو اسلوب القتال , عن نفسي اختار الأسود.

 

[aza619]

التصنيف العمري راح يرتفع ..

 

[Mista Koo]

للأسف لا , الأجزاء الماضية ( وخصوصاً هارت جولد وسول سيلفر ) بالنسبة لقدرات الDS أشوفها قدمت شيء كبييير , يعني بالله من كان يتخيل يشوف العروض لما تقابل البوكيمون الأسطوري ؟ ولا ظهور البوكيمون خلفك في العالم وكيف إنه ما أبطأ اللعبة مع كل الي تشوفه بالعالم , يعني قدرات الDS أحسها وصلت لحدودها القصوى :

إنت مرة مستحقر قدرات الدي اس أجل.
وهذي الأشياء ما كنا نتخيلها مو لأنها عالدي اس بل لأنها من تطوير جيم فريكس :sarcastic:

 

[Zoda]

تطوير جيم فريكس

لوووووووووووول بالصميم

 

[X-SRI-X]

هذا كان توقعي لاسم الجزئين
كنت اقول : بلاك واوايت وطلع زي كلامي
---------------------------
بصراحة جدا متحمس .. اذا 15 ابريل ! يس
على العموم بيكون شي كويس على الاقل ما بيكون لعبة ينقلوها من ds ل 3ds
يعني لو فيه اجزاء خاصة مطور خصيصا للثري دي اس بيكون ممتاز
على العموم خبر جميل جدا .... وحلوة العنصرية ( انا بشتري نسخة بلاك عشان ما اصير عنصري )

 

[Colorization]

لأ .. لأول مره

Yellow - Red - Blue = Gameboy
Gold - Silver = Gameboy color
Ruby - Sapphire - Gameboy advance
Diamond - Pearl = DS

غولد وسيلفر كان يشتغل عالغيم بوي، عادي. كريستال هي الحصرية تماماً للكولور.

متحمس أعرف معلومات أكثر. هل بيشيلون الـNatures/EVs/IVs ؟ هذا أكثر شي يهمني.

لا مو أكثر شي يهمني... أبي HM يصيرون key items بدل حركات للبوكيمون! بجد ملينا من وجود بوكيمونات شغلتها بس تحمل حركات الـHM. أسوأ قرار تصميمي بتاريخ بوكيمون.

واللي مزعجته تويتاتي هممم فكرت أسوي أكاونت خاص حق بوكيمون عشان تويتر مالي ما يكون إزعاج. بسويها لو منزعجين وايد (لول بدري).

 

[ZiZ]

أيش؟!!! على الـDS؟!!!

جيم فريكس أكسل مطور بالعالم. الحين بدال ما يسوون لعبة زي الناس ويخلونها لعبة مع إصدار الـ 3DS ينزلون لي جزء مخيس نص كم؟

عاد الصراحة اسم Black & White كنت أتوقعه من الجزء الثاني. أحسه مناسب جداً (مب زي Pearl / Diamond)

 

[Talal kinenju]

العمر بيكمل وبوكيمون للحين مانتهى!! اخييه اخييه
الجديد علي الأسم بلياباني يطلع بوكيتو كوروي بوكيتو شيروي
طبعا الجيل الخامس مفاجئة السنة الجديده

 

[Capitano-18]

لسه ما جربت أجزاء الـ DS قريب ان شاء الله ، بس ليش الإستعجال ، يصبرون سنة لين الـ 3DS خصوصا بينزل مبكر في اليابان !