hits counter

ابي اخلي الدكتور يصير مسلم !

الحالة
مغلق و غير مفتوح للمزيد من الردود.
s3rorh

s3rorh

True Gamer
السلام عليكم .. أخباركم يا شبيبه !؟

أتمنى ما يكون الموضوع مخالف بس .. و بينتهي بإغلاقه :xd:

السالفه وما فيها .. من اول ما بلشت دراستي هالسنه *وألي خلصت من اسبوعين بالمناسبه -_-"* .. بديت اشوف شعوب وديانات مختلفه ... لأنني بدأت ادرس ويا الهندي و البريطاني و اليوناني و الأفريقي .. و وايد جنسيات وديانات ثانيه

بس لاحظت بأنه .. وبكل مره يتم فيها فتح موضوع الديانه بالصف .. لازم يتم ذكر دين الإسلام بالنقاش .. و مباشرة تحصلهم يأشرون علي .. ويضربون علي المثل .. و يتطور الأمر .. و يبدأون يسألوني بعد >_> وكأنه بس انا المسلم الوحيد ألي يعرفونه بحياتهم كلها *مع إنه في معاي بالصف بنت افغانيه مسلمه .. بس البنت بحال نفسها وما تدري وين الله قاطها و شافوني انا اقرق وايد فاستلموني .. وما عندهم احد غيري يشلخونه بالأسأله:crying:*

و بصراحة .. و لله الحمد .. دايماً تلقاني مجاوب على 80% من الأسأله :rockon: .. أما بقية 20% من الأسأله اقول لهم ما عندي جواب شافي له .. و اعتذر عن الإجابة .. بدلاً من التأليف .. و اعطيهم جواب تحت بند * الإعتقاد * .. علشان لا اوصل صورة خطأ او مفهوم خطأ سواء بقصد او بغير قصد

وللأمانه .. اكثر واحد معاي متجاوب بالصف .. ومن ألي يحب يطلع على دين الإسلام .. هو شخص يوناني .. نسميه الدكتور .. لا عجب هالتسميه .. دامه كله يجيب A* يكل المواد .. ويبي يتخصص طب .. هذا وهو مخلص الجامعه ببلدة بتخصص اخر بعد :w00t:

المهم .. الولد ده .. وهو بالذات .. احاول اجاوب عليه قدر المستطاع من كمية الأساله ألي يسألني اياها ... لأنه ما ادري ليش ... بكل مره اكلمه .. بداخلي .. اسمع صوت يقول لي ... ( اييييه يا باسل .. دير بالك عليه ... لأنه هالشخص بيصير مسلم على ايدك ) .. لووول وتلقاني مفرفح و مبسوط و اجاوبه بكل رحابة صدر 😡

لغايه ما يدخل معانا بالخط ... واحد عمره 19 سنه .... مرتد !! ... ويعكر ابو صف النقاش الجاد ... ويصبح نقاشه مجرد النقاش للسخرية على الدين الإسلامي ... وليس النقاش من أجل الفائدة و المعرفة ...

لأ .. وألي ادهه من هذا .. مرات اشوفه .. يجاوب على اسأله انا اكون ناسي جوابها ... ومرات يسألني اسأله عبيطه .. انا اتورط بجوابها .. بس علشان يبين شلون دين الإسلام غير صحيح بنظر خويي المسيحي اليوناني ... ويشوهه قدر المسطاع !!! ... يالله كم امغته هالشخص :sarcastic:

و اليوم .. كان لي لقاء مع اليوناني .. و بريطاني ... و المرتد .. بإحدى الكافيهات ..
و من بعد النقاش الGeek لأخبار الكمبيوترات وخلافه .. ألي ما اطيقه و ألي استمر ساعه ونص >_> .. تطرقوا لموضوع رمضان ... وبدأ موضوع يجر موضوع...

وكالعادة .. بدأ النقاش الجاد المفيد .. بيني وبين اليوناني عن امور الدين ... لغايه ما جا المرتد .. وبدأ يستهزأ كعادته .. ويتكلم وكأنه يعرف كل شي بالدين .. إلا ان قلت له (( وانت منو اصلا علشان تقول هالكلام وتقعد تفتي من جمبك !؟ )) .. ما لبث حتى تشوفه اشتض غضباً .. و بدأ يسيئ للدين ... و يتكلم من منطلق عدم المساواة بين الرجل والمرأه .. و كيف الإيمان بالله وحده كاقي للذهاب للجنه بغير التعبد .. ومن ثم تطرق لموضوع الحجاب ... وحاول يسئ إلي و لديني قدر المستطاع

لوول .. الحلو بالموضوع .. بأني كل ما اجاوبه على سؤاله .. يردد علي جوابي .. بطريقه ساخره .. و يتكلم مع كأنما هو الولد الأوروبي ألي امه فرنسيه و ألي ابو سويسري ألي لا يؤمن بهالأمور و ألي يراها تافهه بنظره ! .. وما كأنه امه مسلمه ... و ابوه مرتد مثله للأسف .. وجاي من دولة مسلمه -___-"

استمر الوضع .. لمده ساعه .. مره سؤال عبيطي منه .. ومره سؤال جاد من اليوناني .. لدرجه بديت احس بأني صرت رجل شيخ دين جالس أمامهم ... ومن ثم بدأوا يدخلوا على تعدد الزواجات وكيفيه معاملتي ويا زوجتي و إلخ !!

و بالأخير .. ولله الحمد ... المرتد .. اعلن بأنه جائع .. ويبي يروح يتسمم من مطعم قريب ... فا اخذ البريطاني معاه .. واخذ مرتد معاه اخر *وهذا الأخر ما اعرفه بس إنضم لطاولتنا لاحقاً لأنه يعرف خويي المرتد*... وصفى الوضع ... وساد الهدوء .. ويا خويي اليوناني ... وصار النقاش اكثر سكينه و ذو فائده

لوول بس النقاش إنتهى ب سؤال سألني إياه ... وللأمانه ما عرفت ارد عليه

قال لي .. البنت مو تتحجب علشان تغطي شعرها لأنه يعتبر أحد المفاتن ! .. لنفترض حلقنا شعر البنت ... وصارت قرعه !! .. هل ما زالت تحتاج الحجاب لتغطيه الرأس !!!؟

لوول من جد سؤاله رهيب :laugh:: .. بس يعدين هو جاوب بنفسه وقال ... اساساً البنت ما ترضى تطلع نفسها بهالموقف وتتمشى بالقرعه .. فا اكيد لبس الحجاب استر لها :xd:


المهم بنهايه الأمر .. ومثل ما ذكرت فوق .. ومن بعد السالفه الطويله ألي ما ادري ليش كتبتها ... ما زال بداخلي صوت يقول لي ... (( يا باسل .. هالولد ترا اسلامه بيتم على ايدك .. افعلها :rockon: )) .. لأني مثل ما ذكرت ..دايماً ألتمس .. و أحس بالأهتمام الكبير ألي يبديه خويي الدكتور .. تجاه الدين الإسلام ... فا هالشي بإذن الله ليس بالبعيد ... و كل ألي محتاجه خويي .. هو شويه دفعه علشان يفتح عيونه على ديننا .. ويعرف اهوا وين ماشي .. وشنو الصح و شنو الخطأ .. ومن يدري .. يمكن الله بيهديه !

فا بنهايه الجلسه ... قلت له ... بأني بحاول اساعده و اجاوبه على كل شي يدور براسه ... وبحاول اجيب له مواقع مفيديه لهالشي وتُعرف الإسلام بشكل افضل مني حتى ... وطبعا هالمواقع لابد تكون بالإنجليزيه .. ولا كيف بيفهم خويي !!:annoyed:

و لهنا اوصل لزبدة الموضوع ... ألي هي ... بأني ابي مواقع جيده .. وسهله .. ومفيده .. تفيد اي شخص اجنبي من ديانه ثانيه .. وتخليه عنده معلومه عن ديننا .. وتخليه يحبها .. و يعتنقها

وشكراً :fd3:

تحسون نهايه الموضوع صارت سريعه ... ولا !!؟ :razz::
 
البنت مايجوز تحلق شعره كله = تشبه بالرجال والتشبه بالرجال محرم علشان كذا تغطي شعرها
اخ لو خويك ذا عندي لا امرمطه والله رفع ضغطي وانا ماقد شفته 😀
 
موضوع جميل وهادف واسلوب كتابتك ممتع ، لكن عمر بيجي يقفل الموضوع لانه مخالف لقوانين المنتدي للاسف .
 
للأمانه هو قال .. لو حلقنا شعرها .. أو كان عندها سرطان .. وتساقط شعرها !! ... بس نسيت اذكر النقطه هذي :sweat: ..

بس مو هذا موضوعنا ألحين .. ركز بالموضوع يا واد :sarcastic:
 
للأمانه هو قال .. لو حلقنا شعرها .. أو كان عندها سرطان .. وتساقط شعرها !! ... بس نسيت اذكر النقطه هذي ..
أنقر للتوسيع...
المريض غير .
ليس على المريض حرج .
+ الاعمال بالنيات مو شرط اي بنت تقص شعرها قصير او حتى قرعة معناته تتشبه بالرجال @@
 
اصلا الحرمه المفروض تغطي وجهها كامل بشعر ولا بدون شعر "" جسمها كامل ""

المهم مانبي نحرف الموضوع لمسار ثاني لاحد يشوف ردودي انا برا 😀
 
المشكلة الكبرى إنه مش بس الغرب الي عندهم مفاهيم خاطئة عن الإسلام ... حتى إحنا عنا مفاهيم خاطئة ببعض الأمور عن ديننا
المهم إذا كنت عاوزك لصاحبك يتعرف على الإسلام فاترك النت وخليك بالكتب
لأنه غالباً الكتب تكون موثوقة أكثر من المواقع
شوف إذا في عندكم مكتبات تبيع كتب عن الإسلام
 
AL3TTR-M قال:
اصلا الحرمه المفروض تغطي وجهها كامل بشعر ولا بدون شعر "" جسمها كامل ""

المهم مانبي نحرف الموضوع لمسار ثاني لاحد يشوف ردودي انا برا 😀
أنقر للتوسيع...

خربت الموضوع بردك وفتح نقاش ديني الي يعطا باند عليه

انا متابع واتمنى مايتقفل الموضوع
 
اللي اعرفه موقع ممتاز islamweb والله اعلم.
الله يوفقك ويهتدي على ايدك ان شاء الله. اما خويك المرتد الله يكفينا الشر, فمن الافضل اذا ناقشك او سألك عن شي من باب الاستهزاء انكـ تصد عنه ولا تجاوبه حتى لو تعرف الجواب.
عن نفسي اذا احد سألني اسئلة ما اعرف اجوبتها, فـ اقولهم " الجواب موجود لكن مهب عندي, اذا مصر تعرف الجواب فـ اجيبه لك". وغالبا يكون بمسألة الحجاب والمرأة والرجل -.-

تعديل: مب islamweb -.- .. نسيت وشو الموقع :w00t:
 
التعديل الأخير:
أهم شي تعلمه كل شي قبل لا تخليه يسلم، خصوصاً إن من يدخل مافي يطلع، مو تسوي زي العريفي :laugh::
 
^
ليش ايش يسوي العريفي ؟؟
 
CODE-X قال:
^
ليش ايش يسوي العريفي ؟؟
أنقر للتوسيع...
أتكلم عن فيديو إسلام الصيني...
"-انت مش مسلم؟ ليش؟ يلا إسلم"
"--اوكي اليوم أبقرر، بس ترى ما قريت الكتب اللي عطوني إياها فما عندي فكرة عن أي شي أصلاً" *وجه خايف*
"يلا ليش ما تسلم الحين؟ يلا كرر وراي... انت مسلم!"

مو كدا الكلام، ياخي >.>
 
^
محد تكلم على الشخص الثاني الي خلا كورية مدري صينية تسلم باقل من وقت العريفي والي اصلا صور الفيديو تحدي له، اجل كدة الدعوة للاسلام؟
ناهيك البنت سافرة وكل شي ولو كان العريفي مكان الرجال لخلوه مختلط ويبيح لنفسه وبلابلابلا الي يما هزت من قيمته شي غير للناقمين عليه
واضح الموضوع ما راح يكمل لان اساسه ديني غير تفرعاته يمين وشمال
-----

صعرورة اذا عندكم مركز اسلامي يفضل تخليه يزوره، الدعوة مو هينة

Vorg Zangief قال:
المريض غير .
ليس على المريض حرج .
+ الاعمال بالنيات مو شرط اي بنت تقص شعرها قصير او حتى قرعة معناته تتشبه بالرجال @@
أنقر للتوسيع...

العذر الشرعي شي ثاني
لكن من ناحية النية، لا تقولي بنت نيتها صافية لكن تقص شعرها الطويل الى هذه الدرجة
http://0.tqn.com/d/menshair/1/0/B/-/-/-/short3.jpg
هذا لا يجوز ان شاء الله لو كانت نيتها ايش ، تشبه صريح بالرجال ، الا اذا كانت جاهلة وما تدري فنصيحة حلوة والله الهادي الى سواء السبيل

اما من طبيعة شعرها قصير فهذه خلقة ربنا مالي عليها اعتراض
 
التعديل الأخير:
لا حول الله.... واضح جدا هدفي من الموضوع. ... بس وينه ألي يبرد التسبد

سبتولي كل شي وركزتوا على الشعر. ..

أنا لو بس كاتب * ممكن موقع إسلاامي لواحد غير مسلم* مو أفضل لي! !!

ولا أني كاتب الهرجه ألي فوق. -,-
و شكلكم ناوين إنكم تنهون الموضوع بإقفاله و أنا لسه منتظر موقع ما مفيد ..

عموما خاف يصبح الصبح. ..وبلقاه الموضوع مغلق
شكرا شباب على النصايح... وألي عنده شي وحصل الموضوع مغلق. .يمدحون ملفي الخاص علشان الي يبي. ... ممكن يستفيد

و أريغاتوا
 
باسل... أنا فخور يا ابني |":>

فا بنهايه الجلسه ... قلت له ... بأني بحاول اساعده و اجاوبه على كل شي يدور براسه ... وبحاول اجيب له مواقع مفيديه لهالشي وتُعرف الإسلام بشكل افضل مني حتى ...
أنقر للتوسيع...

كل شيء يدور براسه؟ مثل ايش بالضبط؟ يا ليت تحدد عشان يسهل البحث. عموماً شيّك الموقع البسيط هذا يمكن تحصل فيه أجوبة لأسئلة صاحبك... http://www.beconvinced.com/archive/en/main.php
 
AL3TTR-M قال:
اصلا الحرمه المفروض تغطي وجهها كامل بشعر ولا بدون شعر "" جسمها كامل ""

المهم مانبي نحرف الموضوع لمسار ثاني لاحد يشوف ردودي انا برا 😀
أنقر للتوسيع...

ايوووه و بدينا بالاستهبال
 
عندك موقع الاسلام سؤال وجواب ، تقدر تبحث عن اي سؤال وتقدر تسألهم .. وموقع بيت الاسلام
http://www.islamhouse.com/

في نفس الموقع حاط لك شبهات كثيره مع الردود
http://d1.islamhouse.com/data/en/chat.htm

كله كتب اسلاميه بكل لغات العالم .. جزاك الله خير
 
انا رايي .. ان طريقتك افضل مبدئيا في هالحالة .. يعني خل الاجابات على تساؤلاته تكون من عندك انت بطريقتك انت
بتفكيرك انت .. بحيث تكون انت واجهة الدين اليه .. الكلام المقروء يختلف عن كلام شخص معايش الشيء
وحاول تضيف فلسفة الحكم نفسه الى اي سؤال

مثلا .. فلسفة حكم الحجاب .. انه مو مجرد قطعة قماش .. كلامك انت كفرد انسان لانسان .. زميل لزميل
بيكون اكثر تاثير عليه .. من مجرد قراءة معلومات في النت .. خصوصا لما تضيف اليه نظرتك انت للحكم وطريقة معايشتك للموضوع

مثلا الصيام .. لو بتقراه في موقع .. صوم من طلوع الشمس لغروبها علشان تحس بآلام الفقارى والمساكين والمستضعفين كمثال
بيقول لك هذا تعذيب .. مو احساس بآلام الفقارى وجذي

بيكون مختلف عن لو تكلمت انت من باب تجربة .. وان رمضان شهر مميز في بلداننا بكل ما تحمله المعنى من تميز
وبعدين تضيف عليه نظرتك انت لفلسفة الحكم نفسه بالصيام هالوقت الطويل .. واحساسك وتجربتك تختلف

لا تخلي الموضوع - في هالوقت - كله اكاديمي على قولتهم او مواقع و احكام جافة
خله تعامل .. ومن زميل لزميله .. بعدين لما يتقبل الفكرة والاسلام اكثر واكثر ادخل وياه بالمواقع والتفاصيل اكثر

هذا رايي انا
 
Kaizoku قال:
أهم شي تعلمه كل شي قبل لا تخليه يسلم، خصوصاً إن من يدخل مافي يطلع، مو تسوي زي العريفي :laugh::
أنقر للتوسيع...

لا تضحك العريفي اسلم على ايديه ناس كثير انت كم اسلم على ايديك حتى لو بطريقة عفوية وبدون قصد منك
 
الحالة
مغلق و غير مفتوح للمزيد من الردود.
عودة
أعلى