أفــكـــارك يــــوم كـــنــــت صــــغــــيـــر ؟

[Don JoKer]

^ تشفيرك مو واضح عزيزي ... وضح اكثر :-D

+1

:laugh::

 

[Punished Noctis]

فيه شيخ كانت تطلع صورته اسبوعيا بمجلة معينة..كنت احسبه الله "استغفر الله" ولما اوصل لصفحته اعطيه نظرات من التبجيل والتعظيم @@ ، زين ما ارتكبت الوالدة فيني جريمة قتل لما طرحت النظرية الالحادية ذي عليها..​

لول سيم هير .. لكن كان شيخ بالتلفزيون.

 

[T u R k I]

انتوا ليه تقولوا افكار إلحادية؟!

الإلحاد = الاعتقاد بعدم وجود الله، مو انك تتخيل شكل الله سبحانه!

 

[Hironobu Sakaguchi]

^
طيب شرايك نقول افكار كفرية؟ لاننا قاعدين نتخيل اشياء منهية شرعا وتؤدي الى الكفر ، والالحاد طريق اخر بسبب انشغال العقل بما لم و لن يستطيع معرفته حول الله والخلق والكون، اللهم كنا اطفال ومرفوع عنا القلم ..
لا تدقق ... وعفى الله عما سلف

 

[T u R k I]

منب أدقق معن! بس الوصف بعيد عن الإلحاد، وبرضوا مااعتقد تقدر تقول عنها افكار كفر! لأن الإنسان بطبيعته يفكر بكل شي وفيه اشياء تفوق تفكيره!

انا سمعت فتاوى من شيوخ لأشخاص يجيهم وساوس بمنطق ان لكل شي خالق فمن خلق الله وكيف الله موجود؟ وانهم خايفين انهم بكذا صاروا كفار وان الله يعاقبهم على هالتفكير، والشيوخ يستدلوا من هالحديث:

جاء ناس من أصحاب رسول الله صلى الله عليه وسلم النبي صلى الله عليه وسلم فسألوه: إنا نجد في أنفسنا ما يتعاظم أحدنا أن يتكلم به؟ قال: وقد وجدتموه؟ قالوا: نعم، قال: "ذاك صريح الإيمان"

عالعموم، لا يقلب الموضوع دين.

 

[Hekari]

كنت اعتقد وأنا صغير قبل مايولد أي آدمي يكون بمنطقة معينة تحت الأرض او مهما كان ، مجهّز وكل شي بس ماتشوف نفسك ومافيك روح .. وقبل ماتنولد تشوف ان المحل أسود او الشاشة سوداء يعني مثل اذا غمضت عيونك ، وقت مايجي يوم ولادة الام باي دنيا الله ينزل روحك لعائلة عشوائية - استغفر الله - وتصير ولدهم .

 

[T u R k I]

محد فيكم كان يفكر ان الطيارة تطير علطول بدون لاتمشي بالأول؟! انا ماادري اذا كنت افكر هالتفكير!

 

[sabah]

الافلام اللي كان فيها مشهد لطفولة البطل قبل ما يكبر...انا كنت اعتقد ان تصوير الفيلم يبدأ لما البطل يكون صغير فعليا وينتظروه الى ان يكبر حتى يكملوا الفيلم @@

 

[Genocide Diego]

ايام ما كنت صغير كنت اعشق المفاتيح عشق عجيب

كل ما احصل مفتاح احطه في جيبي ولو جا ضيف للوالد -الله يحفظه- اطلب منه مفتاحه 😀

 

[s3rorh]

كنت لما اشوف سره\بطن الهنديات الظاهر بسبب الساري بالأفلام .... كنت اظن بأنه هالشي اخدش حياء\أفصخ شي بالدنيا !!!!

:laugh::

 

[Lost Piece]

لما كنت صغير كنت احسب الناس اللي يموتون بالافلام يموتون من جد ! لدرجه اني اذا شفت واحد مات اقول لاخوي"شف المجنون يضحي بحياته عشان كم قرش" xD:laugh::

 

[Hekari]

كنت قبل أفكر إنه الإسعاف لو أحد مجروح / مصاب على طول يجوا للمصاب عندهم الحاسة السادسة واماكن تحديد المصابين بالخريطة .. ماتحتاج تتصل ليهم .

 

[T u R k I]

تذكرت شي، ماكنت اتفهم سبب ان اللعبة تنختم!! لما اخلص لعبة كنت اقول ليش اللعبة تخلص!! >__>

 

[Talal kinenju]

كنت لازم من كل شي اشتريه اخذ منه اثنين, اذا شفت شي وحبيته لازم اخذ واحد زياده معاه

وخاصا الألعاب او حتى الكونسل كانت عاده مبذره جدا, بس يوم دخلت الجامعة وقفت عنها

بس آثارها لحد الحين موجوده:annoyed:

 

[G_kirby]

- كنت أحسب برج ايفل هو الرب استغفر الله العظيم..
- كنت اعتقد كل يوم جمعة هو يوم القيامة لذلك كنت اخاف اروح الصلاة..
- الذكاء الاصطناعي بالألعاب هو شخص حقيقي يلعب ضدي لدرجة اني اذا فزت كنت اقول مسكين أكيد هو الحين مقهور مني..
- كنت اعتقد ان فيه شخص عايش داخل الvending machine واذا حطيت له ريال يطلع البيبسي لي بيده! كنت اخاف واخذ البيبسي بسرعة!

 

[Aziz.WQ]

يووو والله واجد بس أتذكر منها

المروحة تقدر تقطع الواحد بالنص
الـ5 ريال أوراق أكثر من الـ100 أبو ورق
الإعلانات وما أدراك ما الإعلانات

 

[Old Snake]

أوكيه غير ترهات الصغار المعتادة أنا كنت ذكي على ما يبدو...:slant:

 

[Brewmaster]

ما زلت اعتبر أذكى منكم كلكم لكن دوبي تذكرت شيء عبيط....
كنت احسبهم يحطون الفواصل في المسلسلات عشان الممثلين يروحون الحمام.

 

[Old Snake]

هههههههههههههههههههههههههههههههههههههههه, هدمت كل شيء!!
الحين أقدر أروح أنام وأنا مبسوط.