ما أنصحك بالتشالينجر، أداء أضعف من المنافسين + وزن ثقيل + داخلية أقل مستوى + مبالغ بسعرها بالنسبة للي تقدمه مقارنة بالمنافسين، لو تبحث عن قيمة أفضل بالنسبة للي تدفعه شوف لك موستنج أو كمارو. هو ما في أحد مو معجب بالشكل الكلاسيكي... بس الشكل مو كل شيء.
شوف، أنا لو كنت مكانك ما بشتري تشالينجر إلا في حالة واحدة فقط: لو كنت فان مجنون للشركة و/أو السيارة نفسها، عدى ذلك الخيارات الأخرى أفضل بوضوح.
عندك الجينسس كوبيه أيضا. أداء رائع وسعر ممتاز.
لكن اذا تبي Muscle ومقرر على التشالنجر فبرأيي انه خيار موفق, صحيح ان أدائها أضعف لكن تصميمها مجنون! الكاماور والموستنج صارت بعيني عاديه من كثر ما أشوفهن لكن التشالنجر للحين أقول واو اذا شفتها!
المشكلة ان المنافسين الداخلية ممكن تكون احسن زي الموستنق بس السياره نفسها ما احبها , اما الكومارو فالداخلية تعبانه وفوق هذا كله ضيقه داخليا .
اما اني فان لا والله مش فان بس انبهارا بشكل خارجي وطبعا مثل ماقلت انت مهو كل شيء , وفوق هذا كله محرك هيمي جبار .
كل خيار يحير أكثر من الثاني بصراحة!حسن انا ناوي على FULL-SIZE SUV .... وش تنصح؟
انا محتار مابين السيكويا - النافيغيتور - يوكون اكس ال دينالي
كل خيار يحير أكثر من الثاني بصراحة!
بالنسبة للسيكويا فهي من نفس الفئة بس اللي يفرق بينها وبين الآخرين هي أنها ما هي luxury وبالتالي سعرها تلقائيا أرخص، فيها مواصفات ترفعها لسعر النافيجتور والدينالي بس مادري ويش المتوفر، بس لو كنت مكانك من الآخر ما تورطت بجميل... أنت شاريها من البلد؟
الدينالي إكس إل قوي جدا وفخم، بس انتشار الجمس بأنواعه ما بيخليك تحس أنه مميز جدا، ومادري يمكن حتى لو كنت متحمس بالبداية يمكن تمل بعد فترة حتى لو مرتاح لكل شيء آخر.
النافجيتور، هي إكسبدشن أفخم بس المحرك نفسه، أشوف تصميمها الحالي هو الأكثر هيبة + مختلف الألوان تطلع عليها رهيبة، بس لو كنت مكانك ضحيت بالفرق في السعر وطقيت إكسبدشن فل... بس شكلك ضارب على الثقيل هالمرة، بس يبقى السؤال: ليه طرحت السيكويا كخيار وهي ما تعتبر luxury؟ هل لتوفر مواصفات حلوة تخليها كذلك أو لقلة الحيلة (سعر اللاندكروزر والLX :annoyed؟
الأداء طبعا بالنسبة للمنافسين، وعموما براحتك التشالينجر سيارة تمام، بس يظلوا الموستنج والكمارو أفضل بواجد، أما الجينسس سيارة ما عليها كلام أبدا عبارة "فوق هذا كله هونداي" ما لها أي داعي... أما الشكل فمسألة نسبية، أشوف الشكل الحالي أفضل من بعد التعديل.
بالنسبة للداخلية، داخلية التشاليجنر رحيبة، الكمارو سقفها منخفض وcramped نوعا ما بالفعل، بينما داخلية الموستنج هي الأفضل (وهي الأفضل من بين الثلاث من جميع النواحي على العموم).
من شخص مجرب للدودج سنتين .. اقدر اقولك الحمدلله ما عانيت بشي . عندي تشارجر ماشاء الله تبارك الله مرتاح معاها مره رغم انها 6 سلندر لكن انا ماني راعي سرعه وحتى مرات ان احتجت عزم محرك ال6 سلندر ما يقصر ويعطيك .. سياره عمليه واسعه القطع لا تعتمد ع الوكيل المحلات تأدي الواجب .. التشالنجر داخليتها قريبه جداً من التشارجر واكيد نفس المتانه . غير انه الشكل يصرخ هيبه اكثر بكثير من منافسيها والسرعه اذا ما كان بالنسبه لك عنصر اساسي توكل على الله وخذها اصلا مين يسرع بالسعوديه بشوارع مكسره وساهر بكل مكان =(
تقنيه OLED الخاصه باودي
[video=youtube;JSYpQu2IQfI]http://www.youtube.com/watch?v=JSYpQu2IQfI&feature=player_embedded[/video]
ههههههههه سعر الLX محبط... والله حالة :laugh:: بالسعر هذا أجيب لي ZR1 مستعمل وأنا أخوك مو LX مستعمل لول.من جد انا محتار .... بالنسبه للسيكويا , صحيح ماهي لكشري بس مالها بديل في الليكزس علشان كذا , وبيني وبينك هي كانت الخيار الاخير , وماننسى جميل على كلامك لول ،،،، ومستحيل ادفع على سيااره ماهي لكشري سعر ممكن اخذ فيه سياره لكشري , حتى لو كانت تويوتا
اما ال الليكزس ال اكس ،،،، ههههههههه مستعمله ب 420 الف
بالنسبه للنافيغيتور والدينالي .... فعلا ياحسن النافيغيتور كتصميم اعتبره افضل تصميم شفته لسياره كبيره , غير كذا السيت الثالث الاخير اوسع بمراحل عن الدينالي .... وماننسى انه تقدر تنزل السيت الثالث ويصير عندك مساحه خياليه تحمل فيها .... والاهم من هذا كله الوكاله , توكيلات الجزيره افضل وكاله في البلد
لكن وش اللي محيرني .... انا جربت الاكسبديشن مع واحد من الشباب موديل 2012 , واستآجرت مره سوبربان موديل 2010 مده يوم بس حللته
والله ياحسن ماعمري استمتعت بسواقه زي يوم ركبت السوبربان .... متعه متعه متعه
قاعد افكر كيف بيكون الدينالي .... والاعظم كيف بتكون تجربه الاسكاليد
الاكسبديشن كان جيد في السواقه .... بس ماادري اذا النافيغيتور بيفرق عنه
طيب حسن مابين النافيغيتور ال .... والدينالي اك ال
كحسبه عامه اذا اخذنا بالاعتبار كذلك الوكاله .... من تفضل؟
لا يا شيخ؟ ترى قاعدين نحاول P:
بالنسبة للفايبر أخيرا انكشفت بعد التيزرز اللي قرفونا بهم، التصميم؟ للآن ما استوعبته، القوة؟ واضح أن دودج تبغى "تهدّي اللعب" فحاولت قدر الإمكان تخلي قوته مثل الZR-1 وحتى ما يكون سعره بايخ بزيادة وبذلك يتجه الناس للأوروبي بالمرة، يعني اللي بيدفع +150 ألف بسيارة فأتوقع أنه ثري بما فيه الكفاية بأن يدفع أكثر ويشتري فيراراي إيطاليا بالمرة.
اللنكلون مو أول مرة نشوفه، السقف رهيب! البعض كان يقول أن كان المفروض فورد تسوي حركة تخلي فيها السقف يختفي، لكن أشوفه شكله جميل بهذه الطريقة + لو عملوا شيء معقد بيكون مكلف جدا وهي المفروض سيارة فخمة بسعر معقول.
الألتيما توجهها التصميمي صار زي الزد والماكيسما، ذنب السمكة (الأنوار) مثلا. المشكلة نسيان فوق ما هي من الأساس تحاول تلحق تويوتا وهوندا... بنفس الوقت الآن تقدموا الكوريين وصارت تحاول تلحقهم هم الآخرين! مع أن سيارات الشركة ممتازة وكل شيء.
عموما أشوف عبارة "نهوض" مبالغ فيها شوي... هي صابتها فترة خمول وليس سقوط، شفروليه واضح أنها من الجيل الجاي بتقدم تطور ملحوظ في الداخليات وهي تنافس تويوتا في سوءهم على صعيد التصميم لول.
سيارتك 5.0L؟