TG CARS _|||_ الموضوع الرسمي للســيارات

[MAX9009]

^
شوف الاكسنت اخر شكل من هونداي شكلها وحجمها وقطعها وفل البنزين حقها زي متطلباتك . او عندك السيراتو من كيا ولو تقدر توصل السعر لل50 فا تاخد فيه كيا ريو الهاتش باك الجديده .. بالنسبه انها تمشي معاك 5 سنين فا اغلب السيارات تعتمد اولاً واخيراً على صاحبها وكيف اهتمامه فيها ياما تحصل سيارات جديده ومدموره بسبب الاستخدام السيء وسيارات قديمه وحالتها ممتازه لانه بالنهايه ترجع للشخص نفسه طبعاً في اشياء دوريه تتغير للسيارات ولا تشيل هم اذا بتاخد من كيا او هونداي

 

[Da NaNo]

شكرا حبيبي واخويه أحمد , الله يجازيكم الجنه أجمعين يارب

خلاص الأن وصلت لسيارتين فقط ( سيراتو , أكسنت )

من الأفضل ؟

وهل السيراتو بتنزل بشكل جديد السنه الجايه ؟

 

[I-NERO-I]

اتفق مع احمد بمسألة العمر طالما انك تحافظ عليها راح تجلس معاك لفترة طويلة .


اشوف الاكسنت خيار حلو ومبروك مقدما على السيارة الي راح تشتريها

 

[Da NaNo]

شكرا اخوي خالد والله يبارك في عمرك ,

راح احافظ عليها بإذن الله وخلاص هيا أكسنت ,

بس عندي سؤال , كم تجيب لي يارس 2007 نوع شركات ( سياحي ) جير اوتوماتيك مصدومه من الرفارف الأماميه وماشيه 95 ألف بس ماشيه زي الحلاوه ومجدد صيانتها قبل شهر ولونها رصاصي

, كم راح تجيب لي في السوق ؟

 

[I-NERO-I]

[video=youtube;8W4iZ382VqA]http://www.youtube.com/watch?v=8W4iZ382VqA&feature=related[/video]

ودي اسوق وحدة ولو لمدة 10 دقائق فقط


وداعا مورتشلاجو :crying: بما ان الافنتدور راح تكون خليفتها .

 

[Da NaNo]

يا أخوان إيش رايكم بالـgeely ec7 ؟

 

[MAX9009]

^
ولو انها شكلياً وتقنياً احسن من الاكسنت لكن لا توقع نفسك بوجع راس انت في غنى عنه السيارات الصينيه اللي بدات تطلع الفتره هذي لسه الواحد مايدري كيف اداءها كيف قطعها ومدى توفرها كيف جودتها .. على الاقل هونداي وكيا وغيرهم لهم مكانتهم بسوق انتاج السيارات من زمن طويل فا خليك على رايك الاول وتوكل على الله الاكسنت الشكل الاخير حلوه وزي متطلباتك .. وبالنسبه لليارز ممكن تجبلك و الله اعلم حدود 15 الف

 

[Da NaNo]

شكراً للجميع وانا قررت اشتري الشهر الجاي ريو 2012 الشكل القديم

ايش رايكم ؟؟

قير تماتيك + زجاج كهرباء + بدون مسجل + الشنطه تفتح من الخارج فقط = 35000 ريال ( شامل لوحات و استماره و تأمين )

احسن من اليارس الشكل القديم ؟؟

 

[Da NaNo]

وهدي شكلها رهيب ! ايش رايكم ؟

 

[Hironobu Sakaguchi]

موضة جديدة في شوارعنا!
جيلي الصينة المالكة لشركة فولفو حاليا!!!

مافي معلومات اكثر؟

 

[Painkiller Q8]

شباب حبيت اشوف آرائكم؟ عن KIA Sorento 2012

طبعا في الخليج الناس ماخذه فكره عن الكيا انها "خايسه" حسب آراء الناس في الدوام والاصدقاء والأهل.. وكل ما أسال احد منهم "السبب" ؟ يقول انها كوريه وماركه جديده وبعدين يسكت !!
بس كثير اجانب ومواقع رسميه محايده واليوتيوب تشهد لهذه السياره بأنها فوق الجيد جدا لانها بمواصفات عاليه مثل الطوارق واللكسز .. لكن الإسم KIA
وانا قريت مقالات عن السياره من متخصصين في مجال سيارات الSUV والكل يمدح في السورينتو الجديد .. وأنه الافضل بفئته بالنظر للمواصفات والسعر .. والانطباعات تبشر بخير

المهم انا قررت اشتريه مثل ما قررت اشتري سيارات قبله بس في آخر لحظان ناس تغير رأيي في السيارات المختاره.. وحاليا الكيا هذا عجبني جدا وناوي عليه بس حبيت اسمع رأي اي احد مجرب سياراتهم من موديل 2010 وما فوق

لسعر 7.250 دينار كويتي .. كامل المواصفات 6 سلندر بقوه 277حصان اللون اسود

الصوره

فيديو ريفوي شامل ودقيق
[video=youtube;aDgz2DoWZLg]http://www.youtube.com/watch?v=aDgz2DoWZLg[/video]

 

[S n A k e]

^
عندك الفورد ايدج انا اشوفها افضل من ناحية اسم ماركه وشكل ومواصفاتها ممتازه

 

[SnakeEater]

وجود علامه الكيا نقص من مقدارها عندي.

 

[Painkiller Q8]

^
عندك الفورد ايدج انا اشوفها افضل من ناحية اسم ماركه وشكل ومواصفاتها ممتازه

المشكله ان ادج ضعف السعر او ثلثين السعر حسب المواصفات :/

وجود علامه الكيا نقص من مقدارها عندي.

لاتحكم على السياره من اسمها .. ترا حتى النيسان او التيوتا او حتى الBMW عندهم سيارات الله بالخير ... "علامة" السياره لايعني انها ممتازه !

 

[عاشق 360]

مرحبا شباب

اليوم رحت معرض الفورد وشفت الاكسبلورر , السياره رهيبه , الالكترونيات الي فيها كثيييره , وتحكم كاااامل للداش بورد بالصوت , وجربته فعال جدا !!

حبيت التصميم الداخلي للسياره وانبهرت من الشاشات الي فيها رهييبين , والسعر رهيب , 150 الف .

وانا طالع شفت اللنكلون MKX الي بنفس حجم الاكسبلورر وبمواصفات اكثر , عجبتني !!!! فخمه كثير .

وسعرها كان بحدود ال 170 الف ريال

شنو تنصحون ؟؟ وشالفرق بين الثنتين ؟؟ ومتى راح يغير موديل السيارتين تقريبا ؟ وهل فيه بدائل بنفس السعر ؟؟ 180 الف ريال كحد اقصى
مالي اي خبره بالفورد ومشتقاتها ...

 

[Zero]

بالنسبة لGeely، سوق السيارات من أصعب الأسواق دخولا في العالم، الشركة محتاجة سنوات علشان تكون معروفة وتتوفر منتجاتها بشكل أكبر، قبل فترة فقط مر علي تقرير أن أغلب الناس يشتروا السيارة بناء على سمعة الشركة أكثر من جودة السيارة نفسها وكلام المراجعات بعض النظر عن الماركة. عموما لو كل عقدين من الزمن منذ الستينات برزت فيها سيارات معينة، دائما أقول أن 60-70 للأمريكي و80-90 للياباني و00-10 للكوري على صعيد السيارات الاستهلاكية. الصينيين تأخروا وجود بدخول هذا السوق ويمكن ما يثبتوا أنفسهم إلا ب2020 وخلاص الناس يكونوا مقتنعين اقتناع كلي، أنتون تدروا كيا من متى متأسسة؟ منذ عقود طويلة.

أما بالنسبة لكيا، من جدكم للحين في ناس تقول هالكلام؟ العلامة؟! سورنتو وسبورتج سيارات "ممتازة" والكل يشهد لها في كل مكان، ومو بس من هالموديل. خالد لو عجبتك توكل على الله.

بالنسبة لفورد، الإكسبلورر وإيدج وMKX كلهم تغيروا ب2011 يعني الموديل جديد، ويش دخل إيدج إنزين؟ هي MKX بالنسخة الفوردية، شيك عليها وعلى المواصفات قبل لا تتهور وتنط على MKX هذا غير أن إيدج شكلها رياضي أكثر.

بالنسبة للفرق؟ شوف كيف كان الإكسبلورر قبل 2011، السيارة تغيرت تغير جذري بس نوعها ما زال Mid-size SUV، إيدج وMKX عبارة عن Crossovers، من هيكل السيارة الخارجي لكل من ال3 السيارات يتبين هالشيء.

شخصيا لواحد شباب أرشح الإيدج وشيك المواصفات الموجودة عندهم.

 

[SnakeEater]

Painkiller, خذ لك جيب جراند شروكي , اقوى بمليون مره من الكيا وافخم وارسى واريح واجمل شكل بعد.

والمواد المستخدمه في الداخليه مش مشي حالك. واذا السعر غالي عليك شوي خذ لك الشكله الأقدم برضه يضل افخم من الكيا.

 

[Zero]

الجراند شيروكي سيارة ممتازة وعندها قدرة Off-road وكل شيء، بس سعرها مرتفع لكنها قوية وتستحقه.

 

[i7asan]

بين كيلر السيارة اذا عجبتك وسمعت عنها كلام ممتاز في الريفيوات توكل على الله واخذها ولا تتابع احد
انا يوم جيت اخذ سيارة ماسألت احد لأن عارف الكل بقول لأ .. الماركة سمعتها تعبانه في البلد، الوكيل تعبان، ماتسوى سعرها ووو.. وشوف لك غيرها
والحمدلله اخذت الشي اللي يعجبني ومرتاح معاه

اللي قاعد اشوفه في سيارات كيا الجديدة.. مواصفات وتقنيات وتصاميم افضل من المنافسين وبسعر مناسب
اذا عجبتك روح جربها اذا في تجربة وتوكل على الله وخذ اللي يعجبك

 

[خالد العجمي xXx]

شباب وش رايكم في جيب بورش كايينs اوGTS؟

 

[Zero]

الموضوع تصحّر مرة أخرى، خير شباب؟ :laugh::

معرض جنيف جاء وانتهى وكالعادة أوتوبلوج حط ملخص مختصر فيه كل الحاجات المعروضة http://www.autoblog.com/2012/03/08/we-obsessively-covered-the-2012-geneva-motor-show/

Aventador المفتوح وF12 يعوروا القلب :sadwalk: المعرض بكبره عوار قلب، كله سيارات غالية.

 

[Spartan-A34]

يا اللهي :O

 

[snake eyes]

الموضوع تصحّر مرة أخرى، خير شباب؟ :laugh::

أنت السبب :sarcastic:

عموماً في اخبار كثير وملخص اوتو بلوق كفى ووفى, عشان كذا نحط لكم خبر واحد عن كيا ابيروس/K9 الجديده.

الباقي هنا

 

[s3rorh]

وات ذا! !! فكرتها BMW

 

[NCC-1701]

الكيا حلوه. فيها من البانيميرا والبي ام.

 

[JIN KAZAMA]

اللاندكروزر الصيني


بالمناسبه شفتوا الاود... قصدي السانتافي الجديده ؟

 

[Zero]

تمزح صح؟! السانتا في موجودة قبل لا تنصنع الأودي حتى + ما تشبهها ولا تقرب لها حتى، أما إذا على الLED أودي ابتدعوا هالشيء الغبي وقامت كل الشركات تحطه... المشكلة أنه قبيح >_>!

أما K9 (أو الأوبيروس) السيارة فيها نفس محركات الجينسس سيدان الجديدة (محرك V8 429 ممتاز ويفتح النفس)، أمنيتي أشوف محرك بنفس القوة على سيارة كوبيه كورية.

 

[II EYAD II]

شباب الفتره الأخيره بعد ما بعت سيارتي وقاعد بدون سياره افكر جديا اني اخذلي سياره كوبيه طبعا على حسب المحفظه الموجوده ,, فخلال شهر الي شهرين ان شاء الله افكر اني اخذلي تشالنجر اس اي ما ادري تنصحوني بالفئه هذه عليها عرض ؟ ما ادري بس الشكل الكلاسيكي هو الي محببني فيها وفوق كل هذا صوت المحرك المتوحش . عموما اذا في احد هنا عنده السياره او له خبره ياليت يعطيني نصائحه ؟

 

[II EYAD II]

واو على ابيروس الجديده اخذه من الشكل الألماني بطريقة مخيفه

 

[Zero]

ما أنصحك بالتشالينجر، أداء أضعف من المنافسين + وزن ثقيل + داخلية أقل مستوى + مبالغ بسعرها بالنسبة للي تقدمه مقارنة بالمنافسين، لو تبحث عن قيمة أفضل بالنسبة للي تدفعه شوف لك موستنج أو كمارو. هو ما في أحد مو معجب بالشكل الكلاسيكي... بس الشكل مو كل شيء.

شوف، أنا لو كنت مكانك ما بشتري تشالينجر إلا في حالة واحدة فقط: لو كنت فان مجنون للشركة و/أو السيارة نفسها، عدى ذلك الخيارات الأخرى أفضل بوضوح.