خلصت الجزيرة الأولى وحسيت عندي كلام كثير ابغى اقوله لذلك بشارك انطباعي من الان
قبل ما اتكلم عن اللعبة نفسها خلوني اتكلم عن شعوري وقت اعلان اللعبة وتحديدا مع التريلر هذا:
التريلر كان فيه مشاهد سينمائية ومشاهد من داخل اللعبة، المشهد السنمائي بالبداية كان fine لحد ما سونيك تبدأ تطلع منه حاجات كأنها قلتشات او إلكترونية والصدق انا مش فان للحاجات هذي وماتحمسني ابدا، والمشاهد اللي كانت من داخل اللعبة كان شعورها غرييييييب، لايك كأنها ديموز انريل انجن زي هذا:
الثيم القلتشي وعالم الانريل انجن ماخلوني اتحمس ابدا على عكس تريلر الكشف عن فورسيز مثلا ..
تريلر ملحمي ومافيه اي حاجة غريبة او منفرة وحتى اول تريلر شفنا فيه حاجة من داخل اللعبة كان نار
نعم.. اللعبة جابت العيد لاحقا بس على الاقل قدروا انهم يكسبون اهتمامي عكس فرونتيرز اللي دمرت اهتمامي من اول عرض
ما اهتميت ابدا باللعبة حتى من بعد الانطباعات الايجابية والسبب ان فانز سونيك بعض الاحيان يعطون باس لكم لعبة سونيك ماتعجبني فما اقدر اثق برأيهم تماما، بس كون اللعبة توفرت على البلس قلت اعطيها فرصة
والنتيجة؟ نفس ماتوقعتها .. العبة جد كأنها ديمو انريل انجن مع بلاتفرومز متوزعه بالعالم خصوصا مع الموسيقى الهادية حقتها تحسها من المقطوعات المجانية اللي تقدر تستعملها باليوتيوب .. مراحل السايبر سبيس للأسف محبطة، قصيرة ومافيها اي تميز بالشكل، مره ازعل لما اتذكر مراحل جينيريشن قد ايش كانت روعة ومميزة وكل طريق اخذه اشوف حاجة مختلفة .. مراحل فرونتيرز اقل تميز واصغر من ناحية المسارات واقصر مدة، برضوا فيه حاجة رخيصة مره.. نسخ مراحل السايبر سبيس من مراحل قديمة
التحكم ماعندي مشكلة معاه بس ليه شعور سونيك وهو يركض بالعالم مره بطيء حتى مع البوست؟ شايف فيه خيارات تسريع بالاعدادات.. ما اعرف ايش تسرع بالضبط لأني يوم خليتها على الأخير مافي حاجة تغيرت بسرعة سونيك، ايضا كثير مرات يصير هالشيء:
سكيل ايشو يب.. بس دايم تصير بشكل مزعج وهذا حتى باول جزيرة، حطوا جدار او شيء بعدين صعبوها بالجزر الجاية مو مشكلة
ظهور الأجسام فجأة واختفائها لما تبعد عنها حاجة مره تفشل، جالس اتخيل شكل اللعبة وانا اشوف الأجسام كلها طالعة من بعيد كنت مره راح اتحمس استكشف اكثر واوصل لهم، بس هالحركة تقتل الفضول للاستكشاف وتعطي احساس ان العالم فارغ، ايضا فيه مشكلة دايم اقع فيها.. وهي اني ما ادري هو انا خلصت هالمكان او لا اصلا حتى مع تشييكي على الخريطة يخليني اتوقع انه مكان جديد بس انا ماجيته ولما احاول اوصل له واروح عنده اكتشف انه اصلا قديم! كيف تعاملتوا مع هالمشكلة؟
اللعبة شكليا بصراحة قبيحة.. شكل العالم واقعي وسونيك كرتوني والاعداء روبوتات، مافي حاجة راكبه على الثانية .. ماريو لما سوتها مع اوديسي قدرت تخليها لايقة بشكل ما بس هنا فيها حاجة off
الكومبات كنت شايفه ركيك من العروض خصوصا حركة دوران سونيك بالهواء واللي طالعة مره غريبة، بس للأمانة طلع لا بأس فيه .. الأعداء والميني بوسز عاديين بس مش عارف ليه الميني بوسز جالسين يرجعون من بعد ما اهزمهم؟ وبالنسبة للزعيم الرئيسي الأول.. اعرف ان كثير انبهر فيه بس يا انه طفشني! خشيت عليه اول مره والرينقز خلصت بسرعة ورجعت للعالم اجمع وخشيت عليه مره ثانية والدم حقه ينقص بصعوبة! الين استوعبت اني لازم اضغط دائرة ومثلث عشان تتفعل الحركة اللي تمسح عار البوس
هل هذي كل حاجة ابغى اقولها؟ بالحقيقة لا.. بقت اخر حاجة واللي هي حاجة تنسف كل حاجة قلتها فوق، مع كل الحاجات اللي قلتها الا اني للأسف استمتعت .. فيه متعة بالتنقل بالعالم وانهاء التحديات فيه، مراحل السايبر سبيس حتى وان كانت اي كلام ومنسوخه بس تحقيق الS دائما ممتع، برضوا حتى جزئيات البلاتفورمنق اللي موجودة في العالم عشان توصل لمكان معين ممتعة.. اقصد اللي تكون طويلة شوي مش اللي تخلص بسرعة، خلصت %90 تقريبا من الجزيرة الأولى .. حرية الذهاب لأي مكان وعمل اي شيء اريده فيه متعة، بس مع ذلك مرات اللعبة تسوي هالشيء:
نطيت من فوق وحاولت اروح يسار عشان انزل على المكان من فوق بس اللعبة قالت لا.. لازم اوصل له بالطريقة اللي هم بس يبونها! وقمة العشوائية لما طلع البوس لول .. فيعني اللعبة ماتعطي الحركة بحرية %100 في العالم، وايضا فيه حاجة كويسة في اللعبة وهي اني اقدر العبها وانا مطفي مخي تماما، يصادف ان الفترة الحالية ابغى حاجة زي كذا
بكمل اللعبة بس مابتكون لعبتي الرئيسية، بحاول العب حاجة ثانية معها واخليها اللعبة الجانبية بس لو انشغلت بلعبة ثانية يمكن اسحب عليها ما اعرف
حاجة اخيره ابغى اعرفها.. كيف سونيك لما ينطلق بأعلى سرعته الطيور تطير معاه بنفس السرعة؟ لا يكون خطأ بالماتريكس؟
